မၤတၢ် 16:6 - Sgaw Karen Common Bible

⁶ မ့ၢ်လၢသးစီဆှံတပျဲအဝဲသ့ၣ်စံၣ်တဲၤတဲလီၤတၢ်ကစီၣ်ဖဲ ကီၢ်အၤစံဘၣ်အဃိ, အဝဲသ့ၣ်လဲၤခီဂာ်ကီၢ်ဖြူၤကံဒီး ကီၢ်ကလၤတံန့ၣ်လီၤ.

မၤတၢ် 16:6 Iomraidhean Croise

လံာ်ယၡါယၤ 30:21

သုမ့ၢ်ဟးဖျိးကွံာ်လၢကျဲဒီးဟးဆူစုထွဲမ့ၢ်ဂ့ၤ, ဆူစုစ့ၣ်မ့ၢ်ဂ့ၤ ဘၣ်ဆၣ်ဒီး, သုကနၢ်ဟူဘၣ်အကလုၢ်လၢသုလီၢ်ခံလၢအစံးဝဲ, “ကျဲအိၣ်ဖဲအံၤလီၤ. ပိာ်ထွဲအီၤတက့ၢ်,” န့ၣ်လီၤ.

လံာ်လူၤကၣ် 1:2

အဝဲသ့ၣ်ကွဲးတၢ်ဂ့ၢ်ဘၣ်ထွဲဒီးပှၤလၢအထံၣ်ဘၣ်တၢ်သ့ၣ် တဖၣ်အံၤလၢအမဲာ်ချံဒၣ်ဝဲစးထီၣ်လၢအခီၣ်ထံးကတၢၢ် ဒီးတဲဘၣ်ပှၤ ဒီးဒုးဟူထီၣ်သါလီၤတၢ်ကစီၣ်တမံၤအံၤန့ၣ်လီၤ.

မၤတၢ် 10:19

ဖဲစီၤပ့းတရူးဆိကမိၣ်ဒံးဝဲတၢ်ထံၣ်တၢ်လၢညါခီအံၤအခီပညီအဖၢမုၢ်န့ၣ်, ယွၤအသးစံးဘၣ်အီၤ, “ဒိကနၣ်တက့ၢ်. ပှၤသၢဂၤဟဲဃုနၤဖဲအံၤလီၤ.

မၤတၢ် 11:12

ဒီးယွၤအသးစံးဘၣ်ယၤလၢယသုတမၤယံာ်မၤနီၢ်ယသး တဂ့ၤဒီးယကလဲၤပိာ်အဝဲသ့ၣ်အခံန့ၣ်လီၤ. ဒီပုၢ်ဝဲၢ်လၢဝ့ၢ်ယၤဖိၤဃုဂၤအံၤစ့ၢ်ကီးလဲၤဒီးယၤဆူဝ့ၢ် ကဲၤစါရံၤဒီးပဝဲကိးဂၤဒဲးပလဲၤနုာ်လီၤဆူစီၤကန့လံးအဟံၣ် ပူၤန့ၣ်လီၤ.

မၤတၢ် 16:7

ဖဲအဝဲသ့ၣ်လဲၤတုၤမူၤစံအကီၢ်ဆၢန့ၣ်, ဂုာ်ကျဲးစၢးလဲၤနုာ်ဝဲဆူကီၢ်ဘံၤသူၤနံဘၣ်ဆၣ် ဒီးယ့ၣ်ၡူးအသးတပျဲအဝဲသ့ၣ်ဘၣ်.

မၤတၢ် 18:23

အဝဲဒၣ်အိၣ်ဖဲန့ၣ်တစိၢ်တလီၢ်ဝံၤဟးထီၣ်ဝဲဒၣ်လီၤ. အဝဲလဲၤခီဂာ်တၢ်လီၢ်တၢ်ကျဲဖဲကီၢ်ကလၤတံဒီးကီၢ်ဖြူၤ ကံ, ဒီးဟ့ၣ်ဆူၣ်ထီၣ်အပျဲၢ်အဘီၣ်ဖဲန့ၣ်တဖၣ်အဂံၢ်အဘါလီၤ.

မၤတၢ် 19:10

အဝဲမၤဒ်အံၤလၢခံနံၣ်အတီၢ်ပူၤ, တုၤဒၣ်လဲာ်ပှၤအိၣ်လၢကီၢ်အၤစံ အပူၤခဲလၢာ်, ပှၤယူဒၤဖိမ့ၢ်ဂ့ၤ, ပှၤကလုာ်ဂၤမ့ၢ်ဂ့ၤ, နၢ်ဟူဘၣ်ကစၢ်အကလုၢ်ကထါန့ၣ်လီၤ.

မၤတၢ် 20:16

စီၤပီလူးပာ်လီၤအသးလၢအကလဲၤခီပတာ်ကွံာ်ဝ့ၢ်အ့းဖ့း စူးဒ်သိးအဆၢကတီၢ်သုတလၢာ်ကွံာ်ဝဲဖဲကီၢ်အၤစံတဂ့ၤန့ၣ်လီၤ. အဝဲဒၣ်အဲၣ်ဒိးလဲၤတုၤဝ့ၢ်ယရူၤၡလ့ၣ်ဆိဆိ, မ့ၢ်သ့န့ၣ်, လၢဘူၣ်ယဲၢ်ဆံအနံၤအဂီၢ်လီၤ.

မၤတၢ် 20:28

အံးထွဲကွၢ်ထွဲလီၤသုသးဒၣ်ဝဲ, ဒီးအံးထွဲကွၢ်ထွဲသိခဲလၢာ်လၢသးစီဆှံပာ်လီၤတ့ၢ်ဝဲလၢသု တၢ်အံးတၢ်ကွၢ်အပူၤန့ၣ်တက့ၢ်. ကဲထီၣ်ပှၤကွၢ်သိတဖၣ် လၢကစၢ်ယွၤအတၢ်အိၣ်ဖှိၣ်အဂီၢ်, တၢ်အိၣ်ဖှိၣ်လၢအဝဲဒုးကဲထီၣ်အီၤဆူ အတၢ်ဒၣ်ဝဲခီဖျိအဖိခွါအတၢ်သံန့ၣ်တက့ၢ်.

မၤတၢ် 20:4

ပှၤဘ့းရံၤဖိစီၤပူရူးအဖိခွါစီၤစိပၤတြူး, ပှၤသ့းစၤလနံဖိစီၤအရံစတၢ်ဃူးဒီးစီၤစ့းကူၣ်ဒူး, ပှၤဒ့ၢ်ဘ့ၤဖိ စီၤကါယူး, ဒီးစီၤတံၤမသ့း, ဒီးပှၤအၤစံဖိစီၤတူဃံၤကူးဒီးစီၤ တြီးဖံၤမူးတဖၣ်လဲၤဃုာ်ဒီးအီၤလီၤ.

မၤတၢ် 21:27

ဖဲနွံသီဘူးကပှဲၤထီၣ်န့ၣ်, ပှၤယူဒၤဖိလၢကီၢ်အၤစံတနီၤထံၣ်စီၤပီလူးလၢတၢ်လုၢ်ဟံၣ် အပူၤလီၤ. အဝဲသ့ၣ်မၤတၢထီၣ်တၢလီၤပှၤဂီၢ်မုၢ်ဒီဖုညါဒီးပှၤစှီၤ ဃာ်စီၤပီလူးလီၤ.

မၤတၢ် 6:9

ဘၣ်ဆၣ်ဒီးပှၤအိၣ်ဝဲတနီၤလၢအဂဲၤဆၢထၢၣ်ထီဒါအီၤလီၤ. အဝဲသ့ၣ်မ့ၢ်ပှၤကရၢဖိဘၣ်ဃးဒီးပှၤသဘျ့ဖိအဘူၣ်ဘျီၣ် (ဒ်အဘၣ်တၢ်ကိးအီၤအသိး) ဒီးမ့ၢ်ပှၤယူဒၤဖိအိၣ်လၢဝ့ၢ်ကူၤ ရ့ၤန့ဒီးဝ့ၢ်အလ့းစၣ်ဒြ့းတဖၣ်အပူၤလီၤ. အဝဲသ့ၣ်အံၤဒီးပှၤယူဒၤဖိအဂၤတဖၣ်လၢအအိၣ်လၢကီၢ်ကံၤလံၤ ကံဒီးကီၢ်အၤစံန့ၣ်, ကတိၤဂ့ၢ်လိာ်တၢ်ဒီးစီၤစတ့းဖၣ်လီၤ.

မၤတၢ် 8:29

သးစီဆှံစံးဘၣ်စီၤဖံလံးပူး, “လဲၤဃီၤဆူလ့ၣ်ကဟၣ်န့ၣ်အအိၣ်ဒီးဟးဖဲအကပၤန့ၣ်တက့ၢ်.”

ရိမ့ၤ 16:5

ယဆှၢစ့ၢ်ကီးယတၢ်ဆၢဂ့ၤဆၢဝါတဖၣ်ဆူတၢ်အိၣ်ဖှိၣ်လၢအဘူၣ် သကိးဘါသကိးတၢ်လၢအဝဲသ့ၣ်အဟံၣ်ပူၤအအိၣ်န့ၣ်လီၤ. ယဆှၢယတၢ်ဆၢဂ့ၤဆၢဝါဆူယတံၤသကိးလၢယအဲၣ်အီၤစီၤ အ့ပဲန့းတူး, လၢအမ့ၢ်ပှၤအဆိကတၢၢ်တဂၤလၢအစူၢ်က့ၤနာ်က့ၤခရံာ်လၢ ကီၢ်အၤစံအပူၤတဂၤအအိၣ်န့ၣ်လီၤ.

1 ကရံၣ်သူး 12:11

ဘၣ်ဆၣ်ဒီး, ပှၤလၢအမၤတၢ်သ့ၣ်တဖၣ်အံၤခဲလၢာ်န့ၣ်, မ့ၢ်ဝဲသးစီဆှံတဂၤဃီလီၤ. အဝဲဒၣ်ဟ့ၣ်ပှၤတဂၤဘၣ်တဂၤလၢတၢ်ဟ့ၣ်လီၤဆီတမံၤဒ် အသးအိၣ်မၤဝဲအသိးလီၤ.

1 ကရံၣ်သူး 16:1

ခဲကနံၣ်အံၤ, ဘၣ်ထွဲဒီးတၢ်လၢသုကွဲးတ့ၢ်သုဝဲဘၣ်ဃးတိၢ်လၢသု ကထၢဖှိၣ်အီၤလၢသုကမၤစၢၤယွၤအပှၤဂီၢ်မုၢ်ဖဲကီၢ်ယူဒၤတဖၣ် အဂီၢ်န့ၣ်, သုကဘၣ်မၤသုဝဲဒ်ယစံးဘၣ်တဲဘၣ်တ့ၢ်တၢ်အိၣ်ဖှိၣ် တဖၣ်ဖဲကီၢ်ကလၤတံလၢအကမၤဝဲန့ၣ်လီၤ.

1 ကရံၣ်သူး 16:19

တၢ်အိၣ်ဖှိၣ်တဖၣ်လၢကီၢ်အၤစံအပူၤဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ. စီၤအကူလၤ, နီၢ်ပြံစကံးလၤ, ဒီးတၢ်အိၣ်ဖှိၣ်လၢအထံၣ်လိာ်အိၣ်ဖှိၣ်ဖဲအဟံၣ်ပူၤန့ၣ်, ဆှၢလီၤအတၢ်ဆၢဂ့ၤဒ်ပှၤခရံာ်ဖိတဖၣ်အသိးလၢအသးဒီဖျၢၣ်ညါလီၤ.

၂ ကရံၣ်သူး 1:8

ဒီပုၢ်ဝဲၢ်သ့ၣ်ဧၢ, ပသးအိၣ်ဒုးသ့ၣ်နီၣ်ထီၣ်သုဘၣ်ဃးဒီးတၢ်ကီ တၢ်ခဲလၢပလဲၤခီဖျိတ့ၢ်ပဝဲလၢကီၢ်အၤစံအပူၤန့ၣ်လီၤ. တၢ်ဝံ တၢ်ယိးလၢအဘၣ်တၢ်ပာ်ထီၣ်အီၤလၢပလိၤတဖၣ်န့ၣ်, ဒိၣ်ဝဲ ဃၢဝဲတုၤဒၣ်လဲာ်ပတၢ်မုၢ်လၢ်လၢပကအိၣ်မူဒံးဆူညါန့ၣ် လၢာ်ကွံာ်ဝဲစီဖ့ကလ့ၤန့ၣ်လီၤ.

ကလၤတံ 1:2

ဒီပုၢ်ဝဲၢ်ခဲလၢာ်လၢအအိၣ်ဒီးယၤဖဲအံၤဆှၢလီၤအတၢ်ဆၢ ဂ့ၤဆၢဝါတဖၣ်ဆူတၢ်အိၣ်ဖှိၣ်တဖၣ်လၢကီၢ်ကလၤတံ အအိၣ်န့ၣ်လီၤ.

ကလၤတံ 3:1

ပှၤဟးဂီၤပှၤကလၤတံဖိသ့ၣ်ဧၢ, မ့ၢ်မတၤမၤကဒါသုမဲာ်တဂၤ လဲၣ်. သုဘၣ်တၢ်ပာ်ဖျါထီၣ်န့ၢ်သုဖျါဖျါဘၣ်ဃးဒီးယ့ၣ်ၡူးခရံာ် အတၢ်သံလၢထူၣ်စုညါအလိၤလီၤ.

၂ တံၤမသ့း 1:15

နသ့ၣ်ညါလၢပှၤကိးဂၤဒဲးလၢကီၢ်အၤစံအပူၤ, ဃုာ်ဒီးစီၤဖူက့းလူးဒီးစီၤအ့းရံမိက့းန့ၤတဖၣ်ဟး သဒၣ်ကွံာ်ယၤလံန့ၣ်လီၤ.

ဧ့ၤဘြံၤ 11:8

တၢ်စူၢ်တၢ်နာ်န့ၣ် ဒုးစူၢ်စီၤအၤဘြၤဟၣ်အတၢ်ဖဲကစၢ်ယွၤကိးထီၣ် အီၤဒ်သိးအကလဲၤဆူကီၢ်လၢကစၢ်ယွၤအၢၣ်လီၤတ့ၢ်အီၤလၢ ကဟ့ၣ်အီၤန့ၣ်လီၤ. အဝဲဟးထီၣ်လၢ အထံအကီၢ်ဒၣ်ဝဲအပူၤဒီးကလဲၤဖဲလဲၣ်ဖဲလဲၣ်န့ၣ် တသ့ၣ်ညါဝဲဘၣ်.

၁ ပ့းတရူး 1:1

လၢစီၤပ့းတရူး, ယ့ၣ်ၡူးခရံာ်အပှၤတၢ်မၢဖိ, ဆူကစၢ်ယွၤအပှၤဃုထၢဖိတဖၣ်လၢအလီၤပြံလီၤပြါဝဲ သကုၤကီၢ်ပီၣ်တူး, ကီၢ်ကလၤတံ, ကီၢ်ကးပၤဒကံ, ကီၢ်အၤစံ ဒီးကီၢ်ဘံၤသူၤနံတဖၣ်အပူၤအအိၣ်န့ၣ်လီၤ.

လံာ်လီၣ်ဖျါ 1:11

တၢ်အကလုၢ်န့ၣ်စံးဝဲ, “ကွဲးလီၤတၢ်လၢနထံၣ်ဘၣ်နဲ, လၢလံာ်တဘ့ၣ်အပူၤ, ဒီးဆှၢလီၤလံာ်အဝဲန့ၣ်ဆူတၢ်အိၣ်ဖှိၣ် တဖၣ်လၢဝ့ၢ်နွံဖျၢၣ်အံၤ, ဝ့ၢ်အ့းဖ့းစူး, ဝ့ၢ်စမူရနၤ, ဝ့ၢ်ပ့ၢ်ကမူး, ဝ့ၢ်သူၤအတံရၤ, ဝ့ၢ်စၢ်ဒံ, ဝ့ၢ်ဖံၤလဒ့းလဖံ, ဒီးဝ့ၢ်လီၤဒံၤကံ, အပူၤန့ၣ်တက့ၢ်.”

လံာ်လီၣ်ဖျါ 1:4

လၢစီၤယိၤဟၣ်, ဆူတၢ်အိၣ်ဖှိၣ်နွံဖုလၢကီၢ်အၤစံအပူၤ. မ်သုကဒိးန့ၢ်ဘၣ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးလၢ ကစၢ်ယွၤအအိၣ်, ယွၤလၢအအိၣ်ဝဲ, အိၣ်တ့ၢ်လံဝဲ, ဒီးအကဟဲဝဲတဂၤ, ဒီးလၢသးနွံဖျၢၣ်လၢအဝဲဒၣ်အလီၢ်ပစိာ်အမဲာ်ညါန့ၣ်အအိၣ်,