မၤတၢ် 15:12 - Sgaw Karen Common Bible

¹² ပှၤဒီဖုညါအိၣ်ဘှ့ၣ်အိၣ်ဘှီၣ်ဒီးဒိကနၣ်စီၤဘၢ်နါဘၤဒီး စီၤပီလူးအတၢ်ကတိၤတဲဖျါတၢ်ပနီၣ်လီၤလးဒီးတၢ်လီၤလး တဖၣ်လၢကစၢ်ယွၤမၤတ့ၢ်ဝဲခီဖျိအဝဲသ့ၣ်လၢပှၤကလုာ်ဂၤတဖၣ် အသိးအကျါန့ၣ်လီၤ.

မၤတၢ် 15:12 Iomraidhean Croise

လံာ်ယိၤဟၣ် 4:48

ယ့ၣ်ၡူးစံးဘၣ်အီၤ, “သုမ့ၢ်တထံၣ်ဘၣ်တၢ်လီၤလိၢ်လီၤလးဒီးတၢ်ပနီၣ်လီၤလး တဖၣ်ဘၣ်န့ၣ်, သုတစူၢ်က့ၤနာ်က့ၤတၢ်နီတဂၤဘၣ်.”

မၤတၢ် 14:27

ဖဲအဝဲသ့ၣ်က့ၤတုၤဖဲဝ့ၢ်အၣ်တံၤအီာ်န့ၣ်, ကိးဖှိၣ်ပှၤတၢ်အိၣ်ဖှိၣ်ဖိတဖၣ်တပူၤဃီဒီးစံးဘၣ်တဲဘၣ် အဝဲသ့ၣ်တၢ်ခဲလၢာ်ဘၣ်ဃးကစၢ်ယွၤအတၢ်မၤဃုာ်တၢ်ဒီးအီၤ, ဒီးဘၣ်ဃးအဝဲအိးဟိထီၣ်ကျဲလၢပှၤကလုာ်ဂၤတဖၣ်ကစူၢ် ကနာ်တၢ်အဂီၢ်ဒ်လဲၣ်န့ၣ်လီၤ.

မၤတၢ် 15:3

အဝဲသ့ၣ်ဘၣ်တၢ်ဆှၢလီၤအီၤလၢတၢ်အိၣ်ဖှိၣ်ဒီးဖဲအဝဲသ့ၣ် လဲၤခီဂာ်ကီၢ်ဖံၤနံက့ၤဒီးကီၢ်ၡၤမရံန့ၣ်, တဲဖျါထီၣ်ဝဲဘၣ်ဃးပှၤကလုာ်ဂၤတဖၣ်စူၢ်က့ၤနာ်က့ၤကစၢ်ယွၤ အဂ့ၢ်, ဒီးတၢ်ကစီၣ်အဝဲအံၤဒုးသးခုပှၤစူၢ်က့ၤနာ်က့ၤတၢ်ကိးဂၤ ဒဲးအဒိၣ်အအါလီၤ.

မၤတၢ် 15:4

ဖဲအဝဲသ့ၣ်လဲၤတုၤလၢဝ့ၢ်ယရူၤၡလ့ၣ်န့ၣ်, ဘၣ်တၢ်တူၢ်လိာ်ခီၣ်ဆၢအီၤလၢတၢ်အိၣ်ဖှိၣ်ဖိ, ပှၤတၢ်မၢဖိ, ဒီးပှၤသူၣ်က့သးပှၢ်တဖၣ်, ဒီးစံးဘၣ်တဲဘၣ်အဝဲသ့ၣ်ဘၣ်ဃးဒီး တၢ်ခဲလၢာ်လၢကစၢ်ယွၤမၤဝဲခီဖျိအဝဲသ့ၣ်န့ၣ်လီၤ.

မၤတၢ် 21:19

စီၤပီလူးကတိၤဆၢဂ့ၤဆၢဝါအဝဲသ့ၣ်ဝံၤဒီး, တဲဖျါထီၣ်ဝဲလၢလၢပှဲၤပှဲၤတၢ်ခဲလၢာ်လၢကစၢ်ယွၤမၤတ့ၢ်ဝဲ လၢပှၤကလုာ်ဂၤတဖၣ်အကျါခီဖျိအဝဲဒၣ်အတၢ်ဖံးတၢ်မၤ န့ၣ်လီၤ.

ရိမ့ၤ 15:18

ယကအိၣ်ဒီးတၢ်သးဒူဒီးကတိၤထဲတၢ်ဂ့ၢ်ဘၣ်ဃးတၢ်လၢခရံာ် မၤတ့ၢ်ဝဲခီဖျိယၤဒ်သိးယကဆှၢပှၤကလုာ်ဂၤတဖၣ်ဆူတၢ်စူၢ် ကစၢ်ယွၤခီဖျိယတၢ်ကတိၤဒီးယတၢ်မၤ,