မၤတၢ် 15:4 - Sgaw Karen Common Bible

⁴ ဖဲအဝဲသ့ၣ်လဲၤတုၤလၢဝ့ၢ်ယရူၤၡလ့ၣ်န့ၣ်, ဘၣ်တၢ်တူၢ်လိာ်ခီၣ်ဆၢအီၤလၢတၢ်အိၣ်ဖှိၣ်ဖိ, ပှၤတၢ်မၢဖိ, ဒီးပှၤသူၣ်က့သးပှၢ်တဖၣ်, ဒီးစံးဘၣ်တဲဘၣ်အဝဲသ့ၣ်ဘၣ်ဃးဒီး တၢ်ခဲလၢာ်လၢကစၢ်ယွၤမၤဝဲခီဖျိအဝဲသ့ၣ်န့ၣ်လီၤ.

မၤတၢ် 15:4 Iomraidhean Croise

လံာ်မးသဲ 10:40

ပှၤတဂၤလၢ်လၢ်လၢအတူၢ်လိာ်သုန့ၣ်တူၢ်လိာ်ယၤလီၤ. ဒီးပှၤတဂၤလၢ်လၢ်လၢအတူၢ်လိာ်ယၤန့ၣ်တူၢ်လိာ်ပှၤလၢ အမၢလီၤယၤတဂၤန့ၣ်လီၤ.

မၤတၢ် 11:30

အဝဲသ့ၣ်မၤဝဲတၢ်အံၤ, ဒီးဆှၢလီၤအကျိၣ်အစ့တဖၣ်န့ၣ်ဆူတၢ်အိၣ်ဖှိၣ်အပှၤသူၣ်က့သး ပှၢ်တဖၣ်အအိၣ်ခီဖျိစီၤဘၢ်နါဘၤဒီးစီၤစီလူးန့ၣ်လီၤ.

မၤတၢ် 14:27

ဖဲအဝဲသ့ၣ်က့ၤတုၤဖဲဝ့ၢ်အၣ်တံၤအီာ်န့ၣ်, ကိးဖှိၣ်ပှၤတၢ်အိၣ်ဖှိၣ်ဖိတဖၣ်တပူၤဃီဒီးစံးဘၣ်တဲဘၣ် အဝဲသ့ၣ်တၢ်ခဲလၢာ်ဘၣ်ဃးကစၢ်ယွၤအတၢ်မၤဃုာ်တၢ်ဒီးအီၤ, ဒီးဘၣ်ဃးအဝဲအိးဟိထီၣ်ကျဲလၢပှၤကလုာ်ဂၤတဖၣ်ကစူၢ် ကနာ်တၢ်အဂီၢ်ဒ်လဲၣ်န့ၣ်လီၤ.

မၤတၢ် 15:12

ပှၤဒီဖုညါအိၣ်ဘှ့ၣ်အိၣ်ဘှီၣ်ဒီးဒိကနၣ်စီၤဘၢ်နါဘၤဒီး စီၤပီလူးအတၢ်ကတိၤတဲဖျါတၢ်ပနီၣ်လီၤလးဒီးတၢ်လီၤလး တဖၣ်လၢကစၢ်ယွၤမၤတ့ၢ်ဝဲခီဖျိအဝဲသ့ၣ်လၢပှၤကလုာ်ဂၤတဖၣ် အသိးအကျါန့ၣ်လီၤ.

မၤတၢ် 15:2

စီၤပီလူးဒီးစီၤဘၢ်နါဘၤဂ့ၢ်လိာ်ဘှီလိာ်တၢ်ဆူၣ်ဆူၣ် ကလဲာ်ဒီးပှၤသ့ၣ်တဖၣ်အံၤဘၣ်ဃးဒီးတၢ်ဂ့ၢ်တမံၤအံၤန့ၣ်လီၤ. အန့ၣ်သတးဒီး, တၢ်စံၣ်ညီၣ်ဃုထၢထီၣ်စီၤပီလူးဒီးစီၤဘၢ်နါဘၤ ဒီးပှၤအဂၤတနီၤလၢဝ့ၢ်အၣ်တံၤအီာ်, ဒ်သိးအကလဲၤဆူဝ့ၢ် ယရူၤၡလ့ၣ်ဒီးထံၣ်လိာ်ပှၤတၢ်မၢဖိဒီးသူၣ်က့သးပှၢ်ဖဲန့ၣ် တဖၣ်ဘၣ်ဃးတၢ်ဂ့ၢ်တမံၤအံၤန့ၣ်လီၤ.

မၤတၢ် 15:22

တုၤနုၤတစု, ပှၤတၢ်မၢဖိဒီးတၢ်အိၣ်ဖှိၣ်အပှၤသူၣ်က့သးပှၢ်တဖၣ်, ဃုာ်ဒီးတၢ်အိၣ်ဖှိၣ်ဒီဖုညါ, ပာ်လီၤအသးလၢအကဃုထၢထီၣ်ပှၤတနီၤလၢအဝဲသ့ၣ်အသိးအကျါ ဒီးမၢလီၤအီၤဆူဝ့ၢ်အၣ်တံၤအီာ်တပူၤဃီဒီးစီၤပီလူးဒီးစီၤဘၢ်နါ ဘၤလီၤ. အဝဲသ့ၣ်ဃုထၢထီၣ်ပှၤခံဂၤလၢအဘၣ်တၢ်ပာ်ဒိၣ်ပာ်ကဲ အီၤလၢပှၤစူၢ်က့ၤနာ်က့ၤတၢ်ဖိတဖၣ်, စီၤစံလၤဒီးစီၤယူဒၤလၢအဘၣ်တၢ်ကိးစ့ၢ်ကီးအီၤလၢစီၤဘၢ်စဘါ န့ၣ်လီၤ.

မၤတၢ် 15:3

အဝဲသ့ၣ်ဘၣ်တၢ်ဆှၢလီၤအီၤလၢတၢ်အိၣ်ဖှိၣ်ဒီးဖဲအဝဲသ့ၣ် လဲၤခီဂာ်ကီၢ်ဖံၤနံက့ၤဒီးကီၢ်ၡၤမရံန့ၣ်, တဲဖျါထီၣ်ဝဲဘၣ်ဃးပှၤကလုာ်ဂၤတဖၣ်စူၢ်က့ၤနာ်က့ၤကစၢ်ယွၤ အဂ့ၢ်, ဒီးတၢ်ကစီၣ်အဝဲအံၤဒုးသးခုပှၤစူၢ်က့ၤနာ်က့ၤတၢ်ကိးဂၤ ဒဲးအဒိၣ်အအါလီၤ.

မၤတၢ် 15:6

ပှၤတၢ်မၢဖိဒီးပှၤသူၣ်က့သးပှၢ်တဖၣ်အိၣ်ဖှိၣ်ဒ်သိးအကကွၢ် ဆိကမိၣ်သကိးဘၣ်ဃးတၢ်ဂ့ၢ်တမံၤအံၤန့ၣ်လီၤ.

မၤတၢ် 16:4

ဖဲအဝဲသ့ၣ်လဲၤခီဂာ်ဝ့ၢ်တဖၣ်န့ၣ်, အဝဲသ့ၣ်ဟ့ၣ်လီၤဝဲပှၤစူၢ်က့ၤနာ်က့ၤတၢ်တဖၣ်လၢတၢ်သိၣ် တၢ်သီလၢအဘၣ်တၢ်စံၣ်ညီၣ်ပာ်လီၤအီၤလၢပှၤတၢ်မၢဖိ ဒီးတၢ်အိၣ်ဖှိၣ်အသူၣ်က့သးပှၢ်လၢဝ့ၢ်ယရူၤၡလ့ၣ်, ဒီးစံးဘၣ်အဝဲသ့ၣ်လၢအကတိၢ်န့ၢ်ဟံးဃာ်အီၤလီၤ.

မၤတၢ် 18:27

ဖဲစီၤအပီးလိၤပာ်လီၤအသးလၢအကလဲၤဆူကီၢ်အဃါယၤန့ၣ်, အပျဲၢ်အဘီၣ်ဖဲဝ့ၢ်အ့းဖ့းစူးတဖၣ်မၤစၢၤအီၤခီဖျိအကွဲး လံာ်ဆူအပျဲၢ်အဘီၣ်အိၣ်လၢကီၢ်အဃါယၤတဖၣ်အအိၣ်, ဒီးသဆၣ်ထီၣ်အဝဲသ့ၣ်အခံဒ်သိးအကတူၢ်လိာ်မုာ်အီၤဖဲန့ၣ်လီၤ. ဖဲအဝဲဒၣ်လဲၤတုၤန့ၣ်, ကဲထီၣ်တၢ်မၤစၢၤအဒိၣ်အမုၢ်လၢပှၤလၢအကဲထီၣ်တ့ၢ်ပှၤလၢ အစူၢ်က့ၤနာ်က့ၤတၢ်ခီဖျိကစၢ်ယွၤအဘျုးအဖှိၣ်တဖၣ်အဂီၢ်လီၤ.

မၤတၢ် 21:17

ဖဲပလဲၤတုၤဝ့ၢ်ယရူၤၡလ့ၣ်န့ၣ်ပှၤစူၢ်က့ၤနာ်က့ၤတၢ်တဖၣ် တူၢ်လိာ်မုာ်ပှၤလၢတၢ်သူၣ်ခုသးခုအပူၤလီၤ.

မၤတၢ် 21:19

စီၤပီလူးကတိၤဆၢဂ့ၤဆၢဝါအဝဲသ့ၣ်ဝံၤဒီး, တဲဖျါထီၣ်ဝဲလၢလၢပှဲၤပှဲၤတၢ်ခဲလၢာ်လၢကစၢ်ယွၤမၤတ့ၢ်ဝဲ လၢပှၤကလုာ်ဂၤတဖၣ်အကျါခီဖျိအဝဲဒၣ်အတၢ်ဖံးတၢ်မၤ န့ၣ်လီၤ.

ရိမ့ၤ 15:18

ယကအိၣ်ဒီးတၢ်သးဒူဒီးကတိၤထဲတၢ်ဂ့ၢ်ဘၣ်ဃးတၢ်လၢခရံာ် မၤတ့ၢ်ဝဲခီဖျိယၤဒ်သိးယကဆှၢပှၤကလုာ်ဂၤတဖၣ်ဆူတၢ်စူၢ် ကစၢ်ယွၤခီဖျိယတၢ်ကတိၤဒီးယတၢ်မၤ,

ရိမ့ၤ 15:7

မၤသးဒ်န့ၣ်ဒီး, တူၢ်လိာ်လိာ်သုသးတဂၤဒီးတဂၤလၢကစၢ်ယွၤ အလၤကပီၤအဂီၢ်, ဒ်ခရံာ်တူၢ်လိာ်သုအသိးန့ၣ်တက့ၢ်.

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

၂ ကရံၣ်သူး 5:19

ပတၢ်ကစီၣ်မ့ၢ်ဝဲ, ကစၢ်ယွၤဒုးကဲထီၣ်ပှၤဟီၣ်ခိၣ်ဖိခဲလၢာ်လၢ အတံၤသကိးတဖၣ်ခီဖျိခရံာ်န့ၣ်လီၤ. ကစၢ်ယွၤတကွဲးနီၣ်ကွဲးဃါအဝဲသ့ၣ်အတၢ်ဒဲးဘးအဂ့ၢ်အကျိၤ တဖၣ်ဘၣ်. ဒီးအဝဲဒၣ်ဟ့ၣ်ပှၤတၢ်ကစီၣ်လၢအတဲဘၣ်ဃး အဝဲဒၣ်ဒုးကဲထီၣ်အဝဲသ့ၣ်လၢအတံၤသကိးတဖၣ်န့ၣ် လၢကျဲဒ်လဲၣ်အဂ့ၢ်လီၤ.

၂ ကရံၣ်သူး 6:1

လၢတၢ်န့ၣ်အဃိ, လၢပတၢ်မၤသကိးဃုာ်တၢ်ဒီးကစၢ်ယွၤ အပူၤန့ၣ်, ပဃ့ကညးသုဝဲလၢအဒိးန့ၢ်လံကစၢ်ယွၤအဘျုး တဖၣ်လၢ မ်သုသုတပျဲအကဲထီၣ်တၢ်ကလီကလီန့ၣ်တဂ့ၤ.

ကလီးစဲ 4:10

စီၤအရံးစတၢ်ဃူးလၢအလီၤဘၣ်ဃိာ်တပူၤဃီဒီးယၤဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ. စီၤဘၢ်နါဘၤအတခွါစီၤမၢ်ကူး (ပှၤလၢသုဘၣ်တၢ်မၢတ့ၢ်သုလၢသုကတူၢ်လိာ်ခီၣ်ဆၢအီၤဖဲ အဝဲလဲၤဘၣ်ဆူသုအိၣ်တဘျီလၢ်လၢ်တဂၤ) စ့ၢ်ကီးဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ.

၂ ယိၤဟၣ် 1:10

လၢတၢ်န့ၣ်အဃိ, ပှၤတဂၤဂၤမ့ၢ်ဟဲဆူသုအိၣ်ဒီး တဟဲစိာ်ဘၣ်တၢ်သိၣ်လိသီလိအံၤန့ၣ်, တဘၣ်တူၢ်လိာ် အီၤလၢသုဟံၣ်ပူၤတဂ့ၤ. တဘၣ်စံးဒၣ်လဲာ် “မ်တၢ်ဃူတၢ်ဖိးအိၣ်ဒီးနၤ” တဂ့ၤ.