မၤတၢ် 15:10 - Sgaw Karen Common Bible

¹⁰ မ့မ့ၢ်ဒ်န့ၣ်ဒီး, ဘၣ်မနုၤအဃိသုအဲၣ်ဒိးမၤကွၢ်ကစၢ်ယွၤခီဖျိသုပာ်ထီၣ် တၢ်ဝံတၢ်ယိးလၢပမိၢ်ပၢ်ဖံဖုလၢပျၢၤမ့ၢ်ဂ့ၤ, ပဝဲဒၣ်မ့ၢ်ဂ့ၤ, ပဝံပယိးအီၤတန့ၢ်ဘၣ်န့ၣ်, လၢပှၤစူၢ်က့ၤနာ်က့ၤတၢ်တဖၣ်အံၤ အလိၤန့ၣ်လဲၣ်.

မၤတၢ် 15:10 Iomraidhean Croise

လံာ်တၢ်ဟးထီၣ်ကွံာ် 17:2

ဒီးအဝဲသ့ၣ်ကဒူးကဒ့ၣ်တၢ်လၢစီၤမိၤၡ့အလိၤဒီးစံးဝဲ, “ဟ့ၣ်ပှၤထံလၢပကအီအဂီၢ်တက့ၢ်.” စီၤမိၤၡ့စံးဆၢဝဲ, “ဘၣ်မနုၤလၢသုကဒူးကဒ့ၣ်တၢ်ဒီးလ့ပစီယွၤန့ၣ်လဲၣ်.”

လံာ်ယၡါယၤ 7:12

စီၤပၤအၤဃးစံးဆၢတၢ်ဒီးစံးဝဲ, “ယတဃ့တၢ်ပနီၣ်တမံၤန့ၣ် ဘၣ်. ယတမၤကွၢ်ယွၤလၢတၢ်ဂ့ၢ်အံၤဘၣ်.”

လံာ်မးသဲ 23:4

အဝဲသ့ၣ်စၢထီၣ်တၢ်ဝံဃၢတဖၣ်လၢပှၤဝံအီၤကီလၢပှၤအဖံဘၣ် ခိၣ်ဘၣ်ဆၣ်ဒီး, လၢကစိာ်စၢၤပှၤအတၢ်ဝံတၢ်ယိးတဖၣ်အဂီၢ်တခီ, အစုမုၢ်စုနၢဖိတဘိဒၣ်လဲာ်တသးအိၣ်ယူာ်ဃီၤဝဲဘၣ်.

လံာ်မးသဲ 4:7

ယ့ၣ်ၡူးကတိၤဆၢအီၤ, “တၢ်ကွဲးအသးစံးစ့ၢ်ကီးဝဲ, ‘သုတလ့ပစီယွၤနကစၢ်ယွၤတဂ့ၤ’ ” (သိၣ်သီ. ၆:၁၆).

မၤတၢ် 5:9

အန့ၣ်ဒီးစီၤပ့းတရူးစံးဘၣ်အီၤ, “ဘၣ်မနုၤလၢနၤဒီးနဝၤ, သုပာ်လီၤသုသးလၢသုကမၤကွၢ်ကစၢ်အသးစီဆှံန့ၣ်လဲၣ်. ပှၤတဖၣ်လၢအလဲၤခူၣ်လီၤနဝၤအစိၣ်န့ၣ်ဟဲက့ၤတုၤဖဲတြဲၤအခီၣ် ထံးလံ. ဒီးကစိာ်ထီၣ်ကွံာ်စ့ၢ်ကီးနၤန့ၣ်လီၤ.”

ကလၤတံ 4:9

မ့မ့ၢ်ခဲကနံၣ်အံၤ မ့ၢ်လၢသုသ့ၣ်ညါကစၢ်ယွၤလံ, မ့တမ့ၢ်, ယကြၢးစံး, ကစၢ်ယွၤသ့ၣ်ညါသုလံန့ၣ်, ဘၣ်မနုၤအဃိသုသးအိၣ်ဃၣ်ကဒါက့ၤသုသးဆူသး တဖၣ်လၢအဂံၢ်စၢ်ဘါစၢ်ဒီးဖှီၣ်ဝဲယာ်ဝဲအအိၣ်ဒီးသး အိၣ်ကဲက့ၤကဒီးကုၢ်လၢအဖီလာ်န့ၣ်လဲၣ်.

ကလၤတံ 5:1

တၢ်လၢအအိၣ်ဒီးပှၤန့ၣ်မ့ၢ်တၢ်သဘျ့လီၤ. ခရံာ်ဒုးထူၣ်ဖျဲးထီၣ် ကွံာ်ပှၤလံ. လၢတၢ်န့ၣ်အဃိဒ်ပှၤသဘျ့တဖၣ်အသိး, အိၣ်ဂၢၢ်ဆိးကျၢၤဒီးသုတပျဲပှၤဒုးကဲထီၣ်ကဒီးသုလၢ ကုၢ်တဂ့ၤ.

ဧ့ၤဘြံၤ 3:9

ကစၢ်ယွၤစံးဝဲဒၣ်, အဝဲသ့ၣ်ထံၣ်တ့ၢ်လံတၢ်လၢယမၤတ့ၢ် လၢအနံၣ်လွံၢ်ဆံအတီၢ်ပူၤ နာ်သက့အဝဲသ့ၣ်မၤကွၢ်ဒံးယၤဖဲန့ၣ်လီၤ.

ဧ့ၤဘြံၤ 9:9

အအံၤမ့ၢ်တၢ်အဒိအတဲာ်လၢခ့ခါဆၢကတီၢ်ခဲအံၤအဂီၢ်, ပာ်ဖျါထီၣ်လၢ, တၢ်မၤဘူၣ်ဒီးတၢ်လုၢ်တဖၣ်လၢအဘၣ်တၢ်လုၢ်ထီၣ်ပာ်ထီၣ် အီၤန့ၣ်, မၤလၢထီၣ်ပှဲၤထီၣ်ပှၤဘူၣ်ထီၣ်ဘါထီၣ်ယွၤအသးလၢ အသ့ၣ်ညါတၢ်န့ၣ်တသ့ဘၣ်အဂ့ၢ်လီၤ.