မၤတၢ် 15:19 - Sgaw Karen Common Bible

¹⁹ စီၤယၤကိာ်ကတိၤဒံးတၢ်ဒီးစံးဝဲ, “တၢ်လၢယထံၣ်န့ၣ်, ပတကြၢးမၤတံာ်တာ်ပှၤကလုာ်ဂၤတဖၣ်လၢအဃၣ်က့ၤ အသးဆူကစၢ်ယွၤအအိၣ်န့ၣ်ဘၣ်.

မၤတၢ် 15:19 Iomraidhean Croise

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ဟိၤၡ့ 14:2

ဟဲက့ၤဆူယွၤအအိၣ်ဒီးဒုးကဲထီၣ်တၢ်ထုကဖၣ်အံၤလၢတၢ်လုၢ်တၢ် ပာ်ဆူအအိၣ်တက့ၢ်. ပျၢ်လၢ်ဘၣ်ပတၢ်ဒဲးဘးတဖၣ်ခဲလၢာ်ဒီးတူၢ်လိာ်ပတၢ်ထုကဖၣ်, ဒီးပကစံးထီၣ်ပတြၢၤနၤဒ်ပအၢၣ်လီၤတ့ၢ်အသိးန့ၣ်လီၤ.

မၤတၢ် 15:10

မ့မ့ၢ်ဒ်န့ၣ်ဒီး, ဘၣ်မနုၤအဃိသုအဲၣ်ဒိးမၤကွၢ်ကစၢ်ယွၤခီဖျိသုပာ်ထီၣ် တၢ်ဝံတၢ်ယိးလၢပမိၢ်ပၢ်ဖံဖုလၢပျၢၤမ့ၢ်ဂ့ၤ, ပဝဲဒၣ်မ့ၢ်ဂ့ၤ, ပဝံပယိးအီၤတန့ၢ်ဘၣ်န့ၣ်, လၢပှၤစူၢ်က့ၤနာ်က့ၤတၢ်တဖၣ်အံၤ အလိၤန့ၣ်လဲၣ်.

မၤတၢ် 15:24

ပနၢ်ဟူဘၣ်လၢပှၤလၢပသိးပကျါတနီၤလဲၤမၤတံာ်တာ်ဒီး မၤဟးဂီၤသုသးခီဖျိအတၢ်စံးတၢ်ကတိၤန့ၣ်လီၤ. ဘၣ်ဆၣ်ဒီး, အဝဲသ့ၣ်တမ့ၢ်ပှၤလၢပမၢလီၤအီၤဒ်သိးအကလဲၤ မၤတၢ်ဒ်န့ၣ်ဘၣ်.

မၤတၢ် 15:28

သးစီဆှံဒီးပဝဲ, ပသးလီၤပလိာ်သကိးလၢတၢ်သိၣ်တၢ်သီလၢအကါဒိၣ်နီၢ်နီၢ် တဖၣ်အံၤအမဲာ်ညါ, ပတပာ်ထီၣ်တၢ်ဝံတၢ်ယိးအဂၤလၢသုလိၤနီတမံၤဘၣ်န့ၣ်လီၤ.

မၤတၢ် 21:21

အဝဲသ့ၣ်ဘၣ်တၢ်စံးဘၣ်တဲဘၣ်အီၤလၢနဂ့ၢ်, လၢနသိၣ်လိတ့ၢ်ပှၤယူဒၤဖိအိၣ်ဖဲထံဂၤကီၢ်ဂၤတဖၣ်ဒ်သိး အကညိကွံာ်စီၤမိၤၡ့အတၢ်သိၣ်တၢ်သီ, ဒီးလၢအသုတကူးတရံးအဖိတဖၣ်ဒီးအသုတမၤထွဲပိာ်ထွဲ ယူဒၤအလုၢ်အလၢ်တဖၣ်, တဂ့ၤအဂီၢ်န့ၣ်လီၤ.

မၤတၢ် 21:25

မ့မ့ၢ်ပှၤကလုာ်ဂၤလၢအကဲထီၣ်ပှၤစူၢ်က့ၤနာ်က့ၤတၢ်တဖၣ်န့ၣ်, ပဆှၢလီၤလံလံာ်ပရၢတဘ့ၣ်ဆူအအိၣ်ဒီးတဲဘၣ်အီၤလၢပအၢၣ်လီၤ စံၣ်ညီၣ်တ့ၢ်ပဝဲလၢတၢ်အီၣ်တမံၤလၢ်လၢ်လၢအဘၣ်တၢ်လုၢ် ထီၣ်အီၤဆူတၢ်ဂီၤတၢ်ဖီၣ်အအိၣ်မ့ၢ်ဂ့ၤ, တၢ်သွံၣ်မ့ၢ်ဂ့ၤ, ဆၣ်ဖိကီၢ်ဖိလၢတၢ်စံၢ်သံအီၤမ့ၢ်ဂ့ၤ, အသုတအီၣ်ဝဲတဂ့ၤ. ဒီးလၢအကဘၣ်ဟးဆှဲးတၢ်မၤကမၣ်မုၣ် ကမၣ်ခွါန့ၣ်လီၤ.

မၤတၢ် 26:20

ယစံၣ်တဲၤတဲလီၤတၢ်အဆိကတၢၢ်လၢဝ့ၢ်ဒၤမ့ၤစ့းအပူၤဒီး လၢဝ့ၢ်ယရူၤၡလ့ၣ်အပူၤ, အန့ၣ်ဝံၤအလီၢ်ခံလၢကီၢ်ယူဒၤဒီဘ့ၣ်ညါဒီးလၢပှၤကလုာ်ဂၤ တဖၣ်အသိးအကျါ, ဒီးသဆၣ်ထီၣ်အဝဲသ့ၣ်အခံဒ်သိးအကပီၢ်ယၢ်လီၤက့ၤအသးလၢ အတၢ်ဒဲးဘးတဖၣ်, ဒီးဃၣ်လိၤက့ၤအသးဆူကစၢ်ယွၤအအိၣ်ဒီးမၤတၢ်သ့ၣ်တဖၣ် လၢအကအုၣ်အသးလၢအဝဲသ့ၣ်ပီၢ်ယၢ်လီၤတ့ၢ်လံအသး အဂ့ၢ်န့ၣ်လီၤ.

ကလၤတံ 2:4

သနာ်က့ပှၤတနီၤအဲၣ်ဒိးဝဲလၢအဝဲဒၣ်ကမၤဝဲန့ၣ်လီၤ. ပှၤသ့ၣ်တဖၣ်အံၤပာ်မၤအသးဒ်အမ့ၢ်ပှၤစူၢ်က့ၤနာ်က့ၤတၢ် သကိးသကိးဒီးပှၤဒီးနုာ်လီၤဆူပကျါဒ်ပှၤကွၢ်ဟုၣ်ကွၢ်စုာ် တၢ်တဖၣ်အသိး, ဒ်သိးအကဃုသ့ၣ်ညါတၢ်သဘျ့လၢ အအိၣ်ဒီးပှၤခီဖျိပတၢ်မ့ၢ်တၢ်တမံၤဃီဒီးယ့ၣ်ၡူးခရံာ် န့ၣ်လီၤ. အဝဲသ့ၣ်အသးအိၣ်လၢပကကဲထီၣ်တၢ်အကုၢ် အပှၤလီၤ.

၁ သ့းစၤလနံ 1:9

ပှၤခဲလၢာ်န့ၣ်စံးကတိၤတၢ်ဘၣ်ဃးသုတၢ်တူၢ်လိာ်မုာ်ပှၤဖဲ ပလဲၤအိၣ်သကိးသုအဆၢကတီၢ်, ဒီးဘၣ်ဃးသုတၢ်ဃၣ်ကွံာ်သုသးလၢတၢ်ဂီၤတၢ်ဖီၣ်ဒီးသုတၢ်ဃၣ် ကဒါက့ၤသုသးဆူကစၢ်ယွၤအအိၣ်, ဒ်သိးသုကမၤကစၢ်ယွၤလၢအတီဒီးမူဝဲတဂၤအတၢ်,