မၤတၢ် 15:8 - Sgaw Karen Common Bible

⁸ ဒီးကစၢ်ယွၤလၢအထံၣ်သ့ၣ်ညါပှၤကိးဂၤအသးန့ၣ်, ပာ်ဖျါအတၢ်ဘၣ်သူၣ်ဘၣ်သးပှၤကလုာ်ဂၤတဖၣ်, ခီဖျိအဟ့ၣ်အဝဲသ့ၣ်လၢသးစီဆှံဒ်အဟ့ၣ်တ့ၢ်ပှၤအသိး န့ၣ်လီၤ.

မၤတၢ် 15:8 Iomraidhean Croise

လံာ်စီၤပၤအခီၣ်ထံးတဘ့ၣ် 8:39

ဒိကနၣ်လၢ်အဝဲသ့ၣ်အတၢ်ထုကဖၣ်န့ၣ်တက့ၢ်. ဒိကနၣ်လၢ်အဝဲသ့ၣ်လၢနဟံၣ်အိၣ်လၢမူခိၣ်, ပျၢ်လၢ်အဝဲသ့ၣ်အတၢ်ကမၣ်, ဒီးမၤစၢၤလၢ်အဝဲသ့ၣ်တက့ၢ်. နမ့ၢ်ပှၤထဲတဂၤဧိၤလၢအသ့ၣ်ညါပှၤကညီအသးအတၢ်ဆိကမိၣ်တဖၣ်န့ၣ် လီၤ. မၤဘၣ်ပှၤတဂၤဘၣ်တဂၤဒ်ကြၢးဝဲဘၣ်ဝဲဒီးအီၤအသိး,

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:17

ယသ့ၣ်ညါလၢနမၤကွၢ်ပှၤခဲလၢာ်အသး, ဒီးနမုာ်သူၣ်မုာ်သးတ့ၢ် ဒီးပှၤဂီၢ်မုၢ်လၢအသူၣ်တီသးရၤန့ၣ်လီၤ. ဒီးလၢတၢ်သူၣ်တီသးလိၤနီၢ်နီၢ်အပူၤန့ၣ်, ယဟ့ၣ်လီၤတၢ်သ့ၣ်တဖၣ်အံၤခဲလၢာ်ဆူနၤ, လၢတၢ်သူၣ်အိၣ်သးအိၣ်အပူၤ, ဒီးယထံၣ်တ့ၢ်နပှၤဂီၢ်မုၢ်လၢအဟဲပာ်ဖှိၣ်အသးဖဲအံၤတဖၣ်သူၣ် ဖှံသးညီတ့ၢ်ဒ်လဲၣ်, လၢကဟဲစိာ်တၢ်မၤဘူၣ်တဖၣ်ဆူနအိၣ်န့ၣ်လီၤ.

စံးထီၣ်ပတြၢၤ 44:21

နကထံၣ်တ့ၢ်လံတၢ်အံၤသပှၢ်တၢၢ်, မ့ၢ်လၢနသ့ၣ်ညါပတၢ်ဆိကမိၣ်ခူသူၣ် သ့ၣ်တဖၣ်အဃိန့ၣ်လီၤ.

လံာ်ယံးရမံယၤ 11:20

အန့ၣ်ဒီးယဃ့ဘါထုကဖၣ်တၢ်ဒီးစံး, “သ့တၢ်လၢာ်ယွၤဧၢ, နမ့ၢ်စံၣ်ညီၣ်ကွီၢ်လၢအတီဝဲလိၤဝဲတဂၤလီၤ. နမၤကွၢ်ပှၤဂီၢ်မုၢ်အတၢ်ဆိကမိၣ်ဒီးအတၢ်သူၣ်ဘၣ်ဒိသးဘၣ်ထံးတဖၣ်လီၤ. ယပာ်လီၤယကွီၢ်လၢနစုပူၤလီၤ. လၢတၢ်န့ၣ်အဃိ, ဒုးထံၣ်ဘၣ် ယၤနတၢ်မၤဘၣ်က့ၤလၢပှၤဂီၢ်မုၢ်တဖၣ်အံၤအဖီခိၣ်န့ၣ်တက့ၢ်.”

လံာ်ယံးရမံယၤ 17:10

ယၤ, ယွၤအံၤ, ယဃုသ့ၣ်ညါပှၤကညီအတၢ်ဆိကမိၣ်တဖၣ် ဒီးမၤကွၢ်ပှၤကညီတဖၣ်အသးန့ၣ်လီၤ. ယမၤဘၣ်အဝဲသ့ၣ်တဂၤစုာ်စုာ်ဒ်အအိၣ်မူဝဲ အကျဲအသိး, ဒီးဒ်တၢ်လၢအဝဲမၤဝဲအသိးန့ၣ်လီၤ.”

လံာ်ယံးရမံယၤ 20:12

ဘၣ်ဆၣ်ဒီး, သ့တၢ်လၢာ်ယွၤဧၢ, နမၤကွၢ်ပှၤကညီလၢ တၢ်စံၣ်ညီၣ်တီအပူၤလီၤ. နသ့ၣ်ညါတၢ်လၢအအိၣ်လၢအဝဲသ့ၣ် အသးဒီးအတၢ်ဆိကမိၣ်တဖၣ်အပူၤန့ၣ်လီၤ. လၢတၢ်န့ၣ်အဃိ, ပျဲယထံၣ်ဘၣ်နဟ့ၣ်ကၣ်ယဒုၣ်ယဒါတဖၣ်, မ့ၢ်လၢယပာ်ယကွီၢ်လၢနစုပူၤလံအဃိန့ၣ်တက့ၢ်.

လံာ်ယိၤဟၣ် 21:17

ယ့ၣ်ၡူးစံးဘၣ်အီၤပှဲၤထီၣ်သၢဘျီတဘျီ, “စီၤယိၤနါအဖိခွါ စီၤၡံမိၣ်ဧၢ, မ့ၢ်နအဲၣ်ယၤဧါ.” ယ့ၣ်ၡူးသံကွၢ်အီၤ, မ့ၢ်နအဲၣ် ယၤဧါ. ပှဲၤထီၣ်သၢဘျီတဘျီအဃိဒီး, စီၤပ့းတရူးအသးတမုာ်ဝဲဘၣ်ဒီးစံးဘၣ်ယ့ၣ်ၡူး, “ကစၢ်ဧၢ, နသ့ၣ်ညါတၢ်ခဲလၢာ်လီၤ. နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ, “လုၢ်အီၣ်လုၢ်အီယသိတက့ၢ်.

လံာ်ယိၤဟၣ် 5:37

ဒီးပၢ်လၢအမၢလီၤယၤန့ၣ်အုၣ်စ့ၢ်ကီးအသးလၢယဂီၢ်လီၤ. သုတနၢ်ဟူဘၣ်အကလုၢ်ဒီးထံၣ်ဘၣ်အမဲာ်နီတဘျီဘၣ်.

မၤတၢ် 1:24

အန့ၣ်ဝံၤအဝဲသ့ၣ်ဃ့ဘါထုကဖၣ်တၢ်ဒီးစံးဝဲ, “ကစၢ်ဧၢ, ပှၤကိးဂၤဒဲးအသးအတၢ်ဆိကမိၣ်န့ၣ်နသ့ၣ်ညါနဲလီၤ. သတးဒီး, ဒုးနဲၣ်ပဝဲဒၣ်တဖၣ်အံၤလၢပှၤခံဂၤအံၤအကျါနဃုထၢတ့ၢ်နဲ ဖဲလဲၣ်တဂၤ

မၤတၢ် 10:47

“ပှၤတဖၣ်အံၤဒိးန့ၢ်ဘၣ်ဝဲသးစီဆှံဒ်ပဒိးန့ၢ်ဘၣ်တ့ၢ်ပဝဲ စ့ၢ်ကီးအသိးန့ၣ်လီၤ. မ်ဒ်န့ၣ်ဒီးမ့ၢ်ပှၤတဂၤဂၤတြီအဝဲသ့ၣ်လၢ အသုတဒိးဘျၢထံတဂ့ၤန့ၣ်ဘၣ်ကသ့ဧါ.”

မၤတၢ် 14:3

ပှၤတၢ်မၢဖိခံဂၤအံၤအိၣ်ဖဲန့ၣ်ဖးယံာ်လီၤ. အဝဲသ့ၣ်စံးကတိၤတၢ်ဒူဒူဘၣ်ဃးဒီးကစၢ်အဂ့ၢ်ဒီးအတၢ် ကစီၣ်ဘၣ်ဃးဒီးကစၢ်အဘျုးအဖှိၣ်အံၤမ့ၢ်တၢ်မ့ၢ်တၢ်တီအဂ့ၢ်န့ၣ်, ကစၢ်အုၣ်အသးခီဖျိအဟ့ၣ်တၢ်စိတၢ်ကမီၤလၢတၢ်မၤတၢ်လီၤလးဒီး တၢ်ပနီၣ်လီၤလးတဖၣ်န့ၣ်လီၤ.

မၤတၢ် 15:28

သးစီဆှံဒီးပဝဲ, ပသးလီၤပလိာ်သကိးလၢတၢ်သိၣ်တၢ်သီလၢအကါဒိၣ်နီၢ်နီၢ် တဖၣ်အံၤအမဲာ်ညါ, ပတပာ်ထီၣ်တၢ်ဝံတၢ်ယိးအဂၤလၢသုလိၤနီတမံၤဘၣ်န့ၣ်လီၤ.

မၤတၢ် 2:4

အဝဲသ့ၣ်ခဲလၢာ်လၢထီၣ်ပှဲၤထီၣ်ဒီးသးစီဆှံ, ဒီးကတိၤထီၣ်တၢ်လၢကျိာ်ဂၤတဖၣ်ဒ်ယွၤအသးဒုးသ့စံးသ့ ကတိၤအီၤအသိးန့ၣ်လီၤ.

မၤတၢ် 4:31

တုၤအဝဲသ့ၣ်ဃ့ဘါထုကဖၣ်တၢ်ကတၢၢ်ဝဲဒီး, တၢ်လီၢ်ဖဲအဝဲသ့ၣ်အိၣ်ဖှိၣ်သကိးဝဲလၢအပူၤန့ၣ်ဟူးဝးဝဲလီၤ. အဝဲသ့ၣ်ကိးဂၤဒဲးလၢထီၣ်ပှဲၤထီၣ်ဒီးသးစီဆှံ, ဒီးစံၣ်တဲၤတဲလီၤယွၤအတၢ်ကစီၣ်လၢတၢ်သူၣ်ဒူသးဒူအပူၤလီၤ.

ဧ့ၤဘြံၤ 2:4

တဘျီဃီကစၢ်ယွၤစ့ၢ်ကီးအုၣ်အသးခီဖျိတၢ်ပနီၣ်လီၤလး တဖၣ်, တၢ်လီၤကမၢကမၣ်တဖၣ်ဒီးတၢ်လီၤလးအတၢ်မၤ အကလုာ်ကလုာ်ဒီးခီဖျိအဟ့ၣ်နီၤသးစီဆှံအတၢ်ဟ့ၣ်ဒ် အသးဒၣ်ဝဲအသိးန့ၣ်လီၤ.

ဧ့ၤဘြံၤ 4:13

တၢ်ဘၣ်တ့အိၣ်ခူသူၣ်လၢကစၢ်ယွၤအမဲာ်ညါတသ့နီတမံၤ ဘၣ်. အိၣ်ဘ့ၣ်ဆ့လၢကစၢ်ယွၤလၢပကဘၣ်ဟ့ၣ်ထီၣ် က့ၤတၢ်စံးဆၢလၢပတၢ်ဖံးတၢ်မၤအဂီၢ်တဂၤအမဲာ်ညါခဲလၢာ်လီၤ.

လံာ်လီၣ်ဖျါ 2:23

ယကမၤသံစ့ၢ်ကီးအဝဲဒၣ်အပျဲၢ်အဘီၣ်တဖၣ်, ဒီးတုၤနုၤတစု, တၢ်အိၣ်ဖှိၣ်ကိးဖုဒဲးကသ့ၣ်ညါလၢယမ့ၢ်ပှၤတဂၤလၢအသ့ၣ် ညါပှၤကိးဂၤဒဲးအတၢ်ဆိကမိၣ်ဆိကမးဒီးအတၢ်ဆၢမိၣ်န့ၢ် သးလီတဖၣ်န့ၣ်လီၤ. ယကဟ့ၣ်ကၣ်သုဝဲတဂၤဘၣ်တဂၤ, ဒ်တၢ်ဖံးတၢ်မၤလၢအမၤဝဲအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:7

ဘၣ်ဆၣ်ဒီးယွၤစံးဘၣ်အီၤ, “ကနၣ်ဃုာ်အဂီၤထီဒီးဒိၣ်တၢ်ဂ့ၤ ဆံးအါဆံးအါန့ၣ်တဂ့ၤ. ယညိကွံာ်အီၤလီၤ. အဂ့ၢ်ဒ်အံၤ, ယတစံၣ်ညီၣ်တၢ်ဒ်ပှၤကညီစံၣ်ညီၣ်တၢ်အသိးဘၣ်. ပှၤကညီကွၢ်တၢ်အက့ၢ်အဂီၤလၢခိလီၤ. မ့မ့ၢ်ယကွၢ်အသူၣ်အသးန့ၣ်လီၤ.”