မၤတၢ် 18:14 - Sgaw Karen Common Bible

¹⁴ ဖဲစီၤပီလူးသါကအဲးထီၣ်အထးခိၣ်န့ၣ်, စီၤကးလံၤအိၣ်စံးဘၣ်ပှၤယူဒၤဖိသ့ၣ်တဖၣ်, “ပှၤယူဒၤဖိသ့ၣ်ဧၢ, တၢ်ဂ့ၢ်အံၤမ့မ့ၢ်တၢ်လၢအဘၣ်ဃးဒီးတၢ်ကမၣ်အဒိၣ်အမုၢ် ဒီးတၢ်လုၣ်သ့ၣ်ခါပတာ်ထံကီၢ်အတၢ်သိၣ်တၢ်သီန့ၣ်, ကြၢးဝဲဘၣ်ဝဲလၢယကဒိကနၣ်သုတၢ်ပာ်ဖျါလၢတၢ်သးစူၤ အပူၤလီၤ.

မၤတၢ် 18:14 Iomraidhean Croise

လံာ်မးသဲ 5:2

အပျဲၢ်အဘီၣ်တဖၣ်ဟဲအိၣ်ဖှိၣ်လၢအဃၢၤဒီးအဝဲစးထီၣ်အတၢ်သိၣ် လီၤသီလီၤဒီးစံးဝဲ,

လံာ်မၢ်ကူး 9:19

ယ့ၣ်ၡူးစံးဘၣ်အဝဲသ့ၣ်, “သုဝဲပှၤတစိၤလၢအတၢ်နာ်တအိၣ်ဘၣ်တဖၣ်ဧၢ, မ့ၢ်ယကဘၣ်အိၣ်ဒီးသုဆံးယံာ်လဲၣ်. မ့ၢ်ယကဘၣ်ဝံသးစူၤသုဆံးယံာ်လဲၣ်. ဟဲကိးဃီၤဖိသၣ်န့ၣ်ဆူယအိၣ်တက့ၢ်.”

မၤတၢ် 13:10

ဒီးစံးဝဲ, “မုၣ်ကီၤလံၢ်အဖိခွါဧၢ, နမ့ၢ်ကယဲၢ်တၢ်ဂ့ၤကိးမံၤဒဲးအဒုၣ် အဒါလီၤ. နပှဲၤဒီးတၢ်လီတၢ်ဝ့ၤအအၢအသီကိးကလုာ်ဒဲး, ဒီးထီဘိတဘိယူၢ်ဃီန့ၣ်နဂုာ်ကျဲးစၢးဒုးကဲထီၣ်ကစၢ် အတၢ်မ့ၢ်တၢ်တီတဖၣ်ဆူတၢ်လီတၢ်ဝ့ၤန့ၣ်လီၤ.

မၤတၢ် 13:18

ဒီးလၢအနံၣ်လွံၢ်ဆံအတီၢ်ပူၤန့ၣ်, ဆှၢအီၤလၢတၢ်သူၣ်စူၤသးစူၤအပူၤဖဲပှၢ်မုၢ်ကနၢန့ၣ်လီၤ.

မၤတၢ် 21:39

စီၤပီလူးစံးဆၢဝဲ, “ယမ့ၢ်ပှၤယူဒၤဖိတဂၤ, ယအိၣ်ဖျဲၣ်ထီၣ်ဖဲဝ့ၢ်တၢ်စူးဘၣ်ဃးဒီးကီၢ်ကံၤလံၤကံ, ဝ့ၢ်လၢအမံၤဟူသၣ်ဖျါတဖျၢၣ်အပှၤဝ့ၢ်ဖိတဂၤန့ၣ်လီၤ. ဝံသးစူၤဟ့ၣ်ယၤအခွဲးလၢယကကတိၤတၢ်ဒီးပှၤဂီၢ်မုၢ်တဖၣ် တက့ၢ်.”

မၤတၢ် 25:11

ယမ့ၢ်လုၣ်သ့ၣ်ခါပတာ်ဘၣ်ထံကီၢ်အတၢ်သိၣ်တၢ်သီဒီးမၤတၢ် တမံၤမံၤလၢအကြၢးဒီးတၢ်စံၣ်ညီၣ်သံန့ၣ်, ယတဃ့လၢယကပူၤ ဖျဲးဘၣ်. ဘၣ်ဆၣ်ဒီးတၢ်လၢအဝဲသ့ၣ်ပာ်ဖျါထီဒါယၤ တဖၣ်မ့ၢ်တတီတလိၤဘၣ်ဒီး, ပှၤဟ့ၣ်လီၤယၤဆူအဝဲသ့ၣ်အစုပူၤတသ့နီတဂၤဘၣ်. ယပတံထီၣ်တၢ်ဆူစီၤပၤဖးဒိၣ်အအိၣ်လီၤ.”

မၤတၢ် 25:26

ဘၣ်ဆၣ်, ယတအိၣ်ဒီးတၢ်ဂ့ၢ်လီၤတံၢ်လီၤဆဲးဘၣ်ဃးဒီးအီၤ လၢယကကွဲးဖျါထီၣ်ဆူစီၤပၤဖးဒိၣ်အအိၣ်နီတမံၤဘၣ်. လၢတၢ်န့ၣ်အဃိယဟဲဆှၢထီၣ်အီၤလၢသုဝဲခဲလၢာ်အမဲာ်ညါ, ဒီးလီၤဆီဒၣ်တၢ်လၢနၤ, စီၤပၤအကြံးပၤအမဲာ်ညါ, ဒ်သိးပသမံသမိးကွၢ်အီၤဝံၤအလီၢ်ခံ, ယကအိၣ်ဒီးတၢ်ဂ့ၢ်တၢ်ကျိၤလီၤတံၢ်လီၤဆဲးလၢယကကွဲးဖျါထီၣ် အီၤအဂီၢ်န့ၣ်လီၤ.

ရိမ့ၤ 13:3

အဂ့ၢ်ဒ်အံၤ, ပှၤပၢထံပၢကီၢ်တဖၣ်န့ၣ်အလီၢ်တအိၣ်ဘၣ်လၢကဘၣ် တၢ်ပျံၤအီၤလၢပှၤမၤတၢ်ဂ့ၤတဖၣ်ဘၣ်. မ့မ့ၢ်လၢပှၤမၤတၢ်အၢတၢ် သီတခီလီၤ. မ့ၢ်သုအဲၣ်ဒိးကဲထီၣ်ပှၤလၢအတပျံၤဘၣ်ပဒိၣ်ပပှၢ်န့ၣ်ဧါ. မ့မ့ၢ်ဒ်န့ၣ်ဒီး, မၤတၢ်ဂ့ၤတက့ၢ်ဒီးအဝဲဒၣ်ကစံးထီၣ်ပတြၢၤသုလီၤ.

၂ ကရံၣ်သူး 11:1

ယဆၢလၢသုကဝံသးစူၤယၤ, ဖဲယသူၣ်တဆးသးတဆးတဆံးတက့ၢ်အခါန့ၣ်လီၤ. ဝံသးစူၤဘၣ်ယၤသပှၢ်ပှၢ်တက့ၢ်.

၂ ကရံၣ်သူး 11:4

အဂ့ၢ်ဒ်အံၤ, သုတူၢ်လိာ်ပှၤတဂၤလၢ်လၢ်လၢအဟဲဆူသုအိၣ် ဒီးစံၣ်တဲၤတဲလီၤယ့ၣ်ၡူးအဂၤတဂၤ, တမ့ၢ်တဂၤဃီလၢပစံၣ်တဲၤတဲလီၤလၢအဂ့ၢ်ဘၣ်. ဒီးသုတူၢ်လိာ်သးလၢအလီၤဆီဝဲဒၣ်လၢာ်လၢာ်ဆ့ဆ့ ဒီးသးလၢသုဒိးန့ၢ်လၢပအိၣ်, ဒီးတၢ်သးခုကစီၣ်လၢအလီၤဆီဝဲလၢာ်လၢာ်ဆ့ဆ့ဒီးတၢ် သးခုကစီၣ်လၢသုဒိးန့ၢ်သုဝဲလၢပအိၣ်န့ၣ်လီၤ.

ဧ့ၤဘြံၤ 5:2

ဒ်အနီၢ်ကစၢ်ဒၣ်ဝဲအိၣ်ဒီးတၢ်ဂံၢ်စၢ်ဘါစၢ်လၢကျဲအါဘိအပူၤ အသိး, အဝဲဘၣ်ထွဲဒီးပှၤလၢအတသ့ၣ်ညါတၢ်ဒီးပှၤလၢအမၤ ကမၣ်တၢ်တဖၣ်န့ၣ်လၢတၢ်သးအိၣ်အပူၤသ့ဝဲန့ၣ်လီၤ.