မၤတၢ် 17:7 - Sgaw Karen Common Bible

⁷ ဒီးစီၤယါစီၣ်တူၢ်လိာ်ခီၣ်ဆၢအီၤလၢအဟံၣ်ပူၤလီၤ. အဝဲသ့ၣ်ခဲလၢာ်လုၣ်သ့ၣ်ခါပတာ်စီၤပၤဖးဒိၣ်အတၢ် သိၣ်တၢ်သီတဖၣ်, ခီဖျိအစံးဝဲလၢစီၤပၤဖးဒိၣ်အိၣ်ဝဲအဂၤ တဂၤလၢအမံၤမ့ၢ်ယ့ၣ်ၡူးန့ၣ်လီၤ.

မၤတၢ် 17:7 Iomraidhean Croise

လံာ်ဒၤနံးယ့လး 3:12

ပှၤယူဒၤဖိတနီၤလၢနပာ်ထီၣ်အီၤဒ်ကိတိာ်တဖၣ်လၢကီၢ်ဘၤ ဘူၤလိၣ်အပူၤ, စီၤၡၤဒရး, စီၤမ့ၤၡး, စီၤဧဘ့ၤဒနကိၤတဖၣ်န့ၣ်လုၢ် သ့ၣ်ခါပတာ်နဲဒၣ်စီၤပၤအကလုၢ်တဖၣ်လီၤ. အဝဲသ့ၣ်တဘူၣ်ထီၣ်ဘါထီၣ်ဘၣ်နကစၢ်ဒီးတချံးခီၣ်တီၤလီၤဘၣ် ဆူတၢ်ဂီၤထူလၢနတ့ထီၣ်ဆီလီၤအီၤန့ၣ်ဘၣ်.”

လံာ်ဒၤနံးယ့လး 6:13

တုၤနုၤတစုအဝဲသ့ၣ်စံးဘၣ်စီၤပၤ, “စီၤဒၤနံးယ့လး, လၢအမ့ၢ် ပှၤယူဒၤဖိလၢအဘၣ်တၢ်စိာ်မၢကဲကုၢ်အီၤတဖၣ်အကျါတဂၤ န့ၣ်တပာ်ကဲဘၣ်နဲဒၣ်စီၤပၤ, ဒီးတစူၢ်ဘၣ်တၢ်ကလုၢ်လၢနဟ့ၣ် လီၤအီၤန့ၣ်ဘၣ်. အဝဲဘါထုကဖၣ်တၢ်တနံၤသၢဘျီတီတီန့ၣ်လီၤ.”

လံာ်လူၤကၣ် 10:38

ဖဲယ့ၣ်ၡူးဒီးအပျဲၢ်အဘီၣ်တဖၣ်လဲၤကဒီးတၢ်ဆူညါန့ၣ်, အဝဲသ့ၣ်လဲၤတုၤလၢသဝီတဖျၢၣ်ဖဲပိာ်မုၣ်တဂၤလၢအမံၤမ့ၢ် နီၢ်မၢ်သၤ, တူၢ်လိာ်ခီၣ်ဆၢအီၤလၢအဝဲဒၣ်အဟံၣ်ပူၤလီၤ.

လံာ်လူၤကၣ် 23:2

ဖဲအဝဲသ့ၣ်ပာ်တၢ်ကမၣ်လၢအဝဲဒၣ်အလိၤဒီးစံး, “ပဖီၣ်န့ၢ်ပှၤတဂၤအံၤလၢအဆှၢကမၣ်ပပှၤကလုာ်, တြီအဝဲသ့ၣ်လၢအသုတဟ့ၣ်တၢ်ခိတၢ်သွဲဆူစီၤပၤဖးဒိၣ် အအိၣ်တဂ့ၤ, ဒီးစံးလီၤအသးလၢအနီၢ်ကစၢ်ဒၣ်ဝဲမ့ၢ်ခရံာ်, စီၤပၤတဂၤန့ၣ်လီၤ.”

လံာ်ယိၤဟၣ် 19:12

တုၤစီၤပံၤလးနၢ်ဟူတၢ်အံၤဒီး, အဝဲဃုဝဲကျဲလၢကမၤထူၣ်ဖျဲးယ့ၣ်ၡူးအဂီၢ်န့ၣ်လီၤ. ဘၣ်ဆၣ်ဒီးပှၤယူဒၤဖိတဖၣ်ကိးပသူထီၣ်ဒီးစံးဝဲ, “နမ့ၢ်ပျၢ်ဖျဲးကွံာ်အီၤဒီး, အခီပညီနတမ့ၢ်ရိမ့ၤအစီၤပၤဖးဒိၣ် အတံၤသကိးဘၣ်. ပှၤတဂၤဂ့ၤတဂၤဂ့ၤလၢအစံးလီၤအသး လၢအမ့ၢ်စီၤပၤတဂၤန့ၣ်, မ့ၢ်ပှၤလၢအပူထီၣ်တၢ်ထီဒါရိမ့ၤအစီၤပၤဖးဒိၣ်န့ၣ်လီၤ.”

မၤတၢ် 16:21

အဝဲသ့ၣ်သိၣ်လိလုၢ်လၢ်လၢအထီဒါပတၢ်သိၣ်တၢ်သီတဖၣ်လီၤ. ဒ်ပမ့ၢ်ရိမ့ၤအပှၤထံဖိကီၢ်ဖိတဖၣ်အသိးန့ၣ်, အဝဲသ့ၣ်အတၢ် သိၣ်လိတဖၣ်အံၤ, ပတူၢ်လိာ်အီၤမ့ၢ်ဂ့ၤ, မၤထွဲပိာ်ထွဲအီၤမ့ၢ်ဂ့ၤ တသ့ဘၣ်န့ၣ်လီၤ.

မၤတၢ် 17:5

ဘၣ်ဆၣ်ဒီးပှၤယူဒၤဖိသ့ၣ်တဖၣ်အသးက့ၣ်ဒီးပာ်ဖှိၣ်ထီၣ် ပှၤအၢပှၤသီလၢကျဲမုၢ်ခိၣ်တနီၤ, ဒီးဒုးအိၣ်ထီၣ်ပှၤဂီၢ်မုၢ်တဖုလၢအမၤတၢထီၣ်တၢလီၤဝ့ၢ်ဒီ ဖျၢၣ်ညါဒီးလဲၤနုာ်ဆူၣ်ဆူစီၤယါစီၣ်အဟံၣ်ပူၤ, ဒ်သိးအကထံၣ်န့ၢ်စီၤပီလူးဒီးစီၤစံလၤဒီးကဟဲစိာ်ထီၣ်အီၤ ဆူပှၤဂီၢ်မုၢ်အအိၣ်အဂီၢ်န့ၣ်လီၤ.

မၤတၢ် 17:8

တၢ်ကတိၤသ့ၣ်တဖၣ်အံၤဒုးအိၣ်ထီၣ်တၢ်ဘၣ်ယိၣ်ဘၣ်ဘီ လၢပှၤဂီၢ်မုၢ်ဒီးပှၤခိၣ်ပှၤနၢ်တဖၣ်အသိးအကျါလီၤ.

ယၤကိာ် 2:25

ပှၤဃဲသဲမုၣ်နီၢ်ရၤဃးမ့ၢ်တၢ်ဒ်န့ၣ်အသိးစ့ၢ်ကီးလီၤ. အဝဲဘၣ်တၢ်ပာ်တီပာ်လိၤအီၤခီဖျိအတၢ်မၤလၢအမ့ၢ်ဝဲ တၢ်တူၢ်လိာ်ပှၤအံၣ်စရ့လးဖိအပှၤကွၢ်ဟုၣ်ကွၢ်စုာ်တၢ် တဖၣ်, ဒီးမၤစၢၤအဝဲသ့ၣ်ဒ်သိးအကဃ့ၢ်ပူၤဖျဲးကွံာ် အသးလၢကျဲအဂၤတဘိန့ၣ်လီၤ.

၁ ပ့းတရူး 2:15

အဂ့ၢ်ဒ်လဲၣ်န့ၣ်, ကစၢ်ယွၤအသးအိၣ်လၢသုကမၤဘှ့ၣ်မၤဘှီၣ် ပှၤဟးဂီၤဖိတဖၣ်အတၢ်ကတိၤလၢအခီပညီတအိၣ်ဘၣ်, ခီဖျိသုတၢ်မၤအဂ့ၤတဖၣ်န့ၣ်လီၤ.