မၤတၢ် 16:36 - Sgaw Karen Common Bible

³⁶ လၢတၢ်န့ၣ်အဃိပှၤဃိာ်ဒိၣ်တဲဘၣ်စီၤပီလူးဒီးစံးဝဲ, “ပှၤစံၣ်ညီၣ်ကွီၢ်တဖၣ်ဟ့ၣ်လီၤအကလုၢ်လၢနၤဒီးစီၤစံလၤ, သုကဘၣ်တၢ်ပျၢ်ဖျဲးကွံာ်သုအဂီၢ်လီၤ. လၢတၢ်န့ၣ်အဃိ, သုဟးထီၣ်ကွံာ်သ့လံ. ဒီးလဲၤတၢ်မုာ်မုာ်တက့ၢ်.”

မၤတၢ် 16:36 Iomraidhean Croise

လံာ်စီၤပၤခံဘ့ၣ်တဘ့ၣ် 5:19

စီၤအလံၤၡါစံးဝဲဒၣ်, “လဲၤတၢ်မုာ်မုာ်တက့ၢ်.” ဒီးစီၤနဧၤမၣ်ဟးထီၣ်ကွံာ်ဝဲန့ၣ်လီၤ. ဖဲအဝဲလဲၤတ့ၢ်ယံၤ ဒံးထဲတစဲးဧိၤန့ၣ်,

လံာ်တၢ်ဟးထီၣ်ကွံာ် 4:18

တုၤနုၤတစု, စီၤမိၤၡ့က့ၤကဒါက့ၤဆူအမံၤပှၢ်စီၤယံးသရိၤ အအိၣ်ဒီးစံးဘၣ်အီၤ, “ဝံသးစူၤပျဲယက့ၤကဒါက့ၤဆူယ ဘူးယတံၢ်တဖၣ်အအိၣ်လၢကီၢ်အဲၤကူပတူးအပူၤဒီးကွၢ်, မ့ၢ်အဝဲသ့ၣ်အိၣ်မူဒံးတဂၤဂၤဧါ.” ဒီးစီၤယံးသရိၤစံးဘၣ်အီၤ, “က့ၤမုာ်မုာ်တက့ၢ်,” န့ၣ်လီၤ.

လံာ်မၢ်ကူး 5:34

ယ့ၣ်ၡူးစံးဘၣ်အီၤ, “ဖိမုၣ်ဧၢ, နတၢ်နာ်န့ၣ်မၤဘျါက့ၤနၤလံ. က့ၤမုာ်မုာ်တက့ၢ်. နတၢ်ဆါဘျါလံ.”

လံာ်ယိၤဟၣ် 14:27

တၢ်လၢယပာ်လီၤတဲာ်န့ၢ်သုမ့ၢ်တၢ်ဃူတၢ်ဖိးလီၤ. မ့ၢ်ယတၢ်ဃူတၢ်ဖိးဒၣ်ယဲလၢယဟ့ၣ်လီၤသုလီၤ. ယတဟ့ၣ်လီၤအီၤဒ်ဟီၣ်ခိၣ်ဟ့ၣ်တၢ်အသိးဘၣ်. တဘၣ်သူၣ်ကိၢ်သးဂီၤဒီးသးဘၣ်တံာ်တာ်တဂ့ၤ, ဒီးတဘၣ်ပျံၤတၢ်တဂ့ၤ.

မၤတၢ် 15:33

အဝဲသ့ၣ်အိၣ်ဖဲန့ၣ်စှၤနွံဝံၤအလီၢ်ခံ, ဘၣ်တၢ်ပျၢ်က့ၤအီၤမုာ်မုာ်လၢပှၤစူၢ်က့ၤနာ်က့ၤတၢ်တဖၣ်, ဒီးအဝဲသ့ၣ်က့ၤက့ၤဆူပှၤလၢအမၢလီၤတ့ၢ်အီၤတဖၣ်အအိၣ် န့ၣ်လီၤ.

မၤတၢ် 16:23

တၢ်ဖျ့အီၤတီၢ်အီၤနးမးဝံၤအလီၢ်ခံ, တၢ်တ့ၢ်နုာ်အီၤဆူဃိာ်ပူၤ, ဒီးပှၤဃိာ်ဒိၣ်ဘၣ်တၢ်မၤလိာ်အီၤလၢအကဒုးဃာ်အဝဲသ့ၣ် လီၤတံၢ်လီၤဆဲးန့ၣ်လီၤ.

မၤတၢ် 16:27

ပှၤဃိာ်ဒိၣ်ပၢၢ်ထီၣ်ဒီးဖဲအဝဲဒၣ်ထံၣ်ဃိာ်အတြဲၤတဖၣ်အိၣ် အိးထီၣ်အသးန့ၣ်, ဆိကမိၣ်ဝဲလၢပှၤဃိာ်ဖိတဖၣ်ထူၣ်ဖျဲး လၢာ်လံန့ၣ်လီၤ. လၢတၢ်န့ၣ်အဃိ, အဝဲဒၣ်ထုးထီၣ်အနးဒီးသါကမၤသံလီၤအသးလီၤ.

မၤတၢ် 16:35

မုၢ်ဆ့ၣ်ထီၣ်တနံၤန့ၣ်, ရိမ့ၤအစံၣ်ညီၣ်ကွီၢ်တဖၣ်ဆှၢလီၤပၢၤကီၢ် အခိၣ်အနၢ်တဖၣ်ဃုာ်ဒီးတၢ်ကလုၢ်, “ပျၢ်ကွံာ်ပှၤသ့ၣ်တဖၣ်န့ၣ် တက့ၢ်.”

လံာ်ပှၤစံၣ်ညီၣ်ကွီၢ် 18:6

ဒီးပှၤလုၢ်တၢ်အခိၣ်စံးဆၢဝဲ, “သုဘၣ်ယိၣ်ဘၣ်ဘှီတၢ်အလီၢ်တအိၣ်နီတမံၤဘၣ်. ယွၤအံးထွဲကွၢ်ထွဲသုလၢတၢ်လဲၤတဘျီအံၤအပူၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 1:17

စီၤဧ့လံၤစံးဝဲ, “လဲၤမုာ်မုာ်တက့ၢ်. ဒီးမ်အံၣ်စရ့လး အကစၢ်ယွၤဟ့ၣ်နၤတၢ်လၢနဃ့တ့ၢ်အီၤန့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 20:42

အန့ၣ်ဝံၤဒီးစီၤယိနၤသၣ်စံးဘၣ်စီၤဒၤဝံး, “ကစၢ်ယွၤအိၣ်ဒီးနၤလီၤ. ယွၤကမၤလီၤတံၢ်ဝဲလၢနၤဒီးယၤ, ဒီးနစၢၤနသွဲၣ်ဒီး, ယစၢၤယသွဲၣ်တဖၣ်ကဟံးဃာ်အတၢ်အၢၣ်လီၤစီ ဆှံလၢပမၤတ့ၢ်အီၤယၢ်ခီယၢ်ခီန့ၣ်လီၤ.” အန့ၣ်ဝံၤဒီးစီၤဒၤဝံးဟးထီၣ်ဝဲဒီး စီၤယိနၤသၣ်က့ၤကဒါက့ၤဆူဝ့ၢ်ပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:35

အန့ၣ်ဝံၤဒီးစီၤဒၤဝံးတူၢ်လိာ်တၢ်လၢပိာ်မုၣ်န့ၣ်ဟဲစိာ်န့ၢ်အီၤ ဒီးစံးဘၣ်ပိာ်မုၣ်န့ၣ်, “က့ၤဆူဟံၣ်ဒီးဘၣ်ကိၢ်ဘၣ်ဂီၤတဂ့ၤ. ယကမၤတၢ်လၢနသးလီအီၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 29:7

မၤသးဒ်န့ၣ်ဒီး, က့ၤကဒါက့ၤဆူဟံၣ်မုာ်မုာ်ဒီးမၤတၢ်လၢအတမၤမုာ် အဝဲသ့ၣ်အသးန့ၣ်နီတမံၤတဂ့ၤ.”