မၤတၢ် 16:39 - Sgaw Karen Common Bible

³⁹ လၢတၢ်န့ၣ်အဃိ, အဝဲသ့ၣ်လဲၤဒီးဃ့ကညးစီၤပီလူးဒီး စီၤစံလၤလီၤ. အန့ၣ်ဝံၤအလီၢ်ခံ, အဝဲသ့ၣ်ဆှၢထီၣ်အီၤဆူ ဃိာ်အချၢဒီး မၢအဝဲသ့ၣ်ဟးထီၣ်ကွံာ်လၢဝ့ၢ်ပူၤလီၤ.

မၤတၢ် 16:39 Iomraidhean Croise

လံာ်တၢ်ဟးထီၣ်ကွံာ် 11:8

စီၤမိၤၡ့မၤကတၢၢ်အတၢ်ကတိၤစံးဝဲဒၣ်, “နပဒိၣ်ပပှၢ်ခဲလၢာ် ကဟဲဆူယအိၣ်ဒီးတီၤလီၤလၢယမဲာ်ညါဒီးအဝဲသ့ၣ်ကဃ့ကညး ယၤဒ်သိးယကဟးထီၣ်ကွံာ်ဒီးယပှၤဂီၢ်မုၢ်ခဲလၢာ်န့ၣ်လီၤ. ဒီးတၢ်န့ၣ်အလီၢ်ခံယကဟးထီၣ်ကွံာ်န့ၣ်လီၤ.” အန့ၣ်ဝံၤဒီးစီၤမိၤၡ့ဟးထီၣ်လၢစီၤပၤအအိၣ်လၢတၢ်သးထီၣ် အပူၤန့ၣ်လီၤ.

လံာ်ယၡါယၤ 45:14

ယွၤစံးဘၣ်ကီၢ်အံၣ်စရ့လး, “ကီၢ်အဲၤကူပတူးဒီးကီၢ်ကူၤၡးအတၢ်ထူးတၢ်တီၤတဖၣ်ကမ့ၢ်နတၢ်, ဒီးပှၤစဘၤဖိလၢအနီၢ်ဒိၣ်ထီတဖၣ်ကမ့ၢ်နကုၢ်နပှၤတဖၣ်လီၤ. အဝဲသ့ၣ်ကပိာ်နခံလၢတၢ်စၢဃာ်အထးသွဲတဖၣ်အပူၤလီၤ. အဝဲသ့ၣ်ကတီၤလီၤကဒွံကျိာ်လၢနမဲာ်ညါဒီး အၢၣ်လီၤဝဲလၢ, ကစၢ်ယွၤအိၣ်ဒီးနၤ, အဝဲမ့ၢ်ကစၢ်ယွၤထဲတဂၤဧိၤန့ၣ်လီၤ.

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ယၡါယၤ 60:14

ပှၤလၢအမၤအၢမၤနးနၤအဖိခွါတဖၣ်ကဟဲဝဲ ဒီးသကူးဖုၣ်လီၤအသးဒ်သိးကဒုးနဲၣ်အဝဲသ့ၣ်အ တၢ်ယူးယီၣ်ပာ်ကဲနၤအဂီၢ်လီၤ. ကယဲၢ်ပှၤလၢတဘျီ, အသးဘၣ်အၢတ့ၢ်နၤ ကဘူၣ်ထီၣ်ဘါထီၣ်တၢ်လၢနခီၣ်ထံးလီၤ. အဝဲသ့ၣ်ကကိးနၤလၢ, ယွၤအမူအဝ့ၢ်, ဝ့ၢ်စံယိၣ်, ပှၤအံၣ်စရ့လးဖိအကစၢ်ယွၤစီဆှံအခူအဝ့ၢ်န့ၣ်လီၤ.

လံာ်ဒၤနံးယ့လး 6:16

လၢတၢ်န့ၣ်အဃိ, စီၤပၤဟ့ၣ်လီၤအကလုၢ်ဒ်သိးစီၤဒၤနံးယ့လး ကဘၣ်တၢ်လဲၤစိာ်ဒီးတ့ၢ်လီၤကွံာ်အီၤဆူခ့ယုၢ်တဖၣ်အတဝၢပူၤ န့ၣ်လီၤ. အဝဲစံးဘၣ်စီၤဒၤနံးယ့လး, “မ်နကစၢ်ယွၤလၢနမၤ အတၢ်မၤလၢတၢ်သူၣ်တီသးရၤအပူၤန့ၣ်အုၣ်က့ၤခီၣ်က့ၤနၤတက့ၢ်.”

လံာ်ဒၤနံးယ့လး 6:23

စီၤပၤအသးခုဒိၣ်ဒိၣ်ကလဲာ်ဒီးမၤလိာ်တ့ၢ်ဝဲလၢပှၤကထုးထီၣ် က့ၤစီၤဒၤနံးယ့လးလၢခ့ယုၢ်အတဝၢအပူၤန့ၣ်လီၤ. မၤသးဒ်န့ၣ်ဒီး, အဝဲသ့ၣ်ထုးထီၣ်က့ၤအီၤဒီးထံၣ်ဘၣ်ဝဲလၢ အတဘၣ်ဒိဘၣ်ထံးဘၣ်နီတမံၤဘၣ်လၢအတၢ်စူၢ်တၢ်နာ်ကစၢ် ယွၤအဃိန့ၣ်လီၤ.

လံာ်မးသဲ 8:34

ပှၤဝ့ၢ်ဖိဒီဝ့ၢ်ညါဟဲထီၣ်လၢအဝ့ၢ်ပူၤဒီးသဂၢၢ်ယ့ၣ်ၡူးလီၤ. တုၤအဝဲသ့ၣ်ထံၣ်အီၤဒီး, ဃ့ကညးအီၤဒ်သိးအကဟးထီၣ်ကွံာ်လၢအဝဲသ့ၣ်အကီၢ်ပူၤန့ၣ်လီၤ.

လံာ်မၢ်ကူး 5:17

သတးဒီးအဝဲသ့ၣ်တဖၣ်ဃ့ကညးယ့ၣ်ၡူးလၢအကဟးထီၣ်ကွံာ်လၢ အဝဲသ့ၣ်အိၣ်တၢ်အလီၢ်ကဝီၤန့ၣ်လီၤ.

လံာ်လီၣ်ဖျါ 3:9

ဒိကနၣ်တက့ၢ်. မ့မ့ၢ်ပှၤတဖုတကရၢလၢအဘၣ်ထွဲဒီးမုၣ် ကီၤလံၢ်, ပှၤလီတၢ်သ့ၣ်တဖၣ်လၢအစံးလီၤအသးလၢအမ့ၢ် ပှၤယူဒၤဖိဘၣ်ဆၣ်တမ့ၢ်ဘၣ်တဖၣ်န့ၣ်, ယကမၤဒ်သိးအဝဲသ့ၣ်ကဟဲဒီးချံးခီၣ်တီၤလီၤလၢသုခီၣ်ထံး န့ၣ်လီၤ. အဝဲသ့ၣ်ကိးဂၤဒဲးကသ့ၣ်ညါလၢယအဲၣ်သုလီၤ.