မၤတၢ် 16:25 - Sgaw Karen Common Bible

²⁵ ကဘၣ်ဖဲဖးဖီမုၢ်အကတီၢ်န့ၣ်, စီၤပီလူးဒီးစီၤစံလၤဃ့ဘါထုကဖၣ်တၢ်ဒီးသးဝံၣ်ထါစံးထီၣ် ပတြၢၤကစၢ်ယွၤ, ဒီးပှၤဃိာ်ဖိအဂၤတဖၣ်ဒိကနၣ်တၢ်လီၤ.

မၤတၢ် 16:25 Iomraidhean Croise

လံာ်စီၤယိၤဘး 35:10

ဘၣ်ဆၣ်အဝဲသ့ၣ်တဃၣ်က့ၤအသးဆူကစၢ်ယွၤ, ပှၤလၢအတ့လီၤအီၤ, ပှၤလၢအဟ့ၣ်လီၤအဝဲသ့ၣ်တၢ်မုၢ်လၢ်ဖဲတၢ်ခံးတၢ်နၤအကတီၢ် တဂၤအအိၣ်န့ၣ်ဘၣ်.

စံးထီၣ်ပတြၢၤ 119:55

ယွၤဧၢ, ယသ့ၣ်နီၣ်ထီၣ်က့ၤနမံၤလၢမုၢ်နၤ, ဒီးယတိၢ်န့ၢ်ဖံးဃာ်နတၢ်သိၣ်တၢ်သီလီၤ.

စံးထီၣ်ပတြၢၤ 119:62

ယဂဲၤဆၢထၢၣ်လၢဖးဖီမုၢ်ဒ်သိး ယကစံးထီၣ်ပတြၢၤနၤလၢနတၢ်တီတၢ်လိၤ အတၢ်စံၣ်ညီၣ်တဖၣ်အဃိလီၤ.

စံးထီၣ်ပတြၢၤ 22:2

ယကစၢ်ယွၤဧၢ, ယကိးထီၣ်နၤလၢမုၢ်ဆါ, ဘၣ်ဆၣ်နတစံးဆၢယၤဘၣ်. ဒီးယကိးထီၣ်လၢမုၢ်နၤ, ဘၣ်ဆၣ်ယတဒိးန့ၢ်ဘၣ်တၢ်မၤမုာ်ယၤဘၣ်.

စံးထီၣ်ပတြၢၤ 34:1

ယကစံးထီၣ်ပတြၢၤယွၤကိးဆၢကိးကတီၢ်ဒဲး, ယတဆိကတီၢ်လၢယတၢ်စံးထီၣ်ပတြၢၤအီၤဘၣ်.

စံးထီၣ်ပတြၢၤ 42:8

ယွၤပာ်ဖျါအတၢ်အဲၣ်ဂၢၢ်ကျၢၤလၢမုၢ်နံၤအကတီၢ် ဒ်သိးတၢ်သးဝံၣ်ကအိၣ်ဒီးယၤလၢမုၢ်နၤ, တၢ်ထုကဖၣ်ဆူယသးသမူ အကစၢ်ယွၤအအိၣ်န့ၣ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 71:7

ယတၢ်အိၣ်မူမ့ၢ်တ့ၢ်တၢ်အဒိအတဲာ် တမံၤလၢ ပှၤအါဂၤအဂီၢ်, မ့ၢ်လၢနမ့ၢ်တ့ၢ် ပှၤဒီဒၣ်အိၣ်ဖှိၤယၤလၢ အဂံၢ်ဆူၣ်ဘါဆူၣ်အဃိလီၤ.

စံးထီၣ်ပတြၢၤ 77:2

လၢယတၢ်ကိၢ်တၢ်ဂီၤအမုၢ်နံၤန့ၣ်, ယဃုယွၤ, ယစုယူာ်ထီၣ်အသးလၢမုၢ်နၤ လၢတၢ်တလီၤဘှံးလီၤတီၤဘၣ်အပူၤ, ဘၣ်ဆၣ်တၢ်မၤမုာ်ထီၣ်က့ၤယၤတသ့ဘၣ်.

စံးထီၣ်ပတြၢၤ 77:6

ယသ့ၣ်နီၣ်ထီၣ်က့ၤယတၢ်သးဝံၣ်လၢမုၢ်နၤလၢယသး, ယဆိကမိၣ်ထီၣ်တၢ်ဒီး တၢ်အံၤမ့ၢ်တၢ်လၢ ယသံကွၢ်လီၤက့ၤယသး,

စံးထီၣ်ပတြၢၤ 91:15

တုၤအကိးထီၣ်ယၤန့ၣ်ယကစံးဆၢအီၤ, ယကအိၣ်ဒီးအီၤလၢတၢ်ကိၢ်တၢ်ဂီၤအပူၤ, ယကမၤပူၤမၤဖျဲးအီၤဒီးမၤလၤကပီၤအီၤလီၤ.

လံာ်ယၡါယၤ 30:29

ဘၣ်ဆၣ်သုဝဲယွၤအပှၤဂီၢ်မုၢ်တဖၣ်, သုကသူၣ်ခုသးခုဒီး သုကသးဝံၣ်တၢ်ဒ်သုမၤတ့ၢ်ဖဲမူးစီဆှံတနၤအဆၢကတီၢ် အသိးလီၤ. သုကသူၣ်ခုသးခုထဲသိးဒီးပှၤလၢအလဲၤတၢ်ဒ် တနၢ်သီတူၢ်အတၢ်ဒ့တၢ်အူအသိးလၢကျဲဆူယွၤ, အံၣ်စရ့လးအပှၤဒီဒၣ်တၢ်, အတၢ်လုၢ်ဟံၣ်န့ၣ်လီၤ.

လံာ်စကၤရယၤ 3:8

ပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူဧၢ, ဒိကနၣ်တက့ၢ်. အတံၤသကိးကဒဲကဒဲပှၤလုၢ်တၢ်အခိၣ်တဖၣ်, သုဝဲလၢအမ့ၢ်တၢ်ပနီၣ်အဂ့ၤတမံၤလၢခါဆူညါအဂီၢ်သ့ၣ်ဧၢ, ဒိကနၣ်တက့ၢ်. ယကလီၣ်ဖျါထီၣ်ယခ့ယပှၤ, လၢအဘၣ်တၢ်ကိးအီၤလၢတၢ်အဒ့န့ၣ်လီၤ.

လံာ်လူၤကၣ် 22:44

လၢတၢ်သူၣ်ကိၢ်သးဂီၤဖးဒိၣ်အပူၤ, အဝဲဃ့ဘါထုကဖၣ်တၢ်လၢတၢ်ပာ်အသးသပှၢ်ပှၢ်အပူၤ, ဒိၣ်န့ၢ်အလီၢ်လီၤ. အဝဲဒၣ်အကပၢၤယွၤလီၤဒ်တၢ်သွံၣ်အလီၤစီၤ တဖၣ်အသိး, လၢဟီၣ်ခိၣ်လိၤလီၤ.

မၤတၢ် 15:22

တုၤနုၤတစု, ပှၤတၢ်မၢဖိဒီးတၢ်အိၣ်ဖှိၣ်အပှၤသူၣ်က့သးပှၢ်တဖၣ်, ဃုာ်ဒီးတၢ်အိၣ်ဖှိၣ်ဒီဖုညါ, ပာ်လီၤအသးလၢအကဃုထၢထီၣ်ပှၤတနီၤလၢအဝဲသ့ၣ်အသိးအကျါ ဒီးမၢလီၤအီၤဆူဝ့ၢ်အၣ်တံၤအီာ်တပူၤဃီဒီးစီၤပီလူးဒီးစီၤဘၢ်နါ ဘၤလီၤ. အဝဲသ့ၣ်ဃုထၢထီၣ်ပှၤခံဂၤလၢအဘၣ်တၢ်ပာ်ဒိၣ်ပာ်ကဲ အီၤလၢပှၤစူၢ်က့ၤနာ်က့ၤတၢ်ဖိတဖၣ်, စီၤစံလၤဒီးစီၤယူဒၤလၢအဘၣ်တၢ်ကိးစ့ၢ်ကီးအီၤလၢစီၤဘၢ်စဘါ န့ၣ်လီၤ.

မၤတၢ် 16:19

ဖဲပိာ်မုၣ်သးစၢ်အကစၢ်တဖၣ်သ့ၣ်ညါလၢကဒိးန့ၢ်ဘၣ်စ့ အဂီၢ်တၢ်အခွဲးအယာ်တအိၣ်လၢၤဘၣ်န့ၣ်, အဝဲသ့ၣ်စှီၤဃာ်စီၤပီလူးဒီးစီၤစံလၤဒီးလဲၤတွံၢ်အီၤဆူ ပဒိၣ်ပပှၢ်တဖၣ်အအိၣ်, ဖဲဖၠါပူၤန့ၣ်လီၤ.

မၤတၢ် 16:33

တနၤဃီတဆၢကတီၢ်ဃီန့ၣ်, ပှၤဃိာ်ဒိၣ်သ့ကွံာ်အဝဲသ့ၣ်အပူၤလီၢ် အပူၤကျဲ, ဒီးအဝဲဒၣ်ဒီးအပှၤဟံၣ်ဖိဃီဖိခဲလၢာ်ဘၣ်တၢ်ဘျၢ အီၤလၢထံတဘျီဃီလီၤ.

မၤတၢ် 5:41

ပှၤတၢ်မၢဖိတဖၣ်ဟးထီၣ်ကွံာ်လၢကီၣ်ကးအမဲာ်ညါ, အိၣ်ဒီးတၢ်သူၣ်ခုသးခု, မ့ၢ်လၢကစၢ်ယွၤပာ်အဝဲသ့ၣ်ဒ်ပှၤတဖၣ်လၢအကြၢးဝဲဘၣ်ဝဲလၢ ကတူၢ်ဘၣ်တၢ်မၤမဲာ်ဆှးအီၤလၢယ့ၣ်ၡူးအဃိန့ၣ်လီၤ.

ရိမ့ၤ 12:12

မ်သုတၢ်မုၢ်လၢ်ဒုးသးခုသု, အိၣ်ဒီးတၢ်ဝံသးစူၤလၢသုတၢ်ကီတၢ်ခဲတဖၣ်အပူၤ, ဒီးဃ့ဘါထုကဖၣ်တၢ်ကိးဆၢကတီၢ်ဒဲးန့ၣ်တက့ၢ်.

ရိမ့ၤ 5:3

ဒီးပသးခုဒီးပာ်ကဖၢလၢစ့ၢ်ကီးပသးလၢပတၢ်ကီတၢ်ခဲ တဖၣ်အပူၤ, မ့ၢ်လၢပသ့ၣ်ညါလၢတၢ်ကီတၢ်ခဲဒုးအိၣ်ထီၣ် တၢ်သ့တူၢ်တၢ်,

၂ ကရံၣ်သူး 6:10

တၢ်မၤသးအုးပှၤဘၣ်ဆၣ်ဒီး ပသးခုပဝဲထီဘိလီၤ. ပအိၣ်ဖျါဖှီၣ်ယာ်ဘၣ်ဆၣ်ဒီးပဒုးထူးဒုးတီၤထီၣ်ပှၤအါဒံ အါဂၤလီၤ. အိၣ်ဖျါလၢတၢ်တအိၣ်ဒီးပှၤနီတမံၤ, ဘၣ်ဆၣ်ဒီးအနီၢ်နီၢ်တခီပအိၣ်ဒီးတၢ်ခဲလၢာ်ခဲဆ့န့ၣ်လီၤ.

အ့းဖ့းစူး 5:19

ကတိၤလိာ်သုသးတဂၤဒီးတဂၤလၢထါစံးထီၣ်ပတြၢၤ, ထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်တဖၣ်အတၢ်ကတိၤတက့ၢ်. သးဝံၣ်ထါသးဝံၣ်, ဒီးထါစံးထီၣ်ပတြၢၤတဖၣ်အိၣ်ဒီးတၢ်စံးထီၣ်ပတြၢၤကစၢ်လၢ သူၣ်ကံၢ်သးလဲအပူၤတက့ၢ်.

ဖံလံးပံၤ 2:17

ဘၣ်တဘၣ်, ယသးသမူအသွံၣ်ကဘၣ်တၢ်လူလီၤအီၤဒ် တၢ်လုၢ်တၢ်ပာ်လၢသုတၢ်စူၢ်တၢ်နာ်ဒၣ်ဝဲလုၢ်ထီၣ်တၢ်မၤဘူၣ် တမံၤအသိးဆူကစၢ်ယွၤအအိၣ်အဖီခိၣ်န့ၣ်လီၤ. တၢ်မ့ၢ်မၤအသးဒ်န့ၣ်ဒီးယသးခုယဲဒီးဟ့ၣ်နီၤလီၤယတၢ်သးခု ဒီးသုဝဲကိးဒံကိးဂၤဒဲးန့ၣ်လီၤ.

ကလီးစဲ 1:24

အခဲအံၤယသူၣ်ခုသးခုလၢယတူၢ်ဘၣ်တၢ်လၢသုဂီၢ်အဃိ လီၤ. အဂ့ၢ်ဒ်အံၤယတၢ်တူၢ်တၢ်လၢနီၢ်ခိနီၢ်ခီအံၤန့ၣ်, မ့ၢ်ယမၤလၢထီၣ်ပှဲၤထီၣ်တၢ်လၢအအိၣ်လီၤဖျဲၣ်လီၤဟိဒံးဝဲဘၣ် ဃးခရံာ်အတၢ်တူၢ်တၢ်လၢအနီၢ်ခိ, လၢအမ့ၢ်အတၢ်အိၣ်ဖှိၣ် အဂီၢ်န့ၣ်လီၤ.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.

ယၤကိာ် 1:2

ယဒီပုၢ်ဝဲၢ်သ့ၣ်ဧၢ, တုၤတၢ်မၤကွၢ်အကလုာ်ကလုာ်ဟဲဘၣ် သုဒီးပာ်အီၤဒ်အမ့ၢ်တၢ်သးခုလၢသုဂီၢ်တက့ၢ်.

ယၤကိာ် 5:13

ပှၤလၢသုကျါတဂၤဂၤဘၣ်တၢ်ကီတၢ်ခဲဧါ. အဝဲကြၢးဃ့ဘါထုကဖၣ်တၢ်လီၤ. မ့ၢ်အသူၣ်ဖှံသးညီတဂၤဂၤဧါ. အဝဲကြၢးသးဝံၣ်စံးထီၣ်ပတြၢၤကစၢ်ယွၤလီၤ.

၁ ပ့းတရူး 4:14

သုမ့ၢ်ဘၣ်တၢ်ဒုၣ်ဒွဲၣ်သုလၢသုမ့ၢ်ပှၤတဖၣ်လၢ အပိာ်ခရံာ်အခံအဃိဒီး, သုဘၣ်တၢ်ဆိၣ်ဂ့ၤလီၤ. တၢ်အံၤအခီပညီမ့ၢ်ဝဲ, တၢ်လၤကပီၤအသးဒီးကစၢ်ယွၤအသးအိၣ်ဝဲဆိးဝဲလၢသုလိၤလီၤ.