မၤတၢ် 16:23 - Sgaw Karen Common Bible

²³ တၢ်ဖျ့အီၤတီၢ်အီၤနးမးဝံၤအလီၢ်ခံ, တၢ်တ့ၢ်နုာ်အီၤဆူဃိာ်ပူၤ, ဒီးပှၤဃိာ်ဒိၣ်ဘၣ်တၢ်မၤလိာ်အီၤလၢအကဒုးဃာ်အဝဲသ့ၣ် လီၤတံၢ်လီၤဆဲးန့ၣ်လီၤ.

မၤတၢ် 16:23 Iomraidhean Croise

လံာ်မးသဲ 26:48

ပှၤဆါလီၤကွံာ်ယ့ၣ်ၡူးတဂၤဟ့ၣ်ပာ်ပှၤဂီၢ်မုၢ်တၢ်ပနီၣ်တမံၤ ဒီးစံးဝဲ, “ပှၤလၢယနၢမူအီၤန့ၣ်, မ့ၢ်ပှၤလၢသုသးလီအီၤတဂၤလီၤ. ဖီၣ်အီၤတက့ၢ်.”

လံာ်လူၤကၣ် 21:12

ဘၣ်ဆၣ်ဒီးတချုးလၢတၢ်သ့ၣ်တဖၣ်အံၤခဲလၢာ်မၤအသးဒံးဘၣ်န့ၣ်, သုကဘၣ်တၢ်ဖီၣ်သုဒီးမၤအၢမၤနးသု, သုကဘၣ်တၢ်ဟ့ၣ်လီၤသုဒ်သိးတၢ်ကသမံသမိးသုလၢဘူၣ် ဘျီၣ်လၢအမ့ၢ်တၢ်ဘါလီၢ်အပူၤဒီးတၢ်ကဒၢနုာ်သုလၢဃိာ်ပူၤ, သုကဘၣ်တၢ်ဆှၢထီၣ်သုဆူစီၤပၤတဖၣ်ဒီးပှၤပၢတၢ်တဖၣ် အမဲာ်ညါလၢယမံၤအဃိလီၤ.

မၤတၢ် 12:18

ဖဲမုၢ်ဆ့ၣ်ဝါထီၣ်န့ၣ်, တၢ်သဘံၣ်ဘုၣ်အိၣ်ထီၣ်ဝဲလၢပှၤပၢၤတၢ်ဖိတဖၣ်အသိးအကျါ အဒိၣ်အအါဒီးအဝဲသ့ၣ်စံးလိာ်အသး, “တၢ်ကဲထီၣ်အသးဒီးစီၤပ့းတရူးဒ်လဲၣ်.”

မၤတၢ် 12:4

တၢ်ဖီၣ်ဃာ်စီၤပ့းတရူးဝံၤအလီၢ်ခံန့ၣ်, အဝဲဘၣ်တၢ်ဒၢနုာ်အီၤလၢဃိာ်ပူၤဒီးဖဲန့ၣ်တၢ်ဟ့ၣ်လီၤအီၤဆူ သုးဖိလွံၢ်ကရူၢ်အစုပူၤဒ်သိးအကပၢၤဃာ်အီၤ, တကရူၢ်ဝံၤတကရူၢ်လၢအဆၢကတီၢ်ဒၣ်ဝဲလီၤ. ပှၤပၢၤတၢ်ဖိတကရူၢ်အိၣ်ဒီးပှၤသုးဖိလွံၢ်ဂၤလီၤ. စီၤဟ့ၤရိာ်ကူၣ်ထီၣ်ဖးလီၤလၢအကသမံသမိးအီၤလၢပှၤဂီၢ်မုၢ် အမဲာ်ညါဖဲဘူၣ်လဲၤကပာ်ဝံၤအလီၢ်ခံန့ၣ်လီၤ.

မၤတၢ် 16:27

ပှၤဃိာ်ဒိၣ်ပၢၢ်ထီၣ်ဒီးဖဲအဝဲဒၣ်ထံၣ်ဃိာ်အတြဲၤတဖၣ်အိၣ် အိးထီၣ်အသးန့ၣ်, ဆိကမိၣ်ဝဲလၢပှၤဃိာ်ဖိတဖၣ်ထူၣ်ဖျဲး လၢာ်လံန့ၣ်လီၤ. လၢတၢ်န့ၣ်အဃိ, အဝဲဒၣ်ထုးထီၣ်အနးဒီးသါကမၤသံလီၤအသးလီၤ.

မၤတၢ် 16:36

လၢတၢ်န့ၣ်အဃိပှၤဃိာ်ဒိၣ်တဲဘၣ်စီၤပီလူးဒီးစံးဝဲ, “ပှၤစံၣ်ညီၣ်ကွီၢ်တဖၣ်ဟ့ၣ်လီၤအကလုၢ်လၢနၤဒီးစီၤစံလၤ, သုကဘၣ်တၢ်ပျၢ်ဖျဲးကွံာ်သုအဂီၢ်လီၤ. လၢတၢ်န့ၣ်အဃိ, သုဟးထီၣ်ကွံာ်သ့လံ. ဒီးလဲၤတၢ်မုာ်မုာ်တက့ၢ်.”

မၤတၢ် 5:18

အဝဲသ့ၣ်ဖီၣ်ဝဲပှၤတၢ်မၢဖိတဖၣ်န့ၣ်ဒီးဒၢနုာ်အဝဲသ့ၣ်လၢကမျၢၢ် အဃိာ်ပူၤန့ၣ်လီၤ.

မၤတၢ် 5:23

“ဖဲပလဲၤတုၤလၢဃိာ်ပူၤန့ၣ်, ပထံၣ်ဘၣ်လၢဃိာ်အတြဲၤတဖၣ်အိၣ်ကးတံာ်ဃာ်အသးဃံးဃံးဒီးပှၤ ပၢၤတၢ်ဖိတဖၣ်ဆၢထၢၣ်ပၢၤဃာ်တြဲၤတဖၣ်, ဘၣ်ဆၣ်တုၤပအိးထီၣ်တြဲၤတဖၣ်တခီ, ပတထံၣ်ပှၤနီတဂၤဘၣ်.”

မၤတၢ် 8:3

မ့မ့ၢ်စီၤစီလူးတဂၤဂုာ်ကျဲးစၢးမၤဟးဂီၤကွံာ်တၢ်အိၣ်ဖှိၣ်န့ၣ်လီၤ. အဝဲဒၣ်နုာ်လီၤဟံၣ်တဖျၢၣ်ဝံၤတဖျၢၣ်, မိၤထီၣ်ကွံာ်ဝဲပှၤစူၢ်က့ၤနာ်က့ၤတၢ်တဖၣ်မုၣ်မုၣ်ခွါခွါ, ဒီးဒၢနုာ်အဝဲသ့ၣ်လၢဃိာ်ပူၤလီၤ.

မၤတၢ် 9:2

ဒီးဃ့န့ၢ်ဝဲလံာ်အုၣ်အသးတဖၣ်လၢကလဲၤစိာ်ဝဲဆူဘူၣ် ဘျီၣ်လၢအမ့ၢ်တၢ်ဘါလီၢ်လၢအအိၣ်လၢဝ့ၢ်ဒၤမ့ၤစ့းအပူၤန့ၣ်လီၤ. လံာ်အုၣ်အသးတဖၣ်အံၤမ့ၢ်လၢအကဟ့ၣ်စိဟ့ၣ်ကမီၤအီၤဒ် သိးဒီးဖဲအထံၣ်န့ၢ်ပှၤတဂၤလၢ်လၢ်မုၣ်ဂ့ၤခွါဂ့ၤလၢအပိာ် ကျဲလၢကစၢ်ဒုးနဲၣ်ဝဲန့ၣ်, ကဖီၣ်ဝဲဒီးဟဲက့ၤဆှၢအီၤဆူဝ့ၢ်ယရူၤၡလ့ၣ်ကသ့အဂီၢ်န့ၣ်လီၤ.

၂ ကရံၣ်သူး 11:23

အဝဲသ့ၣ်မ့ၢ်ခရံာ်အခ့အပှၤတဖၣ်ဧါ. ယကတိၤတၢ်လီၤဂာ်လၢပှၤ အပျုၢ်, ဘၣ်ဆၣ်ဒီးယမ့ၢ်တၢ်ခ့တၢ်ပှၤလၢအဂ့ၤဒိၣ်န့ၢ် အဝဲသ့ၣ်လီၤ. ယမၤတ့ၢ်လံတၢ်ဆူၣ်ဒိၣ်တက့ၢ်, ယအိၣ်တ့ၢ်လံလၢဃိာ်ပူၤအဘျီအါဒိၣ်တက့ၢ်, ယဘၣ်တၢ်ဒိတ့ၢ်တီၢ်တ့ၢ်လံယၤအါဒိၣ်တက့ၢ်, ဒီးယအိၣ်ဘူးတ့ၢ်လၢတၢ်သံအဘျီအါဒိၣ်တက့ၢ်လီၤ.

၂ ကရံၣ်သူး 6:5

ပဘၣ်တၢ်ဒိပှၤတီၢ်ပှၤ, တၢ်ဒၢနုာ်ပှၤလၢဃိာ်ပူၤ, တၢ်မၤအၢမၤသီပှၤလၢပှၤဂီၢ်မုၢ်တၢထီၣ်တၢလီၤတဖၣ်, ပဘၣ်တၢ်ဒုးဖံးဒုးမၤပှၤတၢ်တလၢကွံာ်အခၢးဒီးပဘၣ် ကီၤမံကီၤဂဲၤကီၤဝံၤကီၤစ့ၤပဝဲန့ၣ်လီၤ.

အ့းဖ့းစူး 3:1

လၢတၢ်ဂ့ၢ်အံၤအဃိ, ယၤစီၤပီလူး, ပှၤဃိာ်ဖိတဂၤလၢယ့ၣ်ၡူးခရံာ်အဃိဒီးလၢသုဝဲပှၤကလုာ် အဂၤတဖၣ်အဂီၢ်အံၤ, ယဃ့ဘါထုကဖၣ်ယွၤကစၢ်လၢသုဂီၢ်လီၤ.

အ့းဖ့းစူး 4:1

ယၤ, ပှၤလၢအလီၤဘၣ်ဃိာ်ပူၤလၢအမၤကစၢ်အတၢ်မၤအဃိ တဂၤအံၤ, ယသဆၣ်ထီၣ်သုခံဒ်သိးသုကအိၣ်မူထီၣ်ဘးတၢ်အိၣ်မူ အတီၤလၢကစၢ်ယွၤပာ်လီၤဝဲဖဲအကိးထီၣ်သုအကတီၢ်အဂီၢ် န့ၣ်လီၤ.

၂ တံၤမသ့း 2:9

မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိ ယတူၢ်ဘၣ်တၢ်ဒီးယဘၣ်တၢ်စၢဃာ်ဒၣ်လဲာ်ယၤလၢပျံၤ ထးဒ်ပှၤအၢဖိတဂၤအသိးလီၤ. ဘၣ်ဆၣ်ဒီးကစၢ်ယွၤအကလုၢ်ကထါတဘၣ်တၢ်စၢဃာ်အီၤဘၣ်.

ဖံၤလ့မိၣ် 1:9

ဘၣ်ဆၣ်ဒီးလၢတၢ်အဲၣ်တၢ်ကွံအပူၤန့ၣ်, ယၤ, စီၤပီလူး, ယမ့မ့ၢ်ခၢၣ်စးလၢအလီၤဘၣ်ဃိာ်လၢယ့ၣ်ၡူးခရံာ် အဃိနာ်သက့, ယဃ့ကညးနၤလီၤ.

လံာ်စီၤယိၤၡူ 4:17

လၢတၢ်န့ၣ်အဃိ, စီၤယိၤၡူမၤလိာ်ပှၤလုၢ်တၢ်အခိၣ်တဖၣ်, “ဟဲက့ၤထီၣ်က့ၤလၢထံကျိယၢ်ဒ့ၣ်အပူၤတက့ၢ်.”

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.