မၤတၢ် 18:25 - Sgaw Karen Common Bible

²⁵ အဝဲဒၣ်ဘၣ်တၢ်သိၣ်လိနဲၣ်လိတ့ၢ်အီၤလၢကစၢ်အကျဲဧိၤ ကပူၤဧိၤ, ဒီးလၢတၢ်သူၣ်ဆူၣ်သးဂဲၤအဒိၣ်အမုၢ်အပူၤစံၣ် တဲၤတဲလီၤတၢ်ဒီးသိၣ်လိသီလိတၢ်လီၤတံၢ်လီၤဆဲးဘၣ်ဃး ယ့ၣ်ၡူးအဂ့ၢ်န့ၣ်လီၤ. ဘၣ်ဆၣ်ဒီးအဝဲဒၣ်သ့ၣ်ညါထဲစီၤယိၤဟၣ်အတၢ်ဘျၢတမံၤဧိၤလီၤ.

မၤတၢ် 18:25 Iomraidhean Croise

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

စံးထီၣ်ပတြၢၤ 119:1

ပှၤလၢအလဲၤတၢ်လၢယွၤတၢ်သိၣ်တၢ်သီအပူၤ, ဒီးအကျဲတအိၣ်ဘၣ်ဒီးတၢ်ကမၣ်န့ၣ်, ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 67:2

ဒ်သိးပှၤဟီၣ်ခိၣ်ဖိကသ့ၣ်ညါအကျဲ, ပှၤကလုာ်ခဲလၢာ်ကသ့ၣ်ညါ အတၢ်အုၣ်က့ၤခီၣ်က့ၤအစိကမီၤန့ၣ်တက့ၢ်.

လံာ်ယၡါယၤ 40:3

တၢ်အကလုၢ်ကိးထီၣ်ဝဲ, “ကတဲာ်ကတီၤကျဲလၢယွၤအဂီၢ်လၢပှၢ်မုၢ်ကနၢပူၤ န့ၣ်တက့ၢ်. မၤပျီကျဲလၢမဲးမုၢ်ခိၣ်လၢပကစၢ်ယွၤအဂီၢ်တက့ၢ်.

လံာ်ယံးရမံယၤ 6:16

ယွၤစံးဘၣ်တ့ၢ်အပှၤဂီၢ်မုၢ်, “ဆၢထၢၣ်ဖဲကျဲဘၣ်သဂၢၢ်လိာ်သးဒီးကွၢ်တၢ်တက့ၢ်. သံကွၢ်က့ၤကျဲဖိလၢပျၢၤတဖၣ်ဒီး, ကျဲမုၢ်အဂ့ၤကတၢၢ်အိၣ်ဝဲဖဲလဲၣ်န့ၣ်တက့ၢ်. လဲၤတၢ်လၢအပူၤဒီး သုကအိၣ်မူဘၣ်လၢတၢ်ဃူတၢ်မုာ်အပူၤန့ၣ်လီၤ.” ဘၣ်ဆၣ်ဒီးအဝဲသ့ၣ်စံးဝဲ, “ပတလဲၤပိာ်ဘၣ်.”

လံာ်ဟိၤၡ့ 14:9

မ်ပှၤလၢအကူၣ်သ့ကိးဂၤဒဲးနၢ်ပၢၢ်တၢ်လၢအကွဲးအသးဖဲအံၤ ဒီးမ်အတိၢ်န့ၢ်ဝဲလၢအသးပူၤန့ၣ်တက့ၢ်. ယွၤအကျဲန့ၣ်မ့ၢ်အဘၣ်ဒီးပှၤဂီၢ်မုၢ်လၢအတီဝဲလိၤဝဲကမူလၢ တၢ်ပိာ်ထွဲအီၤအဃိ, မ့မ့ၢ်ပှၤတၢ်ဒဲးဘးဖိတဖၣ်အခီၣ် ကဘၣ်တိၢ်ဒီးကလီၤဃံၤဝဲမ့ၢ်လၢအဝဲသ့ၣ်လဲၤကပာ်အီၤအဃိန့ၣ် လီၤ.

လံာ်မၢ်ကူး 1:3

ပှၤတဂၤန့ၣ်ကိးသတြီထီၣ်လၢပှၢ်မုၢ်ကနၢဒီးစံးဝဲ, ကတဲာ်ကတီၤဒီးမၤဘျၢပာ်ကျဲလၢကစၢ်အဂီၢ်တက့ၢ်.”

လံာ်မၢ်ကူး 12:14

အဝဲသ့ၣ်ဟဲဆူအအိၣ်ဒီးစံးဘၣ်အီၤ, “သရၣ်ဧၢ, ပသ့ၣ်ညါလၢနမ့ၢ်ပှၤတီပှၤလိၤဒီးကတိၤတၢ်တီတီလိၤလိၤ, ဒီးနတပျံၤဒီးကွၢ်မဲာ်ပှၤနီတဂၤဘၣ်န့ၣ်လီၤ. ပှၤအိၣ်ဒီးပှၤလီၢ်ပှၤလၤန့ၣ်နတပာ်ဒိၣ်လီၤဆီအီၤဘၣ်, မ့မ့ၢ်ကစၢ်ယွၤအကျဲလၢအပာ်လီၤဝဲလၢပှၤကညီအဂီၢ်န့ၣ်နသိၣ် လိသီလိအီၤတီတီလိၤလိၤလီၤ. တဲဘၣ်ပှၤတက့ၢ်. ပဟ့ၣ်တၢ်ခိတၢ်သွဲဆူရိမ့ၤအစီၤပၤဖးဒိၣ်န့ၣ် မ့ၢ်အကြၢးဝဲဘၣ်ဝဲကစီဒီဧါ. မ့ၢ်အတကြၢးတဘၣ်ဘၣ်လဲၣ်. မ့ၢ်ပကြၢးဟ့ၣ်ဧါ, မ့တမ့ၢ်တကြၢးဟ့ၣ်ဘၣ်လဲၣ်.”

လံာ်လူၤကၣ် 1:4

ယမၤတၢ်အဝဲအံၤန့ၣ် မ့ၢ်ဒ်သိးနကသ့ၣ်ညါဘၣ်တၢ်မ့ၢ်တၢ်တီ လၢာ်လၢာ်ဆ့ဆ့ဘၣ်ဃးဒီးကယဲၢ်တၢ်သ့ၣ်တဖၣ်လၢ နဘၣ်တၢ်သိၣ်လိတ့ၢ်နၤန့ၣ်လီၤ.

လံာ်လူၤကၣ် 7:29

ပှၤဂီၢ်မုၢ်ခဲလၢာ်, ဒီးပှၤဃ့သွဲတဖၣ်နၢ်ဟူဘၣ်အဝဲအတၢ်စံးတၢ်ကတိၤလီၤ. အဝဲသ့ၣ်မ့ၢ်ပှၤတဖၣ်လၢအစူၢ်တ့ၢ်ကစၢ်ယွၤအတၢ်မၤလိာ်အတီအလိၤတဖၣ် ဒီးဘၣ်တၢ်ဘျၢတ့ၢ်အီၤလၢစီၤယိၤဟၣ်န့ၣ်လီၤ.

မၤတၢ် 13:10

ဒီးစံးဝဲ, “မုၣ်ကီၤလံၢ်အဖိခွါဧၢ, နမ့ၢ်ကယဲၢ်တၢ်ဂ့ၤကိးမံၤဒဲးအဒုၣ် အဒါလီၤ. နပှဲၤဒီးတၢ်လီတၢ်ဝ့ၤအအၢအသီကိးကလုာ်ဒဲး, ဒီးထီဘိတဘိယူၢ်ဃီန့ၣ်နဂုာ်ကျဲးစၢးဒုးကဲထီၣ်ကစၢ် အတၢ်မ့ၢ်တၢ်တီတဖၣ်ဆူတၢ်လီတၢ်ဝ့ၤန့ၣ်လီၤ.

မၤတၢ် 16:17

အဝဲဒၣ်ပိာ်ထီၣ်စီၤပီလူးဒီးပဝဲသ့ၣ်တဖၣ်အခံ, အိၣ်ဒီးတၢ်ကိး ပသူထီၣ်ဝဲ, “ပှၤသ့ၣ်တဖၣ်အံၤမ့ၢ်ကစၢ်ယွၤလၢအဒိၣ်ကတၢၢ် အထီကတၢၢ်တဂၤအခ့အပှၤလီၤ. အဝဲသ့ၣ်ဘိးဘၣ်သ့ၣ်ညါသုလၢသုကဘၣ်တၢ်အုၣ်က့ၤခီၣ် က့ၤသုဒ်လဲၣ်အဂ့ၢ်န့ၣ်လီၤ.”

မၤတၢ် 18:26

အဝဲကတိၤထီၣ်တၢ်ဒူဒူလၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤ လီၤ. ဖဲနီၢ်ပြံစကံးလၤဒီးစီၤအကူလၤနၢ်ဟူဘၣ်အဝဲဒၣ်ကတိၤ တၢ်န့ၣ်, က့ၤကိးအီၤဆူအဟံၣ်, တဲဖျါန့ၢ်အီၤကစၢ်ယွၤအကျဲဒ်သိးအကနၢ်ပၢၢ်ဝဲလီၤတံၢ်ဒိၣ်န့ၢ် အလီၢ်တက့ၢ်လီၤ.

မၤတၢ် 19:23

ဖဲဆၢကတီၢ်အဝဲန့ၣ်, တၢ်ကီတၢ်ခဲအဒိၣ်အမုၢ်အိၣ်ထီၣ်ဝဲဖဲဝ့ၢ် အ့းဖ့းစူးဘၣ်ဃးဒီးကစၢ်အကျဲန့ၣ်လီၤ.

မၤတၢ် 19:3

စီၤပီလူးသံကွၢ်အဝဲသ့ၣ်, “မ့မ့ၢ်ဒ်န့ၣ်ဒီးတၢ်ဒိးဘျၢလၢသုဒိး ဘျၢန့ၣ်မ့ၢ်တၢ်ဒိးဘျၢဒ်လဲၣ်တကလုာ်လဲၣ်.” အဝဲသ့ၣ်စံးဆၢဝဲ, “မ့ၢ်စီၤယိၤဟၣ်အတၢ်ဘျၢလီၤ.”

မၤတၢ် 19:9

ဘၣ်ဆၣ်ဒီးအဝဲသ့ၣ်တနီၤအခိၣ်ကိၤဒီးတစူၢ်တနာ်တၢ်ဘၣ်. ဒီးလၢပှၤကမျၢၢ်ဒီဖုအမဲာ်ညါန့ၣ်, ကတိၤအၢကတိၤသီဝဲကစၢ် အကျဲန့ၣ်လီၤ. လၢတၢ်န့ၣ်အဃိ, စီၤပီလူးဟးဖးဒီးအဝဲသ့ၣ်ဒီးကိးဃုာ်အပျဲၢ်အဘီၣ်တဖၣ်လၢ အသကိး, ဒီးကိးနံၤဒဲးန့ၣ်ကွၢ်ဆိကမိၣ်ကတိၤသကိးတၢ်ဖဲစီၤတူၤရၣ်နူး သိၣ်လိတၢ်အဘျီၣ်ပူၤန့ၣ်လီၤ.

မၤတၢ် 9:2

ဒီးဃ့န့ၢ်ဝဲလံာ်အုၣ်အသးတဖၣ်လၢကလဲၤစိာ်ဝဲဆူဘူၣ် ဘျီၣ်လၢအမ့ၢ်တၢ်ဘါလီၢ်လၢအအိၣ်လၢဝ့ၢ်ဒၤမ့ၤစ့းအပူၤန့ၣ်လီၤ. လံာ်အုၣ်အသးတဖၣ်အံၤမ့ၢ်လၢအကဟ့ၣ်စိဟ့ၣ်ကမီၤအီၤဒ် သိးဒီးဖဲအထံၣ်န့ၢ်ပှၤတဂၤလၢ်လၢ်မုၣ်ဂ့ၤခွါဂ့ၤလၢအပိာ် ကျဲလၢကစၢ်ဒုးနဲၣ်ဝဲန့ၣ်, ကဖီၣ်ဝဲဒီးဟဲက့ၤဆှၢအီၤဆူဝ့ၢ်ယရူၤၡလ့ၣ်ကသ့အဂီၢ်န့ၣ်လီၤ.

ရိမ့ၤ 12:11

မၤတၢ်ဆူၣ်ဆူၣ်ဒီးတဘၣ်ကၢၣ်တဂ့ၤ. မၤကစၢ်အတၢ်မၤလၢသးလၢအပှဲၤဒီးတၢ်အဲၣ်တၢ်ကွံ ဒီးတၢ်ဟ့ၣ်လီၤသးန့ၣ်တက့ၢ်.

၂ တံၤမသ့း 2:4

ပှၤသုးဖိလၢအအိၣ်လၢတၢ်ဖံးတၢ်မၤအပူၤတဂၤန့ၣ်, သးအိၣ်မၤမုာ်မၤမံဘၣ်အသုးခိၣ်အသးသတးဒီး, အဝဲတမၤတံာ်တာ်အသးလၢပှၤပတီၢ်မုၣ်အတၢ် ဂ့ၢ်တၢ်ကျိၤတဖၣ်န့ၣ်ဘၣ်.

ယၤကိာ် 5:16

လၢတၢ်န့ၣ်အဃိ, တဲလီၤကျဲၤလီၤသုတၢ်ဒဲးဘးတဖၣ်တဂၤဒီး တဂၤ, ဒီးဘါထုကဖၣ်လၢတဂၤဒီးတဂၤအဂီၢ်ဒ်သိးသုကဘျါက့ၤ န့ၣ်တက့ၢ်. ပှၤအတီအလိၤတဂၤအတၢ်ထုကဖၣ်န့ၣ်, အိၣ်ဒီးအစိအကမီၤလၢကမၤန့ၢ်တၢ်အါမးလီၤ.

လံာ်ပှၤစံၣ်ညီၣ်ကွီၢ် 2:22

ယကသူပှၤကလုာ်တဖၣ်ဒ်သိးယကသ့ၣ်ညါလၢမ့ၢ်ပှၤအံၣ်စရ့လးဖိတဖၣ်အံၤ ကပိာ်ယကျဲဒ်အမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲအသိး, မ့တမ့ၢ်တပိာ်ဘၣ်ဝဲအဂ့ၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 12:23

မ့မ့ၢ်ယၤန့ၣ်, ယွၤတြီတၢ်လၢယကမၤတၢ်ဒဲးဘးထီဒါအီၤခီဖျိ ယတဘၣ်ဘါထုကဖၣ်လၢၤလၢသုဂီၢ်နီတစုဘၣ်န့ၣ်လီၤ. အခိၣ်တလိာ်, ယကသိၣ်လိသုလၢတၢ်မနုၤဂ့ၤဝဲဒီးဘၣ်ဝဲ လၢသုဂီၢ်လၢသုကမၤအီၤအဂီၢ်န့ၣ်လီၤ.