မၤတၢ် 18:5 - Sgaw Karen Common Bible

⁵ ဖဲစီၤစံလၤဒီးစီၤတံၤမသ့းလၢအဟးထီၣ်လၢကီၢ်မၤက့းဒနံ ဟဲတုၤဝဲန့ၣ်, စီၤပီလူးဟ့ၣ်လီၤအဆၢကတီၢ်လၢာ်လၢာ်ဆ့ဆ့ လၢတၢ်စံၣ်တဲၤတဲလီၤတၢ်သးခုအကစီၣ်အဂီၢ်, ဒီးအုၣ်အသးလၢပှၤယူဒၤဖိတဖၣ်အမဲာ်ညါလၢယ့ၣ်ၡူးမ့ၢ်ခရံာ် န့ၣ်လီၤ.

မၤတၢ် 18:5 Iomraidhean Croise

လံာ်ယံးရမံယၤ 20:9

ဘၣ်ဆၣ်ဒီးဖဲယစံး, “ယကသးပ့ၤနီၣ်ကွံာ်ယွၤဒီးယတကတိၤလၢၤ တၢ်လၢအမံၤအပူၤလၢၤဘၣ်” န့ၣ်ဒီး, နတၢ်ကစီၣ်န့ၣ်လီၤဂာ်ဒ်မ့ၣ်အူ လၢအအီၣ်တၢ်လၢယသးကံၢ်ပူၤအသိးန့ၣ်လီၤ. ယကျဲးစၢးကီၤယသးအဂ့ၤကတၢၢ်လၢ ယသုတကတိၤဘၣ်အီၤ ဘၣ်ဆၣ်ယပၢၤတံၢ်ဃာ်အီၤတန့ၢ်လၢၤဘၣ်.

လံာ်ယံးရမံယၤ 6:11

ယွၤဧၢ, နတၢ်သးဒိၣ်ထီၣ်ထီဒါအဝဲသ့ၣ်န့ၣ်, အီၣ်ဂီၤတၢ်လၢယပူၤစ့ၢ်ကီး, ဒီးယပၢၤအီၤတန့ၢ်ယံာ်ယံာ်လၢၤဘၣ်.” အန့ၣ်ဒီးယွၤစံးဘၣ်တ့ၢ်ယၤ, “လူလီၤယတၢ် သးကဲၤထီၣ်လၢဖိသၣ်တဖၣ်လၢအအိၣ် လၢကျဲဘိတဖၣ်အပူၤအလိၤဒီးလၢပှၤပိာ်ခွါ သးစၢ်တဖၣ်လၢအပာ်ဖှိၣ်အသးအလိၤန့ၣ်တက့ၢ်. ဝၤတဖၣ်ဒီးမါတဖၣ်ကဘၣ်တၢ်စိာ်ယံၤကွံာ်အီၤ, ဒီးပှၤအသးပှၢ်ဒၣ်လဲာ်တဘၣ်တၢ်ပျဲပူၤအီၤဘၣ်.

လံာ်ယဃ့းစက့လး 3:14

ယွၤအစိကမီၤလီၤဘၣ်လၢ ယလိၤအိၣ်ဒီး အသဟီၣ်ဆူၣ်ဒိၣ်မး, ဒီးဖဲအသး စိာ်ဆှၢကွံာ်ယၤန့ၣ်, ယသးခၣ်ဒီးယသးထီၣ်ယဲလီၤ.

လံာ်မံကၤ 3:8

မ့မ့ၢ်ယဲဒၣ်အံၤ, ယွၤမၤပှဲၤယၤလၢအသးဒီးတၢ်စိတၢ်ကမီၤ, ဒီးဟ့ၣ်ယၤတၢ်သ့ၣ်ညါဘၣ်ဃးဒီးတၢ်စံၣ်ညီၣ်တီဒီးတၢ်သူၣ်ဒူ သးဒူလၢယကစံးဘၣ်တဲဘၣ်အံၣ်စရ့လးအပှၤဂီၢ်မုၢ်လၢ အတၢ်ဒဲးဘးတဖၣ်န့ၣ်လီၤ.

လံာ်လူၤကၣ် 12:50

တၢ်ဒိးဘျၢတမံၤလၢယကဘၣ်ဒိးဘျၢယသးန့ၣ်အိၣ်ဝဲ, ဒီးတချုးဒံးလၢယဒိးယဲန့ၣ်ယသးဘၣ်ကိၢ်ဘၣ်ဂီၤမးယဲဆံးဒိၣ်လဲၣ်.

လံာ်လူၤကၣ် 16:28

ဖဲယဒီပုၢ်ဝဲၢ်ပိာ်ခွါအိၣ်ဝဲယဲၢ်ဂၤန့ၣ်တက့ၢ်. ပျဲအဝဲဒၣ်လဲၤဒီးဟ့ၣ်ပလီၢ်အဝဲသ့ၣ်, ဒ်သိးအဝဲသ့ၣ်အသုတဟဲဘၣ်စ့ၢ်ကီးဖဲတၢ်ဘၣ်တူၢ်တၢ်အလီၢ်တတီၤ အံၤတဂ့ၤန့ၣ်တက့ၢ်.’

လံာ်ယိၤဟၣ် 1:41

အဝဲဃုဒၣ်ထံၣ်န့ၢ်ဆိအဒီပုၢ်ဝဲၢ်စီၤၡံမိၣ်ဒီးစံးဘၣ်အီၤ, “ပထံၣ်န့ၢ်လံမ့းၡံအၤန့ၣ်လံ.” (အခီပညီမ့ၢ်ခရံာ်န့ၣ်လီၤ.)

လံာ်ယိၤဟၣ် 10:24

ဖဲန့ၣ်အခါ, ပှၤယူဒၤဖိတဖၣ်ဟဲအိၣ်ဝးတရံးအီၤ ဒီးသံကွၢ်တၢ်ဒီးစံးဝဲ, “နကပာ်ပှၤလၢတၢ်သးဒ့ဒီအပူၤ ဆံးယံာ်လဲၣ်. နမ့မ့ၢ်ခရံာ်ဒီးတဲဘၣ်ပှၤဖျါဖျါတက့ၢ်.”

လံာ်ယိၤဟၣ် 15:27

ဒီးသုဝဲသ့ၣ်စ့ၢ်ကီး, သုကအုၣ်သုသးလၢယဂ့ၢ် မ့ၢ်လၢသုအိၣ်တ့ၢ်ဒီးယၤလၢတၢ်အခီၣ်ထံးလံၤလံၤ အဃိလီၤ.

လံာ်ယိၤဟၣ် 3:28

သုကစၢ်ဒၣ်သုဝဲသုမ့ၢ်ယပှၤအုၣ်အသးလၢသုနၢ်ဟူတ့ၢ်လံ လၢယစံး, ‘ယတမ့ၢ်ခရံာ်ဘၣ်. ဘၣ်ဆၣ်ဒီးတၢ်မၢလီၤဆိယၤလၢအဝဲအမဲာ်ညါလီၤ.’

မၤတၢ် 10:42

ဒီးအဝဲဒၣ်မၤလိာ်ပှၤဒ်သိးပကစံၣ်တဲၤတဲလီၤတၢ်သးခုအကစီၣ် ဆူပှၤဂီၢ်မုၢ်, ဒီးအုၣ်ပသးလၢအဝဲမ့ၢ်ပှၤတဂၤလၢယွၤဖှူတ့ၢ်အီၤလၢ အကကဲပှၤမူဒီးပှၤသံတဖၣ်အစံၣ်ညီၣ်ကွီၢ်န့ၣ်လီၤ.

မၤတၢ် 15:22

တုၤနုၤတစု, ပှၤတၢ်မၢဖိဒီးတၢ်အိၣ်ဖှိၣ်အပှၤသူၣ်က့သးပှၢ်တဖၣ်, ဃုာ်ဒီးတၢ်အိၣ်ဖှိၣ်ဒီဖုညါ, ပာ်လီၤအသးလၢအကဃုထၢထီၣ်ပှၤတနီၤလၢအဝဲသ့ၣ်အသိးအကျါ ဒီးမၢလီၤအီၤဆူဝ့ၢ်အၣ်တံၤအီာ်တပူၤဃီဒီးစီၤပီလူးဒီးစီၤဘၢ်နါ ဘၤလီၤ. အဝဲသ့ၣ်ဃုထၢထီၣ်ပှၤခံဂၤလၢအဘၣ်တၢ်ပာ်ဒိၣ်ပာ်ကဲ အီၤလၢပှၤစူၢ်က့ၤနာ်က့ၤတၢ်ဖိတဖၣ်, စီၤစံလၤဒီးစီၤယူဒၤလၢအဘၣ်တၢ်ကိးစ့ၢ်ကီးအီၤလၢစီၤဘၢ်စဘါ န့ၣ်လီၤ.

မၤတၢ် 16:1

စီၤပီလူးလဲၤဆူညါဆူဝ့ၢ်ဒ့ၢ်ဘ့ၤဒီးဝ့ၢ်လူစတြၤလီၤ. ဖဲဝ့ၢ်လူစတြၤန့ၣ်အပျဲၢ်အဘီၣ်အိၣ်ဝဲတဂၤလၢအမံၤမ့ၢ်စီၤတံၤမသ့း, ဒီးအဝဲဒၣ်အမိၢ်လၢအမ့ၢ်စ့ၢ်ကီးပှၤစူၢ်က့ၤနာ်က့ၤတၢ်တဂၤ န့ၣ်မ့ၢ်ဝဲပှၤယူဒၤမုၣ်, ဘၣ်ဆၣ်အပၢ်မ့ၢ်ပှၤကြံးခ်ဖိတဂၤန့ၣ်လီၤ.

မၤတၢ် 16:12

စးထီၣ်ဖဲန့ၣ်ပလဲၤတၢ်လၢခိအကျဲဆူဝ့ၢ်ဖံလံးပံၤ, လၢအမ့ၢ်ဝ့ၢ်တဝ့ၢ်လၢအဘၣ်ဃးဒီးကီၢ်မၤက့းဒနံအကီၢ်ဆၣ်အဆိကတၢၢ်တဘ့ၣ်, လၢအအိၣ်လၢရိမ့ၤအတၢ်ပၢအဖီလာ်န့ၣ်လီၤ. ပအိၣ်ပဝဲစှၤနံၤစှၤသီဖဲန့ၣ်လီၤ.

မၤတၢ် 16:9

နၤအဝဲန့ၣ်, စီၤပီလူးဒိးန့ၢ်ဘၣ်တၢ်ထံၣ်လၢညါခီတမံၤဒီး လၢတၢ်ထံၣ်လၢညါခီအပူၤန့ၣ်, အဝဲထံၣ်ဘၣ်ပှၤကီၢ်မၤက့းဒနံဖိတဂၤဆၢထၢၣ်ဒီးဃ့ကညး အီၤဒီးစံး, “ဟဲခီဂာ်ဆူကီၢ်မၤက့းဒနံဒီးမၤစၢၤပှၤတက့ၢ်.”

မၤတၢ် 17:3

တဲနၢ်ပၢၢ်အဝဲသ့ၣ်လၢတၢ်ကွဲးအသးစီဆှံတဖၣ်, ဒီးဟ့ၣ်တၢ်အုၣ်အသးလၢခရံာ်ကဘၣ်တူၢ်တၢ်ဒီးဂဲၤဆၢထၢၣ် က့ၤလၢတၢ်သံအဂ့ၢ်န့ၣ်လီၤ. စီၤပီလူးစံးဝဲ, “ယ့ၣ်ၡူးလၢယဘိးဘၣ်သ့ၣ်ညါသုလၢအဂ့ၢ်တဂၤအံၤမ့ၢ် ခရံာ်န့ၣ်လီၤ.”

မၤတၢ် 18:28

အဂ့ၢ်ဒ်အံၤ, လၢအဝဲဒၣ်ကတိၤဂ့ၢ်လိာ်ဘှီလိာ်တၢ်အိၣ်ဒီး အသဟီၣ်လၢအဆူၣ်ဒီးအသယၢၢ်လၢအဃၢအဃိ, မၤနၢၤကွံာ်ပှၤယူဒၤဖိတဖၣ်လၢတၢ်ကတိၤဂ့ၢ်လိာ်ဘှီလိာ်တၢ် လၢကမျၢၢ်အမဲာ်ညါခီဖျိအယၢၤထီၣ်တၢ်ကွဲးအသးစီဆှံလၢ အဟ့ၣ်တၢ်အုၣ်အသးလၢယ့ၣ်ၡူးမ့ၢ်ခရံာ်န့ၣ်လီၤ.

မၤတၢ် 2:36

အန့ၣ်သတးဒီး, သုဝဲပှၤအံၣ်စရ့လးဖိခဲလၢာ်သုကဘၣ်သ့ၣ်ညါ လီၤတံၢ်လၢယ့ၣ်ၡူးလၢသုပျၤထီအီၤလၢထူၣ်စုညါလိၤတဂၤအံၤ, မ့ၢ်ပှၤလၢကစၢ်ယွၤဒုးကဲထီၣ်အီၤလၢကစၢ်ဒီးခရံာ်န့ၣ်လီၤ.”

မၤတၢ် 20:21

ယဟ့ၣ်ပလီၢ်ပှၤယူဒၤဖိဒီးပှၤကလုာ်ဂၤခံဖုလၢာ်သပှၢ်ပှၢ်ဒ်သိးအဝဲသ့ၣ် ကညိကွံာ်အတၢ်ဒဲးဘးဒီးဃၣ်က့ၤအသးဆူကစၢ်ယွၤအအိၣ်, ဒီးစူၢ်က့ၤနာ်က့ၤပကစၢ်ယ့ၣ်ၡူးန့ၣ်လီၤ.

မၤတၢ် 20:23

ထဲတမံၤ, ယသ့ၣ်ညါလၢဝ့ၢ်ကိးဖျၢၣ်ဒဲးအပူၤန့ၣ် သးစီဆှံဟ့ၣ် ပလီၢ်တ့ၢ်ယၤလၢတၢ်စၢဃာ်ဒီးတၢ်မၤနးမၤဖှီၣ်အိၣ်ခိးပာ်စၢၤ ယခိၣ်န့ၣ်လီၤ.

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

မၤတၢ် 4:20

အဂ့ၢ်ဒ်လဲၣ်န့ၣ်, တၢ်လၢပထံၣ်ဘၣ်တ့ၢ်ဒီး နၢ်ဟူဘၣ်တ့ၢ်တဖၣ်န့ၣ်, ပဆိတ့ၢ်စံးကတိၤလၢအဂ့ၢ်တသ့ဘၣ်.”

မၤတၢ် 9:22

စီၤစီလူးအတၢ်စံၣ်တဲၤတဲလီၤအသဟီၣ်ဆူၣ်ထီၣ်ကွ့ၢ်ကွ့ၢ်, ဒီးလၢယ့ၣ်ၡူးမ့ၢ်သပှၢ်ကတၢၢ်ခရံာ်န့ၣ်ကတိၤဖျါထီၣ်ဝဲလီၤ ဂၢၢ်ကျၢၤဂ့ၤမး, တုၤဒၣ်လဲာ်ပှၤယူဒၤဖိအိၣ်လၢဝ့ၢ်ဒၤမ့ၤစ့းအပူၤ တဖၣ်ကတိၤဆၢအီၤတသ့တဘၣ်လၢၤဘၣ်န့ၣ်လီၤ.

၂ ကရံၣ်သူး 1:19

အဂ့ၢ်ဒ်အံၤယ့ၣ်ၡူးခရံာ်, ကစၢ်ယွၤအဖိခွါတဂၤ, လၢအဘၣ်တၢ်စံၣ်တဲၤတဲလီၤအဂ့ၢ်လၢသုသိးသုကျါလၢစီၤစံလၤ, စီၤတံၤမသ့းဒီးယနီၢ်ကစၢ်ဒၣ်ယဲန့ၣ်တမ့ၢ် ပှၤတဂၤလၢ အ “မ့ၢ်” ဒီး “တမ့ၢ်” လၢတဘျီဃီအတီၢ် ပူၤဘၣ်. အခိၣ်တလိာ်, အဝဲဒၣ်မ့ၢ်ဝဲယွၤအ “မ့ၢ်” န့ၣ်လီၤ.

၂ ကရံၣ်သူး 11:9

ဖဲယအိၣ်ဒီးသုအဖၢမုၢ်ဒီးဖဲယလိၣ်ဘၣ်ကျိၣ်စ့အဆၢ ကတီၢ်န့ၣ်, ယတမၤတံာ်တာ်သုလၢတၢ်မၤစၢၤအဂီၢ်ဘၣ်. ဒီပုၢ်ဝဲၢ်ဟဲလၢကီၢ်မၤက့းဒနံတဖၣ်ဟဲစိာ်န့ၢ်ယၤကယဲၢ် တၢ်လၢယလိၣ်ဘၣ်ယဲခဲလၢာ်လီၤ. ဒ်လၢခါပူၤကွံာ်အသိး န့ၣ်, ခါဆူညါကမ့ၢ်တၢ်ဒ်န့ၣ်အသိးလီၤ. ယတကဲထီၣ်တၢ်ဝံတၢ်ယိးလၢသုဂီၢ်နီတစုဘၣ်.

၂ ကရံၣ်သူး 5:14

ပဘၣ်တၢ်ပၢၤဃာ်ပှၤလၢခရံာ်အတၢ်အဲၣ်န့ၣ်လီၤ. အဂ့ၢ်မ့ၢ်လၢ, ခဲကနံၣ်အံၤ, ပပာ်သူၣ်ပာ်သးလၢပှၤတဂၤသံလၢပှၤခဲလၢာ် အဂီၢ်, အခီပညီမ့ၢ်ဝဲ, ပှၤကိးဂၤဒဲးသံဃုာ်ဒီးအီၤန့ၣ်လီၤ.

ဖံလံးပံၤ 1:23

ယဘၣ်တၢ်ဆီၣ်သနံးယၤလၢတၢ်ခံမံၤအဘၢၣ်စၢၤလီၤ. ယသးအိၣ်ဒိၣ်မးလၢယကပာ်တီၢ်တၢ်အိၣ်မူအံၤဒီးက့ၤအိၣ်မူဘၣ် ဒီးခရံာ်လီၤ. အန့ၣ်မ့ၢ်တၢ်လၢအဂ့ၤဒိၣ်ဒၣ်တၢ်တက့ၢ်လီၤ.

၁ သ့းစၤလနံ 3:2

ဖဲပဆှၢလီၤစီၤတံၤမသ့း, ပဒီပုၢ်ဝဲၢ်လၢအမၤဃုာ်တၢ်ဒီးပှၤလၢ ကစၢ်ယွၤအဂီၢ်, လၢတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီး ခရံာ်အခါန့ၣ်လီၤ. ပဆှၢလီၤအဝဲဒၣ်ဒ်သိးအကဟ့ၣ်ဂံၢ်ဟ့ၣ်ဘါသုဒီးမၤစၢၤသုတၢ် စူၢ်တၢ်နာ်အဂီၢ်,

၁ သ့းစၤလနံ 3:6

မ့မ့ၢ်ခဲကနံၣ်အံၤ, စီၤတံၤမသ့းဟဲက့ၤတုၤလံ, ဒီးအဝဲဒၣ်ဟဲက့ၤစိာ်တၢ်ကစီၣ်အမုာ်ဘၣ်ဃးသုတၢ်စူၢ် တၢ်နာ်ဒီးသုတၢ်အဲၣ်တၢ်ကွံအဂ့ၢ်န့ၣ်လီၤ. အဝဲဒၣ်စံးဘၣ်ပှၤလၢသုသ့ၣ်နီၣ်ထီၣ်ပှၤထီဘိလၢတၢ်သူၣ်မုာ် သးမုာ်အပူၤဒီးလၢသုဆၢထံၣ်ဘၣ်ပှၤထဲသိးဒီးပဆၢ ထံၣ်ဘၣ်သုန့ၣ်လီၤ.

၁ ပ့းတရူး 5:12

ယကွဲးန့ၢ်သုလံာ်ပရၢဖုၣ်ကိာ်ဖိအံၤခီဖျိစီၤစံလၤလၢယပာ်အီၤဒ် ဒီပုၢ်ဝဲၢ်လၢအသးတီဒီးယၤတဂၤအတၢ်မၤစၢၤယၤအပူၤန့ၣ်လီၤ. ယသးအိၣ်ဟ့ၣ်ဆူၣ်ထီၣ်သုဂံၢ်သုဘါဒီးဟ့ၣ်ယတၢ်အုၣ်ယသး လၢတၢ်အံၤမ့ၢ်ကစၢ်ယွၤအဘျုးအဖှိၣ်နီၢ်နီၢ်လီၤ. ဆၢထၢၣ်ဂၢၢ်ကျၢၤလၢတၢ်အံၤအပူၤန့ၣ်တက့ၢ်.