မၤတၢ် 14:2 - Sgaw Karen Common Bible

² ဘၣ်ဆၣ်ဒီးပှၤယူဒၤဖိလၢအတစူၢ်တနာ်တၢ်တဖၣ်ထိၣ်ဂဲၤထီၣ် ပှၤကလုာ်ဂၤတဖၣ်အသးထီဒါစီၤပီလူးဒီးစီၤဘၢ်နါဘၤန့ၣ်လီၤ.

မၤတၢ် 14:2 Iomraidhean Croise

လံာ်ယိၤဟၣ် 3:36

ပှၤလၢအစူၢ်က့ၤနာ်က့ၤဖိခွါန့ၣ်အိၣ်ဒီးတၢ်မူအထူအယိာ် လီၤ. မ့မ့ၢ်ပှၤလၢတဒိကနၣ်ဒီးတစူၢ်တနာ်ဘၣ်ဖိခွါန့ၣ်, တအိၣ်ဒီးတၢ်မူန့ၣ်ဘၣ်. ဒီးကအိၣ်ဒၣ်လၢကစၢ်ယွၤအတၢ် စံၣ်ညီၣ်အဖီလာ်တထံၣ်ဃီန့ၣ်လီၤ.”

မၤတၢ် 1:15

လၢခံစှၤသီန့ၣ်စီၤပ့းတရူးဂဲၤဆၢထၢၣ်ကတိၤတၢ်လၢပှၤ စူၢ်က့ၤနာ်က့ၤယ့ၣ်ၡူးတဖၣ်အမဲာ်ညါ, ပှၤခဲလၢာ်လၢအပာ်ဖှိၣ်ထီၣ်အသးကအိၣ်အဂၤတကယၤခံဆံ, ဒီးစံးဝဲ,

မၤတၢ် 13:45

ဖဲပှၤယူဒၤဖိတဖၣ်ထံၣ်ဘၣ်ပှၤဂီၢ်မုၢ်တဖၣ်န့ၣ်, အဝဲသ့ၣ်ပှဲၤဒီးတၢ်သူၣ်က့ၣ်သးကါ, ဒီးကတိၤထီဒါတၢ်လၢစီၤပီလူးစံးကတိၤဝဲဒီးကတိၤဒုၣ် ဒွဲၣ်အီၤန့ၣ်လီၤ.

မၤတၢ် 13:50

ဘၣ်ဆၣ်ဒီးပှၤယူဒၤဖိတဖၣ်ထိၣ်ဂဲၤထီၣ်ခိၣ်နၢ်သူၣ်က့သးပှၢ်လၢဝ့ၢ်န့ၣ် အပူၤ, ဒီးကလုာ်ဂၤတူၢ်ဒိၣ်ကီၤဒိၣ်မုၣ်လၢအအဲၣ်ထူအဲၣ်ယွၤတဖၣ်လီၤ. အဝဲသ့ၣ်ဒုးအိၣ်ထီၣ်တၢ်မၤအၢမၤနးစီၤပီလူးဒီးစီၤဘၢ်နါဘၤ, ဒီးဟီထီၣ်ကွံာ်အီၤလၢအဝဲသ့ၣ်အကီၢ်ပူၤန့ၣ်လီၤ.

မၤတၢ် 14:19

ပှၤယူဒၤဖိတနီၤဟဲလၢဝ့ၢ်အၣ်တံၤအီာ်ဘၣ်ဃးဒီးကီၢ်ပံၤစံၤဒံဒီး လၢဝ့ၢ်အံၤကနံၤလီၤ. အဝဲသ့ၣ်ထုးန့ၢ်ပှၤဂီၢ်မုၢ်အသးဒ်သိးအကစူၢ်ကနာ်တၢ်လၢ အဝဲသ့ၣ်စံးဝဲ, ဒီးကွံာ်စီၤပီလူးလၢလၢၢ်ဝံၤ, ဖဲအဆိကမိၣ်လၢအဝဲဒၣ်သံလံန့ၣ်, တွံၢ်ထုးထီၣ်ကွံာ်အီၤဆူဝ့ၢ်အချၢန့ၣ်လီၤ.

မၤတၢ် 14:4

ပှၤဂီၢ်မုၢ်လၢဝ့ၢ်ပူၤတဖၣ်လီၤဖးခံဖု, တဖုအိၣ်ပှိၤပှၤယူဒၤဖိတဖၣ်, ဒီးအဂၤတဖုအိၣ်ပှိၤပှၤတၢ်မၢဖိတဖၣ်န့ၣ်လီၤ.

မၤတၢ် 14:5

တုၤနုၤတစုပှၤကလုာ်ဂၤတနီၤဒီးပှၤယူဒၤဖိတဖၣ်, ဃုာ်ဒီးအပှၤခိၣ်ပှၤနၢ်တဖၣ်စံၣ်ညီၣ်အၢၣ်လီၤသကိးဝဲလၢ အကမၤအၢမၤသီပှၤတၢ်မၢဖိတဖၣ်ဒီးကကွံာ်အီၤလၢလၢၢ်န့ၣ်လီၤ.

မၤတၢ် 17:13

ဘၣ်ဆၣ်ဒီးဖဲပှၤယူဒၤဖိလၢဝ့ၢ်သ့းစၤလနံတဖၣ်နၢ်ဟူ ဘၣ်ဝဲလၢစီၤပီလူးစံၣ်တဲၤတဲလီၤတ့ၢ်စ့ၢ်ကီးကစၢ်ယွၤ အကလုၢ်အကထါဖဲဝ့ၢ်ဘ့းရံၤန့ၣ်, အဝဲသ့ၣ်ဟဲဖဲန့ၣ်ဒီးထိၣ်ဂဲၤထီၣ်ဒီးမၤတၢထီၣ်တၢလီၤပှၤ ဂီၢ်မုၢ်တဖၣ်လီၤ.

မၤတၢ် 17:5

ဘၣ်ဆၣ်ဒီးပှၤယူဒၤဖိသ့ၣ်တဖၣ်အသးက့ၣ်ဒီးပာ်ဖှိၣ်ထီၣ် ပှၤအၢပှၤသီလၢကျဲမုၢ်ခိၣ်တနီၤ, ဒီးဒုးအိၣ်ထီၣ်ပှၤဂီၢ်မုၢ်တဖုလၢအမၤတၢထီၣ်တၢလီၤဝ့ၢ်ဒီ ဖျၢၣ်ညါဒီးလဲၤနုာ်ဆူၣ်ဆူစီၤယါစီၣ်အဟံၣ်ပူၤ, ဒ်သိးအကထံၣ်န့ၢ်စီၤပီလူးဒီးစီၤစံလၤဒီးကဟဲစိာ်ထီၣ်အီၤ ဆူပှၤဂီၢ်မုၢ်အအိၣ်အဂီၢ်န့ၣ်လီၤ.

မၤတၢ် 18:12

ဖဲစီၤကးလံၤအိၣ် ဘၣ်တၢ်ဒုးကဲထီၣ်အီၤလၢရိမ့ၤအပဒိၣ် ဖးဒိၣ်လၢအပၢကီၢ်အဃါယၤန့ၣ်, ပှၤယူဒၤဖိတဖၣ်ပာ်ဖှိၣ်ထီၣ် အသး, ဖီၣ်စီၤပီလူးဒီးဆှၢအီၤဆူကွီၢ်ဘျီၣ်လီၤ.

၁ သ့းစၤလနံ 2:14

ပဒီပုၢ်ဝဲၢ်သ့ၣ်ဧၢ, တၢ်လၢအမၤအသးဒီးသုတဖၣ်န့ၣ်မ့ၢ်တၢ်တမံၤဃီလၢအမၤတ့ၢ် အသးဒီးကစၢ်ယွၤအတၢ်အိၣ်ဖှိၣ်လၢကီၢ်ယူဒၤအပူၤ, ပှၤတဖၣ်လၢအဘၣ်ဃးဒီးယ့ၣ်ၡူးခရံာ်န့ၣ်လီၤ. သုတူၢ်ဘၣ်တၢ်တမံၤဃီလၢသုပှၤကလုာ်တဖၣ်အစုပူၤ, ဒ်အဝဲသ့ၣ်တူၢ်ဘၣ်တၢ်လၢပှၤယူဒၤဖိအစုပူၤအသိး န့ၣ်လီၤ.