မၤတၢ် 15:33 - Sgaw Karen Common Bible

³³ အဝဲသ့ၣ်အိၣ်ဖဲန့ၣ်စှၤနွံဝံၤအလီၢ်ခံ, ဘၣ်တၢ်ပျၢ်က့ၤအီၤမုာ်မုာ်လၢပှၤစူၢ်က့ၤနာ်က့ၤတၢ်တဖၣ်, ဒီးအဝဲသ့ၣ်က့ၤက့ၤဆူပှၤလၢအမၢလီၤတ့ၢ်အီၤတဖၣ်အအိၣ် န့ၣ်လီၤ.

မၤတၢ် 15:33 Iomraidhean Croise

လံာ်တၢ်ကဲထီၣ်အခီၣ်ထံး 26:29

လၢနသုတမၤအၢပှၤတဂ့ၤဒ်ပတမၤအၢဘၣ်နၤအသိးန့ၣ်လီၤ. ပသူၣ်အိၣ်သးအိၣ်နၤဒီးပျဲနလဲၤတၢ်ခုၣ်ခုၣ်မုာ်မုာ်န့ၣ်လီၤ. ခဲကနံၣ်အံၤတၢ်အိၣ်ဖျါလီၤတံၢ်လီၤဆဲးလၢယွၤဆိၣ်ဂ့ၤတ့ၢ်နၤ လီၤ.

လံာ်တၢ်ဟးထီၣ်ကွံာ် 4:18

တုၤနုၤတစု, စီၤမိၤၡ့က့ၤကဒါက့ၤဆူအမံၤပှၢ်စီၤယံးသရိၤ အအိၣ်ဒီးစံးဘၣ်အီၤ, “ဝံသးစူၤပျဲယက့ၤကဒါက့ၤဆူယ ဘူးယတံၢ်တဖၣ်အအိၣ်လၢကီၢ်အဲၤကူပတူးအပူၤဒီးကွၢ်, မ့ၢ်အဝဲသ့ၣ်အိၣ်မူဒံးတဂၤဂၤဧါ.” ဒီးစီၤယံးသရိၤစံးဘၣ်အီၤ, “က့ၤမုာ်မုာ်တက့ၢ်,” န့ၣ်လီၤ.

လံာ်မၢ်ကူး 5:34

ယ့ၣ်ၡူးစံးဘၣ်အီၤ, “ဖိမုၣ်ဧၢ, နတၢ်နာ်န့ၣ်မၤဘျါက့ၤနၤလံ. က့ၤမုာ်မုာ်တက့ၢ်. နတၢ်ဆါဘျါလံ.”

မၤတၢ် 15:22

တုၤနုၤတစု, ပှၤတၢ်မၢဖိဒီးတၢ်အိၣ်ဖှိၣ်အပှၤသူၣ်က့သးပှၢ်တဖၣ်, ဃုာ်ဒီးတၢ်အိၣ်ဖှိၣ်ဒီဖုညါ, ပာ်လီၤအသးလၢအကဃုထၢထီၣ်ပှၤတနီၤလၢအဝဲသ့ၣ်အသိးအကျါ ဒီးမၢလီၤအီၤဆူဝ့ၢ်အၣ်တံၤအီာ်တပူၤဃီဒီးစီၤပီလူးဒီးစီၤဘၢ်နါ ဘၤလီၤ. အဝဲသ့ၣ်ဃုထၢထီၣ်ပှၤခံဂၤလၢအဘၣ်တၢ်ပာ်ဒိၣ်ပာ်ကဲ အီၤလၢပှၤစူၢ်က့ၤနာ်က့ၤတၢ်ဖိတဖၣ်, စီၤစံလၤဒီးစီၤယူဒၤလၢအဘၣ်တၢ်ကိးစ့ၢ်ကီးအီၤလၢစီၤဘၢ်စဘါ န့ၣ်လီၤ.

မၤတၢ် 15:34

(ဘၣ်ဆၣ်ဒီးစီၤစံလၤပာ်လီၤအသးလၢအကအိၣ်တ့ၢ်ဖဲန့ၣ်လီၤ.)

မၤတၢ် 16:36

လၢတၢ်န့ၣ်အဃိပှၤဃိာ်ဒိၣ်တဲဘၣ်စီၤပီလူးဒီးစံးဝဲ, “ပှၤစံၣ်ညီၣ်ကွီၢ်တဖၣ်ဟ့ၣ်လီၤအကလုၢ်လၢနၤဒီးစီၤစံလၤ, သုကဘၣ်တၢ်ပျၢ်ဖျဲးကွံာ်သုအဂီၢ်လီၤ. လၢတၢ်န့ၣ်အဃိ, သုဟးထီၣ်ကွံာ်သ့လံ. ဒီးလဲၤတၢ်မုာ်မုာ်တက့ၢ်.”

1 ကရံၣ်သူး 16:11

ပှၤတကြၢးကွၢ်တလီၤအီၤနီတဂၤဘၣ်. မ့မ့ၢ်သုကဘၣ်မၤစၢၤ အီၤဒ်သိးအဝဲဒၣ်ကလဲၤဘၣ်ကဒီးတၢ်လၢတၢ်မုာ်တၢ်ပၢၤအပူၤ, ဒ်သိးအဝဲဒၣ်ကဟဲက့ၤဆူယအိၣ်န့ၣ်လီၤ. အဂ့ၢ်ဒ်အံၤ, ယကွၢ်လၢ်အဝဲဒၣ်အကျဲ, လၢအကဟဲက့ၤဝဲဒီးဒီပုၢ်ဝဲၢ်တဖၣ်လီၤ.

ဧ့ၤဘြံၤ 11:31

လၢတၢ်စူၢ်တၢ်နာ်န့ၣ်, ပှၤဃဲသဲမုၣ်နီၢ်ရၤဃးတဘၣ်တၢ်မၤသံ အီၤဃုာ်ဒီးပှၤလၢအတစူၢ်ယွၤအကလုၢ်တဖၣ်န့ၣ်ဘၣ်. အဂ့ၢ်မ့ၢ်လၢအဝဲတူၢ်လိာ်မုာ်ပှၤအံၣ်စရ့လးဖိအပှၤကွၢ် ဟုၣ်ကွၢ်စုာ်တၢ်တဖၣ်ဒ်တံၤသကိးအသိးအဃိန့ၣ်လီၤ.

၂ ယိၤဟၣ် 1:10

လၢတၢ်န့ၣ်အဃိ, ပှၤတဂၤဂၤမ့ၢ်ဟဲဆူသုအိၣ်ဒီး တဟဲစိာ်ဘၣ်တၢ်သိၣ်လိသီလိအံၤန့ၣ်, တဘၣ်တူၢ်လိာ် အီၤလၢသုဟံၣ်ပူၤတဂ့ၤ. တဘၣ်စံးဒၣ်လဲာ် “မ်တၢ်ဃူတၢ်ဖိးအိၣ်ဒီးနၤ” တဂ့ၤ.