မၤတၢ် 17:27 - Sgaw Karen Common Bible

²⁷ အဝဲဒၣ်တ့လီၤပာ်လီၤပှၤဟီၣ်ခိၣ်ဖိဒ်အံၤမ့ၢ်ဒ်သိးအဝဲသ့ၣ် ကဃုအီၤဒီးဘၣ်တဘၣ်ကထံၣ်န့ၢ်အီၤဖဲအဝဲသ့ၣ်ကလၢၢ်ဘၣ်အီၤ အခါန့ၣ်လီၤ. နီၢ်နီၢ်တခီ, ကစၢ်ယွၤအိၣ်တယံၤဒီးပဝဲနီတဂၤဘၣ်.

မၤတၢ် 17:27 Iomraidhean Croise

လံာ်စီၤပၤအခီၣ်ထံးတဘ့ၣ် 8:27

ဘၣ်ဆၣ်ဒီးကစၢ်ယွၤဧၢ, မ့ၢ်နအိၣ်နဆိးနီၢ်နီၢ်လၢဟီၣ်ခိၣ်အံၤ ကသ့စ့ၢ်ကီးဧါ. ကယဲၢ်မူခိၣ်အလီၢ်ဒၣ်လဲာ်တလဲၢ်ဝဲလၢနကအိၣ်ကဆိးဘၣ်အဃိ, ယွၤအတၢ်လုၢ်ဟံၣ်လၢယဘှီ ထီၣ်အံၤတြီၢ်ဝဲလၢလၢလီၣ်လီၣ်လၢနဂီၢ်ကသ့ဒ်လဲၣ်.

မၤတၢ် 14:17

ဘၣ်ဆၣ်ဒီးအဝဲဟ့ၣ်တ့ၢ်လံတၢ်အုၣ်အသးထီဘိဘၣ်ဃးအနီၢ် ကစၢ်ဒၣ်ဝဲအဂ့ၢ်ခီဖျိတၢ်မၤအဂ့ၤအဝါလၢအမၤဝဲတဖၣ်န့ၣ်လီၤ. အဝဲဒၣ်ဒုးစူၤလီၤတၢ်လၢမူခိၣ်လၢသုဂီၢ်, ဒီးဒုးသၣ်ထီၣ်ဘုဟုတၤသူတၤသၣ်ဘၣ်ဆၢဘၣ်ကတီၢ်, အဝဲဒၣ်ဟ့ၣ်သုတၢ်အီၣ်တၢ်အီ, ဒီးမၤပှဲၤသုသးလၢတၢ်သူၣ် ဖှံသးညီန့ၣ်လီၤ.”

မၤတၢ် 15:17

တုၤနုၤတစု, ပှၤဟီၣ်ခိၣ်ဖိအဂၤခဲလၢာ်, ပှၤကလုာ်ဂၤခဲလၢာ်လၢယကိးတ့ၢ်အီၤလၢအကကဲယတၢ်ဒၣ်ယဲ တဖၣ်န့ၣ်, ကဟဲဆူယအိၣ်လီၤ.

ရိမ့ၤ 1:20

စးထီၣ်လၢကစၢ်ယွၤတ့လီၤဟီၣ်ခိၣ်လံၤလံၤန့ၣ်, အတၢ်စိကမီၤအထူအယိာ်ဒီးအတၢ်မ့ၢ်ကစၢ်ယွၤအန့ဆၢၣ်လၢ ပှၤထံၣ်အီၤတသ့ဘၣ်တဖၣ်အံၤန့ၣ်, ဘၣ်တၢ်သ့ၣ်ညါနၢ်ပၢၢ်အီၤဆှံဆှံသ့ဝဲခီဖျိတၢ်လၢကစၢ် ယွၤတ့လီၤဝဲသ့ၣ်တဖၣ်အပူၤန့ၣ်လီၤ. လၢတၢ်န့ၣ်အဃိ, အဝဲသ့ၣ်ကတိၤပူၤဖျဲးအသးတသ့ဘၣ်န့ၣ်လီၤ.

ရိမ့ၤ 2:4

မ့တမ့ၢ်ဘၣ်ဒီး, မ့ၢ်နမၤတရီတပါကစၢ်ယွၤအတၢ်ဂ့ၤတၢ်ဝါ, အတၢ်ဝံသးစူၤဒီးအတၢ်သူၣ်စူၤသးစူၤလၢအဒိၣ်ဝဲအါဝဲန့ၣ်ဧါ. နသ့ၣ်ညါလၢကစၢ်ယွၤအတၢ်ဂ့ၤတၢ်ဝါကျဲးစၢးဆှၢနၤဆူတၢ်ပီၢ် ယၢ်လီၤက့ၤနသးန့ၣ်လီၤ.

လံာ်သိၣ်လီၤသီလီၤတၢ် 4:7

ပှၤကလုာ်ဂၤကဒိၣ်ထဲလဲၣ်ထဲလဲၣ်န့ၣ်, တအိၣ်ဘၣ်ဒီးကစၢ်တဂၤလၢ အအိၣ်ဘူးမးဒီးအဝဲသ့ၣ်, ဖဲအဝဲသ့ၣ်လိၣ်ဘၣ်အီၤအခါဒ်ယွၤ, ပကစၢ်ယွၤအိၣ်ဘူးဒီးပှၤအသိးန့ၣ်ဘၣ်. ဖဲပကိးထီၣ်လၢတၢ်မၤစၢၤအဂီၢ်တဘျီလၢ်လၢ်န့ၣ်, အဝဲစံးဆၢပှၤန့ၣ်လီၤ.