မၤတၢ် 17:32 - Sgaw Karen Common Bible

³² ဘၣ်ဆၣ်ဒီး, ဖဲအဝဲသ့ၣ်နၢ်ဟူစီၤပီလူးကတိၤတၢ်ဘၣ်ဃးတၢ် ဒုးဂဲၤဆၢထၢၣ်က့ၤပှၤလၢတၢ်သံန့ၣ်, အဝဲသ့ၣ်တနီၤနံၤဘၣ်ဖၣ်လဲအီၤ, မ့မ့ၢ်အဂၤတဖၣ်စံးဝဲ, “ပသးအိၣ်နၢ်ဟူဘၣ်ကဒီးနကတိၤတၢ်ဂ့ၢ် တမံၤအံၤလီၤ.”

မၤတၢ် 17:32 Iomraidhean Croise

လံာ်တၢ်ကဲထီၣ်အခီၣ်ထံး 19:14

တုၤနုၤတစု, စီၤလိာ်လဲၤဆူပှၤလၢကဒိးတ့ဒိးဖျီအသးဒီး အဖိမုၣ်တဖၣ်အအိၣ်ဒီးစံး, “မၤချ့ချ့ဒီးဟးထီၣ်ဖဲအံၤတက့ၢ်. ယွၤကမၤဟးဂီၤကွံာ်တၢ်လီၢ်အံၤန့ၣ်လီၤ.” ဘၣ်ဆၣ်ဒီး, အဝဲသ့ၣ်ဆိကမိၣ်ဒၣ်လၢအတဲလီၤနံၤတၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:16

ဘၣ်ဆၣ်အဝဲသ့ၣ်မၤကလိာ်ကလာ်ကစၢ်ယွၤအပှၤစိာ်တၢ်ကစီၣ်တဖၣ်, တပာ်လ့ၣ်ပာ်ကါအဝဲသ့ၣ်အတၢ်ကတိၤတဖၣ်ဒီးနံၤဘၣ်ကစၢ်ယွၤအဝံတ ဖၣ်, တုၤလၢလၢခံကတၢၢ်ယွၤအတၢ်သးထီၣ်ထီဒါအပှၤဂီၢ်မုၢ်န့ၣ်ဒိၣ် ဝဲတုၤဒၣ်လဲာ်တၢ်ထူၣ်ဖျဲးတအိၣ်ဝဲလၢၤဘၣ်.

လံာ်လူၤကၣ် 14:18

ဘၣ်ဆၣ်ဒီး အဝဲသ့ၣ်ကိးဂၤဒဲး, တဂၤဘၣ်တဂၤ, ဟ့ၣ်ထီၣ်အတၢ်ဂ့ၢ်တၢ်ကျိၤတဖၣ်လၢတၢ်ကပျဲပူၤအီၤအဂီၢ်လီၤ. ပှၤအဆိကတၢၢ်တဂၤစံးဘၣ်တၢ်ခ့တၢ်ပှၤ, ‘ယပှ့ၤစံာ်တလီၢ်, ဒီးယကဘၣ်လဲၤကွၢ်အီၤလီၤ. ဝံသးစူၤဘၣ်ယၤတက့ၢ်.’

လံာ်လူၤကၣ် 22:63

ပှၤလၢအအိၣ်ခိးကွၢ်ဟုၣ်ယ့ၣ်ၡူးတဖၣ်မၤအီၤကလိာ်ကလာ် ဒီးတီၢ်အီၤလီၤ.

လံာ်လူၤကၣ် 23:11

စီၤဟ့ၤရိာ်ဒီးအသုးဖိတဖၣ်နံၤဘၣ်ဖၣ်လဲယ့ၣ်ၡူး, ဒီးမၤအီၤတရီတပါလီၤ. အဝဲသ့ၣ်ဒုးကူဒုးသိးထီၣ်အီၤဆ့ကၤဖး ထီလၢအဂ့ၤ, ဒီးဆှၢက့ၤအီၤဆူစီၤပံၤလးအအိၣ်လီၤ.

လံာ်လူၤကၣ် 23:36

ပှၤသုးဖိတဖၣ်စ့ၢ်ကီးနံၤဘၣ်ဖၣ်လဲအီၤလီၤ. အဝဲသ့ၣ်လဲၤဃီၤဆူအအိၣ် ဒီးဒုးအီအီၤစပံးထံလၢအပှ့ၤဘၣ်တကလုာ်

မၤတၢ် 13:41

‘ပှၤကတိၤဒုၣ်ဒွဲၣ်တၢ်သ့ၣ်ဧၢ, ကွၢ်, ကမၢကမၣ်ဒီးဟးဂီၤတက့ၢ်. အဂ့ၢ်ဒ်အံၤ, တၢ်မၤလၢယမၤယဲဖဲ သုစိၤသုဆၢကတီၢ်ဒၣ်ဝဲအံၤန့ၣ်, မ့ၢ်တၢ်တမံၤလၢပှၤတဂၤဂၤမ့ၢ်တဲနၢ်ပၢၢ်သုလၢ အဂ့ၢ်ဒၣ်လဲာ်, တမ့ၢ်လၢသုကစူၢ်ကနာ်အီၤဘၣ်န့ၣ်လီၤ.’ ”

မၤတၢ် 17:18

ပှၤအ့းပံၤကူၤရူးဖိအသရၣ်ဒီးပှၤစတီးအၤဖိအသရၣ်တနီၤ ကတိၤဂ့ၢ်လိာ်ဘှီလိာ်စ့ၢ်ကီးတၢ်ဒီးအီၤန့ၣ်လီၤ. အဝဲသ့ၣ်တနီၤစံးဝဲ, “ပှၤတသ့ၣ်ညါနၢ်ပၢၢ်တၢ်ဒီးလိာ်သ့အသးတဂၤအံၤမ့ၢ်အအဲၣ်ဒိး တဲတၢ်မနုၤလဲၣ်.” ပှၤအဂၤတနီၤစံးဝဲ, “ဖျါလၢအဝဲကတိၤတၢ်ဘၣ်ဃးထံဂၤကီၢ်ဂၤအကစၢ်ယွၤ တဖၣ်အဂ့ၢ်လီၤ.” အဝဲသ့ၣ်စံးတၢ်ဒ်သိးအံၤန့ၣ်မ့ၢ်လၢစီၤပီလူးစံၣ်တဲၤတဲ လီၤတၢ်ဘၣ်ဃးယ့ၣ်ၡူးဒီးတၢ်ဂဲၤဆၢထၢၣ်သမူထီၣ်က့ၤအဂ့ၢ် အဃိလီၤ.

မၤတၢ် 17:31

အဂ့ၢ်ဒ်အံၤ, အဝဲပာ်ဂၢၢ်ပာ်ကျၢၤမုၢ်တနံၤလၢအကစံၣ်ညီၣ် ဟီၣ်ခိၣ်ဒီဘ့ၣ်လၢတၢ်တီတၢ်လိၤအပူၤ, ခီဖျိပှၤတဂၤလၢ အဃုထၢတ့ၢ်ဝဲန့ၣ်လီၤ. အဝဲဟ့ၣ်တ့ၢ်လံပှၤကိးဂၤဒဲးလၢတၢ်အုၣ်အသးဘၣ်ဃးဒီးတၢ် တမံၤအံၤအဂ့ၢ်ခီဖျိအဒုးဂဲၤဆၢထၢၣ်က့ၤပှၤအဝဲန့ၣ်လၢတၢ်သံ န့ၣ်လီၤ.”

မၤတၢ် 17:33

အန့ၣ်ဝံၤဒီးစီၤပီလူးဟးထီၣ်ကွံာ်လၢအဝဲသ့ၣ်အအိၣ်န့ၣ်လီၤ.

မၤတၢ် 2:13

မ့မ့ၢ်ပှၤအဂၤတဖၣ်နံၤဘၣ်ဖၣ်လဲပှၤစူၢ်က့ၤနာ်က့ၤတၢ်တဖၣ်န့ၣ်ဒီးစံးဝဲ, “ပှၤသ့ၣ်တဖၣ်အံၤမူၤလၢစပံးထံလီၤ.”

မၤတၢ် 24:25

ဘၣ်ဆၣ်ဒီးဖဲစီၤပီလူးကတိၤကဒီးတၢ်ဘၣ်ဃးတၢ်ဂ့ၤတၢ်ဝါ, တၢ်ပၢၤသူၣ်ပၢၤသးဒီးမုၢ်စံၣ်ညီၣ်နံၤလၢအကဟဲအဂ့ၢ်န့ၣ်, စီၤဖ့လံးပျံၤတၢ်ဒီးစံးဝဲ, “နက့ၤသ့လံ. ယတၢ်ဆၢကတီၢ်မ့ၢ်အိၣ်န့ၣ်, ယကကိးဒံးနၤလီၤ.”

မၤတၢ် 25:19

အိၣ်ဒၣ်အဝဲသ့ၣ်ဂ့ၢ်လိာ်ဘှီလိာ်အသးဒီးအီၤဘၣ်ဃး အတၢ်ဘူၣ်တၢ်ဘါဒၣ်ဝဲ, ဒီးဘၣ်ဃးပှၤတဂၤလၢအမံၤမ့ၢ် ယ့ၣ်ၡူးလၢအသံတ့ၢ်ဝဲ, ဘၣ်ဆၣ်ဒီးစီၤပီလူးစံးလၢ အအိၣ်မူဒံးဝဲန့ၣ်လီၤ.

မၤတၢ် 26:8

ဘၣ်မနုၤအဃိသုဝဲသုတနာ်လၢကစၢ်ယွၤဒုးဂဲၤဆၢထၢၣ် သမူထီၣ်က့ၤပှၤသံန့ၣ်လဲၣ်.

1 ကရံၣ်သူး 1:23

မ့မ့ၢ်ပဝဲသ့ၣ်တဖၣ်အံၤ, ပစံၣ်တဲၤတဲလီၤခရံာ်လၢအဘၣ်တၢ်ပျၤထီအီၤလၢထူၣ်စုညါ အလိၤ, တၢ်ကစီၣ်လၢအမၤဆါပှၤယူဒၤဖိတဖၣ်အသး, ဒီးမ့ၢ်တၢ်ကလီကလီလၢပှၤကလုာ်ဂၤသ့ၣ်တဖၣ်အဂီၢ်န့ၣ်လီၤ.

1 ကရံၣ်သူး 15:12

ခဲကနံၣ်အံၤ, မ့ၢ်လၢပတၢ်ကစီၣ်မ့ၢ်ဝဲခရံာ်ဘၣ်တၢ်ဒုးဂဲၤဆၢထၢၣ်သမူ ထီၣ်က့ၤအီၤလၢတၢ်သံအဃိဒီး, သုဝဲတနီၤသုစံးလၢပှၤသံတဖၣ်တဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤန့ၣ်သ့ဝဲလၢကျဲဒ်လဲၣ်.

1 ကရံၣ်သူး 4:10

လၢခရံာ်အဂီၢ်ပမ့ၢ်ပှၤသူၣ်တဆးသးတဆး, ဘၣ်ဆၣ်သုဝဲသုကူၣ်ဘၣ်ကူၣ်သ့လၢသုတၢ်ပာ်ဖှိၣ်ဃုာ်သုသး တပူၤဃီဒီးခရံာ်အပူၤလီၤ. ပဝဲပဂံၢ်စၢ်ဘါစၢ်, ဘၣ်ဆၣ်သုဂံၢ်ဆူၣ်ဘါဆူၣ်လီၤ. ပဘၣ်တၢ်ကွၢ်တလီၤပှၤဘၣ်ဆၣ်သုဒိးဘၣ်တၢ်မၤလၤကပီၤသုလီၤ.

၂ ကရံၣ်သူး 6:2

ဒိကနၣ်တၢ်လၢကစၢ်ယွၤစံးဝဲန့ၣ်တက့ၢ်. “ဖဲတၢ်ဆၢကတီၢ်တုၤအိၣ်လၢယဂီၢ်, လၢယကမၤဂ့ၤသုန့ၣ်, ယဒိကနၣ်သုကလုၢ်လီၤ. ဖဲမုၢ်နံၤမုၢ်သီတုၤအိၣ်လၢယဂီၢ်, လၢယကဘၣ်အုၣ်က့ၤခီၣ်က့ၤသုန့ၣ်, ယမၤစၢၤသုလီၤ.” ဒိကနၣ်တက့ၢ်. ခဲကနံၣ်အံၤ မ့ၢ်ဝဲဆၢကတီၢ်နၣ်ရံၣ်လၢတၢ် ကဒိးန့ၢ်ယွၤအတၢ်မၤဂ့ၤအဂီၢ်လီၤ. တနံၤအံၤမ့ၢ်မုၢ်တနံၤလၢတၢ်ကဒိးန့ၢ်တၢ်အုၣ်က့ၤခီၣ်က့ၤ အဂီၢ်လီၤ.

ဧ့ၤဘြံၤ 11:36

ပှၤတနီၤဘၣ်တၢ်ဒုၣ်ဒွဲၣ်ပယွဲအီၤဒီးဘၣ်တၢ်တီၢ်အီၤ, ဒီးအဂၤတနီၤဘၣ်တၢ်စၢဃာ်အီၤလၢထးသွဲဒီးလီၤဘၣ်ဒၣ် လဲာ်လၢဃိာ်ပူၤလီၤ.

ဧ့ၤဘြံၤ 13:13

လၢတၢ်န့ၣ်အဃိ, မ်ပလဲၤသကိးဆူဒဲအချၢဒီးတူၢ်သကိးဃုာ်တၢ် ဒုၣ်ဒွဲၣ်ဒီးအီၤန့ၣ်တက့ၢ်.