မၤတၢ် 18:21 - Sgaw Karen Common Bible

²¹ ဘၣ်ဆၣ်ဒီးဖဲအဟးထီၣ်န့ၣ်စံးဘၣ်အဝဲသ့ၣ်, “ကစၢ်ယွၤမ့ၢ်ဘၣ်အသးဒီးယကဟဲက့ၤကဒါက့ၤဆူ သုအိၣ်လီၤ.” ဒီးအဝဲဒၣ်ဒိးထီၣ်ကဘီဒီးဟးထီၣ်ကွံာ် လၢဝ့ၢ်အ့းဖ့းစူးန့ၣ်လီၤ.

မၤတၢ် 18:21 Iomraidhean Croise

လံာ်မးသဲ 26:39

အဝဲလဲၤယံၤထီၣ်ဝဲတစဲး, ထိၣ်လီၤပှီၤအသး, ဒီးကျးလီၤအမဲာ်လၢဟီၣ်ခိၣ်လိၤ, ဒီးဃ့ဘါထုကဖၣ်ယွၤဒီးစံး, “ယပၢ်ဧၢ, မ့ၢ်သ့ဒီးဟံးန့ၢ်ကွံာ်တၢ်နးတၢ်ဖှီၣ်အလီခီအံၤ လၢယအိၣ်တက့ၢ်. ဘၣ်ဆၣ်ဒီး, မ်အသုတမ့ၢ်ဒ်ယသးအတၢ်အဲၣ်ဒိးတဂ့ၤ. မ်အကမ့ၢ်ဒၣ်ဝဲဒ်နသးအတၢ်အဲၣ်ဒိးန့ၣ်တက့ၢ်.”

လံာ်မၢ်ကူး 6:46

အဝဲပျၢ်ကွံာ်ပှၤသ့ၣ်တဖၣ်န့ၣ်မုာ်မုာ်ဝံၤအလီၢ်ခံ, လဲၤထီၣ်ဝဲဆူကစၢၢ်ဒီခိၣ် လၢကဃ့ထုကဖၣ်ယွၤအဂီၢ်လီၤ.

လံာ်လူၤကၣ် 9:61

ပှၤအဂၤတဂၤစံးဝဲ, “ယကဟဲဒီးကဲဘၣ်နပျဲၢ်နဘီၣ်လီၤ, ကစၢ်ဧၢ, ဘၣ်ဆၣ်ဒီးပျဲဆိဒၣ်ကလိာ်ယၤဒ်သိးယကက့ၤ ဒီးဆၢဂ့ၤဆၢဝါယပှၤဟံၣ်ဖိဃီဖိတဖၣ်တက့ၢ်.”

မၤတၢ် 15:29

တၢ်အီၣ်လၢအဘၣ်တၢ်လုၢ်ထီၣ်တ့ၢ်အီၤဆူတၢ်ဂီၤတၢ်ဖီၣ်န့ၣ်, အီၣ်အီၤတဂ့ၤ. အီၣ်တၢ်သွံၣ်တဂ့ၤ. ဆၣ်ဖိကီၢ်ဖိလၢအဘၣ်တၢ်စံၢ်သံအီၤန့ၣ်အီၣ်အီၤတဂ့ၤ. ဒီးဟးဆှဲးတၢ်မၤကမၣ်မုၣ်ကမၣ်ခွါန့ၣ်တက့ၢ်. သုမ့ၢ်ဟးဆှဲးတၢ်သ့ၣ်တဖၣ်အံၤဒီး, ကမ့ၢ်သုမၤတၢ်လၢအကြၢး ဝဲဘၣ်ဝဲန့ၣ်လီၤ. လၢတၢ်ဆၢဂ့ၤအါအပူၤ.”

မၤတၢ် 18:19

အဝဲသ့ၣ်လဲၤတုၤလၢဝ့ၢ်အ့းဖ့းစူး, ဒီးပာ်တီၢ်နီၢ်ပြံစကံးလၤဒီးစီၤအကူလၤဖဲန့ၣ်လီၤ. အဝဲလဲၤနုာ်လီၤဆူဘူၣ်ဘျီၣ်ပူၤဒီးကတိၤဂ့ၢ်လိာ်ဘှီလိာ် တၢ်ဒီးပှၤယူဒၤဖိတဖၣ်လီၤ.

မၤတၢ် 18:20

အဝဲသ့ၣ်မၢအဝဲအိၣ်ယံာ်ထီၣ်တစဲး, ဘၣ်ဆၣ်အဝဲဒၣ်တအၢၣ်လီၤ အဝဲသ့ၣ်ဘၣ်.

မၤတၢ် 18:24

ပှၤယူဒၤဖိလၢအမံၤမ့ၢ်စီၤအပီးလိၤဒီးအိၣ်ဖျဲၣ်ထီၣ်ဖဲဝ့ၢ် အလ့းစၣ်ဒြူးတဂၤန့ၣ်, ဟဲဆူဝ့ၢ်အ့းဖ့းစူးလီၤ. အဝဲဒၣ်မ့ၢ်ပှၤစံးသ့ကတိၤဘၣ်တဂၤဒီးတၢ်ဂ့ၢ်အိၣ်လၢ တၢ်ကွဲးအသးစီဆှံအပူၤတဖၣ်န့ၣ်နၢ်ပၢၢ်ဝဲဂ့ၤဂ့ၤလီၤ.

မၤတၢ် 19:1

ဖဲစီၤအပီးလိၤအိၣ်ဖဲဝ့ၢ်ကရံၣ်သူးအဖၢမုၢ်န့ၣ်, စီၤပီလူးလဲၤဝဲလၢခိအကျဲဒီးလဲၤတုၤဝဲလၢဝ့ၢ်အ့းဖ့း စူးလီၤ. ဖဲန့ၣ်အဝဲဒၣ်ထံၣ်ဘၣ်အပျဲၢ်အဘီၣ်တနီၤ,

မၤတၢ် 19:17

ပှၤယူဒၤဖိဒီးပှၤကလုာ်ဂၤလၢအအိၣ်ဖဲဝ့ၢ်အ့းဖ့းစူး အပူၤခဲလၢာ်နၢ်ဟူဘၣ်တၢ်မၤအသးတမံၤအံၤအဂ့ၢ်, ဒီးတၢ်ပျံၤတၢ်ဖုးလီၤဘၣ်အဝဲသ့ၣ်ခဲလၢာ်, ဒီးကစၢ်ယ့ၣ်ၡူးအမံၤဒိးန့ၢ်ဘၣ်တၢ်လၤကပီၤဒိၣ်န့ၢ်အလီၢ် တက့ၢ်လီၤ.

မၤတၢ် 19:21

တၢ်သ့ၣ်တဖၣ်အံၤမၤအသးဝံၤအလီၢ်ခံ, စီၤပီလူးပာ်လီၤအသးလၢအကလဲၤခီဂာ်ကီၢ်မၤက့းဒနံဒီးကီၢ် အဃါယၤဆူဝ့ၢ်ယရူၤၡလ့ၣ်န့ၣ်လီၤ. အဝဲစံးဝဲ, “ယလဲၤဖဲန့ၣ်ဝံၤ အလီၢ်ခံန့ၣ်, ယကဘၣ်လဲၤဆူဝ့ၢ်ရိမ့ၤစ့ၢ်ကီးလီၤ.”

မၤတၢ် 20:16

စီၤပီလူးပာ်လီၤအသးလၢအကလဲၤခီပတာ်ကွံာ်ဝ့ၢ်အ့းဖ့း စူးဒ်သိးအဆၢကတီၢ်သုတလၢာ်ကွံာ်ဝဲဖဲကီၢ်အၤစံတဂ့ၤန့ၣ်လီၤ. အဝဲဒၣ်အဲၣ်ဒိးလဲၤတုၤဝ့ၢ်ယရူၤၡလ့ၣ်ဆိဆိ, မ့ၢ်သ့န့ၣ်, လၢဘူၣ်ယဲၢ်ဆံအနံၤအဂီၢ်လီၤ.

မၤတၢ် 21:14

ပတဲအီၤတန့ၢ်ဘၣ်အဃိ, ပဆိကတီၢ်ပတၢ်ဃ့ကညးဒီးစံး, “မ်ကစၢ်အတၢ်ဘၣ်အသးဘၣ်တၢ်မၤလၢထီၣ်ပှဲၤထီၣ်အီၤတက့ၢ်.”

မၤတၢ် 21:29

(အဝဲသ့ၣ်စံးတၢ်ဒ်သိးအံၤန့ၣ်မ့ၢ်လၢအထံၣ်ဘၣ်ပှၤအ့းဖ့းစူး ဖိစီၤတြီဖံမူးတပူၤဃီဒီးစီၤပီလူးလၢဝ့ၢ်ပူၤ, ဒီးအဝဲသ့ၣ်ဆိကမိၣ်ဝဲလၢစီၤပီလူးလဲၤကိးနုာ်အီၤဆူတၢ် လုၢ်ဟံၣ်အပူၤအဃိန့ၣ်လီၤ.)

ရိမ့ၤ 1:10

ယဃ့ကစၢ်ယွၤလၢမ့ၢ်ဘၣ်အသးဒီးယကလဲၤအိၣ်သကိးဘၣ် သုခဲအံၤအဂီၢ်န့ၣ်လီၤ.

ရိမ့ၤ 15:32

အန့ၣ်ဝံၤ, မ့ၢ်ဘၣ်ကစၢ်ယွၤအသးဒီး, ယကလဲၤဆူသုအိၣ်ပှဲၤဒီးတၢ်သးခုဒီးန့ၢ်ဂံၢ်န့ၢ်ဘါက့ၤလၢ ယတၢ်အိၣ်သကိးသုအပူၤန့ၣ်လီၤ.

1 ကရံၣ်သူး 15:32

ဒ်တၢ်မၤအသးအသိး, ယမ့ၢ်ဒုးတ့ၢ်တၢ်ဒီး “ဆၣ်ဖိကီၢ်ဖိ အဒူအဃိၤ” ဖဲအံၤလၢဝ့ၢ်အ့းဖ့းစူးအိၣ်ဒၣ်ဒီးပှၤကညီ အတၢ်ပာ်သူၣ်ပာ်သးတဖၣ်န့ၣ်, မ့ၢ်ယကမၤန့ၢ်တ့ၢ်ယဲတၢ်ဘျုး တၢ်ဖှိၣ်မနုၤလဲၣ်. မ့မ့ၢ်ပှၤသံတဖၣ်မ့ၢ်တဘၣ်တၢ်ဒုးဂဲၤဆၢထၢၣ် သမူထီၣ်အီၤဘၣ်ဒီး, ဒ်တၢ်ကတိၤအိၣ်ဝဲအသိး, “မ်ပကအီၣ်သကိးအီသကိးတက့ၢ်. အဂ့ၢ်ဒ်အံၤ, ခဲမုၢ်ဆ့ၣ်န့ၣ်ပကသံလီၤ.”

1 ကရံၣ်သူး 16:7

ယဆၢထံၣ်ဘၣ်အါထီၣ်သုတမ့ၢ်ထဲတစိၢ်ဖိလၢကျဲန့ၣ်ဘၣ်. ယဆၢအိၣ်ဘၣ်ယဲဒီးသုဖးယံာ်ဖိ, ဒ်ကစၢ်ဟ့ၣ်အခွဲးအသိးလီၤ.

1 ကရံၣ်သူး 16:8

ယကအိၣ်ယဲဖဲအံၤလၢဝ့ၢ်အ့းဖ့းစူး, တုၤလီၤလၢဘူၣ်ယဲၢ်ဆံ အမုၢ်နံၤတစုလီၤ.

1 ကရံၣ်သူး 4:19

ဘၣ်ဆၣ်ဒီး ကစၢ်ယွၤမ့ၢ်ဘၣ်အသးကစီဒီန့ၣ်, ယကဟဲဆူသုအိၣ်လၢ အဆိအချ့ဒီးဖဲဆၢကတီၢ်အဝဲန့ၣ်ယသ့ၣ်ညါဘၣ်လၢယနီၢ်ကစၢ် ဒၣ်ယဲ, ဘၣ်ဃးတၢ်စိတၢ်ကမီၤလၢအအိၣ်ဒီးပှၤပာ်ကဖၢလၢအသး တဖၣ်အံၤ, ဒီးတမ့ၢ်ထဲအဝဲသ့ၣ်အတၢ်စံးတၢ်ကတိၤတဖၣ်ဧိၤဘၣ်လီၤ.

၂ ကရံၣ်သူး 13:11

ဒီးခဲကနံၣ်အံၤဒီပုၢ်ဝဲၢ်သ့ၣ်ဧၢ, ပလီၤဖးမုာ်မုာ်လီၤ. ဂဲၤပျုၢ်ဂဲၤဆှးလၢ တၢ်လၢတၢ်ပှဲၤအဂီၢ်တက့ၢ်. ဒိကနၣ်ယတၢ်သကွံၢ်ကညးတဖၣ်အိၣ်ဒီးတၢ်သူၣ်လီၤ ပလိာ်သးလီၤပလိာ်လၢတဂၤဒီးတဂၤအဘၢၣ်စၢၤဒီး အိၣ်မူလၢတၢ်ဃူတၢ်ဖိးအပူၤတက့ၢ်. ဒီးကစၢ်ယွၤလၢအဘၣ်ဃးဒီးတၢ်အဲၣ်တၢ်ကွံဒီး တၢ်ဃူတၢ်ဖိးတဂၤန့ၣ်ကအိၣ်ဒီးသုလီၤ.

အ့းဖ့းစူး 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိဖဲကစၢ်ယွၤအတၢ်ဘၣ် အသးတဂၤ, ဆူပှၤစီဆှံလၢခရံာ်အပူၤလၢအကလုၢ်တီဒီးအီၤ တဖၣ်အအိၣ်,

လံာ်သိၣ်လီၤသီလီၤတၢ် 16:1

မၤလၤကပီၤယွၤသုကစၢ်ယွၤခီဖျိတၢ်မၤဘူၣ်လဲၤကပာ်လၢလါအါ ဘံာ်အပူၤန့ၣ်တက့ၢ်. လၢလါန့ၣ်အပူၤအမုၢ်တနံၤန့ၣ်, အဝဲမၤထူၣ်ဖျဲးသုလၢကီၢ်အဲၤကူပတူးန့ၣ်လီၤ.

ဧ့ၤဘြံၤ 6:3

ကစၢ်ယွၤမ့ၢ်ဟ့ၣ်ပှၤတၢ်အခွဲးအယာ်ဒီးမ်ပကလဲၤသကိးဆူညါ တက့ၢ်.

ယၤကိာ် 4:15

တၢ်လၢသုကြၢးစံးမ့ၢ်အအံၤ, “ကစၢ်မ့ၢ်ဘၣ်အသးဒီးပကအိၣ်မူ ဒီးမၤတၢ်ဒ်အံၤမ့တမ့ၢ်မၤတၢ်ဒ်နုၤန့ၣ်လီၤ.”

၁ ပ့းတရူး 3:17

အဂ့ၢ်ဒ်လဲၣ်န့ၣ်, တၢ်အံၤမ့မ့ၢ်ကစၢ်ယွၤအတၢ်ဘၣ်အသး ဒီး, ပဘၣ်တၢ်နးတၢ်ဖှီၣ်လၢပမၤတၢ်ဂ့ၤအဃိန့ၣ်, ဂ့ၤန့ၢ်ပဘၣ်တၢ်လၢပမၤတၢ်အၢအဃိတက့ၢ်န့ၣ်လီၤ.

လံာ်လီၣ်ဖျါ 1:11

တၢ်အကလုၢ်န့ၣ်စံးဝဲ, “ကွဲးလီၤတၢ်လၢနထံၣ်ဘၣ်နဲ, လၢလံာ်တဘ့ၣ်အပူၤ, ဒီးဆှၢလီၤလံာ်အဝဲန့ၣ်ဆူတၢ်အိၣ်ဖှိၣ် တဖၣ်လၢဝ့ၢ်နွံဖျၢၣ်အံၤ, ဝ့ၢ်အ့းဖ့းစူး, ဝ့ၢ်စမူရနၤ, ဝ့ၢ်ပ့ၢ်ကမူး, ဝ့ၢ်သူၤအတံရၤ, ဝ့ၢ်စၢ်ဒံ, ဝ့ၢ်ဖံၤလဒ့းလဖံ, ဒီးဝ့ၢ်လီၤဒံၤကံ, အပူၤန့ၣ်တက့ၢ်.”

လံာ်လီၣ်ဖျါ 2:1

ဆူအ့းဖ့းစူးတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအဟံးဃာ်ဆၣ်နွံ ဖျၢၣ်လၢအစုထွဲပူၤ, ဒီးဟးဝဲလၢမ့ၣ်အူဒၢထူနွံဖျၢၣ်အသိး အကျါတဂၤအအိၣ်န့ၣ်လီၤ.