မၤတၢ် 17:12 - Sgaw Karen Common Bible

¹² အဝဲသ့ၣ်အါဒံအါဂၤစူၢ်က့ၤနာ်က့ၤတၢ်, ဒီးပှၤကြံးခ် တူၢ်ဒိၣ်ကီၤဒိၣ်မုၣ်အါဒံအါဂၤဒီးပှၤကြံးခ်ပိာ်ခွါ အါဒံအါဂၤစ့ၢ်ကီးစူၢ်က့ၤနာ်က့ၤတၢ်လီၤ.

မၤတၢ် 17:12 Iomraidhean Croise

လံာ်မၢ်ကူး 15:43

အကတီၢ်ဖဲန့ၣ်ပှၤအရံၤမၤသဲဖိစီၤယိၤသးဟဲတုၤဝဲဒၣ်လီၤ. အဝဲမ့ၢ်ပှၤခိၣ်ပှၤနၢ်တဂၤလၢအလီၤယူးယီၣ်ပာ်ကဲဒိၣ်မးလၢ ကီၣ်ကးအကျါ, ဒီးမ့ၢ်ပှၤလၢအအိၣ်ခိးကွၢ်လၢ်ကစၢ်ယွၤ အဘီမုၢ်ကဟဲအကျဲလီၤ. အဝဲဒၣ်ပာ်အသးဒူဒူဒီးလဲၤဝဲဆူစီၤပံၤလးအအိၣ်ဒီးဃ့ဝဲ လၢအကဟ့ၣ်အီၤယ့ၣ်ၡူးအစိၣ်န့ၣ်လီၤ.

လံာ်ယိၤဟၣ် 7:17

ပှၤတဂၤဂ့ၤတဂၤဂ့ၤအသးမ့ၢ်အိၣ်လၢကမၤဘၣ်ကစၢ်ယွၤ အတၢ်ဘၣ်အသးဒီး, အဝဲကသ့ၣ်ညါဝဲလၢယတၢ်သိၣ်လိသီလိအံၤဟဲလၢ ကစၢ်ယွၤအအိၣ်ဧါ, မ့တမ့ၢ်ဒီးလၢယကတိၤဒၣ်တၢ်လၢယစိကမီၤဒၣ်ယဲလဲၣ်န့ၣ်လီၤ.

မၤတၢ် 13:46

ဘၣ်ဆၣ်ဒီးစီၤပီလူးဒီးစီၤဘၢ်နါဘၤကတိၤထီၣ်တၢ်ဒူဒိၣ်န့ၢ်ဒံး အလီၢ်တက့ၢ်ဒီးစံး, “အလီၢ်အိၣ်လၢပဘၣ်စံးကတိၤဆိကစၢ်ယွၤအကလုၢ်ကထါလၢသုလီၤ. ဘၣ်ဆၣ်မ့ၢ်လၢသုတစူၢ်တနာ်အီၤဘၣ်ဒီးသုစံၣ်ညီၣ်လီၤဒၣ်သုသး ဒ်ပှၤလၢအတကြၢးတဘၣ်လၢအကဒိးန့ၢ်တၢ်မူအထူအယိာ်အဃိ, ပကပာ်တ့ၢ်သုဒီးလဲၤဆူပှၤကလုာ်အဂၤတဖၣ်အအိၣ်လီၤ.

မၤတၢ် 13:50

ဘၣ်ဆၣ်ဒီးပှၤယူဒၤဖိတဖၣ်ထိၣ်ဂဲၤထီၣ်ခိၣ်နၢ်သူၣ်က့သးပှၢ်လၢဝ့ၢ်န့ၣ် အပူၤ, ဒီးကလုာ်ဂၤတူၢ်ဒိၣ်ကီၤဒိၣ်မုၣ်လၢအအဲၣ်ထူအဲၣ်ယွၤတဖၣ်လီၤ. အဝဲသ့ၣ်ဒုးအိၣ်ထီၣ်တၢ်မၤအၢမၤနးစီၤပီလူးဒီးစီၤဘၢ်နါဘၤ, ဒီးဟီထီၣ်ကွံာ်အီၤလၢအဝဲသ့ၣ်အကီၢ်ပူၤန့ၣ်လီၤ.

မၤတၢ် 14:1

ဖဲဝ့ၢ်အံၤကနံၤန့ၣ်, အဝဲသ့ၣ်လဲၤဆူပှၤယူဒၤဖိအဘူၣ်ဘျီၣ်လၢ အမ့ၢ်တၢ်ဘါလီၢ်ဒ်အမၤတ့ၢ်ဝဲလၢဝ့ၢ်အၣ်တံၤအီာ်အသိးန့ၣ်လီၤ. အဝဲသ့ၣ်ကတိၤတၢ်တုၤလီၤတီၤလီၤတုၤဒၣ်လဲာ်, ပှၤယူဒၤဖိဒီးပှၤကြံးခ်ဖိအါဒံအါဂၤစူၢ်က့ၤနာ်က့ၤတၢ်န့ၣ်လီၤ.

မၤတၢ် 2:47

အိၣ်ဒီးတၢ်စံးထီၣ်ပတြၢၤကစၢ်ယွၤ, ဒီးအဝဲသ့ၣ်ဒိးန့ၢ်ပှၤခဲလၢာ်အတၢ်ဘၣ်သူၣ်ဘၣ်သးန့ၣ်လီၤ. ဒီးကိးနံၤဒဲးန့ၣ်, ကစၢ်ပာ်ဖှိၣ်အါထီၣ်ပှၤဒိးန့ၢ်တၢ်အုၣ်က့ၤခီၣ်က့ၤ တဖၣ်ဆူအဝဲသ့ၣ်အတၢ်အိၣ်ဖှိၣ်အပူၤန့ၣ်လီၤ.

1 ကရံၣ်သူး 1:26

ခဲကနံၣ်အံၤ, ယဒီပုၢ်ဝဲၢ်သ့ၣ်ဧၢ, ဖဲကစၢ်ယွၤကိးသုအခါ, သုမ့ၢ်တ့ၢ်တၢ်မနုၤလဲၣ်န့ၣ် သ့ၣ်နီၣ်ထီၣ်သုဝဲတက့ၢ်. လၢပှၤကညီအတၢ်ထံၣ်တကပၤန့ၣ်သုဝဲ လၢအကူၣ်ဘၣ်ကူၣ်သ့မ့ၢ်ဂ့ၤ, အဂံၢ်ဆူၣ်ဘါဆူၣ်မ့ၢ်ဂ့ၤ, အိၣ်ဒီးအလီၢ်ဒိၣ်လၤထီမ့ၢ်ဂ့ၤအိၣ်ထဲစှၤဂၤလီၤ.

အ့းဖ့းစူး 5:14

အဂ့ၢ်ဒ်အံၤ, တၢ်တမံၤလၢ်လၢ်လၢအဘၣ်တၢ်လီၣ်ဖျါထီၣ်အီၤ ဆှံဆှံန့ၣ်ကဲထီၣ်တၢ်ကပီၤလီၤ. လၢတၢ်န့ၣ်အဃိတၢ်စံးတ့ၢ်ဝဲ, ပှၤလၢအမံနၤဧၢ, ဖုသံနီၣ်တက့ၢ်. ဂဲၤဆၢထၢၣ်က့ၤလၢတၢ်သံတက့ၢ်. ဒီးခရံာ်ကဒုးကပီၤထီၣ်အတၢ်ကပီၤလၢနလိၤလီၤ.

ယၤကိာ် 1:10

ဒီးပှၤခရံာ်ဖိလၢအထူးအတီၤတဂၤဖဲကစၢ်ယွၤဆီၣ်လီၤ အီၤန့ၣ်, ကဘၣ်သးခုလီၤ. အဂ့ၢ်ဒ်လဲၣ်န့ၣ်ပှၤထူးပှၤတီၤ ကလဲၤပူၤကွံာ်ဒ်နီၣ်ဧိၤမံၤဧိၤအဖီအသိးန့ၣ်လီၤ.

ယၤကိာ် 1:21

လၢတၢ်န့ၣ်အဃိ, ညိကွံာ်လုၢ်လၢ်လၢအလီၤသးဘၣ်အၢဒီးသကဲာ်ပဝးအအၢ အသီခဲလၢာ်တက့ၢ်. ဆီၣ်လီၤသုသးလၢကစၢ်ယွၤအဖီလာ်, ဒီးတူၢ်လိာ်တၢ်အကလုၢ်အကထါလၢအဝဲသူၣ်လီၤလၢသုသးကံၢ်ပူၤ လၢအအုၣ်က့ၤခီၣ်က့ၤသုသ့န့ၣ်တက့ၢ်.