မၤတၢ် 15:28 - Sgaw Karen Common Bible

²⁸ သးစီဆှံဒီးပဝဲ, ပသးလီၤပလိာ်သကိးလၢတၢ်သိၣ်တၢ်သီလၢအကါဒိၣ်နီၢ်နီၢ် တဖၣ်အံၤအမဲာ်ညါ, ပတပာ်ထီၣ်တၢ်ဝံတၢ်ယိးအဂၤလၢသုလိၤနီတမံၤဘၣ်န့ၣ်လီၤ.

မၤတၢ် 15:28 Iomraidhean Croise

လံာ်မးသဲ 11:30

အဂ့ၢ်ဒ်အံၤ, ယနီၣ်ယိးဘိမ့ၢ်တၢ်လၢပယိးအီၤညီဒီးယတၢ်ဝံတၢ် ယိးမ့ၢ်တၢ်လၢအဖှံလီၤ.”

လံာ်မးသဲ 23:4

အဝဲသ့ၣ်စၢထီၣ်တၢ်ဝံဃၢတဖၣ်လၢပှၤဝံအီၤကီလၢပှၤအဖံဘၣ် ခိၣ်ဘၣ်ဆၣ်ဒီး, လၢကစိာ်စၢၤပှၤအတၢ်ဝံတၢ်ယိးတဖၣ်အဂီၢ်တခီ, အစုမုၢ်စုနၢဖိတဘိဒၣ်လဲာ်တသးအိၣ်ယူာ်ဃီၤဝဲဘၣ်.

လံာ်ယိၤဟၣ် 16:13

မ့မ့ၢ်, ဖဲယွၤအသးလၢအလီၣ်ဖျါထီၣ်တၢ်မ့ၢ်တၢ်တီ ဘၣ်ဃးဒီးကစၢ်ယွၤန့ၣ်ဟဲဝဲဒီး, အဝဲကဒုးထံၣ်သ့ၣ်ညါသုလၢတၢ်မ့ၢ်တၢ်တီခဲလၢာ်န့ၣ်လီၤ. အဝဲတကတိၤတၢ်ဖဲအသးဒၣ်ဝဲဘၣ်. မ့မ့ၢ် အဝဲကစံးဘၣ်တဲဘၣ်သုတၢ်လၢအဝဲနၢ်ဟူဝဲဒီး ကစံးဘၣ်တဲဘၣ်သုတၢ်လၢအကမၤအသးတဖၣ်န့ၣ်လီၤ.

မၤတၢ် 15:19

စီၤယၤကိာ်ကတိၤဒံးတၢ်ဒီးစံးဝဲ, “တၢ်လၢယထံၣ်န့ၣ်, ပတကြၢးမၤတံာ်တာ်ပှၤကလုာ်ဂၤတဖၣ်လၢအဃၣ်က့ၤ အသးဆူကစၢ်ယွၤအအိၣ်န့ၣ်ဘၣ်.

မၤတၢ် 15:25

လၢတၢ်န့ၣ်အဃိ, ပပာ်ဖှိၣ်ထီၣ်ပသးတပူၤဃီဒီးဘၣ်သူၣ်ဘၣ် သးကိးဂၤဒဲးလၢပကဃုထၢထီၣ်ပှၤတနီၤဒီးမၢလီၤအီၤဆူသုအိၣ် န့ၣ်လီၤ. အဝဲသ့ၣ်ကလဲၤဃုာ်ဒီးပတံၤသကိးလၢပအဲၣ်အီၤဒိၣ်မး, စီၤဘၢ်နါဘၤဒီးစီၤပီလူး,

မၤတၢ် 15:8

ဒီးကစၢ်ယွၤလၢအထံၣ်သ့ၣ်ညါပှၤကိးဂၤအသးန့ၣ်, ပာ်ဖျါအတၢ်ဘၣ်သူၣ်ဘၣ်သးပှၤကလုာ်ဂၤတဖၣ်, ခီဖျိအဟ့ၣ်အဝဲသ့ၣ်လၢသးစီဆှံဒ်အဟ့ၣ်တ့ၢ်ပှၤအသိး န့ၣ်လီၤ.

မၤတၢ် 16:4

ဖဲအဝဲသ့ၣ်လဲၤခီဂာ်ဝ့ၢ်တဖၣ်န့ၣ်, အဝဲသ့ၣ်ဟ့ၣ်လီၤဝဲပှၤစူၢ်က့ၤနာ်က့ၤတၢ်တဖၣ်လၢတၢ်သိၣ် တၢ်သီလၢအဘၣ်တၢ်စံၣ်ညီၣ်ပာ်လီၤအီၤလၢပှၤတၢ်မၢဖိ ဒီးတၢ်အိၣ်ဖှိၣ်အသူၣ်က့သးပှၢ်လၢဝ့ၢ်ယရူၤၡလ့ၣ်, ဒီးစံးဘၣ်အဝဲသ့ၣ်လၢအကတိၢ်န့ၢ်ဟံးဃာ်အီၤလီၤ.

မၤတၢ် 5:32

ပဝဲဒၣ်တဖၣ်ပအုၣ်ပသးလၢတၢ်သ့ၣ်တဖၣ်အံၤအဂ့ၢ်, ဒီးသးစီဆှံလၢအမ့ၢ်ကစၢ်ယွၤအတၢ်ဟ့ၣ်လၢပှၤလၢအဒိကနၣ် အကလုၢ်တဖၣ်ဒိးန့ၢ်ဘၣ်ဝဲန့ၣ်, အုၣ်စ့ၢ်ကီးအသးလီၤ.”

1 ကရံၣ်သူး 14:37

ပှၤတဂၤဂၤမ့ၢ်ဆိကမိၣ်လၢ, အဝဲဒၣ်မ့ၢ်ကစၢ်ယွၤအပှၤဆှၢတၢ်ကစီၣ်, မ့တမ့ၢ်အိၣ်ဒီးသးစီဆှံအတၢ်ဟ့ၣ်န့ၣ်, အဝဲဒၣ်ကဘၣ်သ့ၣ်ညါလၢတၢ်လၢယကွဲးန့ၢ်သုတဖၣ်မ့ၢ်ဝဲ ကစၢ်ယွၤအတၢ်မၤလိာ်န့ၣ်လီၤ.

1 ကရံၣ်သူး 7:25

ခဲကနံၣ်အံၤ, ဘၣ်ဃးဒီးတၢ်ဂ့ၢ်လၢသုကွဲးတ့ၢ်သုဝဲဘၣ်ဃး ပှၤလၢအတန့ၢ်မါန့ၢ်ဝၤတဖၣ်န့ၣ်, ယတအိၣ်ဒီးတၢ်အကလုၢ်လၢယွၤဟ့ၣ်လီၤယၤဘၣ်. ဘၣ်ဆၣ်ဒီး, ယဟ့ၣ်ထီၣ်ယတၢ်ဆိကမိၣ်ဒ်ပှၤတဂၤလၢ, ခီဖျိကစၢ်အတၢ်သး ကညီၤန့ၣ်, ကြၢးဝဲဘၣ်ဝဲဒီးတၢ်နာ်န့ၢ်အီၤန့ၣ်လီၤ.

1 ကရံၣ်သူး 7:40

ဘၣ်ဆၣ်ဒီးအဝဲမ့ၢ်အိၣ်သဘျ့န့ၣ်, ကသူၣ်ခုသးခုဘၣ်ဝဲဒိၣ်ဒၣ်တၢ် တက့ၢ်လီၤ. အဝဲန့ၣ်မ့ၢ်ယတၢ်ထံၣ်, ဒီးယဆိကမိၣ်လၢယနီၢ်ကစၢ်ဒၣ် ယဲစ့ၢ်ကီးယအိၣ်ဒီးကစၢ်ယွၤအသးစီဆှံန့ၣ်လီၤ.

၁ သ့းစၤလနံ 4:8

လၢတၢ်န့ၣ်အဃိ, ပှၤတဂၤလၢ်လၢ်လၢအတတူၢ်လိာ် တၢ်သိၣ်လိအဝဲအံၤန့ၣ်, တမ့ၢ်အတတူၢ်လိာ်ပှၤကညီဘၣ်. မ့ၢ်အတတူၢ်လိာ်ကစၢ်ယွၤ, လၢအဟ့ၣ်သုအသးစီဆှံန့ၣ်လီၤ.

၁ ပ့းတရူး 1:12

ကစၢ်ယွၤလီၣ်ဖျါထီၣ်တ့ၢ်တၢ်ဆူဝံတဖၣ်အံၤလၢအဝဲသ့ၣ် အတၢ်မၤအံၤတမ့ၢ်လၢအဘျုးဒၣ်ဝဲအဂီၢ်ဘၣ်, မ့မ့ၢ်, မ့ၢ်လၢသုဂီၢ်တခီန့ၣ်လီၤ. ဒီးခဲအံၤအဝဲသ့ၣ်ကတိၤတၢ်ဘၣ်ဃးဒီးတၢ်သ့ၣ်တဖၣ်လၢ သုနၢ်ဟူခဲအံၤလၢပှၤစိာ်တၢ်ကစီၣ်တဖၣ်အအိၣ်, လၢအစံၣ်တဲၤတဲလီၤတၢ်သးခုကစီၣ်ခီဖျိသးစီဆှံ အစိကမီၤလၢအဟဲလီၤလၢမူခိၣ်န့ၣ်လီၤ. တၢ်သ့ၣ်တဖၣ်အံၤ, မ့ၢ်တၢ်လၢကလူးသ့ၣ်တဖၣ်ဒၣ်လဲာ်အဲၣ်ဒိးသ့ၣ်ညါနၢ်ပၢၢ် ဝဲန့ၣ်လီၤ.

လံာ်လီၣ်ဖျါ 2:24

မ့မ့ၢ်သုဝဲလၢဝ့ၢ်သူၤအတံရၤအပူၤအဂၤတဖၣ်သုတပိာ် ထွဲတၢ်သိၣ်လီၤသီလီၤအအၢအသီတမံၤအံၤဘၣ်, သုတမၤလိနၢ်ပၢၢ်ဘၣ်ဃးတၢ်တမံၤလၢပှၤအဂၤတဖၣ် ကိးလၢ ‘မုၣ်ကီၤလံၢ်အတၢ်ခူသူၣ်အဒိၣ်အယိာ်တဖၣ်’ န့ၣ်ဘၣ်. သုဝဲတဖၣ်န့ၣ်ယစံးဘၣ်သုလၢယတပာ်ထီၣ်တၢ်ဝံ တၢ်ယိးအဂၤလၢသုလိၤနီတမံၤဘၣ်.