မၤတၢ် 14:9 - Sgaw Karen Common Bible

⁹ အဝဲဆ့ၣ်နီၤဖဲန့ၣ်ဒီးဒိကနၣ်စီၤပီလူးအတၢ်စံးတၢ်ကတိၤ တဖၣ်လီၤ. စီၤပီလူးကွၢ်ထံကွၢ်ဆးအီၤ, ဒီးထံၣ်လၢအဝဲဒၣ်အိၣ်ဒီးတၢ်စူၢ်တၢ်နာ်လၢတၢ်ကမၤဘျါ က့ၤအီၤအဂီၢ်အဃိ,

မၤတၢ် 14:9 Iomraidhean Croise

လံာ်မးသဲ 13:58

ယ့ၣ်ၡူးတမၤတၢ်လီၤလးအါအါဖဲန့ၣ်ဘၣ်, မ့ၢ်လၢအဝဲသ့ၣ်အတၢ်နာ်အီၤတအိၣ်ဘၣ်အဃိလီၤ.

လံာ်မးသဲ 15:28

တုၤနုၤတစု, ယ့ၣ်ၡူးစံးဆၢအီၤ, “ပိာ်မုၣ်ဧၢ, နတၢ်နာ်အသဟီၣ်ဆူၣ်ဒိၣ်မးလီၤ. မ်တၢ်ကမၤအသးလၢနဂီၢ်, ဒ်နဆၢနဲအသိးန့ၣ်တက့ၢ်.” ဒီးအဖိမုၣ်န့ၣ်, ဘျါက့ၤဝဲတကတီၢ်ဃီန့ၣ်လီၤ.

လံာ်မးသဲ 8:10

တုၤယ့ၣ်ၡူးနၢ်ဟူတၢ်အံၤဒီး, ကမၢကမၣ်ဝဲဒီးစံးဘၣ်ပှၤလၢအပိာ်အခံတဖၣ်, “ယတဲသုတၢ်မ့ၢ်တၢ်တီလီၤ. ယတထံၣ်န့ၢ်ပှၤအိၣ်ဒီးတၢ်နာ်ဒ်အံၤအသိးလၢကီၢ်အံၣ်စရ့လး အပူၤနီတဂၤဘၣ်.

လံာ်မးသဲ 9:22

ယ့ၣ်ၡူးဃၣ်တရံးအသးဒီးထံၣ်အီၤဒီးစံး, “ဖိမုၣ်ဧၢ, သးဟးဂီၤတဂ့ၤ. နနာ်တၢ်အဃိနဘျါက့ၤလံ.” တကတီၢ်ဃီဖဲန့ၣ်ပိာ်မုၣ်န့ၣ်အိၣ်ဆူၣ်အိၣ်ချ့ဝဲဒၣ်လီၤ.

လံာ်မၢ်ကူး 10:52

ယ့ၣ်ၡူးစံးဘၣ်အီၤ, “နက့ၤသ့လံ, နတၢ်နာ်မၤဘျါက့ၤနၤ လံ.” တဘျီဃီဖဲန့ၣ်အမဲာ်ထံၣ်ထီၣ်က့ၤတၢ်ဒီး အဝဲဒၣ်ပိာ်ထီၣ်ယ့ၣ်ၡူးအခံလၢအတၢ်လဲၤကျဲန့ၣ်လီၤ.

လံာ်မၢ်ကူး 2:5

တုၤယ့ၣ်ၡူးထံၣ်ဘၣ်အဝဲသ့ၣ်အတၢ်နာ်လၢအအါဝဲန့ၣ်ဒီး, စံးဘၣ်ပှၤသံတခီပၤတဂၤန့ၣ်, “ယဖိခွါဧၢ, နတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤလံ.”

လံာ်မၢ်ကူး 8:25

ယ့ၣ်ၡူးပာ်ထီၣ်ကဒီးအစုလၢပှၤတဂၤန့ၣ်အမဲာ်ချံအလိၤလီၤ. ပှၤတဂၤန့ၣ်ဂုာ်ကျဲးစၢးကွၢ်တၢ်သပှၢ်ပှၢ်ဒီးအမဲာ်ကပီၤထီၣ်က့ၤ ဒီးထံၣ်ထီၣ်က့ၤတၢ်ကိးမံၤဒဲးဂ့ၤဂ့ၤဘၣ်ဘၣ်လီၤ.

မၤတၢ် 10:4

အဝဲဒၣ်ကွၢ်ထံကလူးလၢတၢ်ပျံၤတၢ်ဖုးအပူၤဒီးစံးဝဲ, “ကစၢ်ဧၢ, မ့ၢ်မနုၤလဲၣ်.” ကလူးစံးဆၢတၢ်ဒီးစံးဝဲ, “ကစၢ်ယွၤတူၢ်လိာ်လံနတၢ်ထုကဖၣ်ဒီးနတၢ်ဟ့ၣ်သးကညီၤ တၢ်တဖၣ်, ဒီးကစံးဆၢက့ၤနၤလီၤ.

မၤတၢ် 3:4

အဝဲသ့ၣ်ကွၢ်စူၣ်အီၤဒီးစီၤပ့းတရူးစံးဘၣ်အီၤ, “ကွၢ်ထီၣ်တၢ်ဆူပအိၣ်တက့ၢ်.”