မၤတၢ် 16:27 - Sgaw Karen Common Bible

²⁷ ပှၤဃိာ်ဒိၣ်ပၢၢ်ထီၣ်ဒီးဖဲအဝဲဒၣ်ထံၣ်ဃိာ်အတြဲၤတဖၣ်အိၣ် အိးထီၣ်အသးန့ၣ်, ဆိကမိၣ်ဝဲလၢပှၤဃိာ်ဖိတဖၣ်ထူၣ်ဖျဲး လၢာ်လံန့ၣ်လီၤ. လၢတၢ်န့ၣ်အဃိ, အဝဲဒၣ်ထုးထီၣ်အနးဒီးသါကမၤသံလီၤအသးလီၤ.

မၤတၢ် 16:27 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:23

ဖဲစီၤအဃံသဖ့ၤလးထံၣ်သ့ၣ်ညါဝဲလၢအတၢ်ဟ့ၣ်ကူၣ်တဘၣ်တၢ်မၤ ထွဲအီၤန့ၣ်, အဝဲဂီၤကၢ်ထီၣ်အကသ့ၣ်ယီၤဒီးက့ၤကဒါက့ၤဆူအဝ့ၢ်ဒၣ်ဝဲန့ၣ်လီၤ. တုၤအဝဲကျဲၤလီၤအဟံၣ်အဃီ အဂ့ၢ်အကျိၤဘၣ်ဘၣ်ဝံၤအလီၢ်ခံန့ၣ်, အဝဲစၢသံလီၤက့ၤအသးန့ၣ် လီၤ. အဝဲဘၣ်တၢ်ခူၣ်လီၤကွံာ်အီၤဖဲအဒူၣ်ဖိထၢဖိအသွၣ်ခိၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:18

တုၤစီၤစံၣ်ရံၤထံၣ်ဝဲဒၣ်လၢဝ့ၢ်ဘၣ်တၢ်မၤန့ၢ်ကွံာ်အီၤလံ န့ၣ်အဝဲလဲၤနုာ်ဆူနီအသးကံၢ်ပူၤ, ဆိၣ်ကဲၤထီၣ်နီလၢမ့ၣ်အူဒီးသံဝဲလၢမ့ၣ်အူလၣ်အကျါန့ၣ်လီၤ.

လံာ်မးသဲ 27:5

စီၤယူဒၤကွံာ်လီၤအစ့အဘ့ၣ်တဖၣ်လၢတၢ်လုၢ်ဟံၣ်အပူၤ, ဒီးဟးထီၣ်ကွံာ်ဖဲန့ၣ်လီၤ. တုၤနုၤတစုအဝဲဟးထီၣ်ကွံာ်ဝဲဆူတၢ်ချၢ, ဒီးလဲၤစၢသံလီၤအသးလီၤ.

မၤတၢ် 12:19

စီၤဟ့ၤရိာ်ဟ့ၣ်လီၤအကလုၢ်လၢပှၤကဃုအီၤ, ဘၣ်ဆၣ်အဝဲသ့ၣ်တထံၣ် အီၤဘၣ်. လၢတၢ်န့ၣ်အဃိအဝဲသမံသမိးပှၤပၢၤတၢ်ဖိတဖၣ်ဒီးဟ့ၣ်လီၤ အကလုၢ်လၢတၢ်ကမၤသံအဝဲသ့ၣ်လီၤ. တၢ်မၤအသးတမံၤအံၤဝံၤအလီၢ်ခံန့ၣ်, စီၤဟ့ၤရိာ်ဟးထီၣ်လၢကီၢ်ယူဒၤဒီးအိၣ်ဝဲဆိးဝဲတစိၢ်တလီၢ် ဖဲဝ့ၢ်ကဲၤစါရံၤန့ၣ်လီၤ.

မၤတၢ် 16:28

ဘၣ်ဆၣ်ဒီးစီၤပီလူးကိးထီၣ်လၢအကလုၢ်ဖးဒိၣ်ဒီးစံးဝဲ, “မၤဆါလီၤနသးတဂ့ၤ. ပအိၣ်ပဝဲဖဲအံၤကိးဂၤဒဲးလီၤ.”

မၤတၢ် 16:36

လၢတၢ်န့ၣ်အဃိပှၤဃိာ်ဒိၣ်တဲဘၣ်စီၤပီလူးဒီးစံးဝဲ, “ပှၤစံၣ်ညီၣ်ကွီၢ်တဖၣ်ဟ့ၣ်လီၤအကလုၢ်လၢနၤဒီးစီၤစံလၤ, သုကဘၣ်တၢ်ပျၢ်ဖျဲးကွံာ်သုအဂီၢ်လီၤ. လၢတၢ်န့ၣ်အဃိ, သုဟးထီၣ်ကွံာ်သ့လံ. ဒီးလဲၤတၢ်မုာ်မုာ်တက့ၢ်.”

လံာ်ပှၤစံၣ်ညီၣ်ကွီၢ် 9:54

တုၤနုၤတစု, အဝဲကိးန့ၢ်ပှၤသးစၢ်လၢအစိာ်အစုကဝဲၤန့ၣ်ချ့ချ့ဒီးစံးဘၣ်အီၤ, “ထုးထီၣ်နနးဒီးမၤသံကွံာ်ယၤတက့ၢ်. ယတအဲၣ်ဒိးလၢပှၤစံးလၢပိာ်မုၣ်တဂၤမၤသံယၤန့ၣ်ဘၣ်.” ဒီးပှၤသးစၢ်န့ၣ်ဆဲးဖျိအီၤဒီးသံဝဲလီၤ.