မၤတၢ် 16:18 - Sgaw Karen Common Bible

¹⁸ ဒီးမၤဝဲဒ်အံၤအါနံၤအါသီ, တုၤစီၤပီလူးအသးဒိၣ်ထီၣ်ဒီးဃၣ်တရံးအသးဒီးစံးဘၣ်တၢ်နါန့ၣ်, “လၢယ့ၣ်ၡူးခရံာ်အမံၤအပူၤန့ၣ်, ယဟ့ၣ်လီၤယကလုၢ်လၢနကဟးထီၣ်ကွံာ်လၢပိာ်မုၣ်အံၤ အပူၤလီၤ.” တဘျီဃီဖဲန့ၣ်တၢ်နါဟးထီၣ်ကွံာ်လၢအပူၤလီၤ.

မၤတၢ် 16:18 Iomraidhean Croise

လံာ်မးသဲ 14:24

အကတီၢ်ဖဲန့ၣ်ချံလဲၤတၢ်ယံၤထီၣ်ဒီးကၢၢ်ပၤနံၤဖးယံၤလံ. ဒီးချံန့ၣ်ဟူးဝးဝဲလၢလပီစံၣ်စုးအဃိ, အဂ့ၢ်မ့ၢ်လၢကလံၤတလိၤဘၣ်အဃိလီၤ.

လံာ်မၢ်ကူး 1:34

ဒီးအဝဲဒၣ်မၤဘျါက့ၤပှၤဆူးပှၤဆါလၢအဘၣ်န့ၢ်တၢ်ဆူးတၢ်ဆါ အကလုာ်ကလုာ်အါဒံအါဂၤလီၤ. ဟီထီၣ်ကွံာ်စ့ၢ်ကီးတၢ်နါအါဒုလီၤ. ဘၣ်ဆၣ်ဒီးတပျဲတၢ်နါတဖၣ်ကတိၤတၢ်နီတထံၣ်နီတဘီဘၣ်. မ့ၢ်လၢတၢ်နါတဖၣ်သ့ၣ်ညါဝဲလၢအမ့ၢ်မတၤတဂၤလဲၣ်အဃိလီၤ.

လံာ်မၢ်ကူး 16:17

ပှၤလၢအနာ်တၢ်တဖၣ်ကဘၣ်တၢ်ဟ့ၣ်လီၤအီၤလၢတၢ်စိတၢ်ကမီၤလၢကမၤ တၢ်လီၤလးတဖၣ်အဂီၢ်လီၤ. အဝဲသ့ၣ်ကဟီထီၣ်ကွံာ်တၢ်နါလၢယမံၤ ဒီးကကတိၤတၢ်လၢကျိာ်လီၤဆီတဖၣ်လီၤ.

လံာ်လူၤကၣ် 9:1

ယ့ၣ်ၡူးကိးဖှိၣ်အပျဲၢ်အဘီၣ်တဆံခံဂၤ, ဒီးဟ့ၣ်အဝဲသ့ၣ်လၢတၢ်စိတၢ်ကမီၤဒီး ဟ့ၣ်စိဟ့ၣ်ကမီၤအဝဲသ့ၣ်လၢအကဟီထီၣ်ကွံာ်တၢ်ဝံတၢ်နါ, ဒီးကမၤဘျါက့ၤတၢ်ဆူးတၢ်ဆါတဖၣ်အဂီၢ်လီၤ.

မၤတၢ် 3:6

ဘၣ်ဆၣ်စီၤပ့းတရူးစံးဘၣ်အီၤ, “ယကျိၣ်ယစ့တအိၣ်နီတဘ့ၣ် ဘၣ်. မ့မ့ၢ်ယဟ့ၣ်နၤတၢ်လၢအအိၣ်ဒီးယၤန့ၣ်လီၤ. လၢပှၤနစၤရ့းဖိယ့ၣ်ၡူးခရံာ်အမံၤန့ၣ်ယမၤလိာ်နၤ, ဂဲၤဆၢထၢၣ်ဒီးဟးတက့ၢ်.”

မၤတၢ် 9:34

စီၤပ့းတရူးစံးဘၣ်အီၤ, “စီၤအဲၤန့းဧၢ, ယ့ၣ်ၡူးခရံာ်မၤဘျါက့ၤနၤလီၤ. ဂဲၤဆၢထၢၣ်ဒီးထူထီၣ်က့ၤနလီၢ်မံတက့ၢ်.” ဒီးတဘျီဃီအဝဲဒၣ် ဂဲၤဆၢထၢၣ်ဝဲဒၣ်လီၤ.

ကလီးစဲ 2:15

လၢထူၣ်စုညါအံၤအလိၤန့ၣ်ယ့ၣ်ၡူးဂုာ်န့ၢ်ဆူၣ်ကွံာ်ပှၤပၢတၢ် ဒီး, တၢ်စိတၢ်ကမီၤတဖၣ်လၢအဘၣ်ဃးဒီးသူၣ်ဒီးသးအစိအကမီၤ, ဒီးဒုးကဲထီၣ်အဝဲသ့ၣ်လၢကမျၢၢ်အတၢ်ကွၢ်ကီ အလီၢ်လၢအတၢ်မၤနၢၤအဝဲသ့ၣ်အပူၤန့ၣ်လီၤ.