မၤတၢ် 17:22 - Sgaw Karen Common Bible

²² စီၤပီလူးဂဲၤဆၢထၢၣ်လၢဝ့ၢ်အကီၣ်ကးအမဲာ်ညါဒီးစံးဝဲ, “အၤသ့ၣ်အပှၤဝ့ၢ်ဖိသ့ၣ်ဧၢ, ယထံၣ်လၢတၢ်ကိးမံၤဒဲးအပူၤန့ၣ်, သုမ့ၢ်ပှၤလၢအဘါယွၤဆူၣ်မးလီၤ.

မၤတၢ် 17:22 Iomraidhean Croise

လံာ်ယံးရမံယၤ 50:38

မ်တၢ်ယီၤဃ့ကလီၤဘၣ်လၢ အထံကီၢ်အလိၤ, ဒီးမၤလီၤသံးကွံာ်အထံကျိတဖၣ်တက့ၢ်. ကီၢ်ဘၤဘူၤလိၣ်မ့ၢ် ကီၢ်တဘ့ၣ်လၢအပှဲၤဒီးတၢ်ဂီၤတၢ် ဖီၣ်လီၤပျံၤလီၤဖုး, လၢအဒုးပျုၢ်ထီၣ်ပှၤဂီၢ်မုၢ်န့ၣ်လီၤ.

မၤတၢ် 17:15

ပှၤလၢအဆှၢစီၤပီလူးတဖၣ်လဲၤဃုာ်ဒီးအီၤတုၤလၢဝ့ၢ် အၤသ့ၣ်လီၤ. ဖဲန့ၣ်စီၤပီလူးမၤလိာ်ထွဲအခံဒ်သိးအကတဲ ဘၣ်စီၤစံလၤဒီးစီၤတံၤမသ့းလၢအကဟဲဆူအအိၣ်ချ့ချ့ တသ့ဖဲအသ့ဝံၤ, ဒီးအဝဲသ့ၣ်က့ၤကဒါက့ၤဆူဝ့ၢ်ဘ့းရံၤန့ၣ်လီၤ.

မၤတၢ် 17:16

ဖဲစီၤပီလူးအိၣ်ခိးစီၤစံလၤဒီးစီၤတံၤမသ့းဖဲဝ့ၢ်အၤသ့ၣ်အဖၢ မုၢ်န့ၣ်, ထံၣ်ဘၣ်ဝဲလၢတၢ်ဂီၤတၢ်ဖီၣ်အိၣ်ပှဲၤလၢဝ့ၢ်တဖျၢၣ်န့ၣ် အပူၤအဃိအသးဘၣ်တံာ်တာ်ဝဲဒၣ်အဒိၣ်အအါလီၤ.

မၤတၢ် 17:19

လၢတၢ်န့ၣ်အဃိအဝဲသ့ၣ်လဲၤကိးစီၤပီလူးဆူဝ့ၢ်အကီၣ်ကး အမဲာ်ညါဖဲတၢ်လူၢ်အၤရံဒီးစံးဘၣ်အီၤ, “ပသးအိၣ်သ့ၣ်ညါဘၣ်ဃးတၢ်သိၣ်လိအသီတမံၤလၢနစံး ကတိၤလၢအဂ့ၢ်လီၤ.

မၤတၢ် 17:34

ပှၤတနီၤပာ်က့ၤအသးတဖျၢၣ်ဃီဒီးအီၤဒီးစူၢ်က့ၤနာ်က့ၤတၢ်လီၤ. လၢအဝဲသ့ၣ်အကျါအိၣ်ဒီးစီၤဒံၤနူၤစံၤလၢအမ့ၢ်ကီၣ်ကးဖိတဂၤ, ဒီးပိာ်မုၣ်တဂၤလၢအမံၤမ့ၢ်နီၢ်ဒမၤရံဒီးပှၤအဂုၤအဂၤတနီၤန့ၣ်လီၤ.

မၤတၢ် 19:35

လၢခံကတၢၢ်န့ၣ်, ဝ့ၢ်အပှၤကွဲးလံာ်ဒုးအိၣ်ဘှီၣ်က့ၤပှၤဂီၢ်မုၢ်န့ၢ်ဝဲလီၤ. အဝဲဒၣ်စံးဝဲ, “အ့းဖ့းစူးအပှၤဝ့ၢ်ဖိသ့ၣ်ဧၢ, ပှၤကိးဂၤဒဲးသ့ၣ်ညါလၢပှၤဝ့ၢ်အ့းဖ့းစူးအမူဒါအိၣ်ဝဲ ဘၣ်ဃးဒီးတၢ်ကွၢ်ထွဲတၢ်ဒိၣ်နီၢ်အၢ်တ့းမံၤအတၢ်လုၢ်ဟံၣ် ဒီးလၢၢ်စီဆှံလၢအဟဲလီၤတဲာ်လၢမူခိၣ်န့ၣ်လီၤ.

မၤတၢ် 25:19

အိၣ်ဒၣ်အဝဲသ့ၣ်ဂ့ၢ်လိာ်ဘှီလိာ်အသးဒီးအီၤဘၣ်ဃး အတၢ်ဘူၣ်တၢ်ဘါဒၣ်ဝဲ, ဒီးဘၣ်ဃးပှၤတဂၤလၢအမံၤမ့ၢ် ယ့ၣ်ၡူးလၢအသံတ့ၢ်ဝဲ, ဘၣ်ဆၣ်ဒီးစီၤပီလူးစံးလၢ အအိၣ်မူဒံးဝဲန့ၣ်လီၤ.