မၤတၢ် 18:27 - Sgaw Karen Common Bible

²⁷ ဖဲစီၤအပီးလိၤပာ်လီၤအသးလၢအကလဲၤဆူကီၢ်အဃါယၤန့ၣ်, အပျဲၢ်အဘီၣ်ဖဲဝ့ၢ်အ့းဖ့းစူးတဖၣ်မၤစၢၤအီၤခီဖျိအကွဲး လံာ်ဆူအပျဲၢ်အဘီၣ်အိၣ်လၢကီၢ်အဃါယၤတဖၣ်အအိၣ်, ဒီးသဆၣ်ထီၣ်အဝဲသ့ၣ်အခံဒ်သိးအကတူၢ်လိာ်မုာ်အီၤဖဲန့ၣ်လီၤ. ဖဲအဝဲဒၣ်လဲၤတုၤန့ၣ်, ကဲထီၣ်တၢ်မၤစၢၤအဒိၣ်အမုၢ်လၢပှၤလၢအကဲထီၣ်တ့ၢ်ပှၤလၢ အစူၢ်က့ၤနာ်က့ၤတၢ်ခီဖျိကစၢ်ယွၤအဘျုးအဖှိၣ်တဖၣ်အဂီၢ်လီၤ.

မၤတၢ် 18:27 Iomraidhean Croise

မၤတၢ် 1:15

လၢခံစှၤသီန့ၣ်စီၤပ့းတရူးဂဲၤဆၢထၢၣ်ကတိၤတၢ်လၢပှၤ စူၢ်က့ၤနာ်က့ၤယ့ၣ်ၡူးတဖၣ်အမဲာ်ညါ, ပှၤခဲလၢာ်လၢအပာ်ဖှိၣ်ထီၣ်အသးကအိၣ်အဂၤတကယၤခံဆံ, ဒီးစံးဝဲ,

မၤတၢ် 11:26

တုၤအထံၣ်န့ၢ်အီၤဒီးဟဲက့ၤကိးအီၤဆူဝ့ၢ်အၣ်တံၤအီာ်န့ၣ်လီၤ. လၢဒီနံၣ်ညါအတီၢ်ပူၤန့ၣ်, အဝဲသ့ၣ်ခံဂၤအံၤထံၣ်လိာ်အိၣ်သကိးဒီးတၢ်အိၣ်ဖှိၣ်ဖဲန့ၣ် ဒီးသိၣ်က့ၤသီက့ၤပှၤဂီၢ်မုၢ်လီၤ. အပျဲၢ်အဘီၣ်တဖၣ်ဘၣ်တၢ်ကိး အီၤလၢပှၤခရံာ်ဖိအဆိကတၢၢ်မ့ၢ်ဝဲဒၣ်ဖဲဝ့ၢ်အၣ်တံၤအီာ်အံၤန့ၣ်လီၤ.

မၤတၢ် 15:34

(ဘၣ်ဆၣ်ဒီးစီၤစံလၤပာ်လီၤအသးလၢအကအိၣ်တ့ၢ်ဖဲန့ၣ်လီၤ.)

မၤတၢ် 18:12

ဖဲစီၤကးလံၤအိၣ် ဘၣ်တၢ်ဒုးကဲထီၣ်အီၤလၢရိမ့ၤအပဒိၣ် ဖးဒိၣ်လၢအပၢကီၢ်အဃါယၤန့ၣ်, ပှၤယူဒၤဖိတဖၣ်ပာ်ဖှိၣ်ထီၣ် အသး, ဖီၣ်စီၤပီလူးဒီးဆှၢအီၤဆူကွီၢ်ဘျီၣ်လီၤ.

မၤတၢ် 18:18

စီၤပီလူးအိၣ်ဒံးဝဲဖဲဝ့ၢ်ကရံၣ်သူးဒီးအပျဲၢ်အဘီၣ်တဖၣ် အါနံၤအါသီဝံၤအလီၢ်ခံ, အဝဲဒၣ်ဟးထီၣ်ကွံာ်လၢအဝဲသ့ၣ်အအိၣ်ဒီးဒိးထီၣ်ကဘီလၢ အလဲၤဆူကီၢ်စူၤရံဃုာ်ဒီးနီၢ်ပြံစကံးလၤဒီးစီၤအကူလၤန့ၣ်လီၤ. တချုးအဒိးထီၣ်ကဘီန့ၣ်, အဝဲဒၣ်အိၣ်ဒီးတၢ်ဆိၣ်လီၤ အသးဖဲဝ့ၢ်က့ၣ်ဃရ့းဒီးလူၤကျိကွံာ်အခိၣ်လီၤ.

မၤတၢ် 19:1

ဖဲစီၤအပီးလိၤအိၣ်ဖဲဝ့ၢ်ကရံၣ်သူးအဖၢမုၢ်န့ၣ်, စီၤပီလူးလဲၤဝဲလၢခိအကျဲဒီးလဲၤတုၤဝဲလၢဝ့ၢ်အ့းဖ့း စူးလီၤ. ဖဲန့ၣ်အဝဲဒၣ်ထံၣ်ဘၣ်အပျဲၢ်အဘီၣ်တနီၤ,

မၤတၢ် 9:27

အန့ၣ်ဒီးစီၤဘၢ်နါဘၤနုာ်လီၤမၤစၢၤအီၤဒီးလဲၤကိးအီၤ ဆူပှၤတၢ်မၢဖိတဖၣ်အအိၣ်န့ၣ်လီၤ. အဝဲဒၣ်ကတိၤဒုးနၢ်ပၢၢ်အဝဲသ့ၣ်လၢစီၤစီလူးထံၣ်ဘၣ်တ့ၢ်လံ ကစၢ်ဖဲအလဲၤတၢ်ဆူဝ့ၢ်ဒၤမ့ၤစ့းအကတီၢ်, ဒီးလၢကစၢ်န့ၣ်ကတိၤတ့ၢ်လံတၢ်ဒီးအီၤအဂ့ၢ်တဖၣ်န့ၣ်လီၤ. အဝဲဒၣ်စံးဘၣ်စ့ၢ်ကီးအဝဲသ့ၣ်လၢစီၤစီလူးစံၣ်တဲၤတဲလီၤ တၢ်လၢယ့ၣ်ၡူးအမံၤအပူၤအိၣ်ဒီးတၢ်သူၣ်ဒူသးဒူလၢ ဝ့ၢ်ဒၤမ့ၤစ့းအပူၤအဂ့ၢ်န့ၣ်လီၤ.

ရိမ့ၤ 1:5

ခီဖျိအီၤန့ၣ်, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်ဒီးတၢ် ခွဲးတၢ်ယာ်လၢယကကဲထီၣ်ဘၣ်တၢ်မၢဖိတဂၤလၢခရံာ် အဂီၢ်, ဒ်သိးယကဆှၢက့ၤပှၤကလုာ်တဖၣ်ခဲလၢာ်ဆူ တၢ်စူၢ်က့ၤနာ်က့ၤအီၤအဂီၢ်န့ၣ်လီၤ.

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

1 ကရံၣ်သူး 16:3

ဖဲယဟဲဝံၤအလီၢ်ခံန့ၣ်, ယကဟ့ၣ်လီၤပှၤလၢသုဘၣ်သူၣ်ဘၣ်သးအီၤ တဖၣ်လံာ်ပရၢလၢအတဲဖျါထီၣ်အဝဲသ့ၣ်အဂ့ၢ်, ဒီးဆှၢလီၤအဝဲသ့ၣ် ဒ်သိးအကလဲၤဆှၢသုတၢ်ဟ့ၣ်ဆူဝ့ၢ်ယရူၤၡလ့ၣ်အဂီၢ်န့ၣ်လီၤ.

1 ကရံၣ်သူး 3:6

ယဲဒၣ်ယဖှံလီၤတၢ်ချံ, မ့မ့ၢ်စီၤအပီးလိၤလူတၢ်မုၢ်တၢ်ဘိလၢ အမဲထီၣ်န့ၣ်လၢထံ, ဘၣ်ဆၣ်ဒီး ပှၤလၢအဒုးဒိၣ်ထီၣ်တၢ်မုၢ်တၢ်ဘိန့ၣ် မ့ၢ်ကစၢ်ယွၤလီၤ.

၂ ကရံၣ်သူး 1:24

ပတဂုာ်ကျဲးစၢးနဲၣ်သုလၢသုကဘၣ်စူၢ်တၢ်နာ်တၢ်ဒ်အံၤဒ် နုၤဘၣ်. ပသ့ၣ်ညါလၢသုအိၣ်ဆၢထၢၣ်သုဝဲကျၢၤကျၢၤလၢ တၢ်စူၢ်တၢ်နာ်အပူၤလီၤ. အခိၣ်တလိာ်ပမၤသကိးတၢ်ဒီးသု, လၢသုတၢ်သူၣ်ဖှံသးညီဒၣ်ဝဲအဂီၢ်န့ၣ်လီၤ.

ဖံလံးပံၤ 1:25

ယသးတဒ့ဒီလၢတၢ်ဂ့ၢ်အံၤဘၣ်. ဒီးလၢတၢ်န့ၣ်အဃိယသ့ၣ်ညါလၢယကအိၣ်မူဒံးလီၤ. ယကအိၣ်မူဒံးဒီးသုခဲလၢာ်ဒ်သိးကမၤအါထီၣ်သုတၢ်လဲၤထီၣ် လဲၤထီဒီးသုတၢ်သးခုလၢတၢ်စူၢ်တၢ်နာ်အပူၤန့ၣ်လီၤ.

ဖံလံးပံၤ 1:29

သုဘၣ်တၢ်ဟ့ၣ်သုအခွဲးအယာ်လၢသုကဖံးတၢ်မၤတၢ်လၢ ခရံာ်အဂီၢ်, တမ့ၢ်ထဲလၢသုစူၢ်သုနာ်အီၤအဂီၢ်ဘၣ်, မ့မ့ၢ်လၢသုကတူၢ်တၢ်လၢအဂီၢ်စ့ၢ်ကီးန့ၣ်လီၤ.

ကလီးစဲ 2:12

အဂ့ၢ်ဒ်အံၤ, ဖဲသုဒိးစူၢ်ဒိးဘျၢသုသးအခါန့ၣ်, သုဘၣ်တၢ်ခူၣ်လီၤကွံာ်သုဃုာ်ဒီးခရံာ် ဒီးသုဘၣ်တၢ်ဒုးဂဲၤ ဆၢထၢၣ်က့ၤသုလၢတၢ်သံအပူၤဃုာ်ဒီးခရံာ်ခီဖျိလၢသုတၢ် စူၢ်တၢ်နာ်ယွၤအစိအကမီၤလၢအဒုးဂဲၤဆၢထၢၣ်သမူထီၣ်က့ၤ ခရံာ်လၢတၢ်သံအပူၤအဃိန့ၣ်လီၤ.

ကလီးစဲ 4:10

စီၤအရံးစတၢ်ဃူးလၢအလီၤဘၣ်ဃိာ်တပူၤဃီဒီးယၤဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ. စီၤဘၢ်နါဘၤအတခွါစီၤမၢ်ကူး (ပှၤလၢသုဘၣ်တၢ်မၢတ့ၢ်သုလၢသုကတူၢ်လိာ်ခီၣ်ဆၢအီၤဖဲ အဝဲလဲၤဘၣ်ဆူသုအိၣ်တဘျီလၢ်လၢ်တဂၤ) စ့ၢ်ကီးဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ.