မၤတၢ် 15:35 - Sgaw Karen Common Bible

³⁵ စီၤပီလူးဒီးစီၤဘၢ်နါဘၤအိၣ်ဒံးဝဲဖဲဝ့ၢ်အၣ်တံၤအီာ်န့ၣ်လီၤ. အဝဲသ့ၣ်ဒီးပှၤအဂၤအါဒံအါဂၤသိၣ်လိဒီးစံၣ်တဲၤတဲလီၤ ကစၢ်အကလုၢ်ကထါန့ၣ်လီၤ.

မၤတၢ် 15:35 Iomraidhean Croise

မၤတၢ် 12:25

ဒီးစီၤဘၢ်နါဘၤဒီးစီၤစီလူး, မၤဝံၤအတၢ်မၤဒီးဟးထီၣ်လၢဝ့ၢ် ယရူၤၡလ့ၣ်, ကိးဃုာ်စီၤယိၤဟၣ်မၢ်ကူးဒီးအဝဲသ့ၣ်လီၤ.

မၤတၢ် 13:1

ဖဲအၣ်တံၤအီာ်အတၢ်အိၣ်ဖှိၣ်န့ၣ်, ဝံဒီးသရၣ်အိၣ်ဝဲဒၣ်တနီၤလၢအမံၤမ့ၢ်ဝဲစီၤဘၢ်နါဘၤ, စီၤစူၤမ့းအိၣ် (လၢပှၤကိးလၢပှၤသူဖံး), စီၤလူကံၤ (ပှၤကူၤရ့ၤန့ဖိ), စီၤမနၤအ့ၣ် (လၢအဘၣ်တၢ်လုၢ်ဒုးဒိၣ်ထီၣ်ဃုာ်အီၤဒီးပဒိၣ်ဖးဒိၣ်စီၤဟ့ၤရိာ်) ဒီးစီၤစီလူးန့ၣ်လီၤ.

မၤတၢ် 13:12

ဖဲပဒိၣ်တဂၤအံၤထံၣ်ဘၣ်တၢ်လၢအမၤတ့ၢ်အသးတဖၣ်အံၤန့ၣ်, အဝဲဒၣ်စူၢ်က့ၤနာ်က့ၤတၢ်လီၤ. အဝဲဒၣ်ကမၢကမၣ်အဒိၣ်အအါ, ဖဲအနၢ်ဟူဘၣ်တၢ်သိၣ်လီၤသီလီၤဘၣ်ဃးကစၢ်အဂ့ၢ်န့ၣ်လီၤ.

မၤတၢ် 14:28

ဖဲန့ၣ်အဝဲသ့ၣ်အိၣ်ဒီး ပှၤစူၢ်က့ၤနာ်က့ၤတၢ်တဖၣ်ဖးယံာ်ညါလီၤ.

မၤတၢ် 15:34

(ဘၣ်ဆၣ်ဒီးစီၤစံလၤပာ်လီၤအသးလၢအကအိၣ်တ့ၢ်ဖဲန့ၣ်လီၤ.)

မၤတၢ် 28:31

အဝဲဒၣ်စံၣ်တဲၤတဲလီၤတၢ်ဘၣ်ဃးကစၢ်ယွၤအဘီအမုၢ်, ဒီးသိၣ်လီၤသီလီၤတၢ်ဘၣ်ဃးကစၢ်ယ့ၣ်ၡူးခရံာ်အဂ့ၢ်ဒီး ကတိၤတၢ်လၢတၢ်သူၣ်ဒူသးဒူအလၢအပှဲၤဒီးလၢတၢ်သဘျ့ နီၢ်နီၢ်အပူၤလီၤ. ပှၤလၢအကတြီအီၤတအိၣ်နီတဂၤဘၣ်.

မၤတၢ် 8:4

ပှၤစူၢ်က့ၤနာ်က့ၤတၢ်လၢအလီၤပြံလီၤပြါတဖၣ်လဲၤဝဲသကုၤ ဆးဒးဒီးစံၣ်တဲၤတဲလီၤတၢ်သးခုအကစီၣ်န့ၣ်လီၤ.

ကလီးစဲ 1:28

ပစံၣ်တဲၤတဲလီၤခရံာ်ဒီးတဲပလီၢ်ပှၤကိးဂၤဒီးသိၣ်လိသီ လိပှၤကိးကလုာ်ဒဲးလၢတၢ်ကူၣ်သ့ခဲလၢာ်အပူၤ, ဒ်သိးပကဆှၢက့ၤပှၤတဂၤစုာ်စုာ်ဒ်ပှၤဒိၣ်တုာ်ခိၣ်ပှဲၤလၢခရံာ် အပူၤအသိးဆူကစၢ်ယွၤအအိၣ်အဂီၢ်န့ၣ်လီၤ.

၁ တံၤမသ့း 2:7

ဒီးလၢတၢ်အံၤအဂီၢ်, ယဘၣ်တၢ်မၢလီၤယၤဒ်တၢ်မၢဖိတဂၤ အသိး, ဒီးသရၣ်လၢအကသိၣ်လိပှၤကလုာ်ဂၤတဖၣ်ဒီးဒ်သိး ယကတဲဖျါထီၣ်တၢ်စူၢ်တၢ်နာ်ဒီးတၢ်မ့ၢ်တၢ်တီအကစီၣ် အဂီၢ်န့ၣ်လီၤ. ယတကတိၤတၢ်ကဘျံးကဘျၣ်ဘၣ်. ယကတိၤတၢ်မ့ၢ်တၢ်တီလီၤ.

၂ တံၤမသ့း 4:2

လၢနကစံၣ်တဲၤတဲလီၤတၢ်သးခုကစီၣ်ဒီးဂုာ်လိာ်တဲဖျါထီၣ်အီၤ (တၢ်ဆၢကတီၢ်ဘၣ်မ့ၢ်ဂ့ၤ, တဘၣ်မ့ၢ်ဂ့ၤ) ဒီးဒုးနာ်ပှၤ, သိၣ်ဃီၣ်ဒီးဟ့ၣ်ဂံၢ်ဟ့ၣ်ဘါပှၤ, အိၣ်ဒီးတၢ်သးစူၤဖဲနသိၣ်လိတၢ်အခါန့ၣ်လီၤ.