မၤတၢ် 16:22 - Sgaw Karen Common Bible

²² ပှၤဂီၢ်မုၢ်တဖၣ်စ့ၢ်ကီးထီဒါစီၤပီလူးဒီးစီၤစံလၤလီၤ. အန့ၣ်ဒီးစံၣ်ညီၣ်ကွီၢ်တဖၣ်မၢပှၤဖှီယာ်ကွံာ်ပှၤခံဂၤန့ၣ်အကူအသိး, ဒီးဟ့ၣ်လီၤအကလုၢ်လၢပှၤကဖျ့အဝဲသ့ၣ်လီၤ.

မၤတၢ် 16:22 Iomraidhean Croise

လံာ်မးသဲ 10:17

ပလီၢ်သုသးတက့ၢ်. အဂ့ၢ်ဒ်အံၤ ပှၤကအိၣ်ဝဲတနီၤလၢကဖီၣ်န့ၢ်သု ဒီးဆှၢထီၣ်သုဆူတၢ်ဘူၣ်တၢ်ဘါခိၣ်နၢ်တဖၣ်အကီၣ်ကးဒီးပှၤတဖၣ် န့ၣ်ကတီၢ်သုလၢဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤလီၤ.

လံာ်မးသဲ 27:26

တုၤနုၤတစု, စီၤပံၤလးပျၢ်ပူၤဖျဲးန့ၢ်အဝဲသ့ၣ်လၢစီၤဘၤရးဘါဒီးမၢပှၤဖျ့ ယ့ၣ်ၡူးဝံၤအလီၢ်ခံ, ဟ့ၣ်လီၤကွံာ်အီၤဒ်သိးအကဘၣ်တၢ်ပျၤထီအီၤလၢထူၣ်စုညါအလိၤ အဂီၢ်န့ၣ်လီၤ.

လံာ်လူၤကၣ် 12:11

ဖဲအဝဲသ့ၣ်ဆှၢသုဆူဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤ, မ့တမ့ၢ်လၢပဒိၣ်ဖးဒိၣ်ဒီးပှၤပၢထံအီၣ်ကီၢ်တဖၣ်အမဲာ်ညါန့ၣ်, တဘၣ်ကိၢ်ဘၣ်ဂီၤလၢသုကဘၣ်စံးဆၢတၢ်ဒ်လဲၣ်, မ့တမ့ၢ်နကဘၣ်စံးဘၣ်ကတိၤတၢ်မနုၤလဲၣ်န့ၣ်တဂ့ၤ.

မၤတၢ် 16:37

ဘၣ်ဆၣ်ဒီးစီၤပီလူးစံးဘၣ်ပၢၤကီၢ်အခိၣ်အနၢ်တဖၣ်, “တၢ်တထံၣ်န့ၢ်တၢ်ကမၣ်လၢပပူၤနီတမံၤဘၣ်. ဘၣ်ဆၣ်ဒီးအဝဲသ့ၣ်တီၢ်ပှၤဖျ့ပှၤလၢကမျၢၢ်အမဲာ်ညါ, ပဝဲလၢအမ့ၢ်ရိမ့ၤအထံဖိကီၢ်ဖိတဖၣ်လီၤ. အန့ၣ်ဝံၤအလီၢ်ခံအဝဲသ့ၣ်တ့ၢ်နုာ်ပှၤလၢဃိာ်ပူၤလီၤ. မ့မ့ၢ်အခဲအံၤ, အဝဲသ့ၣ်ကဒုးဟးထီၣ်ကွံာ်ပှၤလၢတၢ်ခူသူၣ် အပူၤန့ၣ်ဧါ. တန့ၢ်ဘၣ်. ရိမ့ၤအစံၣ်ညီၣ်ကွီၢ်တဖၣ်အနီၢ်ကစၢ်ဒၣ်ဝဲကဘၣ်ဟဲဖဲအံၤ ဒီးဒုးဟးထီၣ်ပှၤလီၤ.”

မၤတၢ် 17:5

ဘၣ်ဆၣ်ဒီးပှၤယူဒၤဖိသ့ၣ်တဖၣ်အသးက့ၣ်ဒီးပာ်ဖှိၣ်ထီၣ် ပှၤအၢပှၤသီလၢကျဲမုၢ်ခိၣ်တနီၤ, ဒီးဒုးအိၣ်ထီၣ်ပှၤဂီၢ်မုၢ်တဖုလၢအမၤတၢထီၣ်တၢလီၤဝ့ၢ်ဒီ ဖျၢၣ်ညါဒီးလဲၤနုာ်ဆူၣ်ဆူစီၤယါစီၣ်အဟံၣ်ပူၤ, ဒ်သိးအကထံၣ်န့ၢ်စီၤပီလူးဒီးစီၤစံလၤဒီးကဟဲစိာ်ထီၣ်အီၤ ဆူပှၤဂီၢ်မုၢ်အအိၣ်အဂီၢ်န့ၣ်လီၤ.

မၤတၢ် 18:12

ဖဲစီၤကးလံၤအိၣ် ဘၣ်တၢ်ဒုးကဲထီၣ်အီၤလၢရိမ့ၤအပဒိၣ် ဖးဒိၣ်လၢအပၢကီၢ်အဃါယၤန့ၣ်, ပှၤယူဒၤဖိတဖၣ်ပာ်ဖှိၣ်ထီၣ် အသး, ဖီၣ်စီၤပီလူးဒီးဆှၢအီၤဆူကွီၢ်ဘျီၣ်လီၤ.

မၤတၢ် 5:40

အဝဲသ့ၣ်ကိးနုာ်ကဒါက့ၤပှၤတၢ်မၢဖိတဖၣ်န့ၣ်ဝံၤ, ဟ့ၣ်လီၤအကလုၢ်လၢတၢ်ကဖျ့အဝဲသ့ၣ်, ဒီးမၤလိာ်ပှၤတၢ်မၢဖိတဖၣ်ဒ်သိးအသုတစံးကတိၤတၢ်လၢယ့ၣ်ၡူး အမံၤနီတစုလၢၤတဂ့ၤန့ၣ်လီၤ. အန့ၣ်ဝံၤဒီးပျၢ်ထူၣ်ဖျဲးကွံာ် အဝဲသ့ၣ်န့ၣ်လီၤ.

၂ ကရံၣ်သူး 6:5

ပဘၣ်တၢ်ဒိပှၤတီၢ်ပှၤ, တၢ်ဒၢနုာ်ပှၤလၢဃိာ်ပူၤ, တၢ်မၤအၢမၤသီပှၤလၢပှၤဂီၢ်မုၢ်တၢထီၣ်တၢလီၤတဖၣ်, ပဘၣ်တၢ်ဒုးဖံးဒုးမၤပှၤတၢ်တလၢကွံာ်အခၢးဒီးပဘၣ် ကီၤမံကီၤဂဲၤကီၤဝံၤကီၤစ့ၤပဝဲန့ၣ်လီၤ.

၁ သ့းစၤလနံ 2:2

သုသ့ၣ်ညါလၢတချုးပဟဲဒံးဘၣ်ဆူသုအိၣ်န့ၣ်ပဘၣ်တၢ်မၤနးမၤ ဖှီၣ်ဒီးကတိၤတရီတပါပှၤဖဲဝ့ၢ်ဖံလံးပံၤဒ်လဲၣ်န့ၣ်လီၤ. ဒီးတၢ်ထီဒါအိၣ်ဝဲအဒိၣ်အမုၢ်သနာ်က့, ပကစၢ်ယွၤဟ့ၣ်ပှၤတၢ်သးဒူဒ်သိးပကတဲဘၣ်သုတၢ်ကစီၣ် အမုာ်လၢအဟဲလၢအဝဲဒၣ်အအိၣ်န့ၣ်လီၤ.

ဧ့ၤဘြံၤ 11:36

ပှၤတနီၤဘၣ်တၢ်ဒုၣ်ဒွဲၣ်ပယွဲအီၤဒီးဘၣ်တၢ်တီၢ်အီၤ, ဒီးအဂၤတနီၤဘၣ်တၢ်စၢဃာ်အီၤလၢထးသွဲဒီးလီၤဘၣ်ဒၣ် လဲာ်လၢဃိာ်ပူၤလီၤ.

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).