မၤတၢ် 17:15 - Sgaw Karen Common Bible

¹⁵ ပှၤလၢအဆှၢစီၤပီလူးတဖၣ်လဲၤဃုာ်ဒီးအီၤတုၤလၢဝ့ၢ် အၤသ့ၣ်လီၤ. ဖဲန့ၣ်စီၤပီလူးမၤလိာ်ထွဲအခံဒ်သိးအကတဲ ဘၣ်စီၤစံလၤဒီးစီၤတံၤမသ့းလၢအကဟဲဆူအအိၣ်ချ့ချ့ တသ့ဖဲအသ့ဝံၤ, ဒီးအဝဲသ့ၣ်က့ၤကဒါက့ၤဆူဝ့ၢ်ဘ့းရံၤန့ၣ်လီၤ.

မၤတၢ် 17:15 Iomraidhean Croise

မၤတၢ် 15:3

အဝဲသ့ၣ်ဘၣ်တၢ်ဆှၢလီၤအီၤလၢတၢ်အိၣ်ဖှိၣ်ဒီးဖဲအဝဲသ့ၣ် လဲၤခီဂာ်ကီၢ်ဖံၤနံက့ၤဒီးကီၢ်ၡၤမရံန့ၣ်, တဲဖျါထီၣ်ဝဲဘၣ်ဃးပှၤကလုာ်ဂၤတဖၣ်စူၢ်က့ၤနာ်က့ၤကစၢ်ယွၤ အဂ့ၢ်, ဒီးတၢ်ကစီၣ်အဝဲအံၤဒုးသးခုပှၤစူၢ်က့ၤနာ်က့ၤတၢ်ကိးဂၤ ဒဲးအဒိၣ်အအါလီၤ.

မၤတၢ် 17:14

တဘျီဃီဖဲန့ၣ်, ပှၤစူၢ်က့ၤနာ်က့ၤတၢ်တဖၣ်ဆှၢစီၤပီလူးဒီးပှၤ အဂၤတနီၤဆူပီၣ်လဲၣ်ကၢၢ်နံၤ, မ့မ့ၢ်စီၤစံလၤဒီးစီၤတံၤမသ့းခံဂၤလၢာ်အိၣ်တ့ၢ်ဝဲဖဲ ဝ့ၢ်ဘ့းရံၤန့ၣ်လီၤ.

မၤတၢ် 17:16

ဖဲစီၤပီလူးအိၣ်ခိးစီၤစံလၤဒီးစီၤတံၤမသ့းဖဲဝ့ၢ်အၤသ့ၣ်အဖၢ မုၢ်န့ၣ်, ထံၣ်ဘၣ်ဝဲလၢတၢ်ဂီၤတၢ်ဖီၣ်အိၣ်ပှဲၤလၢဝ့ၢ်တဖျၢၣ်န့ၣ် အပူၤအဃိအသးဘၣ်တံာ်တာ်ဝဲဒၣ်အဒိၣ်အအါလီၤ.

မၤတၢ် 17:21

(အဂ့ၢ်ဒ်အံၤ, အၤသ့ၣ်အပှၤဝ့ၢ်ဖိဒီးပှၤထံဖိကီၢ်ဖိလၢ အအိၣ်ဖဲန့ၣ်ကိးဂၤဒဲးသးအိၣ်သူအဆၢကတီၢ်ခဲလၢာ်ခီဖျိ အတၢ်တဲသကိး, တၢ်ဒိကနၣ်သကိးတၢ်ဂ့ၢ်လီၤတိၢ်လီၤဆီလၢအပၢၢ်ထီၣ်သီ ဒီးပၢၢ်ထီၣ်လၢခံကတၢၢ်တဖၣ်န့ၣ်လီၤ.)

မၤတၢ် 17:22

စီၤပီလူးဂဲၤဆၢထၢၣ်လၢဝ့ၢ်အကီၣ်ကးအမဲာ်ညါဒီးစံးဝဲ, “အၤသ့ၣ်အပှၤဝ့ၢ်ဖိသ့ၣ်ဧၢ, ယထံၣ်လၢတၢ်ကိးမံၤဒဲးအပူၤန့ၣ်, သုမ့ၢ်ပှၤလၢအဘါယွၤဆူၣ်မးလီၤ.

မၤတၢ် 18:1

အန့ၣ်ဝံၤအလီၢ်ခံ, စီၤပီလူးဟးထီၣ်လၢဝ့ၢ်အၤသ့ၣ်, ဒီးလဲၤဆူဝ့ၢ်ကရံၣ်သူးလီၤ.

မၤတၢ် 18:5

ဖဲစီၤစံလၤဒီးစီၤတံၤမသ့းလၢအဟးထီၣ်လၢကီၢ်မၤက့းဒနံ ဟဲတုၤဝဲန့ၣ်, စီၤပီလူးဟ့ၣ်လီၤအဆၢကတီၢ်လၢာ်လၢာ်ဆ့ဆ့ လၢတၢ်စံၣ်တဲၤတဲလီၤတၢ်သးခုအကစီၣ်အဂီၢ်, ဒီးအုၣ်အသးလၢပှၤယူဒၤဖိတဖၣ်အမဲာ်ညါလၢယ့ၣ်ၡူးမ့ၢ်ခရံာ် န့ၣ်လီၤ.

၁ သ့းစၤလနံ 3:1

လၢခံကတၢၢ်န့ၣ်, ပအိၣ်လီၤဖးဒီးသုတကဲလၢၤဘၣ်အဃိ, ပဝဲပပာ်လီၤပသးလၢပကအိၣ်တ့ၢ်ဖဲဝ့ၢ်အၤသ့ၣ်,

တံတူး 3:12

တုၤယမၢလီၤစီၤအၢ်တ့းမါမ့တမ့ၢ်စီၤတူဃံၤကူးဆူနအိၣ်န့ၣ်, ဂုာ်ကျဲးစၢးဟဲဆိဆိတသ့ဖဲအသ့ဆူယအိၣ်ဖဲဝ့ၢ်နံၤကပီလံး, မ့ၢ်လၢယပာ်လီၤယသးလၢယကအိၣ်ဖဲန့ၣ်လၢ တၢ်ဂိၢ်ခါဒီ ကတီၢ်ညါအဃိလီၤ.