မၤတၢ် 16:31 - Sgaw Karen Common Bible

³¹ အဝဲသ့ၣ်စံးဘၣ်အီၤ, “စူၢ်က့ၤနာ်က့ၤကစၢ်ယ့ၣ်ၡူးတက့ၢ်. ဒီးနကဘၣ်တၢ်အုၣ်က့ၤခီၣ်က့ၤနၤ, နဝဲဒီး နပှၤဟံၣ်ဖိဃီဖိ တဖၣ်န့ၣ်လီၤ.”

မၤတၢ် 16:31 Iomraidhean Croise

လံာ်တၢ်ကဲထီၣ်အခီၣ်ထံး 17:7

ယကဟံးဃာ်ယတၢ်အၢၣ်လီၤအီလီၤဒီးနၤ, ဒီးနစၢၤနသွဲၣ်လၢခါဆူညါအစိၤသ့ၣ်တဖၣ်ဒ်တၢ်အၢၣ်လီၤအီလီၤ အထူအယိာ်တမံၤအသိးန့ၣ်လီၤ. ယမ့ၢ်နကစၢ်ယွၤဒီးပှၤလီၤစၢၤလီၤသွဲၣ်လၢနၤတဖၣ်အကစၢ်ယွၤန့ၣ် လီၤ.

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

လံာ်ယၡါယၤ 45:22

ကယဲၢ်ပှၤဂီၢ်မုၢ်လၢဟီၣ်ခိၣ်ဒီဘ့ၣ်ညါသ့ၣ်ဧၢ, ဃၣ်သုသးဆူယအိၣ်ခဲအံၤဒီးမ်သုဘၣ်တၢ်အုၣ်က့ၤခီၣ်က့ၤသုတ က့ၢ်. ယမ့ၢ်ကစၢ်ယွၤထဲတဂၤဧိၤလၢအအိၣ်ဝဲန့ၣ်လီၤ.

လံာ်ယံးရမံယၤ 32:39

ယကဟ့ၣ်အဝဲသ့ၣ်လၢ တၢ်အိၣ်မူအတၢ်တိာ်ထဲတမံၤဧိၤ ဒ်သိးကအိၣ်ဒီးတၢ်သးတဖျၢၣ်ဃီ, လၢအကမၤလၤ ကပီၤယၤကိးဆၢကတီၢ်ဒဲး, လၢအဝဲသ့ၣ်အကစၢ်ဒၣ်ဝဲ အတၢ်ဂ့ၤအဂီၢ်ဒီး လၢအစၢၤအသွဲၣ်တဖၣ် အတၢ်ဂ့ၤအဂီၢ်န့ၣ်လီၤ.

လံာ်ဃဘးကူာ် 2:4

ဒီးတၢ်ကစီၣ်န့ၣ်မ့ၢ်တၢ်အံၤ, “ပှၤတတီတလိၤတဖၣ်န့ၣ်တမူ ဘၣ်ဝဲဘၣ်. မ့မ့ၢ်ပှၤတီပှၤလိၤန့ၣ်ကမူဝဲလၢအတၢ်သးတီဒီး ကစၢ်ယွၤအဃိန့ၣ်လီၤ.”

လံာ်မၢ်ကူး 16:16

ပှၤတဂၤလၢ်လၢ်လၢအနာ်တၢ်သးခုအကစီၣ်အံၤဒီးဒိးဘျၢ အသးလၢထံန့ၣ်, ကဘၣ်တၢ်အုၣ်က့ၤခီၣ်က့ၤအီၤ, မ့မ့ၢ်ပှၤတဂၤလၢ်လၢ်လၢအတနာ်ဝဲဘၣ်န့ၣ် ကဘၣ်တၢ်စံၣ်ညီၣ်ဃၣ်အီၤလီၤ.

လံာ်ယိၤဟၣ် 1:12

ဘၣ်ဆၣ်ဒီးပှၤတနီၤန့ၣ်တူၢ်လိာ်အီၤဒီးနာ်အီၤသတးဒီး အဝဲဒၣ်ဒုးကဲထီၣ်အီၤလၢကစၢ်ယွၤအဖိတဖၣ်န့ၣ်လီၤ.

လံာ်ယိၤဟၣ် 20:31

ဘၣ်ဆၣ်တၢ်သ့ၣ်တဖၣ်အံၤဘၣ်တၢ်ကွဲးဃာ်အီၤ, မ့ၢ်ဒ်သိးသုကနာ်လၢယ့ၣ်ၡူးမ့ၢ်ခရံာ်, ကစၢ်ယွၤအဖိခွါ, ဒီးခီဖျိသုတၢ်နာ်အီၤန့ၣ်, သုကန့ၢ်ဘၣ်တၢ်မူအဂီၢ်န့ၣ်လီၤ.

လံာ်ယိၤဟၣ် 3:36

ပှၤလၢအစူၢ်က့ၤနာ်က့ၤဖိခွါန့ၣ်အိၣ်ဒီးတၢ်မူအထူအယိာ် လီၤ. မ့မ့ၢ်ပှၤလၢတဒိကနၣ်ဒီးတစူၢ်တနာ်ဘၣ်ဖိခွါန့ၣ်, တအိၣ်ဒီးတၢ်မူန့ၣ်ဘၣ်. ဒီးကအိၣ်ဒၣ်လၢကစၢ်ယွၤအတၢ် စံၣ်ညီၣ်အဖီလာ်တထံၣ်ဃီန့ၣ်လီၤ.”

လံာ်ယိၤဟၣ် 6:40

အဂ့ၢ်ဒ်အံၤ, ယပၢ်အတၢ်ဘၣ်အသးမ့ၢ်ဒ်သိးကယဲၢ်ပှၤလၢ အထံၣ်ဖိခွါဒီးစူၢ်က့ၤနာ်က့ၤအီၤတဂၤလၢ်လၢ် ကဒိးန့ၢ်ဘၣ်တၢ်မူအထူအယိာ်န့ၣ်လီၤ. ဒီးယကဒုးဂဲၤဆၢထၢၣ်က့ၤအဝဲသ့ၣ်ဆူတၢ်မူလၢ မုၢ်နံၤခံကတၢၢ်န့ၣ်လီၤ.”

လံာ်ယိၤဟၣ် 6:47

ယစံးဘၣ်တဲဘၣ်သုတၢ်မ့ၢ်တၢ်တီလီၤ. ပှၤလၢအစူၢ်က့ၤနာ် က့ၤတၢ်န့ၣ်အိၣ်ဒီးတၢ်မူအထူအယိာ်လီၤ.

မၤတၢ် 15:11

တမ့ၢ်ဒ်န့ၣ်ဘၣ်. ပစူၢ်က့ၤနာ်က့ၤတၢ်ဒီးပဘၣ်တၢ်အုၣ်က့ၤခီၣ်က့ၤပှၤ ခီဖျိကစၢ်ယ့ၣ်ၡူးအဘျုးအဖှိၣ်လီၤ. အဝဲသ့ၣ်စ့ၢ်ကီးစူၢ်က့ၤနာ်က့ၤတၢ်ဒီးဘၣ်တၢ်အုၣ်က့ၤခီၣ်က့ၤအီၤ န့ၣ်လီၤ.

မၤတၢ် 16:15

အဝဲဒၣ်ဒီးအပှၤဟံၣ်ဖိဃီဖိတဖၣ်ဘၣ်တၢ်ဘျၢအီၤလၢထံလီၤ. အန့ၣ်ဝံၤအလီၢ်ခံအဝဲဒၣ်ကွဲပှၤဒီးစံးဝဲ, “သုမ့ၢ်ပာ်ယၤလၢယမ့ၢ်ပှၤစူၢ်က့ၤနာ်က့ၤကစၢ်နီၢ်နီၢ်န့ၣ်, ဟဲအိၣ်လၢယဟံၣ်တက့ၢ်.” ဒီးအဝဲဒၣ်ကိးပှၤသပှၢ်ပှၢ်တုၤ ပလဲၤတစုလီၤ.

မၤတၢ် 16:32

တုၤနုၤတစု, အဝဲသ့ၣ်စံၣ်တဲၤတဲလီၤကစၢ်အကလုၢ်ကထါလၢ အဝဲဒီးပှၤအဂၤလၢအအိၣ်လၢအဟံၣ်ပူၤကိးဂၤဒဲးလီၤ.

မၤတၢ် 18:8

စီၤကြံစပူးလၢအမ့ၢ်ဘူၣ်ဘျီၣ်အခိၣ်တဂၤန့ၣ်, စူၢ်က့ၤနာ်က့ၤကစၢ်ဃုာ်ဒီးအပှၤဟံၣ်ဖိဃီဖိခဲလၢာ်လီၤ. ပှၤအါဒံအါဂၤဖဲဝ့ၢ်ကရံၣ်သူးလၢအနၢ်ဟူဘၣ်တၢ်သးခု အကစီၣ်တဖၣ်န့ၣ်, စူၢ်က့ၤနာ်က့ၤတၢ်ဒီးဘၣ်တၢ်ဘျၢအီၤလၢ ထံလီၤ.

မၤတၢ် 4:12

ပှၤလၢအအုၣ်က့ၤခီၣ်က့ၤပှၤသ့မ့ၢ်ထဲအဝဲဒၣ်တဂၤဧိၤလီၤ. လၢဟီၣ်ခိၣ်ဒီဘ့ၣ်ညါအပူၤ, မံၤအဂၤလၢကစၢ်ယွၤဟ့ၣ်လီၤဝဲလၢတၢ်အုၣ်က့ၤခီၣ်က့ၤအဂီၢ် န့ၣ်တအိၣ်နီတဖျၢၣ်ဘၣ်.”

မၤတၢ် 8:36

ဒီးဖဲအလဲၤကဒီးဆူညါအဖၢမုၢ်န့ၣ်, အဝဲသ့ၣ်တုၤဃီၤဝဲဒၣ်လၢထံအိၣ်အလီၢ်တတီၤ, ဒီးပဒိၣ်န့ၣ်စံးဝဲ, “ထံအိၣ်ဖဲအံၤလီၤ. ယမ့ၢ်အဲၣ်ဒိးဒိးဘျၢယသးလၢထံဒီး, တၢ်လၢကတြီယကျဲမ့ၢ်အအိၣ်တမံၤမံၤဧါ.”

ရိမ့ၤ 11:16

ကိၣ်ကမူၣ်ကျဲအသးဒီးထံအဆိကတၢၢ်တစှီၤမ့ၢ်ဘၣ်တၢ်လုၢ် ထီၣ်အီၤဆူကစၢ်ယွၤအအိၣ်ဒီး, ကိၣ်ဒီလိၣ်မ့ၢ်အတၢ်စ့ၢ်ကီး လီၤ. ဒီးသ့ၣ်တထူၣ်အဂံၢ်တဖၣ်မ့ၢ်ဘၣ်တၢ်ဟ့ၣ်လီၤကစၢ်ယွၤဒီး, သ့ၣ်အဒ့တဖၣ်မ့ၢ်အတၢ်စ့ၢ်ကီးန့ၣ်လီၤ.

ကလၤတံ 3:14

ခရံာ်မၤတၢ်အံၤန့ၣ်, မ့ၢ်ဒ်သိးတၢ်ဆိၣ်ဂ့ၤလၢယွၤစံးပာ်လၢအကဟ့ၣ်လီၤ စီၤအၤဘြၤဟၣ်န့ၣ်ကဘၣ်တၢ်ဟ့ၣ်စ့ၢ်ကီးအီၤဆူပှၤကလုာ်ဂၤ တဖၣ်ခီဖျိယ့ၣ်ၡူးခရံာ်, ဒ်သိးခီဖျိတၢ်စူၢ်တၢ်နာ်န့ၣ်ပကဒိးန့ၢ်ဘၣ်ယွၤအသးလၢ ကစၢ်ယွၤအၢၣ်လီၤလၢအကဟ့ၣ်ပှၤအဂီၢ်န့ၣ်လီၤ.

ကလၤတံ 3:22

ဘၣ်ဆၣ်ဒီး, တၢ်ကွဲးအသးစီဆှံစံးဝဲဒၣ်လၢဟီၣ်ခိၣ်ဒီဘ့ၣ် အိၣ်လၢတၢ်ဒဲးဘးအစိကမီၤအဖီလာ်လီၤ. လၢတၢ်န့ၣ်အဃိ တၢ်ဟ့ၣ်လၢအဘၣ်တၢ်အၢၣ်လီၤအီလီၤအီၤလၢတၢ်စူၢ်တၢ်နာ် ယ့ၣ်ၡူးခရံာ်အပူၤန့ၣ်, ဘၣ်တၢ်ဟ့ၣ်လီၤအီၤလၢပှၤတဖၣ်လၢ အနာ်တၢ်န့ၣ်လီၤ.

ကလၤတံ 3:26

ခီဖျိတၢ်စူၢ်တၢ်နာ်န့ၣ်, သုဝဲခဲလၢာ်သုမ့ၢ်ကစၢ်ယွၤအဖိခွါတဖၣ်လၢတၢ်တမံၤဃီဒီး ယ့ၣ်ၡူးခရံာ်အပူၤန့ၣ်လီၤ.