မၤတၢ် 17:28 - Sgaw Karen Common Bible

²⁸ ဒ်ပှၤတဂၤစံးတ့ၢ်ဝဲအသိး, ‘လၢအဝဲဒၣ်အပူၤပမူ, ပဟူးပဂဲၤ, ဒီးပမ့ၢ်တၢ်လီၤ.’ ဒ်သုပှၤကွဲးထါတနီၤစံးတ့ၢ်ဝဲအသိး, ‘ပဝဲစ့ၢ်ကီးပမ့ၢ်အဝဲဒၣ်အဖိတဖၣ်လီၤ.’

မၤတၢ် 17:28 Iomraidhean Croise

လံာ်စီၤယိၤဘး 12:10

အအံၤမ့ၢ်ကစၢ်ယွၤလၢအနဲၣ်လိအတၢ်ဘၣ်တ့သ့ၣ်တဖၣ် အတၢ်အိၣ်မူန့ၣ်လီၤ. ပှၤကိးဂၤဒဲးအတၢ်အိၣ်မူအံၤအိၣ်ဝဲ ဒၣ်လၢအစိအကမီၤအပူၤန့ၣ်လီၤ.

စံးထီၣ်ပတြၢၤ 36:9

တၢ်မူအထံထီၣ်ပၢၢ်အိၣ်ဒီးနၤ ဒီးပထံၣ်တၢ်ကပီၤလၢနတၢ်ကပီၤအပူၤန့ၣ်လီၤ.

စံးထီၣ်ပတြၢၤ 66:9

ပၢၤဃာ်ပသးလၢပှၤမူသ့ၣ်တဖၣ်အကျါ ဒီးတဟ့ၣ်ပခီၣ်လီၤတလံာ်ဘၣ်.

လံာ်ယံးရမံယၤ 38:16

လၢတၢ်န့ၣ်အဃိ, စီၤပၤစံးဒကံယၤအၢၣ်လီၤယၤလၢ တၢ်ခူသူၣ်အပူၤစံးဝဲ, “ယဆိၣ်တၢ်လၢ ကစၢ်ယွၤလၢ အမူဝဲ, ကစၢ်ယွၤလၢ အဟ့ၣ်ပှၤတၢ်မူအမံၤအပူၤ, လၢယတမၤသံနၤမ့ၢ်ဂ့ၤ, ဟ့ၣ်လီၤကွံာ်နၤဆူ ပှၤလၢအသးအိၣ် မၤသံနၤတဖၣ်အစုပူၤမ့ၢ်ဂ့ၤ န့ၣ်ဘၣ်.”

လံာ်ဒၤနံးယ့လး 5:23

နပာ်ထီၣ်ထီတ့ၢ်နသးထီဒါမူခိၣ်အကစၢ်ဒီးဟဲစိာ်နုာ်လီခီတဖၣ်လၢ ဘၣ်တၢ်ဟဲက့ၤစိာ်အီၤလၢအတၢ်လုၢ်ဟံၣ်ဒီးနဲဒၣ်ဒီးနပဒိၣ်ပပှၢ်တဖၣ်, နမါတဖၣ်ဒီးနသံၣ်မါတဖၣ်ဒၢနုာ်အီစပံးထံလၢအပူၤလီၤ. ဒီးနစံးထီၣ်ပတြၢၤကစၢ်ထူ, ကစၢ်စ့, ကစၢ်တိၢ်ဘီ, ကစၢ်ထး, ကစၢ်သ့ၣ်ဒီးကစၢ်လၢၢ်လၢအတထံၣ်တၢ်, တနၢ်ဟူတၢ်ဒီး တသ့ၣ်ညါတၢ်နီတမံၤတဖၣ်န့ၣ်လီၤ. မ့မ့ၢ်ကစၢ်ယွၤလၢအစံၣ်ညီၣ် နတၢ်မူ, တၢ်သံဒီးအပၢၤဃးကယဲၢ်နမၤတၢ်တမံၤလၢ်လၢ်န့ၣ်နတမၤလၤ ကပီၤတ့ၢ်အီၤဘၣ်.

လံာ်လူၤကၣ် 20:38

အဝဲဒၣ်မ့ၢ်ပှၤမူအကစၢ်ယွၤ, ဒီးတမ့ၢ်ပှၤသံအကစၢ်ယွၤဘၣ်. အဂ့ၢ်ဒ်အံၤ, ပှၤကိးဂၤဒဲးမူဝဲလၢအီၤလီၤ.”

လံာ်လူၤကၣ် 3:38

စီၤက့ၤနၣ်အပၢ်မ့ၢ်ဝဲစီၤအနိၣ်, စီၤအနိၣ်အပၢ်မ့ၢ်ဝဲစီၤၡ့သး, စီၤၡ့သးအပၢ်မ့ၢ်ဝဲစီၤအၤဒၣ်လၢအမ့ၢ်ဝဲကစၢ်ယွၤအဖိခွါန့ၣ်လီၤ.

လံာ်ယိၤဟၣ် 11:25

ယ့ၣ်ၡူးစံးဘၣ်အီၤ, “ယဲဒၣ်အံၤ ယမ့ၢ်တၢ်ဂဲၤဆၢထၢၣ်သမူထီၣ်က့ၤ ဒီးတၢ်မူန့ၣ်လီၤ. ပှၤလၢအစူၢ်က့ၤနာ်က့ၤယၤတဂၤလၢ်လၢ်န့ၣ်, မ့ၢ်သံဘၣ်ဆၣ်ဒီးကမူဝဲလီၤ.

လံာ်ယိၤဟၣ် 5:26

ဒ်ပၢ်အကစၢ်ဒၣ်ဝဲမ့ၢ်တၢ်မူအဂံၢ်ခီၣ်ထံးအသိးန့ၣ်, ဒုးကဲထီၣ်စ့ၢ်ကီးအဖိခွါလၢကမ့ၢ်တၢ်မူအဂံၢ်ခီၣ် ထံးဒ်န့ၣ်အသိးလီၤ.

လံာ်သိၣ်လီၤသီလီၤတၢ် 30:20

အဲၣ်ယွၤ, သုကစၢ်ယွၤ, စူၢ်အီၤဒီးအိၣ်ဒီးတၢ်သူၣ်တီသးရၤဒီး အီၤတက့ၢ်. အန့ၣ်ဒီးသုဝဲဒီးသုစၢၤသုသွဲၣ်တဖၣ်ကအိၣ်ကၢအိၣ်ခိးလၢကီၢ် န့ၣ်အပူၤ, လၢအဝဲအၢၣ်လီၤပာ်တ့ၢ်ဝဲလၢကဟ့ၣ်လီၤသုပၢ်ဖးဒိၣ်လၢပျၢၤ တဖၣ်လၢအမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်န့ၣ်လီၤ.

ကလီးစဲ 1:17

ခရံာ်အိၣ်ဆိတ့ၢ်လၢတၢ်ခဲလၢာ်အမဲာ်ညါဒီးအဝဲဒၣ်ဟံးဃာ်တၢ် ခဲလၢာ်တပူၤဃီန့ၣ်လီၤ.

တံတူး 1:12

ပှၤကြ့တ့ၤဖိလၢအမ့ၢ်အဝဲသ့ၣ်အဝံဒၣ်ဝဲအကျါတဂၤစံးဝဲ, “ပှၤကြ့တ့ၤဖိတဖၣ်ထီဘိမ့ၢ်ပှၤလီတၢ်ဝ့ၤတၢ်, ဆၣ်ဖိကီၢ်ဖိလၢအအၢအသီတဖၣ်, ဒီးပှၤအကၢၣ်ကျူလၢအအီၣ်လုၣ်ကိတၢ်တဖၣ်န့ၣ်လီၤ.”

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

ဧ့ၤဘြံၤ 12:9

လၢတၢ်န့ၣ်အမဲာ်ညါ, ပအိၣ်ဒီးပပၢ်တဖၣ်လၢဟီၣ်ခိၣ်ချၢအံၤလၢ အသိၣ်ဃီၣ်ပှၤဒီးပယူးယီၣ်ပာ်ကဲအဝဲသ့ၣ်လီၤ. ပဂ့ၤဆီၣ်လီၤပသးလၢပပၢ်အိၣ်လၢမူခိၣ်အဖီလာ်အါန့ၢ် အန့ၣ်တက့ၢ်ဒီးမူပဝဲန့ၣ်လီၤ.

ဧ့ၤဘြံၤ 2:11

ပှၤလၢအမၤစီထီၣ်ဆှံထီၣ်ပှၤတဖၣ်လၢအတၢ်ဒဲးဘးဒီး ပှၤလၢအဘၣ်တၢ်မၤစီထီၣ်ဆှံထီၣ်အီၤတဖၣ်အိၣ်ဒီးပၢ်တဂၤ ဃီလီၤ. လၢတၢ်န့ၣ်အဃိယ့ၣ်ၡူးအမဲာ်တဆှးဘၣ်လၢကကိး အဝဲသ့ၣ်လၢဒီပုၢ်ဝဲၢ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 25:29

ပှၤတဂၤဂၤမ့ၢ်ကဘၣ်ဒုးနၤဒီးကျဲးစၢးလၢကမၤသံနၤန့ၣ်ယွၤ, နကစၢ်ယွၤကမၤပူၤဖျဲးနၤ, ဒ်ပှၤတဂၤကဟုကယာ်တၢ်စုလီၢ်ခီၣ်ခိၣ် လုၢ်ဒိၣ်ပှ့ၤဒိၣ်တမံၤအသိးန့ၣ်လီၤ. ဘၣ်ဆၣ်ဒီးလၢနဒုၣ်နဒါတဖၣ်အဂီၢ်န့ၣ်, ယွၤကစူးကွံာ်အဝဲသ့ၣ်ဆူအယံၤ, ဒ်ပှၤတဂၤဘျုးထီၣ်ကွံာ်လၢၢ်တဖၣ်လၢအနီၣ်ဘျုးအသိးန့ၣ်လီၤ.