မၤတၢ် 16:14 - Sgaw Karen Common Bible

¹⁴ ပိာ်မုၣ်လၢအဒိကနၣ်ပတၢ်စံးတၢ်ကတိၤအကျါတဂၤမ့ၢ်ဝဲနီၢ် လူၤဒံဘၣ်ဃးဒီးဝ့ၢ်သူၤအတံရၤ, လၢအဆါတၢ်ကံးယာ်လုးတကုာ်လုၢ်ဒိၣ်ပှ့ၤဒိၣ်တဖၣ်န့ၣ်လီၤ. အဝဲဒၣ်မ့ၢ်ပှၤလၢအဘူၣ်ထူဘါယွၤ, ဒီးကစၢ်ယွၤအိးထီၣ်အသးဒ်သိးအကတူၢ်လိာ်တၢ်လၢစီၤ ပီလူးစံးကတိၤဝဲန့ၣ်လီၤ.

မၤတၢ် 16:14 Iomraidhean Croise

စံးထီၣ်ပတြၢၤ 110:3

မုၢ်တနံၤလၢနဒုးနဒုၣ်နဒါတဖၣ်န့ၣ်, နပှၤဂီၢ်မုၢ်ကဟ့ၣ်လီၤအသးလၢ တၢ်သးအိၣ်အပူၤလီၤ. ဒ်မုၢ်ဂီၤအပစီၤထံအသိး နပှၤသးစၢ်တဖၣ်ကဟဲဆူနအိၣ်လၢ ကစၢၢ်စီဆှံတဖၣ်အလိၤလီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:4

ယတၢ်အဲၣ်ဂိာ်နုာ်အစုလၢကအိးထီၣ်, ပဲတြီအဂီၢ်, ဒီးယသးခုသးကနိးလၢအဝဲအိၣ်ဘူးဒီးယၤအဃိလီၤ.

လံာ်ယၡါယၤ 50:5

ယွၤဟ့ၣ်တ့ၢ်ယၤတၢ်သ့ၣ်ညါနၢ်ပၢၢ်ဒီးယတပူထီၣ်ထီဒါအီၤမ့ၢ် ဂ့ၤ, ဃၣ်ကွံာ်ယသးလၢအီၤမ့ၢ်ဂ့ၤန့ၣ်ဘၣ်.

လံာ်လူၤကၣ် 24:45

တုၤနုၤတစုအဝဲဒၣ်အိးထီၣ်အဝဲသ့ၣ်အသးဒ်သိးအကနၢ် ပၢၢ်တၢ်ကွဲးအသးစီဆှံတဖၣ်

လံာ်ယိၤဟၣ် 12:20

ပှၤတဖၣ်လၢအလဲၤထီၣ်ဆူဝ့ၢ်ယရူၤၡလ့ၣ်လၢတၢ်ဘူၣ်ထီၣ် ဘါထီၣ်တၢ်အဂီၢ်ဖဲဘူၣ်အဆၢကတီၢ်အံၤအကျါန့ၣ်, ပှၤကြံးခ်ဖိအိၣ်ဝဲဒၣ်တနီၤန့ၣ်လီၤ.

မၤတၢ် 10:2

အဝဲဒၣ်မ့ၢ်ပှၤလၢအအဲၣ်ထူအဲၣ်ယွၤဒီးအပှၤဟံၣ်ဖိ ဃီဖိဒီဒူၣ်ညါမ့ၢ်ပှၤတဖၣ်လၢအယူးယီၣ်ဒီးပျံၤကစၢ်ယွၤန့ၣ်လီၤ. အဝဲဒၣ်မၤစၢၤပှၤယူဒၤဖိအဖှီၣ်အယာ်တဖၣ်အါမးဒီးဃ့ ဘါထုကဖၣ်ယွၤတထံၣ်ဃီလီၤ.

မၤတၢ် 11:21

ဒီးကစၢ်အစိကမီၤအိၣ်ဒီးအဝဲသ့ၣ်, ဒီးပှၤဂီၢ်မုၢ်ဂီၢ်ပၤစူၢ်က့ၤနာ်က့ၤတၢ်ဒီး ဃၣ်က့ၤအသးဆူကစၢ်အအိၣ်န့ၣ်လီၤ.

မၤတၢ် 13:43

ဒီးတၢ်အိၣ်ဖှိၣ်ဘါယွၤဝံၤအလီၢ်ခံန့ၣ်, ပှၤယူဒၤဖိအါဂၤဒီးပှၤကလုာ်ဂၤလၢအနုာ်လီၤတ့ၢ်ဆူယူဒၤ အတၢ်ဘူၣ်တၢ်ဘါအပူၤအါဂၤပိာ်ထီၣ်စီၤပီလူးဒီးစီၤဘၢ်နါဘၤ အခံလီၤ. ပှၤတၢ်မၢဖိတဖၣ်ကတိၤတၢ်ဒီးအဝဲသ့ၣ်ဒီးဟ့ၣ်ဆူၣ်ထီၣ် အဂံၢ်အဘါလၢအကအိၣ်မူဆူညါလၢတၢ်သန့ၤသးလၢကစၢ်ယွၤ အဘျုးအဖှိၣ်အပူၤအဂီၢ်န့ၣ်လီၤ.

မၤတၢ် 13:50

ဘၣ်ဆၣ်ဒီးပှၤယူဒၤဖိတဖၣ်ထိၣ်ဂဲၤထီၣ်ခိၣ်နၢ်သူၣ်က့သးပှၢ်လၢဝ့ၢ်န့ၣ် အပူၤ, ဒီးကလုာ်ဂၤတူၢ်ဒိၣ်ကီၤဒိၣ်မုၣ်လၢအအဲၣ်ထူအဲၣ်ယွၤတဖၣ်လီၤ. အဝဲသ့ၣ်ဒုးအိၣ်ထီၣ်တၢ်မၤအၢမၤနးစီၤပီလူးဒီးစီၤဘၢ်နါဘၤ, ဒီးဟီထီၣ်ကွံာ်အီၤလၢအဝဲသ့ၣ်အကီၢ်ပူၤန့ၣ်လီၤ.

မၤတၢ် 16:40

စီၤပီလူးဒီးစီၤစံလၤဟးထီၣ်ကွံာ်လၢဃိာ်ပူၤဒီး လဲၤဆူနီၢ်လူၤဒံအဟံၣ်လီၤ. ဖဲန့ၣ်အဝဲသ့ၣ်ထံၣ်လိာ်အသးဒီးပှၤစူၢ်က့ၤနာ်က့ၤတၢ် တဖၣ်, ကတိၤဟ့ၣ်ဆူၣ်ထီၣ်အဝဲသ့ၣ်အဂံၢ်အဘါ, ဒီးဟးထီၣ်ကွံာ်လၢဝ့ၢ်ပူၤလီၤ.

မၤတၢ် 18:7

လၢတၢ်န့ၣ်အဃိ, အဝဲဒၣ်ဟးထီၣ်ကွံာ်လၢအဝဲသ့ၣ်အအိၣ် ဒီးလဲၤအိၣ်ဝဲဆိးဝဲဖဲပှၤကလုာ်ဂၤလၢအမံၤမ့ၢ်စီၤတံတူးယူစတူး တဂၤအဟံၣ်, လၢအအိၣ်ဘူးဒီးဘူၣ်ဘျီၣ်လၢအမ့ၢ်တၢ်ဘါလီၢ် န့ၣ်လီၤ. အဝဲဒၣ်မ့ၢ်ပှၤလၢအဘူၣ်ထီၣ်ဘါထီၣ်ယွၤတဂၤလီၤ.

မၤတၢ် 8:27

အန့ၣ်ဒီးစီၤဖံလံးပူးကတီၤထီၣ်အသးဒီးလဲၤဝဲလီၤ. အကတီၢ်ဖဲန့ၣ်တၢ်မၤအသးလၢပှၤအဲၤသံအီးပးအပှၤဒ့ဒံၣ်ဖိ လၢအမ့ၢ်ကီၢ်အဲၤသံအီးပးအနီၢ်ပၤမုၣ်တဂၤအပဒိၣ်ဖးဒိၣ်, ပှၤလၢအဘၣ်ပၢၤကျိၣ်ပၢၤစ့တဂၤန့ၣ်, လဲၤတၢ်လၢကျဲန့ၣ်လီၤ. အဝဲဒၣ်လဲၤတ့ၢ်ဝဲဆူဝ့ၢ်ယရူၤၡလ့ၣ်လၢကဘူၣ်ထူဘါယွၤ အဂီၢ်,

ရိမ့ၤ 9:16

လၢတၢ်န့ၣ်အဃိ, တၢ်ခဲလၢာ်လၢအမၤအသးန့ၣ်တသန့ၤ ထီၣ်အသးလၢပှၤကညီအတၢ်ဆၢန့ၢ်ဘၣ်ဒီးအတၢ်မၤ အဖီခိၣ်န့ၣ်ဘၣ်, မ့မ့ၢ်ထဲဒၣ်လၢကစၢ်ယွၤအတၢ်သး ကညီၤအဖီခိၣ်န့ၣ်လီၤ.

ဖံလံးပံၤ 2:13

အဂ့ၢ်ဒ်အံၤ, ကစၢ်ယွၤမၤတၢ်လၢသုပူၤထီဘိဒ်သိးသုကသးအိၣ် ဒီးဒိကနၣ်မၤထွဲအတၢ်တိာ်ပာ်ကသ့အဂီၢ်န့ၣ်လီၤ.

လံာ်လီၣ်ဖျါ 1:11

တၢ်အကလုၢ်န့ၣ်စံးဝဲ, “ကွဲးလီၤတၢ်လၢနထံၣ်ဘၣ်နဲ, လၢလံာ်တဘ့ၣ်အပူၤ, ဒီးဆှၢလီၤလံာ်အဝဲန့ၣ်ဆူတၢ်အိၣ်ဖှိၣ် တဖၣ်လၢဝ့ၢ်နွံဖျၢၣ်အံၤ, ဝ့ၢ်အ့းဖ့းစူး, ဝ့ၢ်စမူရနၤ, ဝ့ၢ်ပ့ၢ်ကမူး, ဝ့ၢ်သူၤအတံရၤ, ဝ့ၢ်စၢ်ဒံ, ဝ့ၢ်ဖံၤလဒ့းလဖံ, ဒီးဝ့ၢ်လီၤဒံၤကံ, အပူၤန့ၣ်တက့ၢ်.”

လံာ်လီၣ်ဖျါ 3:20

ဒိကနၣ်တက့ၢ်. ယအိၣ်ဆၢထၢၣ်ယဲဖဲတြဲၤအခီၣ်ထံးဒီးဒိ တကျိာ်တၢ်လီၤ. ပှၤတဂၤဂၤမ့ၢ်နၢ်ဟူယကလုၢ်ဒီးအိးထီၣ်တြဲၤန့ၣ်, ယကဟဲနုာ်လီၤလၢအဟံၣ်ပူၤဒီးအီၣ်တၢ်အီတၢ်ဒီးအီၤဒီး အဝဲဒၣ်ကအီၣ်တၢ်အီတၢ်ဒီးယၤလီၤ.

လံာ်လီၣ်ဖျါ 3:7

ဆူဝ့ၢ်ဖံၤလဒ့းလဖံတၢ်အိၣ်ဖှိၣ်အကလူးအအိၣ်န့ၣ်, ကွဲးတၢ်ဒ်အံၤတက့ၢ်. “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအစီဝဲဆှံဝဲ, ဒီးတီဝဲလိၤဝဲအအိၣ်န့ၣ်လီၤ. အဝဲဒၣ်အိၣ်ဒီးနီၣ်ဝံာ်လၢ အမ့ၢ်စီၤဒၤဝံးအတၢ်, ဒီးဖဲအဝဲဒၣ်အိးထီၣ်တြဲၤတဘ့ၣ်န့ၣ်, ပှၤကးတံာ်အီၤတန့ၢ်နီတဂၤဘၣ်, ဒီးဖဲအကးတံာ်ဝဲန့ၣ်ပှၤအိးထီၣ်အီၤတန့ၢ်နီတဂၤဘၣ်.