မၤတၢ် 16:19 - Sgaw Karen Common Bible

¹⁹ ဖဲပိာ်မုၣ်သးစၢ်အကစၢ်တဖၣ်သ့ၣ်ညါလၢကဒိးန့ၢ်ဘၣ်စ့ အဂီၢ်တၢ်အခွဲးအယာ်တအိၣ်လၢၤဘၣ်န့ၣ်, အဝဲသ့ၣ်စှီၤဃာ်စီၤပီလူးဒီးစီၤစံလၤဒီးလဲၤတွံၢ်အီၤဆူ ပဒိၣ်ပပှၢ်တဖၣ်အအိၣ်, ဖဲဖၠါပူၤန့ၣ်လီၤ.

မၤတၢ် 16:19 Iomraidhean Croise

လံာ်ဒၤနံးယ့လး 6:12

အဝဲသ့ၣ်ခဲလၢာ်လဲၤသကိးဆူစီၤပၤအအိၣ်လၢကဆှိးထီၣ်ပာ် တၢ်ကမၣ်လၢစီၤဒၤနံးယ့လးအလိၤန့ၣ်လီၤ. ဒီးအဝဲသ့ၣ်စံး, “နဲဒၣ်, စီၤပၤဧၢ, နဆဲးလီၤတ့ၢ်နမံၤဒီးဟ့ၣ်လီၤတ့ၢ်နကလုၢ်လၢ, လၢအသီသၢဆံအတီၢ်ပူၤန့ၣ်မ့တမ့ၢ်ဘၣ်လၢတၢ်ကိးထီၣ်ထဲဆူနအိၣ်န့ၣ်, ပှၤတဂၤလၢ်လၢ်လၢအဘါထုကဖၣ်တၢ်ဆူကစၢ်တဂၤဂၤအအိၣ်မ့ၢ်ဂ့ၤ, ဃ့တၢ်လၢပှၤကညီတဂၤဂၤအအိၣ်မ့ၢ်ဂ့ၤန့ၣ်ကဘၣ် တၢ်တ့ၢ်လီၤကွံာ်အီၤဆူခ့ယုၢ်တဖၣ်အတဝၢပူၤန့ၣ်လီၤ.” ဒီးစီၤပၤစံးဆၢဝဲဒၣ်, “မ့ၢ်. တၢ်န့ၣ်မ့ၢ်တၢ်ကလုၢ်အိၣ်ကျၢၤ ခၢၣ်သနၢၣ်ဒ်ပှၤမၤဒဲဒီးပှၤပၤရၣ်ဖိအတၢ်သိၣ်တၢ်သီလၢတၢ်လဲ လိာ်ကွံာ်အီၤတသ့ဘၣ်န့ၣ်လီၤ.”

လံာ်မးသဲ 24:9

တုၤနုၤတစု, သုကဘၣ်တၢ်ဖီၣ်န့ၢ်ဒီးဘၣ်တၢ်ဟ့ၣ်လီၤသုလၢ တၢ်စံၣ်ညီၣ်ဃၣ်အဂီၢ်ဒီးသုကဘၣ်တၢ်မၤသံသုလီၤ. ပှၤဟီၣ်ခိၣ်ဖိခဲလၢာ်ကသးဟ့သုလၢယဃိလီၤ.

လံာ်မၢ်ကူး 13:9

ကစၢ်ဒၣ်သုဝဲ, သုဘၣ်ပလီၢ်သုသးလီၤ. တၢ်ကဖီၣ်သုဒီးတၢ် ကဆှၢထီၣ်သုဆူသူၣ်က့သးပှၢ်အခိၣ်အနၢ်တဖၣ်အမဲာ်ညါလီၤ. သုကဘၣ်တၢ်ဒိတၢ်တီၢ်သုလၢဘူၣ်ဘျီၣ်လၢအမ့ၢ်တၢ်ဘါ အလီၢ်တဖၣ်အပူၤလီၤ. လၢယဃိသုကဘၣ်အိၣ်ဆၢထၢၣ်လၢကီၢ် ပဒိၣ်ဖးဒိၣ်ဒီးစီၤပၤတဖၣ်အမဲာ်ညါလၢတၢ်ကစံၣ်ညီၣ်သုအဂီၢ်, ဒီးသုကကဲထီၣ်ပှၤအုၣ်အသးတဖၣ်လၢအဝဲသ့ၣ်အမဲာ်ညါလီၤ.

မၤတၢ် 14:19

ပှၤယူဒၤဖိတနီၤဟဲလၢဝ့ၢ်အၣ်တံၤအီာ်ဘၣ်ဃးဒီးကီၢ်ပံၤစံၤဒံဒီး လၢဝ့ၢ်အံၤကနံၤလီၤ. အဝဲသ့ၣ်ထုးန့ၢ်ပှၤဂီၢ်မုၢ်အသးဒ်သိးအကစူၢ်ကနာ်တၢ်လၢ အဝဲသ့ၣ်စံးဝဲ, ဒီးကွံာ်စီၤပီလူးလၢလၢၢ်ဝံၤ, ဖဲအဆိကမိၣ်လၢအဝဲဒၣ်သံလံန့ၣ်, တွံၢ်ထုးထီၣ်ကွံာ်အီၤဆူဝ့ၢ်အချၢန့ၣ်လီၤ.

မၤတၢ် 14:5

တုၤနုၤတစုပှၤကလုာ်ဂၤတနီၤဒီးပှၤယူဒၤဖိတဖၣ်, ဃုာ်ဒီးအပှၤခိၣ်ပှၤနၢ်တဖၣ်စံၣ်ညီၣ်အၢၣ်လီၤသကိးဝဲလၢ အကမၤအၢမၤသီပှၤတၢ်မၢဖိတဖၣ်ဒီးကကွံာ်အီၤလၢလၢၢ်န့ၣ်လီၤ.

မၤတၢ် 15:22

တုၤနုၤတစု, ပှၤတၢ်မၢဖိဒီးတၢ်အိၣ်ဖှိၣ်အပှၤသူၣ်က့သးပှၢ်တဖၣ်, ဃုာ်ဒီးတၢ်အိၣ်ဖှိၣ်ဒီဖုညါ, ပာ်လီၤအသးလၢအကဃုထၢထီၣ်ပှၤတနီၤလၢအဝဲသ့ၣ်အသိးအကျါ ဒီးမၢလီၤအီၤဆူဝ့ၢ်အၣ်တံၤအီာ်တပူၤဃီဒီးစီၤပီလူးဒီးစီၤဘၢ်နါ ဘၤလီၤ. အဝဲသ့ၣ်ဃုထၢထီၣ်ပှၤခံဂၤလၢအဘၣ်တၢ်ပာ်ဒိၣ်ပာ်ကဲ အီၤလၢပှၤစူၢ်က့ၤနာ်က့ၤတၢ်ဖိတဖၣ်, စီၤစံလၤဒီးစီၤယူဒၤလၢအဘၣ်တၢ်ကိးစ့ၢ်ကီးအီၤလၢစီၤဘၢ်စဘါ န့ၣ်လီၤ.

မၤတၢ် 15:26

လၢအဟ့ၣ်လီၤအသးလၢာ်လၢာ်ဆ့ဆ့လၢတၢ်မၤပကစၢ် ယ့ၣ်ၡူးခရံာ်အတၢ်မၤအပူၤန့ၣ်လီၤ.

မၤတၢ် 15:40

မ့မ့ၢ်စီၤပီလူးဃုထၢစီၤစံလၤဒီးဟးထီၣ်ကွံာ်ဝဲဖဲန့ၣ်အိၣ်ဒီး ပှၤစူၢ်က့ၤနာ်က့ၤတၢ်တဖၣ်အတၢ်အးလီၤအဝဲသ့ၣ်ဆူကစၢ် အဘျုးအဖှိၣ်အတၢ်အံးက့ၤကွၢ်က့ၤအပူၤန့ၣ်လီၤ.

မၤတၢ် 16:16

ဘၣ်တနံၤဖဲပလဲၤဃီၤပဝဲဆူတၢ်ထုကဖၣ်အလီၢ်န့ၣ်, ပဘၣ်တၢ်သဂၢၢ်ပှၤလၢကုၢ်ပိာ်မုၣ်သးစၢ်တဂၤလၢအအိၣ်ဒီးတၢ်နါ လၢအဒုးဖးအီၤတၢ်လၢအကမၤအသးလၢခံတဖၣ်န့ၣ်လီၤ. ခီဖျိအဝဲဒၣ်ဖးတၢ်အဃိန့ၣ်, မၤန့ၢ်စ့အါအါဂီၢ်ဂီၢ်လၢအကစၢ် တဖၣ်အဂီၢ်လီၤ.

မၤတၢ် 16:20

အဝဲသ့ၣ်ဆှၢထီၣ်စီၤပီလူးဒီးစီၤစံလၤဆူရိမ့ၤအစံၣ် ညီၣ်ကွီၢ်တဖၣ်အမဲာ်ညါဒီးစံးဝဲ, “ပှၤတဖၣ်အံၤမ့ၢ်ပှၤယူဒၤဖိ, ဒီးမၤတၢထီၣ်တၢလီၤတၢ်လၢပဝ့ၢ်ပူၤလီၤ.

မၤတၢ် 16:25

ကဘၣ်ဖဲဖးဖီမုၢ်အကတီၢ်န့ၣ်, စီၤပီလူးဒီးစီၤစံလၤဃ့ဘါထုကဖၣ်တၢ်ဒီးသးဝံၣ်ထါစံးထီၣ် ပတြၢၤကစၢ်ယွၤ, ဒီးပှၤဃိာ်ဖိအဂၤတဖၣ်ဒိကနၣ်တၢ်လီၤ.

မၤတၢ် 16:29

ပှၤဃိာ်ဒိၣ်ကိးထီၣ်ဒ်သိးပှၤကဟဲစိာ်တၢ်ကပီၤဝံၤ, ဃ့ၢ်နုာ်ဆူဒၢးပူၤ, ထိၣ်လီၤပှီၤအသးဒီးကနိးကစုာ်ဝဲလၢ စီၤပီလူးဒီးစီၤစံလၤအခီၣ်ထံးလီၤ.

မၤတၢ် 17:6

ဘၣ်ဆၣ်ဒီးဖဲအတထံၣ်အဝဲသ့ၣ်န့ၣ်, တွံၢ်ထီၣ်စီၤယါစီၣ်ဒီးအပျဲၢ်အဘီၣ်အဂၤတနီၤဆူဝ့ၢ်အကီၣ် ကးအမဲာ်ညါဒီးကိးပသူထီၣ်ဝဲ, “ပှၤသ့ၣ်တဖၣ်အံၤမၤတၢထီၣ်တၢလီၤတၢ်သကုၤဆးဒး လီၤ. ခဲကနံၣ်အံၤအဝဲသ့ၣ်ဟဲတုၤပဝ့ၢ်ပူၤလံ.

မၤတၢ် 21:30

တၢ်တၢထီၣ်တၢလီၤဝဲလၢဝ့ၢ်ဒီဖျၢၣ်ညါ, ဒီးပှၤဂီၢ်မုၢ်တဖၣ်ဃ့ၢ်ဖှိၣ်ဝဲဆူစီၤပီလူးအအိၣ်, စှီၤဃာ်အီၤဒီးတွံၢ်ထီၣ်ကွံာ်အီၤဆူတၢ်လုၢ်ဟံၣ်အချၢလီၤ. တဘျီဃီဖဲန့ၣ်, တၢ်လုၢ်ဟံၣ်အတြဲၤတဖၣ်ဘၣ် တၢ်ကးတံာ်ဃာ်အီၤလီၤ.

မၤတၢ် 8:3

မ့မ့ၢ်စီၤစီလူးတဂၤဂုာ်ကျဲးစၢးမၤဟးဂီၤကွံာ်တၢ်အိၣ်ဖှိၣ်န့ၣ်လီၤ. အဝဲဒၣ်နုာ်လီၤဟံၣ်တဖျၢၣ်ဝံၤတဖျၢၣ်, မိၤထီၣ်ကွံာ်ဝဲပှၤစူၢ်က့ၤနာ်က့ၤတၢ်တဖၣ်မုၣ်မုၣ်ခွါခွါ, ဒီးဒၢနုာ်အဝဲသ့ၣ်လၢဃိာ်ပူၤလီၤ.

မၤတၢ် 9:16

ယကစၢ်ဒၣ်ယဲယကဒုးနဲၣ်အီၤကယဲၢ်တၢ်နးတၢ်ဖှီၣ်လၢ အဝဲဒၣ်ကဘၣ်တူၢ်ဝဲလၢယဃိန့ၣ်လီၤ.”

၂ ကရံၣ်သူး 6:5

ပဘၣ်တၢ်ဒိပှၤတီၢ်ပှၤ, တၢ်ဒၢနုာ်ပှၤလၢဃိာ်ပူၤ, တၢ်မၤအၢမၤသီပှၤလၢပှၤဂီၢ်မုၢ်တၢထီၣ်တၢလီၤတဖၣ်, ပဘၣ်တၢ်ဒုးဖံးဒုးမၤပှၤတၢ်တလၢကွံာ်အခၢးဒီးပဘၣ် ကီၤမံကီၤဂဲၤကီၤဝံၤကီၤစ့ၤပဝဲန့ၣ်လီၤ.

ဖံလံးပံၤ 1:30

သုဝဲဒီးယၤ ပအိၣ်ဒီးတၢ်ဒုးတၢ်ယၤတမံၤဃီလီၤ. မ့ၢ်တၢ်ဒုးတၢ်ယၤတမံၤဃီလၢသုထံၣ်ယဒုးတ့ၢ်အီၤလၢ အပူၤကွံာ်, ဒီးဒ်သုနၢ်ဟူတ့ၢ်အသိး, ယဒုးဒံးယဲခဲအံၤန့ၣ်လီၤ.

၁ သ့းစၤလနံ 2:2

သုသ့ၣ်ညါလၢတချုးပဟဲဒံးဘၣ်ဆူသုအိၣ်န့ၣ်ပဘၣ်တၢ်မၤနးမၤ ဖှီၣ်ဒီးကတိၤတရီတပါပှၤဖဲဝ့ၢ်ဖံလံးပံၤဒ်လဲၣ်န့ၣ်လီၤ. ဒီးတၢ်ထီဒါအိၣ်ဝဲအဒိၣ်အမုၢ်သနာ်က့, ပကစၢ်ယွၤဟ့ၣ်ပှၤတၢ်သးဒူဒ်သိးပကတဲဘၣ်သုတၢ်ကစီၣ် အမုာ်လၢအဟဲလၢအဝဲဒၣ်အအိၣ်န့ၣ်လီၤ.

၁ တံၤမသ့း 6:10

အဂ့ၢ်ဒ်လဲၣ်န့ၣ်, တၢ်အဲၣ်စ့မ့ၢ်တၢ်အၢတၢ်သီခဲလၢာ်အဂံၢ်ထံးလီၤ. ပှၤတနီၤသူၣ်ဆူၣ်သးဂဲၤလၢအကမၤန့ၢ်ဘၣ်အီၤတုၤဒၣ်လဲာ် အဝဲသ့ၣ်ဟးဖးဒီးတၢ်စူၢ်တၢ်နာ်, ဒီးတၢ်သူၣ်အုးသးအုးအါမံၤမၤသဘှံးအဝဲသ့ၣ်အသးန့ၣ်လီၤ.

ယၤကိာ် 2:6

ဘၣ်ဆၣ်ဒီး, သုတယူးယီၣ်ပှၤဖှီၣ်ဖိတဖၣ်ဘၣ်. မ့ၢ်မတၤတဖၣ်ဆီၣ်ဘံးဆီၣ်ဘၢသုဒီးတွံၢ်သုဆူစံၣ်ညီၣ် ကွီၢ်တဖၣ်အမဲာ်ညါန့ၣ်လဲၣ်. မ့ၢ်ဒၣ်ပှၤထူးပှၤတီၤတဖၣ်လီၤ.