မၤတၢ် 16:7 - Sgaw Karen Common Bible

⁷ ဖဲအဝဲသ့ၣ်လဲၤတုၤမူၤစံအကီၢ်ဆၢန့ၣ်, ဂုာ်ကျဲးစၢးလဲၤနုာ်ဝဲဆူကီၢ်ဘံၤသူၤနံဘၣ်ဆၣ် ဒီးယ့ၣ်ၡူးအသးတပျဲအဝဲသ့ၣ်ဘၣ်.

မၤတၢ် 16:7 Iomraidhean Croise

လံာ်လူၤကၣ် 24:49

ဒီးယနီၢ်ကစၢ်ဒၣ်ယဲယကဆှၢလီၤတၢ်လၢယပၢ်စံးပာ်တ့ၢ်ဝဲတမံၤန့ၣ် လၢသုလိၤလီၤ. ဘၣ်ဆၣ်ဒီးသုကဘၣ်အိၣ်ခိးလၢဝ့ၢ်ပူၤ တုၤလၢတၢ်စိတၢ်ကမီၤလၢထးဟဲလီၤလၢသုလိၤတစုလီၤ.

မၤတၢ် 16:8

လၢတၢ်န့ၣ်အဃိ, အဝဲသ့ၣ်လဲၤခီဂာ်ကီၢ်မူၤစံဒီးလဲၤလီၤဝဲ ဆူဝ့ၢ်တြိၤအါန့ၣ်လီၤ.

မၤတၢ် 8:29

သးစီဆှံစံးဘၣ်စီၤဖံလံးပူး, “လဲၤဃီၤဆူလ့ၣ်ကဟၣ်န့ၣ်အအိၣ်ဒီးဟးဖဲအကပၤန့ၣ်တက့ၢ်.”

ရိမ့ၤ 8:9

ဘၣ်ဆၣ်ဒီးယွၤအသးမ့ၢ်မူလၢသုပူၤနီၢ်နီၢ်န့ၣ်, သုတအိၣ်မူဒ်ဟီၣ်ခိၣ်ဖိအန့ဆၢၣ်အတၢ်မၢသု အသိးန့ၣ်ဘၣ်. သုအိၣ်မူဒ်ကစၢ်ယွၤအသးအတၢ်မၢသု အသိးန့ၣ်လီၤ. ပှၤတဂၤလၢ်လၢ်လၢခရံာ်အသးတအိၣ် လၢအပူၤဘၣ်န့ၣ်, တဘၣ်ဃးဒီးခရံာ်ဘၣ်.

ကလၤတံ 4:6

ဒ်သိးအကအိၣ်ဖျါလၢသုမ့ၢ်အဖိခွါတဖၣ်န့ၣ်, ကစၢ်ယွၤဆှၢလီၤအဖိခွါအသးဆူပသးပူၤ, ယွၤအသးလၢ အကိးထီၣ်ဝဲ, “အးဘၤ, ပၢ်ဧၢ” န့ၣ်လီၤ.

ဖံလံးပံၤ 1:19

အဂ့ၢ်ဒ်အံၤယသ့ၣ်ညါယဲဒၣ်လၢခီဖျိသုတၢ်ထုကဖၣ်ဒီးတၢ်မၤ စၢၤလၢအဟဲလၢယ့ၣ်ၡူးခရံာ်အသးန့ၣ်, ယကဘၣ်တၢ်မၤထူၣ် ဖျဲးယၤန့ၣ်လီၤ.

၁ ပ့းတရူး 1:1

လၢစီၤပ့းတရူး, ယ့ၣ်ၡူးခရံာ်အပှၤတၢ်မၢဖိ, ဆူကစၢ်ယွၤအပှၤဃုထၢဖိတဖၣ်လၢအလီၤပြံလီၤပြါဝဲ သကုၤကီၢ်ပီၣ်တူး, ကီၢ်ကလၤတံ, ကီၢ်ကးပၤဒကံ, ကီၢ်အၤစံ ဒီးကီၢ်ဘံၤသူၤနံတဖၣ်အပူၤအအိၣ်န့ၣ်လီၤ.

၁ ပ့းတရူး 1:11

အဝဲသ့ၣ်ကျဲးစၢးဃုသ့ၣ်ညါဝဲတၢ်ဆၢကတီၢ်ကမ့ၢ်ဖဲလဲၣ် အခါဒီးတၢ်ကမၤအသးဒ်လဲၣ်န့ၣ်လီၤ. တၢ်အံၤမ့ၢ်တၢ်ဆၢကတီၢ်လၢခရံာ်အသးလၢအအိၣ်လၢ အပူၤဒုးနဲၣ်အီၤ, လၢတၢ်ကတိၤဆိပာ်တၢ်နးတၢ်ဖှီၣ်တဖၣ်လၢခရံာ်ကဘၣ် တူၢ်ဝဲဒီးတၢ်လၤကပီၤလၢကပိာ်ထွဲထီၣ်အခံန့ၣ်လီၤ.