မၤတၢ် 19:13 - Sgaw Karen Common Bible

¹³ ပှၤယူဒၤဖိတနီၤလၢအဟးဝ့ၤဝီၤဒီးဟီထီၣ်ကွံာ်တၢ်နါတဖၣ်ဂုာ် ကျဲးစၢးသူစ့ၢ်ကီးကစၢ်ယ့ၣ်ၡူးအမံၤလၢကဟီထီၣ်ကွံာ်တၢ်နါ အဂီၢ်လီၤ. အဝဲသ့ၣ်စံးဘၣ်တၢ်ဝံတၢ်နါတဖၣ်, “လၢယ့ၣ်ၡူးလၢစီၤပီလူးစံၣ်တဲၤတဲလီၤအီၤတဂၤအမံၤ န့ၣ်, ယဟ့ၣ်လီၤနၤယကလုၢ်န့ၣ်လီၤ.”

မၤတၢ် 19:13 Iomraidhean Croise

လံာ်တၢ်ကဲထီၣ်အခီၣ်ထံး 4:12

နမ့ၢ်ဂုာ်ကျဲးစၢးသူၣ်လီၤတၢ်မုၢ်တၢ်ဘိတဖၣ်ဘၣ်ဆၣ်ဒီးဟီၣ်ခိၣ် တဟ့ၣ်ထီၣ်တၢ်နီတမံၤဘၣ်. နကကဲထီၣ်ပှၤဟးဝ့ၤဝီၤတဂၤလၢအဟံၣ်တအိၣ်လၢဟီၣ်ခိၣ်ချၢန့ၣ် လီၤ.”

လံာ်တၢ်ကဲထီၣ်အခီၣ်ထံး 4:14

နဟီထီၣ်ကွံာ်ယၤလၢတၢ်လီၢ်အံၤဒီးဟီယံၤကွံာ်ယၤလၢနမဲာ်ညါ န့ၣ်လီၤ. ယကမ့ၢ်ပှၤဟးဝ့ၤဝီၤတဂၤလၢအဟံၣ်တအိၣ်လၢဟီၣ်ခိၣ်ချၢဒီးကယဲၢ် ပှၤတဂၤလၢ်လၢ်လၢအထံၣ်ယၤကမၤသံယၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 22:16

ဘၣ်ဆၣ်စီၤအၤဃာ်စံးဆၢဝဲ, “ဖဲနကတိၤတၢ်ဒီးယၤလၢယွၤအမံၤ အပူၤန့ၣ်, တဲတၢ်မ့ၢ်တၢ်တီတက့ၢ်. ယကဘၣ်တဲနၤတၢ်အံၤပှံၤဘျီလဲၣ်.”

စံးထီၣ်ပတြၢၤ 109:10

မ်အဖိတဖၣ်ဟးဝ့ၤဝီၤဒီးဃ့အီၣ်တၢ်, မ်အဘၣ်တၢ်ဟီထီၣ်ကွံာ်အီၤလၢတၢ်ဟးဂီၤအလီၢ်တဖၣ်လၢအအိၣ် ဝဲဆိးဝဲန့ၣ်တက့ၢ်.

လံာ်မးသဲ 12:27

သုမ့ၢ်စံးလၢယနီၣ်ထီၣ်ဟီထီၣ်ကွံာ်တၢ်နါတဖၣ်ခီဖျိတၢ်စိကမီၤလၢ ဘဧၤလးစဘူာ်ဟ့ၣ်ယၤဒီး, သုပှၤတဖၣ်ဟီထီၣ်ကွံာ်တၢ်နါခီဖျိမတၤလဲၣ်. မၤသးဒ်န့ၣ်ဒီး, အဝဲသ့ၣ်ကကဲထီၣ်ပှၤစံၣ်ညီၣ်သုလီၤ.

လံာ်မးသဲ 26:63

ဘၣ်ဆၣ်ယ့ၣ်ၡူးအိၣ်ဘှီၣ်ကလာ်လီၤ. မၤကဒီးတဘျီပှၤလုၢ်တၢ်အခိၣ်အဒိၣ်ကတၢၢ် ကတိၤတၢ်လၢယ့ၣ်ၡူးဒီးစံး, “အခဲအံၤယမၢနဆိၣ်လီၤနသး လၢကစၢ်ယွၤလၢအမူဝဲတဂၤအမံၤအပူၤလီၤ. တဲဘၣ်ပှၤ, မ့ၢ်နမ့ၢ်ခရံာ်, ကစၢ်ယွၤအဖိခွါန့ၣ်ဧါ.”

လံာ်မၢ်ကူး 5:7

ဒီးကိးပသူထီၣ်လၢအကလုၢ်ဖးဒိၣ်ဒီးစံးဝဲ, “ယွၤလၢအဒိၣ်ကတၢၢ်ထီကတၢၢ်တဂၤအဖိခွါယ့ၣ်ၡူးဧၢ, မ့ၢ်နဘၣ်ဃးဒီးယၤဒ်လဲၣ်. ယဃ့ကညးနၤလၢယွၤအမဲာ်ညါမၤအၢမၤနးယၤတဂ့ၤ.”

လံာ်မၢ်ကူး 9:38

စီၤယိၤဟၣ်စံးဘၣ်အီၤ, “သရၣ်ဧၢ, ပထံၣ်ဘၣ်ပှၤတဂၤလၢအဟီထီၣ်ကွံာ်တၢ်နါလၢနမံၤအပူၤ သတးဒီးပတြီအီၤလၢအသုတမၤတၢ်ဒ်န့ၣ်အသိးတဂ့ၤ, မ့ၢ်လၢအတဘၣ်ဃးဒီးပဝဲဒၣ်ဘၣ်အဃိလီၤ.”

လံာ်လူၤကၣ် 11:19

ယမ့ၢ်ဟီထီၣ်ကွံာ်အဝဲသ့ၣ်လၢကျဲဒ်အံၤဒီး, သုပျဲၢ်သုဘီၣ်တဖၣ်ဟီထီၣ်ကွံာ်အဝဲသ့ၣ်လၢကျဲဒ်လဲၣ်. သုပျဲၢ်သုဘီၣ်ဒၣ်ဝဲတဖၣ်အုၣ်အသးလၢသုတၢ်ကတိၤန့ၣ် ကမၣ်ဝဲလီၤ.

လံာ်လူၤကၣ် 9:49

စီၤယိၤဟၣ်ကတိၤထီၣ်တၢ်ဒီးစံးဝဲ, “ကစၢ်ဧၢ, ပထံၣ်ပှၤတဂၤဟီထီၣ်ကွံာ်တၢ်ဝံတၢ်နါလၢနမံၤ, ဒီးပမၢအဝဲဒၣ်ဆိကတီၢ်ကွံာ်, အဂ့ၢ်မ့ၢ်လၢအဝဲတဘၣ်ထွဲဒီးပှၤဘၣ်အဃိလီၤ.”

မၤတၢ် 19:14

ယူဒၤပှၤလုၢ်တၢ်အခိၣ်အဒိၣ်ကတၢၢ်လၢအမံၤမ့ၢ်စီၤစက့းဝၤန့ၣ်, အဖိခွါအိၣ်ဝဲနွံဂၤလၢအမၤတၢ်ဒ်န့ၣ်အသိးလီၤ.

၂ ကရံၣ်သူး 11:4

အဂ့ၢ်ဒ်အံၤ, သုတူၢ်လိာ်ပှၤတဂၤလၢ်လၢ်လၢအဟဲဆူသုအိၣ် ဒီးစံၣ်တဲၤတဲလီၤယ့ၣ်ၡူးအဂၤတဂၤ, တမ့ၢ်တဂၤဃီလၢပစံၣ်တဲၤတဲလီၤလၢအဂ့ၢ်ဘၣ်. ဒီးသုတူၢ်လိာ်သးလၢအလီၤဆီဝဲဒၣ်လၢာ်လၢာ်ဆ့ဆ့ ဒီးသးလၢသုဒိးန့ၢ်လၢပအိၣ်, ဒီးတၢ်သးခုကစီၣ်လၢအလီၤဆီဝဲလၢာ်လၢာ်ဆ့ဆ့ဒီးတၢ် သးခုကစီၣ်လၢသုဒိးန့ၢ်သုဝဲလၢပအိၣ်န့ၣ်လီၤ.

လံာ်စီၤယိၤၡူ 6:26

ဖဲအကတီၢ်ဝဲအံၤ, စီၤယိၤၡူဆိၣ်အၢတၢ်လၢယွၤအမဲာ်ညါဒီးစံးဝဲ, “ပှၤတဂၤဂ့ၤတဂၤဂ့ၤလၢအကျဲးစၢးသူၣ်ထီၣ်က့ၤဝ့ၢ်ယရံၤဃိ န့ၣ်ကဘၣ်ယွၤအတၢ်ဆိၣ်အၢန့ၣ်လီၤ. ပှၤတဂၤဂ့ၤတဂၤဂ့ၤလၢအပာ်လီၤတၢ်အခီၣ်ထံးန့ၣ်, အဖိခွါအဒိၣ်ကတၢၢ်ကလီၤမၢ်ကွံာ်န့ၢ်အီၤ, ဒီး ပှၤတဂၤဂ့ၤတဂၤဂ့ၤလၢအသူၣ်ထီၣ်ဝ့ၢ်အတြဲၤတဖၣ်န့ၣ်, အဖိသဒါကလီၤမၢ်ကွံာ်န့ၢ်အီၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:24

ပှၤအံၣ်စရ့လးဖိတဖၣ်အဂံၢ်အဘါစၢ်လၢမုၢ်နံၤအဝဲန့ၣ်မ့ၢ်လၢ တၢ်သၣ်ဝံၤအသးအဃိလီၤ. အဂ့ၢ်ဒ်အံၤ, စီၤစီလူးမၤတၢ်ဆိၣ်သမှံၤသပှၢ်တမံၤဒီးဟ့ၣ်လီၤ အကလုၢ်လၢ, “တချုးလၢယဟ့ၣ်ကၣ်ဒံးဘၣ်ယဒုၣ်ယဒါတဖၣ်အမုၢ်တနံၤန့ၣ်ပှၤတဂၤ လၢ်လၢ်လၢအအီၣ်တၢ်အီၣ်တမံၤမံၤန့ၣ်တၢ်ဆိၣ်အၢတမံၤကအိၣ်လၢ အလိၤလီၤ.” မၤသးဒ်န့ၣ်ဒီးလၢမုၢ်နံၤအဝဲန့ၣ်ဒီနံၤညါန့ၣ်, ပှၤတအီၣ်တၢ်နီတမံၤနီတဂၤဘၣ်.