မၤတၢ် 18:28 - Sgaw Karen Common Bible

²⁸ အဂ့ၢ်ဒ်အံၤ, လၢအဝဲဒၣ်ကတိၤဂ့ၢ်လိာ်ဘှီလိာ်တၢ်အိၣ်ဒီး အသဟီၣ်လၢအဆူၣ်ဒီးအသယၢၢ်လၢအဃၢအဃိ, မၤနၢၤကွံာ်ပှၤယူဒၤဖိတဖၣ်လၢတၢ်ကတိၤဂ့ၢ်လိာ်ဘှီလိာ်တၢ် လၢကမျၢၢ်အမဲာ်ညါခီဖျိအယၢၤထီၣ်တၢ်ကွဲးအသးစီဆှံလၢ အဟ့ၣ်တၢ်အုၣ်အသးလၢယ့ၣ်ၡူးမ့ၢ်ခရံာ်န့ၣ်လီၤ.

မၤတၢ် 18:28 Iomraidhean Croise

လံာ်လူၤကၣ် 1:80

ဖိသၣ်ဒိၣ်ထီၣ်လၢနီၢ်ခိဒီးနီၢ်သးလီၤ. အဝဲဒၣ်အိၣ်ဝဲဆိးဝဲလၢပှၢ်မုၢ်ကနၢတုၤလီၤမုၢ်တနံၤ ဖဲအဝဲမၤဖျါထီၣ်အသးလၢကမျၢၢ်အမဲာ်ညါ, လၢအံၣ်စရ့လးအပှၤဂီၢ်မုၢ်န့ၣ်လီၤ.

လံာ်လူၤကၣ် 24:27

ဒီးယ့ၣ်ၡူးတဲနၢ်ပၢၢ်အဝဲသ့ၣ်ဘၣ်ဃးတၢ်လၢအဘၣ်တၢ် စံးတ့ၢ်လၢအဂ့ၢ်လၢတၢ်ကွဲးအသးစီဆှံခဲလၢာ်အပူၤ, စးထီၣ်လၢလံာ်မိၤၡ့တဖၣ်ဒီးဝံခဲလၢာ်အတၢ်ကွဲးတဖၣ်န့ၣ်လီၤ.

လံာ်လူၤကၣ် 24:44

အန့ၣ်ဝံၤဒီး စံးဘၣ်အဝဲသ့ၣ်, “တၢ်သ့ၣ်တဖၣ်အံၤမ့ၢ်ဒၣ်တၢ်တဖၣ်လၢ ယစံးဘၣ်တ့ၢ်သုဖဲယအိၣ်ဒံးယဲဒီးသုအဆၢကတီၢ်န့ၣ်လီၤ. တၢ်ခဲလၢာ်လၢအဘၣ်တၢ်ကွဲးတ့ၢ်အသးလၢယဂ့ၢ်ဖဲစီၤမိၤၡ့အတၢ်သိၣ်တၢ်သီ အလံာ်တဖၣ်အပူၤ, ဝံအတၢ်ကွဲးတဖၣ်, ဒီးလံာ်စံးထီၣ်ပတြၢၤတဖၣ်အပူၤန့ၣ်, ကဘၣ်လၢထီၣ်ပှဲၤထီၣ်ဝဲဒၣ်လီၤ.”

လံာ်ယိၤဟၣ် 5:39

သုဃုကွၢ်ထံတၢ်ကွဲးအသးစီဆှံတဖၣ်, မ့ၢ်လၢသုဆိကမိၣ် လၢသုကန့ၢ်ဘၣ်တၢ်မူအထူအယိာ်လၢအပူၤအဃိလီၤ. ဒီးတၢ်ကွဲးအသးစီဆှံတဖၣ်အံၤအုၣ်အသးလၢယဂ့ၢ်လီၤ.

မၤတၢ် 17:3

တဲနၢ်ပၢၢ်အဝဲသ့ၣ်လၢတၢ်ကွဲးအသးစီဆှံတဖၣ်, ဒီးဟ့ၣ်တၢ်အုၣ်အသးလၢခရံာ်ကဘၣ်တူၢ်တၢ်ဒီးဂဲၤဆၢထၢၣ် က့ၤလၢတၢ်သံအဂ့ၢ်န့ၣ်လီၤ. စီၤပီလူးစံးဝဲ, “ယ့ၣ်ၡူးလၢယဘိးဘၣ်သ့ၣ်ညါသုလၢအဂ့ၢ်တဂၤအံၤမ့ၢ် ခရံာ်န့ၣ်လီၤ.”

မၤတၢ် 18:25

အဝဲဒၣ်ဘၣ်တၢ်သိၣ်လိနဲၣ်လိတ့ၢ်အီၤလၢကစၢ်အကျဲဧိၤ ကပူၤဧိၤ, ဒီးလၢတၢ်သူၣ်ဆူၣ်သးဂဲၤအဒိၣ်အမုၢ်အပူၤစံၣ် တဲၤတဲလီၤတၢ်ဒီးသိၣ်လိသီလိတၢ်လီၤတံၢ်လီၤဆဲးဘၣ်ဃး ယ့ၣ်ၡူးအဂ့ၢ်န့ၣ်လီၤ. ဘၣ်ဆၣ်ဒီးအဝဲဒၣ်သ့ၣ်ညါထဲစီၤယိၤဟၣ်အတၢ်ဘျၢတမံၤဧိၤလီၤ.

မၤတၢ် 18:5

ဖဲစီၤစံလၤဒီးစီၤတံၤမသ့းလၢအဟးထီၣ်လၢကီၢ်မၤက့းဒနံ ဟဲတုၤဝဲန့ၣ်, စီၤပီလူးဟ့ၣ်လီၤအဆၢကတီၢ်လၢာ်လၢာ်ဆ့ဆ့ လၢတၢ်စံၣ်တဲၤတဲလီၤတၢ်သးခုအကစီၣ်အဂီၢ်, ဒီးအုၣ်အသးလၢပှၤယူဒၤဖိတဖၣ်အမဲာ်ညါလၢယ့ၣ်ၡူးမ့ၢ်ခရံာ် န့ၣ်လီၤ.

မၤတၢ် 8:35

အန့ၣ်ဒီးစီၤဖံလံးပူးကတိၤထီၣ်တၢ်စးထီၣ်လၢတၢ်ကွဲး အသးတတီၤအံၤဝံၤ, စံးဘၣ်တဲဘၣ်အီၤလၢတၢ်သးခုအကစီၣ်ဘၣ်ဃး ယ့ၣ်ၡူးန့ၣ်လီၤ.

မၤတၢ် 9:22

စီၤစီလူးအတၢ်စံၣ်တဲၤတဲလီၤအသဟီၣ်ဆူၣ်ထီၣ်ကွ့ၢ်ကွ့ၢ်, ဒီးလၢယ့ၣ်ၡူးမ့ၢ်သပှၢ်ကတၢၢ်ခရံာ်န့ၣ်ကတိၤဖျါထီၣ်ဝဲလီၤ ဂၢၢ်ကျၢၤဂ့ၤမး, တုၤဒၣ်လဲာ်ပှၤယူဒၤဖိအိၣ်လၢဝ့ၢ်ဒၤမ့ၤစ့းအပူၤ တဖၣ်ကတိၤဆၢအီၤတသ့တဘၣ်လၢၤဘၣ်န့ၣ်လီၤ.