မၤတၢ် 18:12 - Sgaw Karen Common Bible

¹² ဖဲစီၤကးလံၤအိၣ် ဘၣ်တၢ်ဒုးကဲထီၣ်အီၤလၢရိမ့ၤအပဒိၣ် ဖးဒိၣ်လၢအပၢကီၢ်အဃါယၤန့ၣ်, ပှၤယူဒၤဖိတဖၣ်ပာ်ဖှိၣ်ထီၣ် အသး, ဖီၣ်စီၤပီလူးဒီးဆှၢအီၤဆူကွီၢ်ဘျီၣ်လီၤ.

မၤတၢ် 18:12 Iomraidhean Croise

လံာ်မးသဲ 27:19

ဖဲစီၤပံၤလးဆ့ၣ်နီၤဝဲလၢတၢ်စံၣ်ညီၣ်ကွီၢ်အလီၢ်ဆ့ၣ်နီၤအဖီ ခိၣ်အဖၢမုၢ်န့ၣ်, အမါဆှၢလီၤန့ၢ်အီၤတၢ်ကစီၣ်လၢအစံး, “တဘၣ်မၤဘၣ်ဃးနသးဒီးပှၤလၢအတၢ်ကမၣ်တအိၣ်ဘၣ် တဂၤအံၤတဂ့ၤ. အဂ့ၢ်ဒ်အံၤ, လၢတၢ်မံမီၢ်အဃိန့ၣ်, တနံၤအံၤယသးဘၣ်နးဘၣ်ဖှီၣ် ဒီးဘၣ်တံာ်တာ်ဒိၣ်မးလၢအဝဲဒၣ်အဂ့ၢ်န့ၣ်လီၤ.”

လံာ်ယိၤဟၣ် 19:13

တုၤစီၤပံၤလးနၢ်ဟူတၢ်ကတိၤတဖၣ်အံၤဒီး, အဝဲဆှၢထီၣ် ယ့ၣ်ၡူးဆူတၢ်ချၢဒီးဆ့ၣ်နီၤဝဲလၢပှၤစံၣ်ညီၣ်ကွီၢ်အလီၢ် ဆ့ၣ်နီၤအလိၤ, ဖဲတၢ်လီၢ်တတီၤလၢတၢ်ကိးအီၤလၢ, “လၢၢ်ဘ့ၣ်ဘၣ်လၢအဒါလီၤအသး” န့ၣ်လီၤ. (လၢဧ့ၤဘြံၤအကျိာ် တခီတၢ်ကိးအီၤလၢ “ကၤဘၤသါ” လီၤ.)

မၤတၢ် 13:12

ဖဲပဒိၣ်တဂၤအံၤထံၣ်ဘၣ်တၢ်လၢအမၤတ့ၢ်အသးတဖၣ်အံၤန့ၣ်, အဝဲဒၣ်စူၢ်က့ၤနာ်က့ၤတၢ်လီၤ. အဝဲဒၣ်ကမၢကမၣ်အဒိၣ်အအါ, ဖဲအနၢ်ဟူဘၣ်တၢ်သိၣ်လီၤသီလီၤဘၣ်ဃးကစၢ်အဂ့ၢ်န့ၣ်လီၤ.

မၤတၢ် 13:50

ဘၣ်ဆၣ်ဒီးပှၤယူဒၤဖိတဖၣ်ထိၣ်ဂဲၤထီၣ်ခိၣ်နၢ်သူၣ်က့သးပှၢ်လၢဝ့ၢ်န့ၣ် အပူၤ, ဒီးကလုာ်ဂၤတူၢ်ဒိၣ်ကီၤဒိၣ်မုၣ်လၢအအဲၣ်ထူအဲၣ်ယွၤတဖၣ်လီၤ. အဝဲသ့ၣ်ဒုးအိၣ်ထီၣ်တၢ်မၤအၢမၤနးစီၤပီလူးဒီးစီၤဘၢ်နါဘၤ, ဒီးဟီထီၣ်ကွံာ်အီၤလၢအဝဲသ့ၣ်အကီၢ်ပူၤန့ၣ်လီၤ.

မၤတၢ် 13:7

အဝဲမ့ၢ်ပှၤဒီတံၤဒီသကိးဒီးကီးအပဒိၣ်ဖးဒိၣ်, စီၤစ့ၢ်ကံပီလူးလၢအမ့ၢ်ပှၤသူၣ်ဆးသးဆးဒီးကူၣ်ဘၣ်ဖးသ့တဂၤ န့ၣ်လီၤ. ပဒိၣ်ဖးဒိၣ်တဂၤအံၤကိးန့ၢ်စီၤဘၢ်နါဘၤဒီးစီၤစီလူးဆူအ အိၣ်မ့ၢ်လၢအဝဲဒၣ်သးအိၣ်နၢ်ဟူဘၣ်ကစၢ်ယွၤအကလုၢ်ကထါ အဃိန့ၣ်လီၤ.

မၤတၢ် 13:8

ဘၣ်ဆၣ်ဒီးပှၤမၤကဒါပှၤမဲာ်စီၤအ့းလူမၤ (အဝဲအံၤမ့ၢ်စီၤဘၢ်ယ့ၣ်ၡူးအမံၤလၢကြံးခ်အကျိာ်) မၤတံာ်တာ်အဝဲသ့ၣ်ခီဖျိအဂုာ်ကျဲးစၢးဃၣ်ကွံာ်ပဒိၣ်ဖးဒိၣ် တဂၤန့ၣ်အသးယံၤထီၣ်ဒီးပှၤခရံာ်ဖိအတၢ်စူၢ်တၢ်နာ်န့ၣ်လီၤ.

မၤတၢ် 14:19

ပှၤယူဒၤဖိတနီၤဟဲလၢဝ့ၢ်အၣ်တံၤအီာ်ဘၣ်ဃးဒီးကီၢ်ပံၤစံၤဒံဒီး လၢဝ့ၢ်အံၤကနံၤလီၤ. အဝဲသ့ၣ်ထုးန့ၢ်ပှၤဂီၢ်မုၢ်အသးဒ်သိးအကစူၢ်ကနာ်တၢ်လၢ အဝဲသ့ၣ်စံးဝဲ, ဒီးကွံာ်စီၤပီလူးလၢလၢၢ်ဝံၤ, ဖဲအဆိကမိၣ်လၢအဝဲဒၣ်သံလံန့ၣ်, တွံၢ်ထုးထီၣ်ကွံာ်အီၤဆူဝ့ၢ်အချၢန့ၣ်လီၤ.

မၤတၢ် 14:2

ဘၣ်ဆၣ်ဒီးပှၤယူဒၤဖိလၢအတစူၢ်တနာ်တၢ်တဖၣ်ထိၣ်ဂဲၤထီၣ် ပှၤကလုာ်ဂၤတဖၣ်အသးထီဒါစီၤပီလူးဒီးစီၤဘၢ်နါဘၤန့ၣ်လီၤ.

မၤတၢ် 17:13

ဘၣ်ဆၣ်ဒီးဖဲပှၤယူဒၤဖိလၢဝ့ၢ်သ့းစၤလနံတဖၣ်နၢ်ဟူ ဘၣ်ဝဲလၢစီၤပီလူးစံၣ်တဲၤတဲလီၤတ့ၢ်စ့ၢ်ကီးကစၢ်ယွၤ အကလုၢ်အကထါဖဲဝ့ၢ်ဘ့းရံၤန့ၣ်, အဝဲသ့ၣ်ဟဲဖဲန့ၣ်ဒီးထိၣ်ဂဲၤထီၣ်ဒီးမၤတၢထီၣ်တၢလီၤပှၤ ဂီၢ်မုၢ်တဖၣ်လီၤ.

မၤတၢ် 17:5

ဘၣ်ဆၣ်ဒီးပှၤယူဒၤဖိသ့ၣ်တဖၣ်အသးက့ၣ်ဒီးပာ်ဖှိၣ်ထီၣ် ပှၤအၢပှၤသီလၢကျဲမုၢ်ခိၣ်တနီၤ, ဒီးဒုးအိၣ်ထီၣ်ပှၤဂီၢ်မုၢ်တဖုလၢအမၤတၢထီၣ်တၢလီၤဝ့ၢ်ဒီ ဖျၢၣ်ညါဒီးလဲၤနုာ်ဆူၣ်ဆူစီၤယါစီၣ်အဟံၣ်ပူၤ, ဒ်သိးအကထံၣ်န့ၢ်စီၤပီလူးဒီးစီၤစံလၤဒီးကဟဲစိာ်ထီၣ်အီၤ ဆူပှၤဂီၢ်မုၢ်အအိၣ်အဂီၢ်န့ၣ်လီၤ.

မၤတၢ် 18:11

လၢတၢ်န့ၣ်အဃိစီၤပီလူးအိၣ်ဝဲဖဲဝ့ၢ်ကရံၣ်သူးန့ၣ်တနံၣ် ဃုလါဒီးသိၣ်လိပှၤဂီၢ်မုၢ်တဖၣ်လၢကစၢ်ယွၤအကလုၢ် ကထါန့ၣ်လီၤ.

မၤတၢ် 18:27

ဖဲစီၤအပီးလိၤပာ်လီၤအသးလၢအကလဲၤဆူကီၢ်အဃါယၤန့ၣ်, အပျဲၢ်အဘီၣ်ဖဲဝ့ၢ်အ့းဖ့းစူးတဖၣ်မၤစၢၤအီၤခီဖျိအကွဲး လံာ်ဆူအပျဲၢ်အဘီၣ်အိၣ်လၢကီၢ်အဃါယၤတဖၣ်အအိၣ်, ဒီးသဆၣ်ထီၣ်အဝဲသ့ၣ်အခံဒ်သိးအကတူၢ်လိာ်မုာ်အီၤဖဲန့ၣ်လီၤ. ဖဲအဝဲဒၣ်လဲၤတုၤန့ၣ်, ကဲထီၣ်တၢ်မၤစၢၤအဒိၣ်အမုၢ်လၢပှၤလၢအကဲထီၣ်တ့ၢ်ပှၤလၢ အစူၢ်က့ၤနာ်က့ၤတၢ်ခီဖျိကစၢ်ယွၤအဘျုးအဖှိၣ်တဖၣ်အဂီၢ်လီၤ.

မၤတၢ် 19:21

တၢ်သ့ၣ်တဖၣ်အံၤမၤအသးဝံၤအလီၢ်ခံ, စီၤပီလူးပာ်လီၤအသးလၢအကလဲၤခီဂာ်ကီၢ်မၤက့းဒနံဒီးကီၢ် အဃါယၤဆူဝ့ၢ်ယရူၤၡလ့ၣ်န့ၣ်လီၤ. အဝဲစံးဝဲ, “ယလဲၤဖဲန့ၣ်ဝံၤ အလီၢ်ခံန့ၣ်, ယကဘၣ်လဲၤဆူဝ့ၢ်ရိမ့ၤစ့ၢ်ကီးလီၤ.”

မၤတၢ် 25:10

ဘၣ်ဆၣ်ဒီးစီၤပီလူးစံးဆၢအီၤ, “ယအိၣ်ဆၢထၢၣ်လၢစီၤပၤဖးဒိၣ်အကွီၢ်ဘျီၣ်အပူၤဒီး အအံၤမ့ၢ်တၢ်လီၢ်ဖဲယကြၢးဘၣ်တၢ်သမံသမိးယၤန့ၣ်လီၤ. ဒ်နသ့ၣ်ညါနဲဂ့ၤဂ့ၤအသိး, ယတမၤကမၣ်ဘၣ်ပှၤယူဒၤဖိ တဖၣ်နီတမံၤဘၣ်.

ရိမ့ၤ 15:26

အဂ့ၢ်ဒ်လဲၣ်န့ၣ်, တၢ်အိၣ်ဖှိၣ်လၢကီၢ်မၤက့းဒနံဒီးကီၢ်အဃါယၤတဖၣ် အသးအိၣ်ထီၣ်ဒၣ်ဝဲလၢအကဟ့ၣ်မၤဘူၣ်ဝ့ၢ်ယရူၤၡလ့ၣ်အပှၤစီဆှံ လၢအဖှီၣ်အယာ်တဖၣ်န့ၣ်လီၤ.

ရိမ့ၤ 16:5

ယဆှၢစ့ၢ်ကီးယတၢ်ဆၢဂ့ၤဆၢဝါတဖၣ်ဆူတၢ်အိၣ်ဖှိၣ်လၢအဘူၣ် သကိးဘါသကိးတၢ်လၢအဝဲသ့ၣ်အဟံၣ်ပူၤအအိၣ်န့ၣ်လီၤ. ယဆှၢယတၢ်ဆၢဂ့ၤဆၢဝါဆူယတံၤသကိးလၢယအဲၣ်အီၤစီၤ အ့ပဲန့းတူး, လၢအမ့ၢ်ပှၤအဆိကတၢၢ်တဂၤလၢအစူၢ်က့ၤနာ်က့ၤခရံာ်လၢ ကီၢ်အၤစံအပူၤတဂၤအအိၣ်န့ၣ်လီၤ.

1 ကရံၣ်သူး 16:15

သုသ့ၣ်ညါဘၣ်ဃးစီၤစတ့းဖနၣ်ဒီးအဒူၣ်ဖိထၢဖိအဂ့ၢ်လီၤ. အဝဲသ့ၣ်မ့ၢ်ပှၤအဆိကတၢၢ်တဖုလၢအကဲထီၣ်ပှၤခရံာ်ဖိလၢကီၢ် အဃါယၤအပူၤ, ဒီးဟ့ၣ်လီၤတ့ၢ်အသးဆူယွၤအပှၤဂီၢ်မုၢ်တဖၣ် အတၢ်ဖံးတၢ်မၤအပူၤလီၤ. ယဃ့ကညးသု, ယဒီပုၢ်ဝဲၢ်သ့ၣ်ဧၢ,

၂ ကရံၣ်သူး 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိတဂၤခီဖျိ ကစၢ်ယွၤအတၢ်ဘၣ်အသး, ဒီးလၢပဒီပုၢ်ဝဲၢ်စီၤတံၤမသ့း, ဆူကစၢ်ယွၤအတၢ်အိၣ်ဖှိၣ်လၢဝ့ၢ်ကရံၣ်သူး, ဒီးဆူကစၢ်ယွၤအပှၤဂီၢ်မုၢ်ခဲလၢာ်လၢအအိၣ်ဝဲသကုၤဆးဒးကီၢ် အဃါယၤ,

၂ ကရံၣ်သူး 11:10

ဒ်ခရံာ်အတၢ်မ့ၢ်တၢ်တီလၢအအိၣ်လၢယပူၤအသိးန့ၣ်, ယအၢၣ်လီၤအီလီၤယဲလၢယတၢ်ကတိၤတၢ်ကဖၢလၢတမံၤ အံၤတဘၣ်တၢ်မၤဘှ့ၣ်မၤဘှီၣ်အီၤလၢကီၢ်အဃါယၤဒီဘ့ၣ် အပူၤလၢတၢ်လီၢ်နီတတီၤဘၣ်.

၂ ကရံၣ်သူး 11:26

လၢယတၢ်လဲၤတၢ်က့ၤအါစုအါဘျီအပူၤန့ၣ်, ယအိၣ်တ့ၢ်လၢတၢ်ဘၣ်ယိၣ်တၢ်လီၤပျံၤအလီၢ်ဘၣ်ဃးဒီးထံ လုၣ်ဘၢတၢ်ဒီးတမျိးတမျာ်, တၢ်ဘၣ်ယိၣ်အလီၢ်ဘၣ်ဃးပှၤယူဒၤဖိသကိးပှၤယူဒၤဖိ အတၢ်ထီဒါဒီးပှၤကလုာ်ဂၤတဖၣ်အတၢ်ထီဒါန့ၣ်လီၤ. တၢ်ဘၣ်ယိၣ်အလီၢ်အိၣ်တ့ၢ်ဝဲလၢယဂီၢ်ဖဲပှၤခူပူၤ ဝ့ၢ်ပူၤ, လၢပှၢ်လၢ်ကျါ, လၢပီၣ်လဲၣ်ပူၤ, ဒီးတၢ်လီၤပျံၤ အလီၢ်အိၣ်လၢယဂီၢ်ခီဖျိတံၤသကိးအတမ့ၢ်တတီတဖၣ်လီၤ.

၂ ကရံၣ်သူး 9:2

ယသ့ၣ်ညါလၢသုသးဆူၣ်မၤစၢၤသုဝဲ, ဒီးယကတိၤပာ်ကဖၢလၢလံယသးလၢသုဂ့ၢ်လၢ ပှၤမၤက့းဒနံဖိတဖၣ်အမဲာ်ညါန့ၣ်လီၤ. ယစံးယဲ, “ဒီပုၢ်ဝဲၢ်လၢကီၢ်အဃါယၤတဖၣ်အသးဆူၣ် ဟ့ၣ်တ့ၢ်လံတၢ်မၤစၢၤလၢအပူၤကွံာ်တနံၣ်လံၤလံၤလီၤ” သုတၢ်သးဆူၣ်န့ၣ်ထိၣ်ဟူးထိၣ်ဂဲၤလံအဝဲသ့ၣ်အါဒံ အါဂၤအသးလံန့ၣ်လီၤ.

၁ သ့းစၤလနံ 2:14

ပဒီပုၢ်ဝဲၢ်သ့ၣ်ဧၢ, တၢ်လၢအမၤအသးဒီးသုတဖၣ်န့ၣ်မ့ၢ်တၢ်တမံၤဃီလၢအမၤတ့ၢ် အသးဒီးကစၢ်ယွၤအတၢ်အိၣ်ဖှိၣ်လၢကီၢ်ယူဒၤအပူၤ, ပှၤတဖၣ်လၢအဘၣ်ဃးဒီးယ့ၣ်ၡူးခရံာ်န့ၣ်လီၤ. သုတူၢ်ဘၣ်တၢ်တမံၤဃီလၢသုပှၤကလုာ်တဖၣ်အစုပူၤ, ဒ်အဝဲသ့ၣ်တူၢ်ဘၣ်တၢ်လၢပှၤယူဒၤဖိအစုပူၤအသိး န့ၣ်လီၤ.

၁ သ့းစၤလနံ 2:16

အဝဲသ့ၣ်ဂုာ်ကျဲးစၢးတြီဒၣ်လဲာ်ပှၤဒ်သိးတၢ်ကစီၣ်လၢ အကဟဲစိာ်န့ၢ်တၢ်အုၣ်က့ၤခီၣ်က့ၤန့ၣ်, ပသုတစံၣ်တဲၤတဲလီၤန့ၢ်ပှၤကလုာ်ဂၤတဖၣ်တဂ့ၤန့ၣ်လီၤ. အဝဲအံၤမ့ၢ်တၢ်လၢအမၤလၢထီၣ်ပှဲၤထီၣ်တၢ်ဒဲးဘးခဲ လၢာ်လၢအဝဲသ့ၣ်မၤတ့ၢ်ဝဲထီဘိန့ၣ်လီၤ. ဒီးခဲကနံၣ်အံၤကစၢ်ယွၤအတၢ်သးထီၣ်တုၤအိၣ်အဝဲသ့ၣ် လံန့ၣ်လီၤ.

ယၤကိာ် 2:6

ဘၣ်ဆၣ်ဒီး, သုတယူးယီၣ်ပှၤဖှီၣ်ဖိတဖၣ်ဘၣ်. မ့ၢ်မတၤတဖၣ်ဆီၣ်ဘံးဆီၣ်ဘၢသုဒီးတွံၢ်သုဆူစံၣ်ညီၣ် ကွီၢ်တဖၣ်အမဲာ်ညါန့ၣ်လဲၣ်. မ့ၢ်ဒၣ်ပှၤထူးပှၤတီၤတဖၣ်လီၤ.