မၤတၢ် 17:30 - Sgaw Karen Common Bible

³⁰ ဖဲပှၤကညီတသ့ၣ်ညါဒံးကစၢ်ယွၤအဆၢကတီၢ်န့ၣ်, ယွၤကွၢ်ကပာ်အတၢ်ကမၣ်ဒ်န့ၣ်အသိးတမံၤလီၤ. မ့မ့ၢ်ခဲကနံၣ်အံၤအဝဲဒၣ်ဟ့ၣ်လီၤအကလုၢ်ဆူပှၤကိးဂၤဒဲးလၢ တၢ်လီၢ်ကိးပူၤဒဲးဒ်သိးအကဃၣ်ကွံာ်လၢအကျဲအၢကျဲသီ တဖၣ်န့ၣ်လီၤ.

မၤတၢ် 17:30 Iomraidhean Croise

စံးထီၣ်ပတြၢၤ 50:21

နမၤတ့ၢ်တၢ်သ့ၣ်တဖၣ်အံၤဒီးယအိၣ်ဃိကလာ်လီၤ. နဆိကမိၣ်လၢယဒ်သိးဒီးနကစၢ်ဒၣ်နဲလီၤ. ဘၣ်ဆၣ်ယသိၣ်ဃီၣ်နၤခဲအံၤ ဒီးပာ်လီၤတၢ်ကမၣ်လၢနမဲာ်ညါလီၤ.

လံာ်ယၡါယၤ 21:12

ယစံးဆၢအီၤ, “မုၢ်ဂီၤဟဲဝဲလံ, ဘၣ်ဆၣ်မုၢ်နၤကဟဲကဒီး လီၤ. နမ့ၢ်အဲၣ်ဒိးသံကွၢ်ကဒီးန့ၣ်, ဟဲက့ၤကဒါက့ၤဒီးသံကွၢ် တက့ၢ်.”

လံာ်မးသဲ 20:7

အဝဲသ့ၣ်စံးဆၢအီၤ, ‘မ့ၢ်လၢပှၤတမၢလဲပှၤနီတဂၤအဃိလီၤ.’ ဒီးစံးဘၣ်အဝဲသ့ၣ်, ‘လဲၤစ့ၢ်ကီးသုဝဲဆူစပံးလီၢ်အပူၤ, ဒီးမၤတၢ်ဖဲန့ၣ်တက့ၢ်.’

လံာ်မးသဲ 3:2

အဝဲစံးဝဲ, “ပီၢ်ယၢ်လီၤက့ၤဒီး ဃၣ်လိၤက့ၤသုသးတက့ၢ်. အဂ့ၢ်ဒ်အံၤ, မူခိၣ်အဘီအမုၢ်ကသူၣ်လီၤအသးဘူးထီၣ်လံ.”

လံာ်မးသဲ 4:17

စးထီၣ်ဖဲန့ၣ်ယ့ၣ်ၡူးစံၣ်တဲၤတဲလီၤတၢ်ဒီးစံး, “ပီၢ်ယၢ်လီၤက့ၤဒီးဃၣ်လိၤက့ၤသုသးတက့ၢ်. အဂ့ၢ်ဒ်အံၤမူခိၣ်အဘီအမုၢ်ကသူၣ်လီၤအသးဘူးထီၣ်လံ.”

လံာ်မၢ်ကူး 1:15

ဒီးစံးဝဲဒၣ်, “တၢ်ဆၢကတီၢ်ဘၣ်လံဒီးကစၢ်ယွၤအဘီအမုၢ်ဘူး ထီၣ်လံ. ပီၢ်ယၢ်ဒီးဃၣ်လိၤက့ၤသုသးဒီးစူၢ်က့ၤနာ်က့ၤတၢ်သးခု အကစီၣ်န့ၣ်တက့ၢ်.”

လံာ်မၢ်ကူး 6:12

အန့ၣ်ဒီးအဝဲသ့ၣ်တဖၣ်ဟးထီၣ်ဒီးစံၣ်တဲၤတဲလီၤတၢ်လၢပှၤ ကပီၢ်ယၢ်ဒီးဃၣ်လိၤက့ၤအသးလၢအတၢ်ဒဲးဘးတဖၣ်အဂီၢ်လီၤ.

လံာ်လူၤကၣ် 13:5

တမ့ၢ်ဘၣ်. ယစံးဘၣ်တဲဘၣ်သုလၢသုမ့ၢ်တဃၣ်ကွံာ်လၢသုတၢ်ဒဲးဘး တဖၣ်န့ၣ်, သုဝဲကိးဂၤဒဲးသုကသံဒ်အဝဲသ့ၣ်အသိးလီၤ.”

လံာ်လူၤကၣ် 15:10

ဒ်န့ၣ်အသိးယစံးဘၣ်တဲဘၣ်သု, ကစၢ်ယွၤအကလူးတဖၣ်သူၣ်ခု သးခုလၢပှၤတၢ်ဒဲးဘးဖိတဂၤလၢအပီၢ်ယၢ်လီၤက့ၤအသး အဃိန့ၣ်လီၤ.”

လံာ်လူၤကၣ် 24:47

ဒီးလၢအဝဲဒၣ်အမံၤန့ၣ်, တၢ်ကစီၣ်ဘၣ်ဃးတၢ်ပီၢ်ယၢ်လီၤသးဒီးတၢ်ပျၢ်တၢ်ဒဲးဘး, ကဘၣ်တၢ်စံၣ်တဲၤတဲလီၤအီၤလၢပှၤကိးကလုာ်ဒဲးအဂီၢ်, အဆိလၢဝ့ၢ်ယရူၤၡလ့ၣ်န့ၣ်လီၤ.

မၤတၢ် 11:18

ဖဲအဝဲသ့ၣ်နၢ်ဟူဘၣ်တၢ်ဂ့ၢ်တမံၤအံၤန့ၣ်, အဝဲသ့ၣ်ဆိကတီၢ်ကွံာ်အတၢ်ကတိၤပာ်တၢ်ကမၣ်, ဒီးစံးထီၣ်ပတြၢၤယွၤဒီးစံးဝဲ, “မ့မ့ၢ်ဒ်န့ၣ်ဒီးကစၢ်ယွၤဟ့ၣ်စ့ၢ်ကီးလံပှၤကလုာ်ဂၤတဖၣ် တၢ်အခွဲးအယာ်လၢအကပီၢ်ယၢ်ဒီးဃၣ်လိၤက့ၤအသးဒီးကမူဝဲအဂီၢ် န့ၣ်လီၤ.”

မၤတၢ် 14:16

လၢအပူၤကွံာ်န့ၣ်, အဝဲဒၣ်ပျဲပှၤကိးကလုာ်ဒဲးလဲၤဖဲအသးမၤဖဲ အသးဒၣ်ဝဲလီၤ.

မၤတၢ် 17:23

အဂ့ၢ်ဒ်အံၤ, ဖဲယဟးလၢသုဝ့ၢ်ပူၤဒီးကွၢ်သုတၢ်ဘူၣ်တၢ်ဘါအလီၢ် တဖၣ်န့ၣ်, ယထံၣ်တၢ်လုၢ်လီၢ်တတီၤလၢတၢ်ကတိၤအိၣ်ကွဲးအသး လၢအဖီခိၣ်, ‘ကစၢ်ယွၤလၢတၢ်တသ့ၣ်ညါအီၤတဂၤအဂီၢ်’ န့ၣ်လီၤ. လၢတၢ်န့ၣ်အဃိ, ယွၤလၢသုဘူၣ်ထီၣ်ဘါထီၣ်ဒီးသုတသ့ၣ်ညါအီၤဒၣ်လဲာ်တဂၤန့ၣ်, ယစံၣ်တဲၤတဲလီၤန့ၢ်သုလၢအဂ့ၢ်ခဲကနံၣ်အံၤလီၤ.

မၤတၢ် 20:21

ယဟ့ၣ်ပလီၢ်ပှၤယူဒၤဖိဒီးပှၤကလုာ်ဂၤခံဖုလၢာ်သပှၢ်ပှၢ်ဒ်သိးအဝဲသ့ၣ် ကညိကွံာ်အတၢ်ဒဲးဘးဒီးဃၣ်က့ၤအသးဆူကစၢ်ယွၤအအိၣ်, ဒီးစူၢ်က့ၤနာ်က့ၤပကစၢ်ယ့ၣ်ၡူးန့ၣ်လီၤ.

မၤတၢ် 3:19

ပီၢ်ယၢ်လီၤဒီးဃၣ်လိၤက့ၤသုသးဆူကစၢ်ယွၤအအိၣ်, ဒ်သိးအဝဲကပျၢ်ကွံာ်သုတၢ်ဒဲးဘးအဂီၢ်န့ၣ်တက့ၢ်. သုမ့ၢ်မၤဒ်န့ၣ်ဒီး,

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

ရိမ့ၤ 2:4

မ့တမ့ၢ်ဘၣ်ဒီး, မ့ၢ်နမၤတရီတပါကစၢ်ယွၤအတၢ်ဂ့ၤတၢ်ဝါ, အတၢ်ဝံသးစူၤဒီးအတၢ်သူၣ်စူၤသးစူၤလၢအဒိၣ်ဝဲအါဝဲန့ၣ်ဧါ. နသ့ၣ်ညါလၢကစၢ်ယွၤအတၢ်ဂ့ၤတၢ်ဝါကျဲးစၢးဆှၢနၤဆူတၢ်ပီၢ် ယၢ်လီၤက့ၤနသးန့ၣ်လီၤ.

ရိမ့ၤ 3:23

ပှၤဟီၣ်ခိၣ်ဖိခဲလၢာ်မၤတၢ်ဒဲးဘးဒီးတချုးန့ၢ်ထီၣ်ဘးကစၢ်ယွၤ အလၤကပီၤဘၣ်.

ရိမ့ၤ 3:25

ကစၢ်ယွၤဟ့ၣ်လီၤယ့ၣ်ၡူးခရံာ်ဒ်သိးခီဖျိအတၢ်သံန့ၣ်, အဝဲကကဲထီၣ်ကျဲလၢပှၤဟီၣ်ခိၣ်ဖိတဖၣ်အတၢ်ဒဲးဘး ကဘၣ်တၢ်ပျၢ်အီၤအဂီၢ်လၢအဝဲသ့ၣ်အတၢ်နာ်အီၤအဃိန့ၣ်လီၤ. ကစၢ်ယွၤမၤတ့ၢ်တၢ်အံၤဒ်သိးအကဒုးနဲၣ်အတၢ်တီတၢ်လိၤ အဂီၢ်န့ၣ်လီၤ. လၢအပူၤကွံာ်န့ၣ်, ကစၢ်ယွၤဝံသးစူၤတၢ်ဒီးကွၢ်ကပာ်ကွံာ်ပှၤဟီၣ်ခိၣ်ဖိ တဖၣ်အတၢ်ဒဲးဘးန့ၣ်လီၤ.

၂ ကရံၣ်သူး 7:10

အဂ့ၢ်ဒ်အံၤ, တၢ်သးအုးလၢအဘၣ်တၢ်သူအီၤလၢကစၢ် ယွၤန့ၣ်, ဒုးအိၣ်ထီၣ်တၢ်လဲလိာ်သးလၢအဆှၢပှၤဆူတၢ်အုၣ်က့ၤ ခီၣ်က့ၤဒီးလၢအဝဲန့ၣ်အပူၤ တၢ်သးအုးလၢအဃိတအိၣ်နီ တမံၤဘၣ်. မ့မ့ၢ်တၢ်သးအုးလၢအဘၣ်ထွဲဒၣ်ဒီးပှၤဟီၣ်ခိၣ်ဖိ ဧိၤန့ၣ်, ဒုးအိၣ်ထီၣ်တၢ်သံတၢ်ပှၢ်လီၤ.

၁ ပ့းတရူး 4:3

သုမၤလၢာ်တ့ၢ်တၢ်ဆၢကတီၢ်လၢအပူၤကွံာ်ခီဖျိသုမၤ တၢ်လၢပှၤတသ့ၣ်ညါယွၤတဖၣ်သးအိၣ်မၤဝဲန့ၣ်လီၤ. သုတၢ်အိၣ်မူဘၣ်တၢ်မၤလၢာ်အီၤလၢတၢ်တဆဲးတလၤ, တၢ်သးကတၢ, တၢ်အီမူၤအီဘှီးသး, တၢ်အီသံးဂဲၤ ကလံာ်တဖၣ်, တၢ်အီသံးအမူးတဖၣ်, ဒီးတၢ်လီၤသးဘၣ်အၢလၢတၢ်ဘါထီၣ်တၢ်ဂီၤတၢ်ဖီၣ် တဖၣ်န့ၣ်လီၤ.