မၤတၢ် 15:5 - Sgaw Karen Common Bible

⁵ ဘၣ်ဆၣ်ဒီးပှၤစူၢ်က့ၤနာ်က့ၤတၢ်တနီၤလၢအဘၣ်ဃးဒီးပှၤ ဖၤရံၤၡဲအကရူၢ်ဂဲၤဆၢထၢၣ်ကတိၤတၢ်ဒီးစံး, “အလီၢ်အိၣ်လၢပှၤကလုာ်ဂၤတဖၣ်ကဒိးတၢ်ကူးတရံးဒီး ကဘၣ်တၢ်စံးဘၣ်တဲဘၣ်အီၤလၢအကစူၢ်စီၤမိၤၡ့အတၢ် သိၣ်တၢ်သီန့ၣ်လီၤ.”

မၤတၢ် 15:5 Iomraidhean Croise

လံာ်မးသဲ 3:7

တုၤစီၤယိၤဟၣ်ထံၣ်ဘၣ်ပှၤဖၤရံၤၡဲဒီးပှၤစးဒူၤကဲအါဒံအါ ဂၤလၢအဟဲလၢကဒိးဘျၢအသးလၢထံအဂီၢ်န့ၣ်ဒီးစံးဘၣ်အဝဲသ့ၣ်, “ဂုၢ်ဘီၣ်အီးသ့ၣ်ဧၢ, မတၤဟ့ၣ်ပလီၢ်သုလၢသုကဃ့ၢ်ပူၤကွံာ်လၢ ကစၢ်ယွၤအတၢ်စံၣ်ညီၣ်လၢအကဟဲန့ၣ်လဲၣ်.

မၤတၢ် 15:1

အန့ၣ်ဝံၤအလီၢ်ခံ, ပှၤတနီၤဟဲလၢကီၢ်ယူဒၤဆူဝ့ၢ်အၣ်တံၤအီာ်ဒီး သိၣ်လီၤသီလီၤပှၤစူၢ်က့ၤနာ်က့ၤတၢ်တဖၣ်ဒီးစံး, “သုမ့ၢ်တဒိးတၢ်ကူးတရံးဒ်စီၤမိၤၡ့အတၢ်သိၣ်တၢ်သီ အိၣ်ဝဲအသိးဘၣ်န့ၣ်, သုဒိးန့ၢ်တၢ်အုၣ်က့ၤခီၣ်က့ၤတသ့ဘၣ်.”

မၤတၢ် 15:24

ပနၢ်ဟူဘၣ်လၢပှၤလၢပသိးပကျါတနီၤလဲၤမၤတံာ်တာ်ဒီး မၤဟးဂီၤသုသးခီဖျိအတၢ်စံးတၢ်ကတိၤန့ၣ်လီၤ. ဘၣ်ဆၣ်ဒီး, အဝဲသ့ၣ်တမ့ၢ်ပှၤလၢပမၢလီၤအီၤဒ်သိးအကလဲၤ မၤတၢ်ဒ်န့ၣ်ဘၣ်.

မၤတၢ် 21:20

အဝဲသ့ၣ်နၢ်ဟူအဝဲအတၢ်စံးတၢ်ကတိၤဝံၤဒီး, စံးထီၣ်ပတြၢၤကစၢ်ယွၤကိးဂၤဒဲးလီၤ. အန့ၣ်ဝံၤဒီးစံးဝဲ, “ဒီပုၢ်ဝဲၢ်စီၤပီလူးဧၢ, နကထံၣ်လၢပှၤယူဒၤဖိလၢအကဲထီၣ် ပှၤစူၢ်က့ၤနာ်က့ၤတၢ်အိၣ်ဝဲလၢအကထိဒီးအကထိတဖၣ်, ဒီးအဝဲသ့ၣ်ခဲလၢာ်ပာ်ဒိၣ်ပှၤယူဒၤဖိအတၢ်သိၣ်တၢ်သီလီၤ.

မၤတၢ် 24:14

တၢ်လၢယအၢၣ်လီၤနၤမ့ၢ်တၢ်အံၤ, ယဘူၣ်ထီၣ်ဘါထီၣ်ပမိၢ်ပၢ်ဖံဖုလၢပျၢၤတဖၣ်အယွၤခီဖျိ ယပိာ်ကစၢ်အကျဲလၢအဝဲသ့ၣ်စံးလၢအကမၣ်န့ၣ်လီၤ. ဘၣ်ဆၣ်ဒီးယနာ်စ့ၢ်ကီးတၢ်ခဲလၢာ်လၢအအိၣ်ကွဲး အသးလၢစီၤမိၤၡ့အတၢ်သိၣ်တၢ်သီဒီးလၢဝံတဖၣ် အလံာ်ပူၤန့ၣ်လီၤ.

မၤတၢ် 24:5

ပထံၣ်ဘၣ်ပှၤတဂၤအံၤလၢအမ့ၢ်ပှၤမၤတံာ်တာ်တၢ်လၢ အလီၤပျံၤလီၤဖုးတဂၤန့ၣ်လီၤ. အဝဲဒုးအိၣ်ထီၣ်တၢ်တၢထီၣ်တၢလီၤလၢပှၤယူဒၤဖိတဖၣ် အသိးအကျါသကုၤဟီၣ်ခိၣ်ဒီဘ့ၣ်ညါဒီးမ့ၢ်ဝဲပှၤနစၤရ့းဖိကရၢ အခိၣ်တဂၤလီၤ.

မၤတၢ် 28:22

ဘၣ်ဆၣ်ဒီး ပအဲၣ်ဒိးနၢ်ဟူဘၣ်နတၢ်ဆိကမိၣ်တဖၣ်လီၤ. အဂ့ၢ်ဒ်အံၤ, ပသ့ၣ်ညါပဝဲလၢတၢ်လီၢ်ကိးပူၤဒဲးန့ၣ်, ပှၤကတိၤထီဒါပှၤတကရၢလၢနဘၣ်ထွဲဒီးအီၤတဖုအံၤန့ၣ်လီၤ.”

မၤတၢ် 5:17

အန့ၣ်ဒီး, ပှၤလုၢ်တၢ်အခိၣ်အဒိၣ်ကတၢၢ်တဂၤဒီးပှၤမၤသကိးတၢ်ဒီးအီၤ တဖၣ်လၢအမ့ၢ်ပှၤစးဒူၤကဲအကရၢဖိဘၣ်ဃးဒီးတၢ်လီၢ်ကဝီၤဖဲန့ၣ်, အသူၣ်က့ၣ်အသးကါဘၣ်ပှၤတၢ်မၢဖိတဖၣ်ဒိၣ်ဒိၣ်ကလဲာ်သတးဒီး, စံၣ်ညီၣ်တဲာ်သကိးဝဲလၢကမၤတၢ်တမံၤမံၤန့ၣ်လီၤ.

1 ကရံၣ်သူး 7:18

ပှၤလၢအဒိးတ့ၢ်တၢ်ကူးတရံးတဂၤမ့ၢ်တူၢ်လိာ်လံကစၢ်ယွၤ အတၢ်ကိးန့ၣ်, အဝဲတကြၢးဂုာ်ကျဲးစၢးထုးကွံာ်တၢ်ပနီၣ် တဖၣ်လၢအဘၣ်ဃးဒီးတၢ်ကူးတရံးဘၣ်. ပှၤလၢအတဒိးတၢ်ကူးတရံးတဂၤမ့ၢ်တူၢ်လိာ်လံကစၢ်ယွၤ အတၢ်ကိးန့ၣ်, အဝဲဒၣ်တကြၢးဒိးတၢ်ကူးတရံးဘၣ်.

ကလၤတံ 2:11

ဘၣ်ဆၣ်ဒီးဖဲစီၤပ့းတရူးဟဲတုၤဖဲဝ့ၢ်အၣ်တံၤအီာ်န့ၣ်, ယကတိၤထီဒါအီၤလၢကမျၢၢ်အမဲာ်ညါမ့ၢ်လၢအဝဲအတၢ် ကမၣ်အိၣ်အဃိန့ၣ်လီၤ.

ကလၤတံ 2:14

ဖဲယထံၣ်ဘၣ်လၢအဝဲသ့ၣ်တလဲၤတၢ်လၢကျဲအဘျၢလၢအလီၤ ပလိာ်ဒီးတၢ်သးခုကစီၣ်အတၢ်မ့ၢ်တၢ်တီဘၣ်န့ၣ်, ယစံးဘၣ်စီၤပ့းတရူးလၢအဝဲသ့ၣ်ခဲလၢာ်အမဲာ်ညါ, “နမ့ၢ်ပှၤယူဒၤဖိတဂၤဘၣ်ဆၣ်နအိၣ်မူဒ်ပှၤကလုာ်ဂၤ တဂၤအသိးဒီးတမ့ၢ်ဒ်ပှၤယူဒၤဖိတဂၤအသိးန့ၣ်ဘၣ် လီၤ. မ့မ့ၢ်ဒ်န့ၣ်ဒီးနဂုာ်ကျဲးစၢးမၢဆူၣ်ပှၤကလုာ်ဂၤတဖၣ်လၢ ကအိၣ်မူလီၤဂာ်ဒီးပှၤယူဒၤဖိတဖၣ်ကသ့ဝဲလၢကျဲဒ်လဲၣ်.”