မၤတၢ် 14:7 - Sgaw Karen Common Bible

⁷ ဒီးဖဲတၢ်လီၢ်တဖၣ်န့ၣ်, အဝဲသ့ၣ်စံၣ်တဲၤတဲလီၤတၢ်သးခုအကစီၣ်န့ၣ်လီၤ.

မၤတၢ် 14:7 Iomraidhean Croise

မၤတၢ် 11:19

ပှၤစူၢ်က့ၤနာ်က့ၤတၢ်တနီၤလီၤမုၢ်ပြံပြါဝဲဒၣ်, မ့ၢ်လၢတၢ်မၤအၢမၤနးအိၣ်ထီၣ်ဖဲစီၤစတ့းဖၣ်ဘၣ်တၢ်မၤသံအီၤ အဆၢကတီၢ်အဃိန့ၣ်လီၤ. အဝဲသ့ၣ်တနီၤလဲၤဝဲတုၤလၢတၢ်ပၢၤခိၣ်ဖံၤနံက့ၤဒီးကီးကူပြူးဒီး ဝ့ၢ်အၣ်တံၤအီာ်ဒီးစံးဘၣ်တဲဘၣ်တၢ်ကစီၣ်ထဲလၢပှၤယူဒၤ ဖိတကလုာ်ဧိၤလီၤ.

မၤတၢ် 14:15

“ဘၣ်မနုၤအဃိသုမၤတၢ်အံၤလဲၣ်. ပမ့ၢ်ဒၣ်ပှၤကညီဒ်သုဝဲအသိးလီၤ. ပဟဲပဝဲဖဲအံၤဒ်သိးပကဘိးဘၣ်သ့ၣ်ညါသုလၢတၢ်သးခုအကစီၣ်, ဒ်သိးသုကဃၣ်ကွံာ်သုသးလၢတၢ်တဂိာ်တသီၣ်တဖၣ်အံၤ, ဒီးဃၣ်ဃီၤသုသးဆူကစၢ်လၢအမူဝဲတဂၤန့ၣ်အအိၣ်, ကစၢ်လၢ အတ့လီၤမူခိၣ်, ဟီၣ်ခိၣ်, ပီၣ်လဲၣ်ပီၣ်တြီၤ, ဒီးတၢ်အိၣ်လၢအပူၤခဲလၢာ်ခဲဆ့န့ၣ်လီၤ.

မၤတၢ် 14:21

စီၤပီလူးဒီးစီၤဘၢ်နါဘၤစံၣ်တဲၤတဲလီၤတၢ်သးခုအကစီၣ် ဖဲဝ့ၢ်ဒ့ၢ်ဘ့ၤဒီးဒုးကဲထီၣ်ပှၤအါဒံအါဂၤလၢအပျဲၢ်အဘီၣ်န့ၣ်လီၤ. အန့ၣ်ဝံၤအလီၢ်ခံအဝဲသ့ၣ်က့ၤကဒါက့ၤဆူဝ့ၢ်လူစတြၤ, ဒီးဆူဝ့ၢ်အံၤကနံၤဒီးဆူဝ့ၢ်အၣ်တံၤအီာ်ဘၣ်ဃးဒီးကီၢ်ပံၤစံၤဒံန့ၣ်လီၤ.

မၤတၢ် 16:10

စီၤပီလူးဒိးန့ၢ်တၢ်ထံၣ်လၢညါခီဝံၤအလီၢ်ခံတဘျီဃီ, ပအိၣ်ကတဲာ်ကတီၤပသးလၢပကဟးထီၣ်ဒီးလဲၤဆူကီၢ်မၤက့းဒနံ, အဂ့ၢ်မ့ၢ်လၢပနာ်လၢယွၤကိးပှၤဒ်သိးပကစံၣ်တဲၤတဲလီၤတၢ်သးခု အကစီၣ်ဆူပှၤထံဖိကီၢ်ဖိဖဲန့ၣ်တဖၣ်အအိၣ်အဃိန့ၣ်လီၤ.

မၤတၢ် 17:2

ဒ်အဝဲဒၣ်အလုၢ်အလၢ်အိၣ်ဝဲအသိး, စီၤပီလူးလဲၤဆူဘူၣ်ဘျီၣ်လၢအမ့ၢ်တၢ်ဘါအလီၢ်ဒီးဖဲန့ၣ်, လၢပှၤယူဒၤဖိအမုၢ်အိၣ်ဘှံးနံၤသၢဘျီအတီၢ်ပူၤ, အဝဲဒၣ်ဂ့ၢ်လိာ်ဘှီလိာ်တၢ်ဒီးပှၤကမျၢၢ်တဖၣ်အိၣ်ဒီးတၢ်ယၢၤ ထီၣ်ဒီး

မၤတၢ် 8:4

ပှၤစူၢ်က့ၤနာ်က့ၤတၢ်လၢအလီၤပြံလီၤပြါတဖၣ်လဲၤဝဲသကုၤ ဆးဒးဒီးစံၣ်တဲၤတဲလီၤတၢ်သးခုအကစီၣ်န့ၣ်လီၤ.

၁ သ့းစၤလနံ 2:2

သုသ့ၣ်ညါလၢတချုးပဟဲဒံးဘၣ်ဆူသုအိၣ်န့ၣ်ပဘၣ်တၢ်မၤနးမၤ ဖှီၣ်ဒီးကတိၤတရီတပါပှၤဖဲဝ့ၢ်ဖံလံးပံၤဒ်လဲၣ်န့ၣ်လီၤ. ဒီးတၢ်ထီဒါအိၣ်ဝဲအဒိၣ်အမုၢ်သနာ်က့, ပကစၢ်ယွၤဟ့ၣ်ပှၤတၢ်သးဒူဒ်သိးပကတဲဘၣ်သုတၢ်ကစီၣ် အမုာ်လၢအဟဲလၢအဝဲဒၣ်အအိၣ်န့ၣ်လီၤ.

၂ တံၤမသ့း 4:2

လၢနကစံၣ်တဲၤတဲလီၤတၢ်သးခုကစီၣ်ဒီးဂုာ်လိာ်တဲဖျါထီၣ်အီၤ (တၢ်ဆၢကတီၢ်ဘၣ်မ့ၢ်ဂ့ၤ, တဘၣ်မ့ၢ်ဂ့ၤ) ဒီးဒုးနာ်ပှၤ, သိၣ်ဃီၣ်ဒီးဟ့ၣ်ဂံၢ်ဟ့ၣ်ဘါပှၤ, အိၣ်ဒီးတၢ်သးစူၤဖဲနသိၣ်လိတၢ်အခါန့ၣ်လီၤ.