မၤတၢ် 17:23 - Sgaw Karen Common Bible

²³ အဂ့ၢ်ဒ်အံၤ, ဖဲယဟးလၢသုဝ့ၢ်ပူၤဒီးကွၢ်သုတၢ်ဘူၣ်တၢ်ဘါအလီၢ် တဖၣ်န့ၣ်, ယထံၣ်တၢ်လုၢ်လီၢ်တတီၤလၢတၢ်ကတိၤအိၣ်ကွဲးအသး လၢအဖီခိၣ်, ‘ကစၢ်ယွၤလၢတၢ်တသ့ၣ်ညါအီၤတဂၤအဂီၢ်’ န့ၣ်လီၤ. လၢတၢ်န့ၣ်အဃိ, ယွၤလၢသုဘူၣ်ထီၣ်ဘါထီၣ်ဒီးသုတသ့ၣ်ညါအီၤဒၣ်လဲာ်တဂၤန့ၣ်, ယစံၣ်တဲၤတဲလီၤန့ၢ်သုလၢအဂ့ၢ်ခဲကနံၣ်အံၤလီၤ.

မၤတၢ် 17:23 Iomraidhean Croise

စံးထီၣ်ပတြၢၤ 147:20

အဝဲတမၤတ့ၢ်တၢ်ဒ်အံၤလၢ ပှၤကလုာ်အဂၤတဖၣ်န့ၣ်ဘၣ်. အဝဲသ့ၣ်တသ့ၣ်ညါ အတၢ်သိၣ်တၢ်သီတဖၣ်န့ၣ်ဘၣ်. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 50:21

နမၤတ့ၢ်တၢ်သ့ၣ်တဖၣ်အံၤဒီးယအိၣ်ဃိကလာ်လီၤ. နဆိကမိၣ်လၢယဒ်သိးဒီးနကစၢ်ဒၣ်နဲလီၤ. ဘၣ်ဆၣ်ယသိၣ်ဃီၣ်နၤခဲအံၤ ဒီးပာ်လီၤတၢ်ကမၣ်လၢနမဲာ်ညါလီၤ.

လံာ်ယၡါယၤ 45:4

ယဃုထၢပာ်ထီၣ်နၤလၢနကမၤစၢၤယခ့ယပှၤ ကီၢ်အံၣ်စရ့လး, ပှၤဂီၢ်မုၢ်လၢယဃုထၢတ့ၢ်အီၤန့ၣ်လီၤ. နတသ့ၣ်ညါယၤဘၣ်ဆၣ်ဒီး, ယဟ့ၣ်တ့ၢ်နၤလၢတၢ်လၤကပီၤဖးဒိၣ်လီၤ.

လံာ်မးသဲ 15:9

အဝဲသ့ၣ်အတၢ်ဘူၣ်ထီၣ်ဘါထီၣ်ယၤန့ၣ် အဘျုးတအိၣ်ဘၣ်. အဂ့ၢ်ဒ်အံၤ, အဝဲသ့ၣ်သိၣ်လီၤသီလီၤတၢ်သိၣ်တၢ်သီလၢ ပှၤကညီဒုးအိၣ်ထီၣ်တဖၣ်, ဒ်အမ့ၢ်ယတၢ်မၤလိာ်တဖၣ်အသိးအဃိလီၤ’ ” (ၡါ. ၂၉:၁၃).

လံာ်ယိၤဟၣ် 17:25

ပၢ်လၢအတီအလိၤတဂၤဧၢ, ဟီၣ်ခိၣ်တသ့ၣ်ညါနၤဘၣ်. ဘၣ်ဆၣ်ယသ့ၣ်ညါနၤဒီးအဝဲသ့ၣ်, သ့ၣ်ညါလၢနမၢလီၤ ယၤန့ၣ်လီၤ.

လံာ်ယိၤဟၣ် 17:3

ဒီးတၢ်မူအထူအယိာ်အခီပညီမ့ၢ်ဝဲတၢ်သ့ၣ်ညါနၤ, ကစၢ်ယွၤ အမ့ၢ်အတီတဂၤဧိၤ, ဒီးတၢ်သ့ၣ်ညါယ့ၣ်ၡူးခရံာ်လၢနမၢလီၤ အီၤန့ၣ်လီၤ.

လံာ်ယိၤဟၣ် 4:22

သုဝဲပှၤၡၤမရံဖိတဖၣ်သုဘူၣ်ထီၣ်ဘါထီၣ်မတၤလဲၣ်န့ၣ်သု တသ့ၣ်ညါဘၣ်. မ့မ့ၢ်ပဝဲပှၤယူဒၤဖိတဖၣ်ပသ့ၣ်ညါပှၤလၢ ပဘူၣ်ထီၣ်ဘါထီၣ်အီၤ, မ့ၢ်လၢတၢ်အုၣ်က့ၤခီၣ်က့ၤန့ၣ်ဟဲထီၣ် လၢပှၤယူဒၤဖိတဖၣ်အအိၣ်အဃိန့ၣ်လီၤ.

လံာ်ယိၤဟၣ် 8:54

ယ့ၣ်ၡူးစံးဆၢတၢ်ဒီးစံးဝဲ, “ယမ့ၢ်ဘၣ်မၤလၤကပီၤလီၤ ယသးဒၣ်ယဲဒီး, တၢ်လၤကပီၤအဝဲန့ၣ်တမ့ၢ်လၢအလုၢ်အပှ့ၤ ကအိၣ်ဘၣ်. ပှၤလၢအမၤလၤကပီၤယၤတဂၤန့ၣ်မ့ၢ်ယပၢ်, ပှၤတဂၤဃီလၢသုစံးလၢအမ့ၢ်သုကစၢ်ယွၤန့ၣ်လီၤ.

မၤတၢ် 17:30

ဖဲပှၤကညီတသ့ၣ်ညါဒံးကစၢ်ယွၤအဆၢကတီၢ်န့ၣ်, ယွၤကွၢ်ကပာ်အတၢ်ကမၣ်ဒ်န့ၣ်အသိးတမံၤလီၤ. မ့မ့ၢ်ခဲကနံၣ်အံၤအဝဲဒၣ်ဟ့ၣ်လီၤအကလုၢ်ဆူပှၤကိးဂၤဒဲးလၢ တၢ်လီၢ်ကိးပူၤဒဲးဒ်သိးအကဃၣ်ကွံာ်လၢအကျဲအၢကျဲသီ တဖၣ်န့ၣ်လီၤ.

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

1 ကရံၣ်သူး 1:21

အဂ့ၢ်ဒ်အံၤ, လၢအဝဲဒၣ်အတၢ်ကူၣ်ဘၣ်ကူၣ်သ့အပူၤန့ၣ်, ကစၢ်ယွၤမၤဝဲဒ်သိးပှၤဟီၣ်ခိၣ်ဖိအသုတသ့ၣ်ညါအီၤခီဖျိ အဝဲသ့ၣ်အတၢ်ကူၣ်ဘၣ်ကူၣ်သ့ဒၣ်ဝဲတဂ့ၤ. မ့မ့ၢ်ခီဖျိ, တၢ်ကစီၣ်လၢပစံၣ်တဲၤတဲလီၤ, လၢပှၤစံးလၢအလၢအပှဲၤဒီးတၢ်သူၣ်တဆးသးတဆးန့ၣ်, ကစၢ်ယွၤပာ်လီၤအသးလၢအကအုၣ်က့ၤခီၣ်က့ၤပှၤစူၢ်က့ၤနာ်က့ၤ တၢ်တဖၣ်လီၤ.

1 ကရံၣ်သူး 8:5

တၢ်လၢပှၤကိးဝဲလၢ “ယွၤတဖၣ်” မ့ၢ်အိၣ်ဝဲဒၣ်လဲာ်, လၢမူခိၣ်မ့ၢ်ဂ့ၤ, ဟီၣ်ခိၣ်မ့ၢ်ဂ့ၤ, ဒီး “ယွၤ” ဒ်အံၤအသိးတဖၣ်, ဒီး “ကစၢ်” ဒ်အံၤအသိးတဖၣ်မ့ၢ်အိၣ်ဝဲအါအါဂီၢ်ဂီၢ်ဒၣ်လဲာ်န့ၣ်,

အ့းဖ့းစူး 2:12

အကတီၢ်ဖဲန့ၣ်သုတဘၣ်ဃးဘၣ်ဒီးခရံာ်ဘၣ်. သုမ့ၢ်တ့ၢ်ပှၤတခီထံ တခီကီၢ်ဖိဒီးတဘၣ်ဃးဘၣ်ဒီးကစၢ်ယွၤအပှၤဂီၢ်မုၢ်, ပှၤဃုထၢဖိ တဖၣ်ဘၣ်. တၢ်အၢၣ်လီၤအီလီၤလၢကစၢ်ယွၤစံးပာ်တ့ၢ်လၢ အပှၤဂီၢ်မုၢ်အဂီၢ်န့ၣ်, တဘၣ်ဃးဘၣ်ဒီးသုဘၣ်. ဒီးသုအိၣ်မူတ့ၢ်သုဝဲလၢဟီၣ်ခိၣ်တဘ့ၣ်အံၤအချၢလၢတၢ်မုၢ် လၢ်တအိၣ်ဘၣ်အပူၤဒီးလၢတၢ်တသ့ၣ်ညါထူသ့ၣ်ညါယွၤ အပူၤလီၤ.

၂ သ့းစၤလနံ 2:4

အဝဲဒၣ်ကထီဒါကယဲၢ်တၢ်လၢပှၤကိးအီၤလၢယွၤဒီးတၢ်လၢ ပှၤကညီဘါထီၣ်ဝဲဒီးကပာ်ဖျါထီၣ်အသးဒ်အဒိၣ်န့ၢ် အဝဲသ့ၣ်ခဲလၢာ်န့ၣ်လီၤ. အဝဲဒၣ်ကလဲၤနုာ်ဒီးဆ့ၣ်နီၤဒၣ်လဲာ်လၢကစၢ်ယွၤ အတၢ်လုၢ်ဟံၣ်အပူၤဒီးစံးလီၤအသးလၢအမ့ၢ်ကစၢ်ယွၤ န့ၣ်လီၤ.

၁ တံၤမသ့း 1:17

စီၤပၤလၢအပၢတၢ်လီၤထူလီၤယိာ်လၢအသံတသ့ ဒီးတၢ်ထံၣ်အီၤတသ့, ကစၢ်ယွၤထဲတဂၤဧိၤအံၤ, မ်တၢ်ယူးယီၣ်ဒီးတၢ်လၤကပီၤအိၣ်ဒီးအီၤအစိၤစိၤ အဃၣ်ဃၣ်တက့ၢ်. အၤမ့ၣ်.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.