မၤတၢ် 14:26 - Sgaw Karen Common Bible

²⁶ ဒီးဖဲန့ၣ်အဝဲသ့ၣ်ဒိးထီၣ်ကဘီဒီးက့ၤကဒါက့ၤဆူဝ့ၢ်အၣ်တံၤအီာ်ဘၣ် ဃးဒီးကီၢ်စူၤရံ, လၢအမ့ၢ်တၢ်လီၢ်ဖဲအဝဲသ့ၣ်ဘၣ်တၢ်အးလီၤအီၤဆူကစၢ်ယွၤ အဘျုးအဖှိၣ်အတၢ်အံးတၢ်ကွၢ်အပူၤဒ်သိးဒီး အကမၤတၢ်မၤလၢအခဲအံၤအဝဲသ့ၣ်မၤဝံၤလံဝဲတမံၤအဂီၢ်န့ၣ်လီၤ.

မၤတၢ် 14:26 Iomraidhean Croise

မၤတၢ် 11:19

ပှၤစူၢ်က့ၤနာ်က့ၤတၢ်တနီၤလီၤမုၢ်ပြံပြါဝဲဒၣ်, မ့ၢ်လၢတၢ်မၤအၢမၤနးအိၣ်ထီၣ်ဖဲစီၤစတ့းဖၣ်ဘၣ်တၢ်မၤသံအီၤ အဆၢကတီၢ်အဃိန့ၣ်လီၤ. အဝဲသ့ၣ်တနီၤလဲၤဝဲတုၤလၢတၢ်ပၢၤခိၣ်ဖံၤနံက့ၤဒီးကီးကူပြူးဒီး ဝ့ၢ်အၣ်တံၤအီာ်ဒီးစံးဘၣ်တဲဘၣ်တၢ်ကစီၣ်ထဲလၢပှၤယူဒၤ ဖိတကလုာ်ဧိၤလီၤ.

မၤတၢ် 11:20

မ့မ့ၢ်ပှၤစူၢ်က့ၤနာ်က့ၤတၢ်အဂၤတနီၤလၢကီးကူပြူးဒီးကီၢ်ကူၤရ့ၤန့ တဖၣ်, လဲၤဝဲတုၤလၢဝ့ၢ်အၣ်တံၤအီာ်ဒီးစံၣ်တဲၤတဲလီၤတၢ်ကစီၣ်လၢ ပှၤကလုာ်ဂၤတဖၣ်စ့ၢ်ကီး, ဒီးစံးဘၣ်တဲဘၣ်အဝဲသ့ၣ်တၢ်သးခုအကစီၣ်ဘၣ်ဃးကစၢ်ယ့ၣ်ၡူး အဂ့ၢ်န့ၣ်လီၤ.

မၤတၢ် 11:23

ဖဲအဝဲဒၣ်လဲၤတုၤဒီးထံၣ်ကစၢ်ယွၤအတၢ်ဆိၣ်ဂ့ၤဘၣ်ပှၤတဖၣ်အံၤန့ၣ်, အဝဲသူၣ်ခုသးခုဒီးသဆၣ်ထီၣ်အဝဲသ့ၣ်ခဲလၢာ်အခံဒ်သိးအသး ကတီဒီးကစၢ်လၢအသးဒီဖျၢၣ်ညါန့ၣ်လီၤ.

မၤတၢ် 11:26

တုၤအထံၣ်န့ၢ်အီၤဒီးဟဲက့ၤကိးအီၤဆူဝ့ၢ်အၣ်တံၤအီာ်န့ၣ်လီၤ. လၢဒီနံၣ်ညါအတီၢ်ပူၤန့ၣ်, အဝဲသ့ၣ်ခံဂၤအံၤထံၣ်လိာ်အိၣ်သကိးဒီးတၢ်အိၣ်ဖှိၣ်ဖဲန့ၣ် ဒီးသိၣ်က့ၤသီက့ၤပှၤဂီၢ်မုၢ်လီၤ. အပျဲၢ်အဘီၣ်တဖၣ်ဘၣ်တၢ်ကိး အီၤလၢပှၤခရံာ်ဖိအဆိကတၢၢ်မ့ၢ်ဝဲဒၣ်ဖဲဝ့ၢ်အၣ်တံၤအီာ်အံၤန့ၣ်လီၤ.

မၤတၢ် 11:27

အကတီၢ်ဖဲန့ၣ်, ဝံတနီၤဟးထီၣ်လၢဝ့ၢ်ယရူၤၡလ့ၣ်ဒီးလဲၤဆူဝ့ၢ်အၣ် တံၤအီာ်န့ၣ်လီၤ.

မၤတၢ် 14:19

ပှၤယူဒၤဖိတနီၤဟဲလၢဝ့ၢ်အၣ်တံၤအီာ်ဘၣ်ဃးဒီးကီၢ်ပံၤစံၤဒံဒီး လၢဝ့ၢ်အံၤကနံၤလီၤ. အဝဲသ့ၣ်ထုးန့ၢ်ပှၤဂီၢ်မုၢ်အသးဒ်သိးအကစူၢ်ကနာ်တၢ်လၢ အဝဲသ့ၣ်စံးဝဲ, ဒီးကွံာ်စီၤပီလူးလၢလၢၢ်ဝံၤ, ဖဲအဆိကမိၣ်လၢအဝဲဒၣ်သံလံန့ၣ်, တွံၢ်ထုးထီၣ်ကွံာ်အီၤဆူဝ့ၢ်အချၢန့ၣ်လီၤ.

မၤတၢ် 14:21

စီၤပီလူးဒီးစီၤဘၢ်နါဘၤစံၣ်တဲၤတဲလီၤတၢ်သးခုအကစီၣ် ဖဲဝ့ၢ်ဒ့ၢ်ဘ့ၤဒီးဒုးကဲထီၣ်ပှၤအါဒံအါဂၤလၢအပျဲၢ်အဘီၣ်န့ၣ်လီၤ. အန့ၣ်ဝံၤအလီၢ်ခံအဝဲသ့ၣ်က့ၤကဒါက့ၤဆူဝ့ၢ်လူစတြၤ, ဒီးဆူဝ့ၢ်အံၤကနံၤဒီးဆူဝ့ၢ်အၣ်တံၤအီာ်ဘၣ်ဃးဒီးကီၢ်ပံၤစံၤဒံန့ၣ်လီၤ.

မၤတၢ် 14:23

လၢတၢ်အိၣ်ဖှိၣ်တဖုဘၣ်တဖုအပူၤန့ၣ်, အဝဲသ့ၣ်ဃုထၢထီၣ်သူၣ်က့သးပှၢ်တဖၣ်, ဒီးလၢတၢ်ထုကဖၣ်ဒီးတၢ်ဒုၣ်တၢ်အီၣ်အပူၤ, အဝဲသ့ၣ်ဟ့ၣ်လီၤအးလီၤပှၤတဖၣ်န့ၣ်ဆူကစၢ်လၢအဝဲသ့ၣ်သူၣ်လီၤ အတၢ်စူၢ်တၢ်နာ်လၢအပူၤတဂၤအစုပူၤန့ၣ်လီၤ.

မၤတၢ် 15:22

တုၤနုၤတစု, ပှၤတၢ်မၢဖိဒီးတၢ်အိၣ်ဖှိၣ်အပှၤသူၣ်က့သးပှၢ်တဖၣ်, ဃုာ်ဒီးတၢ်အိၣ်ဖှိၣ်ဒီဖုညါ, ပာ်လီၤအသးလၢအကဃုထၢထီၣ်ပှၤတနီၤလၢအဝဲသ့ၣ်အသိးအကျါ ဒီးမၢလီၤအီၤဆူဝ့ၢ်အၣ်တံၤအီာ်တပူၤဃီဒီးစီၤပီလူးဒီးစီၤဘၢ်နါ ဘၤလီၤ. အဝဲသ့ၣ်ဃုထၢထီၣ်ပှၤခံဂၤလၢအဘၣ်တၢ်ပာ်ဒိၣ်ပာ်ကဲ အီၤလၢပှၤစူၢ်က့ၤနာ်က့ၤတၢ်ဖိတဖၣ်, စီၤစံလၤဒီးစီၤယူဒၤလၢအဘၣ်တၢ်ကိးစ့ၢ်ကီးအီၤလၢစီၤဘၢ်စဘါ န့ၣ်လီၤ.

မၤတၢ် 15:30

ပှၤစိာ်တၢ်ကစီၣ်တဖၣ်အံၤဘၣ်တၢ်မၢလီၤအီၤ, ဒီးအဝဲသ့ၣ်လဲၤဆူဝ့ၢ်အၣ်တံၤအီာ်, ဖဲအဝဲသ့ၣ်ကိးဖှိၣ်ပှၤစူၢ်က့ၤနာ်က့ၤတၢ်ခဲလၢာ်ဒီးဟ့ၣ်လီၤ အဝဲသ့ၣ်လံာ်ပရၢန့ၣ်လီၤ.

မၤတၢ် 15:40

မ့မ့ၢ်စီၤပီလူးဃုထၢစီၤစံလၤဒီးဟးထီၣ်ကွံာ်ဝဲဖဲန့ၣ်အိၣ်ဒီး ပှၤစူၢ်က့ၤနာ်က့ၤတၢ်တဖၣ်အတၢ်အးလီၤအဝဲသ့ၣ်ဆူကစၢ် အဘျုးအဖှိၣ်အတၢ်အံးက့ၤကွၢ်က့ၤအပူၤန့ၣ်လီၤ.

မၤတၢ် 20:32

ဒီးခဲကနံၣ်အံၤ, ယဟ့ၣ်လီၤသုဆူကစၢ်ယွၤအတၢ်အံးတၢ်ကွၢ်ဒီးတၢ်ကစီၣ်ဘၣ်ဃး အဝဲဒၣ်အဘျုးအဖှိၣ်အပူၤ, လၢအမၤထီၣ်မၤထီသုသ့ဝဲဒီးဟ့ၣ်သုတၢ်ဆိၣ်ဂ့ၤဆိၣ်ဝါလၢ အကတဲာ်ကတီၤပာ်ဝဲလၢအပှၤဂီၢ်မုၢ်ခဲလၢာ်အဂီၢ်န့ၣ်လီၤ.

ရိမ့ၤ 15:19

ခီဖျိတၢ်ပနီၣ်လီၤလးတဖၣ်ဒီးတၢ်လီၤလးတဖၣ်, ဒီးခီဖျိယွၤအသးစီဆှံအစိအကမီၤန့ၣ်လီၤ. ဒီးလၢတၢ်န့ၣ်အဃိ, လၢယတၢ်လဲၤကျဲဒီဘိညါစးထီၣ်လၢဝ့ၢ်ယရူၤၡလ့ၣ်ဒီးတုၤလၢ ဝ့ၢ်အံးလူၤရံကူးန့ၣ်, ယစံၣ်တဲၤတဲလီၤတၢ်သးခုကစီၣ်ဘၣ်ဃးဒီးခရံာ်လၢလၢပှဲၤပှဲၤန့ၣ်လီၤ.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

ကလၤတံ 2:11

ဘၣ်ဆၣ်ဒီးဖဲစီၤပ့းတရူးဟဲတုၤဖဲဝ့ၢ်အၣ်တံၤအီာ်န့ၣ်, ယကတိၤထီဒါအီၤလၢကမျၢၢ်အမဲာ်ညါမ့ၢ်လၢအဝဲအတၢ် ကမၣ်အိၣ်အဃိန့ၣ်လီၤ.

ကလီးစဲ 1:25

ကစၢ်ယွၤဒုးကဲထီၣ်ယၤလၢတၢ်အိၣ်ဖှိၣ်အခ့အပှၤလၢယကမၤ တၢ်ဂ့ၤလၢသုဂီၢ်, ဒ်သိးယကစံၣ်တဲၤတဲလီၤကစၢ်ယွၤအတၢ်ကစီၣ်လၢလၢ ပှဲၤပှဲၤန့ၣ်လီၤ.

ကလီးစဲ 1:28

ပစံၣ်တဲၤတဲလီၤခရံာ်ဒီးတဲပလီၢ်ပှၤကိးဂၤဒီးသိၣ်လိသီ လိပှၤကိးကလုာ်ဒဲးလၢတၢ်ကူၣ်သ့ခဲလၢာ်အပူၤ, ဒ်သိးပကဆှၢက့ၤပှၤတဂၤစုာ်စုာ်ဒ်ပှၤဒိၣ်တုာ်ခိၣ်ပှဲၤလၢခရံာ် အပူၤအသိးဆူကစၢ်ယွၤအအိၣ်အဂီၢ်န့ၣ်လီၤ.

ကလီးစဲ 4:17

ဒီးတဲဘၣ်စီၤအၢ်ဃံးပူးလၢအကပာ်လီၤအသးသပှၢ်ကတၢၢ်လၢ အကမၤတၢ်မၤလၢအဒိးန့ၢ်ဝဲလၢကစၢ်အအိၣ်န့ၣ်တုၤအဝံၤ, ဒီးလၢထီၣ်ပှဲၤထီၣ်တစုတက့ၢ်.

၂ တံၤမသ့း 4:2

လၢနကစံၣ်တဲၤတဲလီၤတၢ်သးခုကစီၣ်ဒီးဂုာ်လိာ်တဲဖျါထီၣ်အီၤ (တၢ်ဆၢကတီၢ်ဘၣ်မ့ၢ်ဂ့ၤ, တဘၣ်မ့ၢ်ဂ့ၤ) ဒီးဒုးနာ်ပှၤ, သိၣ်ဃီၣ်ဒီးဟ့ၣ်ဂံၢ်ဟ့ၣ်ဘါပှၤ, အိၣ်ဒီးတၢ်သးစူၤဖဲနသိၣ်လိတၢ်အခါန့ၣ်လီၤ.