မၤတၢ် 19:15 - Sgaw Karen Common Bible

¹⁵ ဘၣ်ဆၣ်ဒီးတၢ်နါစံးဘၣ်အီၤ, “ယသ့ၣ်ညါယ့ၣ်ၡူးဒီးယနၢ်ဟူဘၣ်ဃးစီၤပီလူးအဂ့ၢ်လီၤ. မ့မ့ၢ်သုဝဲသုမ့ၢ်မတၤတဖၣ်လဲၣ်.”

မၤတၢ် 19:15 Iomraidhean Croise

လံာ်မၢ်ကူး 1:24

အဝဲဒၣ်ကိးပသူထီၣ်ဒီးစံး, “ပှၤနစၤရ့းဖိယ့ၣ်ၡူးဧၢ, နတၢ်ဘၣ်ဃးဒီးပှၤအိၣ်မနုၤလဲၣ်. နဟဲလၢနကမၤဟးဂီၤကွံာ် ပှၤအဂီၢ်ဧါ. နမ့ၢ်မတၤတဂၤလဲၣ်န့ၣ်ယသ့ၣ်ညါနမ့ၢ်ပှၤစီဆှံ လၢကစၢ်ယွၤမၢလီၤအီၤတဂၤန့ၣ်လီၤ.”

လံာ်မၢ်ကူး 1:34

ဒီးအဝဲဒၣ်မၤဘျါက့ၤပှၤဆူးပှၤဆါလၢအဘၣ်န့ၢ်တၢ်ဆူးတၢ်ဆါ အကလုာ်ကလုာ်အါဒံအါဂၤလီၤ. ဟီထီၣ်ကွံာ်စ့ၢ်ကီးတၢ်နါအါဒုလီၤ. ဘၣ်ဆၣ်ဒီးတပျဲတၢ်နါတဖၣ်ကတိၤတၢ်နီတထံၣ်နီတဘီဘၣ်. မ့ၢ်လၢတၢ်နါတဖၣ်သ့ၣ်ညါဝဲလၢအမ့ၢ်မတၤတဂၤလဲၣ်အဃိလီၤ.

မၤတၢ် 19:14

ယူဒၤပှၤလုၢ်တၢ်အခိၣ်အဒိၣ်ကတၢၢ်လၢအမံၤမ့ၢ်စီၤစက့းဝၤန့ၣ်, အဖိခွါအိၣ်ဝဲနွံဂၤလၢအမၤတၢ်ဒ်န့ၣ်အသိးလီၤ.

မၤတၢ် 19:16

ပှၤလၢတၢ်နါဒိးအီၤတဂၤန့ၣ်, စံၣ်ပှီၤအဝဲသ့ၣ်ဆူၣ်ဆူၣ်ကလဲာ်ဒီးမၤနၢၤမၤဃၣ်ကွံာ် အဝဲသ့ၣ်ခဲလၢာ်လီၤ. အဝဲသ့ၣ်ကိးဂၤဒဲးဃ့ၢ်ထီၣ်ကွံာ်လၢ အဟံၣ်, အိၣ်ဘ့ၣ်ဆ့ဒီးဘၣ်ဒိဘၣ်ထံးနးနးကလဲာ်လီၤ.

ယၤကိာ် 2:19

မ့ၢ်နနာ်လၢကစၢ်ယွၤအိၣ်ထဲတဂၤဧိၤန့ၣ်ဧါ. ဂ့ၤလီၤ. တၢ်နါတဖၣ်စ့ၢ်ကီးနာ်ဝဲဒ်န့ၣ်, ဒီးကနိးကစုာ်လၢတၢ်ပျံၤတၢ်ဖုး အပူၤလီၤ.