မၤတၢ် 15:13 - Sgaw Karen Common Bible

¹³ ဖဲအဝဲသ့ၣ်ကတိၤတၢ်ဝံၤန့ၣ်, စီၤယၤကိာ်ကတိၤထီၣ်တၢ်ဒီးစံးဝဲ, “ဒီပုၢ်ဝဲၢ်သ့ၣ်ဧၢ, ကနၣ်တၢ်လၢယစံးဘၣ်သုန့ၣ်တက့ၢ်.

မၤတၢ် 15:13 Iomraidhean Croise

လံာ်မၢ်ကူး 15:40

ဖဲန့ၣ်ပှၤပိာ်မုၣ်အိၣ်စ့ၢ်ကီးဝဲတနီၤလၢအဆၢထၢၣ်ကွၢ်စိတၢ် လၢအယံၤလီၤ. လၢအဝဲသ့ၣ်အကျါမ့ၢ်ဝဲပှၤမၤကဒါလၣ်မုၣ်နီၢ်မၤရံ, စီၤယၤကိာ်လၢအသးစၢ်တဂၤဒီးစီၤယိၤစ့ၣ်တဖၣ်အမိၢ်နီၢ်မၤရံ, ဒီးနီၢ်စၤလိၣ်လီၤ.

မၤတၢ် 12:17

အဝဲဒၣ်ဒုးနဲၣ်အစုဒ်သိးအဝဲသ့ၣ်ကအိၣ်ဘှီၣ်, ဒီးတဲနၢ်ပၢၢ်အဝဲသ့ၣ်ဘၣ်ဃးကစၢ်ထုးထီၣ်ကွံာ်တ့ၢ်အီၤ လၢဃိာ်ပူၤဒ်လဲၣ်အဂ့ၢ်န့ၣ်လီၤ. အဝဲဒၣ်စံးဝဲ, “တဲဘၣ်စီၤယၤကိာ်ဒီးပှၤစူၢ်က့ၤနာ်က့ၤတၢ်ဖိအဂၤတဖၣ်လၢ တၢ်တမံၤအံၤအဂ့ၢ်န့ၣ်တက့ၢ်.” ဝံၤဒီးဟးထီၣ်လဲၤဆူတၢ်လီၢ် အဂၤတပူၤလီၤ.

မၤတၢ် 15:14

လၢကစၢ်ယွၤဒုးနဲၣ်ဖျါအတၢ်အံးတၢ်ကွၢ်ပှၤကလုာ်ဂၤတဖၣ် အဆိကတၢၢ်တဘျီခီဖျိအထုးထီၣ်ပှၤတကလုာ်လၢအဝဲသ့ၣ် အသိးအကျါဒ်သိးအကကဲအတၢ်ဒၣ်ဝဲအဂီၢ်အဂ့ၢ်န့ၣ်, စီၤၡံမိၣ်တဲဖျါထီၣ်တ့ၢ်လံဝဲလံ.

မၤတၢ် 2:14

အန့ၣ်ဒီး, စီၤပ့းတရူးလၢအအိၣ်ဖဲန့ၣ်ဒီးပှၤတၢ်မၢဖိအဂၤတဆံတဂၤ န့ၣ်, ဆၢထၢၣ်ဝဲဒီးကတိၤထီၣ်တၢ်လၢအကလုၢ်ဖးဒိၣ်ဒီးစံး, “ဒီပုၢ်ဝဲၢ်ပှၤယူဒၤဖိဒီးပှၤအိၣ်လၢဝ့ၢ်ယရူၤၡလ့ၣ်အပူၤခဲလၢာ်သ့ၣ်ဧၢ, ကနၣ်တက့ၢ်. ပျဲယတဲဘၣ်သုလၢတၢ်မၤအသးအံၤအခီပညီန့ၣ်တက့ၢ်.

မၤတၢ် 2:22

“ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ကနၣ်ယတၢ်ကတိၤတဖၣ်အံၤတက့ၢ်. တၢ်ဒုးနဲၣ်ဖျါထီၣ်န့ၢ်သုဂ့ၤဂ့ၤကလဲာ်လၢပှၤနစၤရ့းဖိယ့ၣ် ၡူးမ့ၢ်ပှၤလၢယွၤအစိကမီၤအိၣ်ဒီးအီၤခီဖျိတၢ်မၤလီၤလး တဖၣ်, ဒီးတၢ်ပနီၣ်လီၤလးတဖၣ်လၢကစၢ်ယွၤမၤဝဲခီဖျိအီၤန့ၣ်လီၤ. သုကစၢ်ဒၣ်သုဝဲသုသ့ၣ်ညါတၢ်တဖၣ်အံၤမ့ၢ်လၢအမၤတ့ၢ်အသး လၢသုသိးသုကျါအဃိလီၤ.

မၤတၢ် 2:29

“ယဒီပုၢ်ဝဲၢ်သ့ၣ်ဧၢ, ယဘၣ်စံးဘၣ်သုလိၤလိၤဘၣ်ဃးပပၢ်ဖးဒိၣ်မံၤဟူသၣ်ဖျါစီၤပၤ ဒၤဝံးအဂ့ၢ်လီၤ. အဝဲဒၣ်သံဝဲဒီးဘၣ်တၢ်ခူၣ်လီၤကွံာ်အီၤ, ဒီးအသွၣ်ခိၣ်န့ၣ်အိၣ်ဒံးဒၣ်ဖဲအံၤတုၤမုၢ်မဆါတနံၤအံၤန့ၣ်လီၤ.

မၤတၢ် 21:18

မုၢ်ဆ့ၣ်ထီၣ်တနံၤန့ၣ်, စီၤပီလူးလဲၤဒီးပှၤဒ်သိးအကအိၣ်သကိး စီၤယၤကိာ်, ဒီးတၢ်အိၣ်ဖှိၣ်အပှၤသူၣ်က့သးပှၢ်တဖၣ်အိၣ်ဝဲဖဲန့ၣ် ကိးဂၤဒဲးလီၤ.

မၤတၢ် 22:1

ဒီပုၢ်ဒီဝဲၢ်, ဒီးပၢ်သ့ၣ်ဧၢ, ဒိကနၣ်ယတၢ်ကတိၤဒီဒၣ်ယသးလၢသုမဲာ်ညါအံၤတက့ၢ်.

မၤတၢ် 7:2

စီၤစတ့းဖၣ်စံးဆၢက့ၤတၢ်ဒီးစံးဝဲ, “ယဒီပုၢ်ဝဲၢ်ခွါတဖၣ်ဒီးယပၢ်သ့ၣ်ဧၢ, ကနၣ်တက့ၢ်. ကစၢ်ယွၤလၢအလၢပှဲၤဒီးတၢ်လၤတၢ်ကပီၤတဂၤန့ၣ်, အိၣ်ဖျါထီၣ်လၢပပၢ်စီၤအၤဘြၤဟၣ်အမဲာ်ညါ, ဖဲအအိၣ်ဝဲလၢကီၢ်မ့းစပတၤမံအပူၤတချုးအလဲၤအိၣ်လဲၤဆိးဝဲ လၢဝ့ၢ်ဃၤရၣ်အပူၤဒံးဘၣ်န့ၣ်လီၤ.

ကလၤတံ 1:19

ယတထံၣ်ပှၤတၢ်မၢဖိအဂၤနီတဂၤဘၣ်. ယထံၣ်ထဲ စီၤယၤကိာ်, လၢအမ့ၢ်ပကစၢ်ယ့ၣ်ၡူးခရံာ်အဒီပုၢ်ဝဲၢ်န့ၣ်လီၤ.

ကလၤတံ 2:12

တချုးလၢပှၤဘၣ်ထွဲဒီးစီၤယၤကိာ်တနီၤဟဲတုၤဒံးဘၣ်န့ၣ်, စီၤပ့းတရူးအီၣ်အီတ့ၢ်တၢ်တပူၤဃီဒီးအဒီပုၢ်ဝဲၢ်ပှၤ ကလုာ်ဂၤတဖၣ်လီၤ. မ့မ့ၢ်ဖဲပှၤသ့ၣ်တဖၣ်အံၤဟဲတုၤဝံၤ အလီၢ်ခံန့ၣ်, အဝဲဒၣ်ထုးဖးကွံာ်အသးဒီးတအီၣ်တၢ်ဒီးပှၤကလုာ်ဂၤတဖၣ် လၢၤဘၣ်. အဂ့ၢ်မ့ၢ်လၢ အဝဲဒၣ်ပျံၤပှၤသ့ၣ်တဖၣ်လၢ အအဲၣ်ဒိးပှၤကလုာ်ဂၤတဖၣ်ဒိးတၢ်ကူးတရံးအဃိ န့ၣ်လီၤ.

ကလၤတံ 2:9

စီၤယၤကိာ်, စီၤပ့းတရူးဒီးစီၤယိၤဟၣ်, လၢအမ့ၢ်ပှၤခိၣ်ပှၤနၢ်တဖၣ်ထံၣ်သ့ၣ်ညါဝဲလၢကစၢ်ယွၤ ဟ့ၣ်တ့ၢ်ယၤတၢ်မၤလီၤဆီအဝဲအံၤန့ၣ်လီၤ. လၢတၢ်န့ၣ် အဃိအဝဲသ့ၣ်ဟံးစုကွၢ်မဲာ်စီၤဘၢ်နါဘၤဒီးယၤဒ်အမ့ၢ် တၢ်ပနီၣ်လၢပဝဲသ့ၣ်ခဲလၢာ်ပမ့ၢ်ပှၤမၤသကိးတၢ်တဖၣ် န့ၣ်လီၤ. ပအၢၣ်လီၤသကိးလၢစီၤဘၢ်နါဘၤဒီးယၤ ပကမၤတၢ်လၢပှၤကလုာ်ဂၤတဖၣ်အကျါဒီးအဝဲသ့ၣ်တခီလၢ ပှၤယူဒၤဖိတဖၣ်အကျါလီၤ.

ယၤကိာ် 1:1

စီၤယၤကိာ်, ကစၢ်ယွၤဒီးကစၢ်ယ့ၣ်ၡူးခရံာ်အခ့အပှၤ, ကတိၤဒိၣ်ဒီးဆၢဂ့ၤဆၢဝါဘၣ်ပှၤတဆံခံဒူၣ်လၢအအိၣ် လၢတၢ်လီၤပြံလီၤပြါအပူၤန့ၣ်လီၤ.

ယၤကိာ် 1:19

ယဒီပုၢ်ဝဲၢ်သးဘိသ့ၣ်ဧၢ, သ့ၣ်နီၣ်ထီၣ်က့ၤတၢ်အံၤတက့ၢ်. ပှၤကိးဂၤဒဲးကဘၣ်ချ့လၢတၢ်နၢ်ဟူတၢ်, ဒီးဃၢဝဲလၢတၢ်ကတိၤဒီးတၢ်သးဒိၣ်ထီၣ်န့ၣ်လီၤ.