မၤတၢ် 15:32 - Sgaw Karen Common Bible

³² စီၤယူဒၤဒီးစီၤစံလၤလၢအမ့ၢ်ဝံတဖၣ်, ကတိၤတၢ်ဒီးအပျဲၢ်အဘီၣ် တဖၣ်ဖးယံာ်, ဒီးဟ့ၣ်ဆူၣ်ထီၣ်အဂံၢ်အဘါဒီးဟ့ၣ်အီၤတၢ်သူၣ်ဒူသးဒူန့ၣ် လီၤ.

မၤတၢ် 15:32 Iomraidhean Croise

လံာ်ဒၤနံးယ့လး 11:1

အဝဲအိၣ်မူ အိၣ်ဒါလၢ တၢ်မၤစၢၤယၤဒီး ဒီဒၣ်အိၣ်ပှိၤယၤအဂီၢ်ဒီးယနီၢ်ကစၢ်ဒၣ်ယဲ, လၢပှၤမၤဒဲဖိအစီၤပၤစီၤဒၤရယါဝ့ၣ်ပၢ တၢ်အခီၣ်ထံးတနံၣ်အပူၤန့ၣ်, ယဆၢထၢၣ်ခၢၣ်သနၢၣ်, လၢတၢ်မၤဂၢၢ် မၤကျၢၤဒီးတၢ်မၤဆူၣ်ထီၣ်အီၤန့ၣ်လီၤ.

လံာ်မးသဲ 23:34

လၢတၢ်န့ၣ်အဃိ, ယစံးဘၣ်သုလၢယကဆှၢလီၤန့ၢ်သုလၢဝံ တဖၣ်, ပှၤကူၣ်ဘၣ်ကူၣ်သ့တဖၣ်, ဒီးသရၣ်သိၣ်လိတၢ်တဖၣ်လီၤ. တနီၤန့ၣ်သုကမၤသံအီၤ, ဒီးတနီၤန့ၣ်သုကပျၤထီအီၤလၢထူၣ်စုညါ အလိၤ, ဒီးအဂၤတနီၤန့ၣ်သုကတီၢ်အီၤလၢဘူၣ်ဘျီၣ်လၢ အမ့ၢ်တၢ်ဘါလီၢ်အပူၤဒီးလူၤမၤနးမၤဖှီၣ်အီၤလၢတဝ့ၢ်ဘၣ်တဝ့ၢ် အပူၤလီၤ.

လံာ်လူၤကၣ် 11:49

လၢတၢ်ဂ့ၢ်တမံၤအံၤအဃိ, ကစၢ်ယွၤအတၢ်ကူၣ်ဘၣ်ကူၣ်သ့စံးဝဲ, “ယကဆှၢလီၤန့ၢ်အဝဲသ့ၣ်လၢဝံတဖၣ်, ဒီးတၢ်မၢဖိတဖၣ်လီၤ. အဝဲသ့ၣ်ကမၤသံအီၤတနီၤ, ဒီးမၤအၢမၤနးအဂၤတဖၣ်လီၤ.

မၤတၢ် 11:23

ဖဲအဝဲဒၣ်လဲၤတုၤဒီးထံၣ်ကစၢ်ယွၤအတၢ်ဆိၣ်ဂ့ၤဘၣ်ပှၤတဖၣ်အံၤန့ၣ်, အဝဲသူၣ်ခုသးခုဒီးသဆၣ်ထီၣ်အဝဲသ့ၣ်ခဲလၢာ်အခံဒ်သိးအသး ကတီဒီးကစၢ်လၢအသးဒီဖျၢၣ်ညါန့ၣ်လီၤ.

မၤတၢ် 11:27

အကတီၢ်ဖဲန့ၣ်, ဝံတနီၤဟးထီၣ်လၢဝ့ၢ်ယရူၤၡလ့ၣ်ဒီးလဲၤဆူဝ့ၢ်အၣ် တံၤအီာ်န့ၣ်လီၤ.

မၤတၢ် 13:1

ဖဲအၣ်တံၤအီာ်အတၢ်အိၣ်ဖှိၣ်န့ၣ်, ဝံဒီးသရၣ်အိၣ်ဝဲဒၣ်တနီၤလၢအမံၤမ့ၢ်ဝဲစီၤဘၢ်နါဘၤ, စီၤစူၤမ့းအိၣ် (လၢပှၤကိးလၢပှၤသူဖံး), စီၤလူကံၤ (ပှၤကူၤရ့ၤန့ဖိ), စီၤမနၤအ့ၣ် (လၢအဘၣ်တၢ်လုၢ်ဒုးဒိၣ်ထီၣ်ဃုာ်အီၤဒီးပဒိၣ်ဖးဒိၣ်စီၤဟ့ၤရိာ်) ဒီးစီၤစီလူးန့ၣ်လီၤ.

မၤတၢ် 14:22

အဝဲသ့ၣ်ဟ့ၣ်ဆူၣ်ထီၣ်ပှၤစူၢ်က့ၤနာ်က့ၤတၢ်တဖၣ်အဂံၢ်အဘါ ဒီးဟ့ၣ်သဆၣ်ထီၣ်အခံဒ်သိးအကအိၣ်ဂၢၢ်ဆိးကျၢၤလၢ အတၢ်စူၢ်တၢ်နာ်အပူၤန့ၣ်လီၤ. အဝဲသ့ၣ်သိၣ်လီၤသီလီၤတၢ်ဒီးစံးဝဲ, “လၢပကနုာ်လီၤဆူကစၢ်ယွၤအဘီအမုၢ်အဂီၢ်န့ၣ်, ပကဘၣ်လဲၤခီဖျိတၢ်ကီတၢ်ခဲအါမးလီၤ.

မၤတၢ် 15:1

အန့ၣ်ဝံၤအလီၢ်ခံ, ပှၤတနီၤဟဲလၢကီၢ်ယူဒၤဆူဝ့ၢ်အၣ်တံၤအီာ်ဒီး သိၣ်လီၤသီလီၤပှၤစူၢ်က့ၤနာ်က့ၤတၢ်တဖၣ်ဒီးစံး, “သုမ့ၢ်တဒိးတၢ်ကူးတရံးဒ်စီၤမိၤၡ့အတၢ်သိၣ်တၢ်သီ အိၣ်ဝဲအသိးဘၣ်န့ၣ်, သုဒိးန့ၢ်တၢ်အုၣ်က့ၤခီၣ်က့ၤတသ့ဘၣ်.”

မၤတၢ် 15:22

တုၤနုၤတစု, ပှၤတၢ်မၢဖိဒီးတၢ်အိၣ်ဖှိၣ်အပှၤသူၣ်က့သးပှၢ်တဖၣ်, ဃုာ်ဒီးတၢ်အိၣ်ဖှိၣ်ဒီဖုညါ, ပာ်လီၤအသးလၢအကဃုထၢထီၣ်ပှၤတနီၤလၢအဝဲသ့ၣ်အသိးအကျါ ဒီးမၢလီၤအီၤဆူဝ့ၢ်အၣ်တံၤအီာ်တပူၤဃီဒီးစီၤပီလူးဒီးစီၤဘၢ်နါ ဘၤလီၤ. အဝဲသ့ၣ်ဃုထၢထီၣ်ပှၤခံဂၤလၢအဘၣ်တၢ်ပာ်ဒိၣ်ပာ်ကဲ အီၤလၢပှၤစူၢ်က့ၤနာ်က့ၤတၢ်ဖိတဖၣ်, စီၤစံလၤဒီးစီၤယူဒၤလၢအဘၣ်တၢ်ကိးစ့ၢ်ကီးအီၤလၢစီၤဘၢ်စဘါ န့ၣ်လီၤ.

မၤတၢ် 15:27

လၢတၢ်န့ၣ်အဃိ, ပမၢလီၤစီၤယူဒၤဒီးစီၤစံလၤလၢအကတဲဘၣ်သုလၢအနီၢ် ကစၢ်ဒၣ်ဝဲ, တၢ်တမံၤဃီလၢပကွဲးတဲဘၣ်သုန့ၣ်လီၤ.

မၤတၢ် 15:3

အဝဲသ့ၣ်ဘၣ်တၢ်ဆှၢလီၤအီၤလၢတၢ်အိၣ်ဖှိၣ်ဒီးဖဲအဝဲသ့ၣ် လဲၤခီဂာ်ကီၢ်ဖံၤနံက့ၤဒီးကီၢ်ၡၤမရံန့ၣ်, တဲဖျါထီၣ်ဝဲဘၣ်ဃးပှၤကလုာ်ဂၤတဖၣ်စူၢ်က့ၤနာ်က့ၤကစၢ်ယွၤ အဂ့ၢ်, ဒီးတၢ်ကစီၣ်အဝဲအံၤဒုးသးခုပှၤစူၢ်က့ၤနာ်က့ၤတၢ်ကိးဂၤ ဒဲးအဒိၣ်အအါလီၤ.

မၤတၢ် 15:31

တုၤအဝဲသ့ၣ်ဖးဘၣ်လံာ်ပရၢန့ၣ်ဒီး, အသးပှဲၤဒီးတၢ်သူၣ်ခုသးခုလၢတၢ်ကစီၣ်လၢ အဟ့ၣ်ဂံၢ်ဟ့ၣ်ဘါတၢ်အဃိန့ၣ်လီၤ.

မၤတၢ် 15:41

အဝဲဒၣ်ဒီးစီၤစံလၤလဲၤခီဂာ်ကီၢ်စူၤရံဒီးကီၢ်ကံၤလံၤကံ ဒီးဟ့ၣ်ဂံၢ်ဟ့ၣ်ဘါမၤဂၢၢ်မၤကျၢၤတၢ်အိၣ်ဖှိၣ်ဖဲန့ၣ်တဖၣ်လီၤ.

မၤတၢ် 18:23

အဝဲဒၣ်အိၣ်ဖဲန့ၣ်တစိၢ်တလီၢ်ဝံၤဟးထီၣ်ဝဲဒၣ်လီၤ. အဝဲလဲၤခီဂာ်တၢ်လီၢ်တၢ်ကျဲဖဲကီၢ်ကလၤတံဒီးကီၢ်ဖြူၤ ကံ, ဒီးဟ့ၣ်ဆူၣ်ထီၣ်အပျဲၢ်အဘီၣ်ဖဲန့ၣ်တဖၣ်အဂံၢ်အဘါလီၤ.

မၤတၢ် 2:40

စီၤပ့းတရူးအုၣ်အသးလၢအဝဲသ့ၣ်အမဲာ်ညါ, ဒီးလၢတၢ်စံးတၢ်ကတိၤအါထံၣ်အါဘီအပူၤမၢန့ၢ်ဆီၣ်ခံ အဝဲသ့ၣ်ဒီးစံး, “မၤပူၤဖျဲးသုသးလၢတၢ်စံၣ်ညီၣ်ဃၣ်လၢ အကဟဲဘၣ်ပှၤတစိၤအံၤလၢအအၢအသီန့ၣ်တက့ၢ်.”

မၤတၢ် 20:2

အဝဲဒၣ်လဲၤခီဂာ်တၢ်လီၢ်တၢ်ကျဲဖဲန့ၣ်တဖၣ်ဒီးကတိၤဟ့ၣ် ဂံၢ်ဟ့ၣ်ဘါပှၤလၢတၢ်ကစီၣ်အါထံၣ်အါဘီန့ၣ်လီၤ. အန့ၣ်ဝံၤအလီၢ်ခံအဝဲဒၣ်လဲၤဆူကီၢ်အဃါယၤလီၤ.

ရိမ့ၤ 12:6

လၢတၢ်န့ၣ်အဃိ ပကဘၣ်သူပတၢ်ဟ့ၣ်လၢအလီၤဆီ တဖၣ်ဒ်သိးကလီၤပလိာ်ဒီးတၢ်ဘျုးတၢ်ဖှိၣ်လၢကစၢ် ယွၤဟ့ၣ်လီၤပှၤန့ၣ်လီၤ. ပတၢ်ဟ့ၣ်မ့မ့ၢ်တၢ်စံၣ်တဲၤတဲလီၤ ယွၤအတၢ်ကစီၣ်ဒီး, ပကမၤအီၤလီၤပလိာ်ဒီးတၢ်နာ်လၢ အအိၣ်ဒီးပှၤန့ၣ်လီၤ.

ရိမ့ၤ 12:8

မ့မ့ၢ်တၢ်ဟ့ၣ်ဂံၢ်ဟ့ၣ်ဘါပှၤဂၤတဖၣ်ဒီး, ပကဘၣ်ဟ့ၣ်ဂံၢ်ဟ့ၣ် ဘါတၢ်လီၤ. ပှၤတဂၤလၢ်လၢ်လၢအနီၤဟ့ၣ်တၢ်လၢအအိၣ်ဒီး အီၤလၢပှၤဂၤတဖၣ်န့ၣ်, ကဘၣ်မၤဝဲလၢတၢ်သူၣ်အိၣ်သးအိၣ် အပူၤန့ၣ်လီၤ. မ့မ့ၢ်ခိၣ်နၢ်တဂၤဂၤဒီး, ကဘၣ်မၤတၢ်ဆူၣ်ဆူၣ် လီၤ. ပှၤတဂၤလၢ်လၢ်လၢအဒုးနဲၣ်တၢ်သးကညီၤလၢပှၤဂၤ တဖၣ်န့ၣ်, ကဘၣ်မၤဝဲလၢတၢ်သူၣ်ခုသးခုအပူၤလီၤ.

1 ကရံၣ်သူး 1:8

အဝဲဒၣ်ကဒုးအိၣ်ဂၢၢ်အိၣ်ကျၢၤစ့ၢ်ကီးသုတုၤလၢအကတၢၢ်, ဒ်သိးဖဲပကစၢ်ယ့ၣ်ၡူးခရံာ်အမုၢ်တနံၤန့ၣ်, သုကအိၣ်ပူၤပူၤဖျဲးဖျဲးဒီးတၢ်သရူးကမၣ်အဂီၢ်န့ၣ်လီၤ.

1 ကရံၣ်သူး 14:29

ပှၤကတိၤတၢ်လၢဝံအကျိာ်ကဘၣ်အိၣ်ထဲခံဂၤမ့တမ့ၢ်သၢဂၤ, မ့မ့ၢ်ပှၤအဂၤတဖၣ်ကဘၣ်စံၣ်ညီၣ်ကွၢ်ဆိကမိၣ်ဘၣ်ဃးတၢ်လၢ အဝဲသ့ၣ်စံးကတိၤဝဲန့ၣ်လီၤ.

1 ကရံၣ်သူး 14:3

မ့မ့ၢ်ပှၤလၢအကတိၤတၢ်လၢဝံအကျိာ်တဂၤန့ၣ်, ကတိၤတၢ်ဒီးပှၤကညီ, ဟ့ၣ်အဝဲသ့ၣ်တၢ်မၤစၢၤ, ဟ့ၣ်ဆူၣ်ထီၣ်အဂံၢ်အဘါ, ဒီးမၤမုာ်ထီၣ်အဝဲသ့ၣ်တဖၣ်အသးန့ၣ်လီၤ.

1 ကရံၣ်သူး 14:32

တၢ်ဟ့ၣ်ဘၣ်ဃးတၢ်ကတိၤလၢဝံအကျိာ်န့ၣ်, ကြၢးဘၣ်တၢ်ပၢၤဃာ်အီၤလၢပှၤကတိၤတၢ်န့ၣ်လီၤ.

အ့းဖ့းစူး 3:5

လၢအပူၤကွံာ်အကတီၢ်တဖၣ်န့ၣ်, ပှၤဟီၣ်ခိၣ်ဖိတဘၣ်တၢ်စံးဘၣ်တဲဘၣ်အီၤလၢတၢ်ခူသူၣ် အံၤဘၣ်. မ့မ့ၢ်အခဲအံၤ, ကစၢ်ယွၤလီၣ်ဖျါထီၣ်န့ၢ်တၢ်မၢဖိဒီးဝံ စီဆှံတဖၣ်ခီဖျိယွၤအသးန့ၣ်လီၤ.

၁ သ့းစၤလနံ 2:11

သုသ့ၣ်ညါလၢပမၤစၢၤသုဝဲတဂၤဘၣ်တဂၤဒ်ပၢ်တဂၤမၤစၢၤ အဖိဒၣ်ဝဲတဖၣ်အသိးန့ၣ်လီၤ.

၁ သ့းစၤလနံ 3:2

ဖဲပဆှၢလီၤစီၤတံၤမသ့း, ပဒီပုၢ်ဝဲၢ်လၢအမၤဃုာ်တၢ်ဒီးပှၤလၢ ကစၢ်ယွၤအဂီၢ်, လၢတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီး ခရံာ်အခါန့ၣ်လီၤ. ပဆှၢလီၤအဝဲဒၣ်ဒ်သိးအကဟ့ၣ်ဂံၢ်ဟ့ၣ်ဘါသုဒီးမၤစၢၤသုတၢ် စူၢ်တၢ်နာ်အဂီၢ်,

၁ သ့းစၤလနံ 4:1

လၢခံကတၢၢ်န့ၣ်, ယဒီပုၢ်ဝဲၢ်သ့ၣ်ဧၢ, သုမၤလိတ့ၢ်လၢပအိၣ် လၢသုကဘၣ်အိၣ်မူမၤဘၣ်ကစၢ်ယွၤအသးဒ်လဲၣ်အဂ့ၢ်န့ၣ်လီၤ. သုအိၣ်မူတ့ၢ်လံသုဝဲလၢကျဲဒ်အံၤအပူၤန့ၣ်လီၤ. ဒီးခဲကနံၣ်အံၤပဃ့ကညးဒီးသဆၣ်ထီၣ်သုခံသပှၢ်ပှၢ်လၢ ကစၢ်ယ့ၣ်ၡူးအမံၤအပူၤ, လၢသုကအိၣ်မူဂ့ၤန့ၢ်ဒံးအလီၢ်လီၤ.

၁ သ့းစၤလနံ 5:14

ပဒီပုၢ်ဝဲၢ်သ့ၣ်ဧၢ, ပမၢန့ၢ်ဆီၣ်ခံသုလၢသုကဟ့ၣ်ပလီၢ်ပဒီ ပှၤကၢၣ်ပှၤကျူတဖၣ်, သုကဟ့ၣ်ဆူၣ်ထီၣ်ပှၤအိၣ်ဒီးတၢ်သူၣ်ပျံၤသးဖုးတဖၣ်အဂံၢ်အဘါ, သုကမၤစၢၤပှၤဂံၢ်စၢ်ဘါစၢ်, ဒီးသုကသူၣ်စူၤသးစူၤလၢပှၤကိးဂၤဒဲးအဖီခိၣ်န့ၣ်လီၤ.

၂ သ့းစၤလနံ 3:12

လၢကစၢ်ယ့ၣ်ၡူးခရံာ်အမံၤအပူၤ, ပမၤလိာ်ဒီးဟ့ၣ်ပလီၢ်ပှၤသ့ၣ် တဖၣ်အံၤဒ်သိးအကအိၣ်မူတၢ်အိၣ်မူလၢအဘၣ်ဘျီးဘၣ်ဒါဒီး တၢ်မၤတၢ်လၢအကလုၢ်အီၣ်အသးသမူဒၣ်ဝဲအဂီၢ်န့ၣ်လီၤ.

၁ တံၤမသ့း 2:1

မ့မ့ၢ်ဒ်န့ၣ်ဒီး, အဆိကတၢၢ်န့ၣ်ယသဆၣ်ထီၣ်သုခံလၢသု ကသကွံၢ်ကညးတၢ်, ဘါထုကဖၣ်တၢ်, ဃ့တၢ်လၢပှၤဂၤအဂီၢ်, ဒီးစံးထီၣ်ပတြၢၤကစၢ်ယွၤလၢပှၤခဲလၢာ်အဂီၢ်,

၂ တံၤမသ့း 4:2

လၢနကစံၣ်တဲၤတဲလီၤတၢ်သးခုကစီၣ်ဒီးဂုာ်လိာ်တဲဖျါထီၣ်အီၤ (တၢ်ဆၢကတီၢ်ဘၣ်မ့ၢ်ဂ့ၤ, တဘၣ်မ့ၢ်ဂ့ၤ) ဒီးဒုးနာ်ပှၤ, သိၣ်ဃီၣ်ဒီးဟ့ၣ်ဂံၢ်ဟ့ၣ်ဘါပှၤ, အိၣ်ဒီးတၢ်သးစူၤဖဲနသိၣ်လိတၢ်အခါန့ၣ်လီၤ.

၁ ပ့းတရူး 5:1

ယၤ, လၢအမ့ၢ်ပှၤသးပှၢ်တဂၤစ့ၢ်ကီး, ယဃ့ကညးဘၣ်တၢ်အိၣ်ဖှိၣ်သူၣ်က့သးပှၢ်တဖၣ်လၢ အအိၣ်လၢသုကျါန့ၣ်လီၤ. ယမ့ၢ်ပှၤအုၣ်အသးလၢခရံာ် အတၢ်နးတၢ်ဖှီၣ်တဖၣ်, အဂ့ၢ်ဒီးယကဒိးန့ၢ်ဃုာ်တၢ်လၤကပီၤလၢအကဘၣ်တၢ်လီၣ်ဖျါ ထီၣ်အီၤန့ၣ်လီၤ.

၁ ပ့းတရူး 5:10

ဒီးဖဲသုဒိးတၢ်နးတၢ်ဖှီၣ်တစိၢ်တလီၢ်ဝံၤဒီး, တၢ်ဘျုးတၢ်ဖှိၣ်ခဲလၢာ်အကစၢ်ယွၤလၢအကိးန့ၢ်သုလၢသုကဒိး န့ၢ်ဃုာ်အလၤကပီၤအထူအယိာ်လၢယ့ၣ်ၡူးခရံာ်အပူၤတဂၤန့ၣ်, အကစၢ်ဒၣ်ဝဲကမၤလၢပှဲၤသုဒီးဟ့ၣ်သုတၢ်ဂၢၢ်တၢ်ကျၢၤ, တၢ်ဂံၢ်တၢ်ဘါ, ဒီးတၢ်အခီၣ်ထံးလၢအဂၢၢ်အကျၢၤန့ၣ်လီၤ.

၁ ပ့းတရူး 5:12

ယကွဲးန့ၢ်သုလံာ်ပရၢဖုၣ်ကိာ်ဖိအံၤခီဖျိစီၤစံလၤလၢယပာ်အီၤဒ် ဒီပုၢ်ဝဲၢ်လၢအသးတီဒီးယၤတဂၤအတၢ်မၤစၢၤယၤအပူၤန့ၣ်လီၤ. ယသးအိၣ်ဟ့ၣ်ဆူၣ်ထီၣ်သုဂံၢ်သုဘါဒီးဟ့ၣ်ယတၢ်အုၣ်ယသး လၢတၢ်အံၤမ့ၢ်ကစၢ်ယွၤအဘျုးအဖှိၣ်နီၢ်နီၢ်လီၤ. ဆၢထၢၣ်ဂၢၢ်ကျၢၤလၢတၢ်အံၤအပူၤန့ၣ်တက့ၢ်.