မၤတၢ် 17:24 - Sgaw Karen Common Bible

²⁴ ကစၢ်ယွၤလၢအတ့လီၤပာ်လီၤဟီၣ်ခိၣ်ဒီးတၢ်အိၣ်လၢ အပူၤခဲလၢာ်န့ၣ်, မ့ၢ်မူခိၣ်ဒီးဟီၣ်ခိၣ်အကစၢ်, ဒီးတအိၣ်တဆိးလၢတၢ်လုၢ်ဟံၣ်လၢပှၤကညီဘှီအီၤလၢ အစုပူၤဘၣ်န့ၣ်လီၤ.

မၤတၢ် 17:24 Iomraidhean Croise

လံာ်တၢ်ကဲထီၣ်အခီၣ်ထံး 1:1

လၢထံးလၢသီဖဲကစၢ်ယွၤတ့လီၤပာ်လီၤတ့ၢ်မူခိၣ်ဒီးဟီၣ်ခိၣ်န့ၣ်,

လံာ်တၢ်ကဲထီၣ်အခီၣ်ထံး 14:19

ဒီးဆိၣ်ဂ့ၤအီၤဝံၤဒီးစံးဝဲဒၣ်, “မ်တၢ်ထီကတၢၢ်ကစၢ်ယွၤ လၢအတ့လီၤမူခိၣ်ဒီးဟီၣ်ခိၣ်တဂၤအံၤဆိၣ်ဂ့ၤစီၤအၤဘြၣ်တ က့ၢ်.

လံာ်တၢ်ကဲထီၣ်အခီၣ်ထံး 14:22

စီၤအၤဘြၣ်စံးဆၢဝဲဒၣ်, “ယဆိၣ်လီၤယသးသညူးသပှၢ်လၢယွၤ, တၢ်ထီကတၢၢ်ကစၢ်ယွၤ, ယွၤလၢအတ့လီၤမူခိၣ်ဒီးဟီၣ်ခိၣ်အမဲာ်ညါ,

လံာ်စီၤပၤအခီၣ်ထံးတဘ့ၣ် 8:27

ဘၣ်ဆၣ်ဒီးကစၢ်ယွၤဧၢ, မ့ၢ်နအိၣ်နဆိးနီၢ်နီၢ်လၢဟီၣ်ခိၣ်အံၤ ကသ့စ့ၢ်ကီးဧါ. ကယဲၢ်မူခိၣ်အလီၢ်ဒၣ်လဲာ်တလဲၢ်ဝဲလၢနကအိၣ်ကဆိးဘၣ်အဃိ, ယွၤအတၢ်လုၢ်ဟံၣ်လၢယဘှီ ထီၣ်အံၤတြီၢ်ဝဲလၢလၢလီၣ်လီၣ်လၢနဂီၢ်ကသ့ဒ်လဲၣ်.

လံာ်စီၤပၤခံဘ့ၣ်တဘ့ၣ် 19:15

ဒီးဃ့ဘါထုကဖၣ်ဝဲဒ်အံၤ, “အိယွၤ, ကီၢ်အံၣ်စရ့လးအကစၢ်ယွၤ, လၢအဆ့ၣ်နီၤဝဲလၢလီၢ်ပစိာ်အိၣ်ဝဲလၢခ့ရူၢ်တဖၣ်အလိၤ တဂၤဧၢ, နမ့ၢ်နဲကစၢ်ယွၤထဲတဂၤဧိၤ, လၢကပၢကယဲၢ်ဘီမုၢ်ခဲလၢာ်လၢဟီၣ်ခိၣ်ချၢန့ၣ်လီၤ. နတ့လီၤပာ်လီၤဟီၣ်ခိၣ်ဒီးမူကပိာ်လိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:6

ဘၣ်ဆၣ်, ပှၤသူၣ်ထီၣ်တၢ်လုၢ်ဟံၣ်တဖျၢၣ်လၢယွၤအဂီၢ်တသ့နီၢ်နီၢ် နီတဂၤဘၣ်. အဂ့ၢ်ဒ်အံၤ, ကယဲၢ်မူခိၣ်အတၢ်လီၢ်အလဲၢ်ခဲလၢာ်ဒၣ်လဲာ်, အဝဲအိၣ်တတြီၢ်ဘၣ်. မ့မ့ၢ်ဒ်န့ၣ်ဒီး, တၢ်လုၢ်ဟံၣ်တဖျၢၣ်လၢ ယသူၣ်ထီၣ်အီၤအံၤ, မ့ၢ်တၢ်အါန့ၢ်ဒံးတၢ်လီၢ်တတီၤဖဲ တၢ်လုၢ်နၢမူကဘၣ်တၢ်ဆူးကဲၤထီၣ်အီၤဆူကစၢ်ယွၤန့ၣ်, ကသ့ဒ်လဲၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 6:18

ဘၣ်ဆၣ်ဒီး, အိကစၢ်ယွၤဧၢ, နအိၣ်နဆိးလၢဟီၣ်ခိၣ်ချၢလၢပှၤပိာ် ခွါတဖၣ်ဒီးပှၤပိာ်မုၣ်တဖၣ်အကျါ, ဘၣ်ကသ့နီၢ်နီၢ်ဧါ. ကယဲၢ်မူခိၣ်အလီၢ်ခဲလၢာ်ဒၣ်လဲာ်န့ၣ်, တလဲၢ်ဝဲတုၤကလၢဝဲလၢနကအိၣ်ကဆိးအဂီၢ်န့ၣ်ဘၣ်. လၢတၢ်န့ၣ်အဃိ, ယွၤအတၢ်လုၢ်ဟံၣ်လၢယသူၣ်ထီၣ်တ့ၢ်အီၤအံၤ, လဲၢ်ဝဲလၢလၢလီၣ်လီၣ်ကသ့ဒ်လဲၣ်.

စံးထီၣ်ပတြၢၤ 115:16

မူခိၣ်န့ၣ်ဘၣ်ဃးဒၣ်ဒီးယွၤတဂၤဧိၤန့ၣ်လီၤ. မ့မ့ၢ်ဟီၣ်ခိၣ်န့ၣ်ဟ့ၣ်လီၤဝဲဆူပှၤကညီလီၤ.

စံးထီၣ်ပတြၢၤ 146:5

ပှၤလၢစီၤယၤကိာ်အကစၢ်ယွၤမ့ၢ်အတၢ်မၤစၢၤအီၤ, ပှၤလၢအမုၢ်လၢ်တၢ်လၢယွၤ, အကစၢ်ယွၤန့ၣ် ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 148:13

မ်အဝဲသ့ၣ်ခဲလၢာ်စံးထီၣ်ပတြၢၤယွၤအမံၤတက့ၢ်. အဂ့ၢ်ဒ်အံၤ, အဝဲအမံၤဒိၣ်န့ၢ်ဒံးကယဲၢ်မံၤအဂၤခဲလၢာ်န့ၣ်လီၤ. အလၤကပီၤအိၣ်ထီၣ်ထီဝဲလၢ ဟီၣ်ခိၣ်ဒီးမူခိၣ်အဖီခိၣ်န့ၣ်လီၤ.

စံးထီၣ်ပတြၢၤ 24:1

ဟီၣ်ခိၣ်ဒီးတၢ်လၢအအိၣ်လၢအပူၤ ခဲလၢာ်အံၤ မ့ၢ်ယွၤအတၢ်လီၤ. ဟီၣ်ခိၣ်ဒီးပှၤလၢအအိၣ်ဝဲဆိးဝဲလၢအပူၤ ခဲလၢာ်အံၤ မ့ၢ်အတၢ်လီၤ.

လံာ်ယၡါယၤ 40:12

မ့ၢ်ပှၤထိၣ်ပီၣ်လဲၣ်လၢအစုညါသးတဖၣ်အပူၤ သ့တဂၤဂၤဧါ, မ့တမ့ၢ်ဘၣ်ဒီးထိၣ်မူခိၣ်လၢအစုတဖၣ်သ့တဂၤဂၤဧါ. မ့ၢ်ပှၤစိာ်ဟီၣ်ခိၣ်ဒီဘ့ၣ်အကမူၣ်လၢလီခီတဖျၢၣ်အပူၤ မ့ၢ်ဂ့ၤ, စီၤဝဲကစၢၢ်တဖၣ်ဒီးတၢ်လူၢ်တဖၣ်လၢစီၤပီၢ်ပူၤမ့ၢ်ဂ့ၤ သ့တဂၤဂၤဧါ.

လံာ်ယၡါယၤ 40:28

မ့ၢ်နတသ့ၣ်ညါဘၣ်ဧါ. မ့ၢ်နတနၢ်ဟူတ့ၢ်ဘၣ်ဧါ. ယွၤမ့ၢ်ကစၢ်ယွၤအထူအယိာ်ဒီးတ့လီၤပာ်လီၤဟီၣ်ခိၣ်ခဲလၢာ် လီၤ. အဝဲတလီၤဘှံးလီၤတီၤဘၣ်ဒီးအသးတလီၤစၢ်လီၤဘှါနီတစုဘၣ်. အတၢ်ဆိကမိၣ်တဖၣ်န့ၣ်ပှၤတနၢ်ပၢၢ်အီၤနီတဂၤဘၣ်.

လံာ်ယၡါယၤ 42:5

ကစၢ်ယွၤတ့လီၤပာ်လီၤမူခိၣ်မူကပိာ်လိၤဒီးသလၣ်ထီၣ်အဝဲ သ့ၣ်လီၤ. အဝဲဒုးကဲထီၣ်ဟီၣ်ခိၣ်ဒီးကယဲၢ်တၢ်အိၣ်ဖဲန့ၣ်ခဲလၢာ်အက့ၢ် အဂီၤလီၤ. အဝဲဟ့ၣ်တၢ်မူဒီးတၢ်သါဆူအပှၤဂီၢ်မုၢ်ခဲလၢာ်လီၤ. ဒီးခဲအံၤ, ယွၤ, ကစၢ်ယွၤစံးဘၣ်အခ့အပှၤ,

လံာ်ယၡါယၤ 45:18

ယွၤတ့လီၤပာ်လီၤမူခိၣ်မူကပိာ်လိၤ ဒီးအဝဲမ့ၢ်ပှၤတဂၤလၢအမ့ၢ်ကစၢ်ယွၤန့ၣ်လီၤ. အဝဲဒၣ်မၤအိၣ်ထီၣ်ဟီၣ်ခိၣ်အက့ၢ်အဂီၤ ဒီးတ့လီၤပာ်လီၤဝဲဒီးမၤအီၤခၢၣ်သနၢၣ် လီၤထူလီၤယိာ်လီၤ. တတ့လီၤဝဲလၢဟီၣ်ခိၣ်ကအိၣ်သယုၢ် အိၣ်ကလီအဂီၢ်ဘၣ်. မ့မ့ၢ်ဒ်သိးကကဲထီၣ်တၢ်လီၢ်လၢပှၤကအိၣ်လၢအပူၤအဂီၢ်လီၤ. အဝဲမ့ၢ်ပှၤလၢအစံးဝဲ, “ယဲဒၣ်အံၤယမ့ၢ်ယွၤဒီးကစၢ်အ ဂၤတအိၣ်ဘၣ်,” န့ၣ်လီၤ.

လံာ်ယၡါယၤ 66:1

ယွၤစံးဝဲဒၣ်, “မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ် ယခီၣ်ယီၢ်လီၤတၢ်အလီၢ်လီၤ. ဟံၣ်လၢသုသူၣ် ထီၣ်လၢယဂီၢ်ကသ့, ကမ့ၢ်ဟံၣ်ဒ်လဲၣ်တကလုာ်လဲၣ်. ကမ့ၢ်တၢ်လီၢ်ဒ်လဲၣ်တကလုာ်လၢယကအိၣ်ကဆိးလၢ အပူၤအဂီၢ်န့ၣ်လဲၣ်.

လံာ်ယံးရမံယၤ 10:11

(သုဝဲပှၤဂီၢ်မုၢ်, ကဘၣ်တဲဘၣ်အဝဲသ့ၣ်လၢကစၢ်တဖၣ်လၢ အတတ့လီၤဘၣ်ဟီၣ်ခိၣ်ဒီးမူခိၣ်န့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. အဝဲသ့ၣ်တအိၣ်လၢၤဘၣ်လၢဟီၣ်ခိၣ်အံၤနီတစုနီတတီၤ ဘၣ်န့ၣ်လီၤ.)

လံာ်ယံးရမံယၤ 23:24

ပှၤအိၣ်ခူသူၣ်လၢတၢ်လီၢ်ဖဲယထံၣ်အီၤတသ့, တအိၣ်နီတဂၤဘၣ်. မ့ၢ်သုတသ့ၣ်ညါဘၣ်လၢယအိၣ် လၢတၢ်လီၢ်ကိးပူၤဒဲးလၢမူခိၣ်ဒီးလၢဟီၣ်ခိၣ်န့ၣ်ဘၣ်ဧါ.

လံာ်ယံးရမံယၤ 32:17

“ယွၤပၢဘၣ်တၢ်ခဲလၢာ်တဂၤဧၢ, နတ့လီၤပာ်လီၤဟီၣ်ခိၣ်ဒီး မူခိၣ်လၢ နစိကမီၤဒီး နဂံၢ်ဆူၣ်ဘါဆူၣ်အပူၤလီၤ. တၢ်ကီကဲၣ်ဆိးလၢနဂီၢ်တအိၣ်နီတမံၤဘၣ်.

လံာ်ဒၤနံးယ့လး 4:35

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.

လံာ်စကၤရယၤ 12:1

အအံၤမ့ၢ်တၢ်ကစီၣ်တမံၤဘၣ်ဃးဒီးကီၢ်အံၣ်စရ့လး, လၢအဟဲလၢယွၤအအိၣ်, ယွၤလၢအသလၣ်ထီၣ်မူကပိာ်လိၤ, တ့လီၤပာ်လီၤဟီၣ်ခိၣ်, ဒီးဟ့ၣ်တၢ်မူဆူပှၤကညီန့ၣ်လီၤ. အဝဲစံးဝဲဒၣ်,

လံာ်မၤလကံ 2:10

ပဝဲဒၣ်ခဲလၢာ်အံၤပအိၣ်ဒီးပပၢ်တဂၤဃီတမ့ၢ်ဘၣ်ဧါ. ကစၢ်ယွၤတဂၤဃီတ့လီၤပဝဲခဲလၢာ်, တမ့ၢ်ဘၣ်ဧါ. မၤသးဒ်န့ၣ်ဒီး, ဘၣ်မနုၤလၢပမၤဟးဂီၤပတၢ်အၢၣ်လီၤအီလီၤတဂၤဒီးတဂၤ, ဒီးမၤတရီတပါတၢ်အၢၣ်လီၤအီလီၤလၢကစၢ်ယွၤမၤတ့ၢ်ဝဲဒီး ပမိၢ်ပၢ်ဖံဖုလၢပျၢၤတဖၣ်န့ၣ်လဲၣ်.

လံာ်မးသဲ 11:25

အကတီၢ်ဖဲန့ၣ်ယ့ၣ်ၡူးစံးဝဲ, “မူခိၣ်ဒီးဟီၣ်ခိၣ်အကစၢ်, ယပၢ်ယွၤဧၢ, ယစံးဘျုးနၤလၢနပာ်ခူသူၣ်တၢ်မ့ၢ်တၢ်တီတဖၣ်အံၤလၢပှၤကူၣ်ဘၣ် ကူၣ်သ့ဒီးပှၤသ့လံာ်သ့လဲၢ်တဖၣ်, ဒီးနလီၣ်ဖျါထီၣ်အီၤလၢပှၤ အဆံးပှၤအစၢ်ပှၤလၢအတမၤလိဘၣ်တၢ်တဖၣ်အမဲာ်ညါလီၤ.

လံာ်မးသဲ 5:34

ဘၣ်ဆၣ်ဒီးယစံးဘၣ်သုအခဲအံၤ, ဖဲနမၤတၢ်အၢၣ်လီၤအီလီၤ တမံၤမံၤန့ၣ်တဘၣ်ဆိၣ်လီၤနသးတဂ့ၤ. ဆိၣ်လီၤနသးခီဖျိမူခိၣ်တဂ့ၤ. အဂ့ၢ်ဒ်အံၤ, မူခိၣ်မ့ၢ်ကစၢ်ယွၤအလီၢ်ပစိာ်လီၤ.

လံာ်လူၤကၣ် 10:21

ဖဲအဆၢကတီၢ်ဝဲန့ၣ်, ယ့ၣ်ၡူးလၢပှဲၤဒီးတၢ်သးခုခီဖျိသးစီဆှံဒီးစံးဝဲ, “မူခိၣ်ဒီးဟီၣ်ခိၣ်အကစၢ်, ပၢ်ယွၤဧၢ, ယစံးဘျုးနၤမ့ၢ်လၢနပာ်ဖျါထီၣ်တၢ်သ့ၣ်တဖၣ်အံၤလၢ နပာ်တဒၢအီၤလၢပှၤကူၣ်ဘၣ်ကူၣ်သ့ဒီးပှၤမၤလိမၤဒိးဘၣ်တၢ်တဖၣ်, ဆူပှၤလၢအတမၤလိမၤဒိးဘၣ်တၢ်တဖၣ်အဃိန့ၣ်လီၤ. မ့ၢ်လီၤ, ပၢ်ဧၢ, တၢ်အဝဲအံၤဘၣ်တၢ်မၤအီၤလၢနတၢ်ဘၣ်နသးဒၣ်ဝဲအဃိလီၤ.

လံာ်ယိၤဟၣ် 1:1

လၢထံးလၢသီန့ၣ်, တၢ်ကလုၢ်အိၣ်တ့ၢ်ဝဲ, တၢ်ကလုၢ်န့ၣ်အိၣ်ဝဲဒီးကစၢ်ယွၤဒီးတၢ်ကလုၢ်န့ၣ် မ့ၢ်တၢ်တမံၤဃီဒီးကစၢ်ယွၤန့ၣ်လီၤ.

မၤတၢ် 14:15

“ဘၣ်မနုၤအဃိသုမၤတၢ်အံၤလဲၣ်. ပမ့ၢ်ဒၣ်ပှၤကညီဒ်သုဝဲအသိးလီၤ. ပဟဲပဝဲဖဲအံၤဒ်သိးပကဘိးဘၣ်သ့ၣ်ညါသုလၢတၢ်သးခုအကစီၣ်, ဒ်သိးသုကဃၣ်ကွံာ်သုသးလၢတၢ်တဂိာ်တသီၣ်တဖၣ်အံၤ, ဒီးဃၣ်ဃီၤသုသးဆူကစၢ်လၢအမူဝဲတဂၤန့ၣ်အအိၣ်, ကစၢ်လၢ အတ့လီၤမူခိၣ်, ဟီၣ်ခိၣ်, ပီၣ်လဲၣ်ပီၣ်တြီၤ, ဒီးတၢ်အိၣ်လၢအပူၤခဲလၢာ်ခဲဆ့န့ၣ်လီၤ.

မၤတၢ် 4:24

တုၤပှၤစူၢ်က့ၤနာ်က့ၤတၢ်တဖၣ်နၢ်ဟူဝဲဒီး, အဝဲသ့ၣ်ဃ့ထုကဖၣ်ယွၤလၢသးတဖျၢၣ်ဃီဒီးစံးဝဲ, “ကစၢ်လၢအပၢဘၣ်တၢ်ခဲလၢာ်, ယွၤလၢအတ့လီၤပာ်လီၤမူကပိာ်လိၤ, ဟီၣ်ခိၣ်, ပီၣ်လဲၣ်, ဒီးကယဲၢ်တၢ်လၢအအိၣ်လၢအပူၤခဲလၢာ်, တဂၤဧၢ,

မၤတၢ် 7:48

သနာ်က့, ကစၢ်ယွၤလၢအအိၣ်ထီၣ်ထီကတၢၢ်တဂၤန့ၣ်, တအိၣ်တဆိးဝဲလၢဟံၣ်လၢပှၤကညီမၤဝဲလၢအစုန့ၣ်ဘၣ်. ဒ်ဝံတဂၤန့ၣ်စံးဝဲအသိး,

ရိမ့ၤ 1:19

အဂ့ၢ်ဒ်အံၤ, မ့ၢ်လၢတၢ်လၢပှၤကညီသ့ၣ်ညါနၢ်ပၢၢ်သ့ဘၣ်ဃးဒီး ကစၢ်ယွၤန့ၣ်, အိၣ်ဖျါတြၢၢ်ကလာ်လၢအဝဲသ့ၣ်အမဲာ်ညါအဃိန့ၣ်လီၤ. အဂ့ၢ်ဒ်အံၤ, ယွၤအကစၢ်ဒၣ်ဝဲမၤဖျါအီၤတြၢၢ်ကလာ်လၢအဝဲသ့ၣ် အဂီၢ်လီၤ.

လံာ်သိၣ်လီၤသီလီၤတၢ် 10:14

မူခိၣ်ဒီးအလီၢ်လၢအထီကတၢၢ်ဒၣ်လဲာ်ဘၣ်ဃးဒီးယွၤလီၤ. ဟီၣ်ခိၣ်ဒီးတၢ်လၢအအိၣ်လၢအပူၤကိးမံၤဒဲးန့ၣ်မ့ၢ်စ့ၢ်ကီးအဝဲအတၢ်န့ၣ်လီၤ.

ဧ့ၤဘြံၤ 1:2

ဘၣ်ဆၣ်ဒီးလၢခံကတၢၢ်လၢပဆၢပကတီၢ်အံၤကစၢ်ယွၤ ကတိၤတၢ်ဒီးပှၤခီဖျိအဖိခွါလီၤ. အဝဲမ့ၢ်ပှၤလၢကစၢ်ယွၤဃုထၢတ့ၢ်လံလၢအကန့ၢ်သါဘၣ် တၢ်ခဲလၢာ်ဒီးခီဖျိအီၤန့ၣ်, ကစၢ်ယွၤတ့လီၤတ့ၢ်လံဟီၣ်ခိၣ်မူခိၣ်ဒီးတၢ်ခဲလၢာ်န့ၣ်လီၤ.

ဧ့ၤဘြံၤ 3:4

သပှၢ်ကတၢၢ်, ဟံၣ်ကိးဖျၢၣ်ဒဲးဘၣ်တၢ်သူၣ်ထီၣ်ဘှီထီၣ်အီၤလၢ ပှၤတဂၤဂၤလီၤ. မ့မ့ၢ်ပှၤလၢအသူၣ်ထီၣ်ဘှီထီၣ်တၢ်ခဲလၢာ်မ့ၢ် ကစၢ်ယွၤလီၤ.

လံာ်လီၣ်ဖျါ 20:11

အန့ၣ်ဝံၤဒီးယထံၣ်လီၢ်ပစိာ်ဝါဖးဒိၣ်တဖျၢၣ်ဒီးပှၤ တဂၤလၢအဆ့ၣ်နီၤလၢအလိၤန့ၣ်လီၤ. မူခိၣ်ဒီးဟီၣ်ခိၣ်ဃ့ၢ်ကွံာ်လၢအဝဲဒၣ်အမဲာ်ညါဒီးတဘၣ် တၢ်ထံၣ်န့ၢ်အီၤနီတစုလၢၤဘၣ်.