မၤတၢ် 14:19 - Sgaw Karen Common Bible

¹⁹ ပှၤယူဒၤဖိတနီၤဟဲလၢဝ့ၢ်အၣ်တံၤအီာ်ဘၣ်ဃးဒီးကီၢ်ပံၤစံၤဒံဒီး လၢဝ့ၢ်အံၤကနံၤလီၤ. အဝဲသ့ၣ်ထုးန့ၢ်ပှၤဂီၢ်မုၢ်အသးဒ်သိးအကစူၢ်ကနာ်တၢ်လၢ အဝဲသ့ၣ်စံးဝဲ, ဒီးကွံာ်စီၤပီလူးလၢလၢၢ်ဝံၤ, ဖဲအဆိကမိၣ်လၢအဝဲဒၣ်သံလံန့ၣ်, တွံၢ်ထုးထီၣ်ကွံာ်အီၤဆူဝ့ၢ်အချၢန့ၣ်လီၤ.

မၤတၢ် 14:19 Iomraidhean Croise

လံာ်ယံးရမံယၤ 22:19

အဝဲကအိၣ်ဒီးတၢ်ခူၣ်လီၤအီၤအလၤကပီၤထဲသိးဒၣ်ကသ့ၣ်ယီၤ တဒုန့ၣ်လီၤ. အဝဲကဘၣ်တၢ်တွံၢ်ထုးထီၣ်အီၤ ဒီးကွံာ်ကွံာ်အီၤလၢဝ့ၢ်ယရူၤၡလ့ၣ်အတြဲၤတဖၣ်အချၢန့ၣ်လီၤ.”

မၤတၢ် 13:14

အဝဲသ့ၣ်ဟးထီၣ်လၢဝ့ၢ်ပ့ၢ်က့ၤဒီးလဲၤတုၤလၢဝ့ၢ်အၣ် တံၤအီာ်ဘၣ်ဃးဒီးကီၢ်ပံၤစံၤဒံ, ဒီးဖဲမုၢ်အိၣ်ဘှံးအနံၤန့ၣ်, လဲၤနုာ်လီၤလၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤဒီးဆ့ၣ်နီၤ ဝဲလီၤ.

မၤတၢ် 13:45

ဖဲပှၤယူဒၤဖိတဖၣ်ထံၣ်ဘၣ်ပှၤဂီၢ်မုၢ်တဖၣ်န့ၣ်, အဝဲသ့ၣ်ပှဲၤဒီးတၢ်သူၣ်က့ၣ်သးကါ, ဒီးကတိၤထီဒါတၢ်လၢစီၤပီလူးစံးကတိၤဝဲဒီးကတိၤဒုၣ် ဒွဲၣ်အီၤန့ၣ်လီၤ.

မၤတၢ် 14:1

ဖဲဝ့ၢ်အံၤကနံၤန့ၣ်, အဝဲသ့ၣ်လဲၤဆူပှၤယူဒၤဖိအဘူၣ်ဘျီၣ်လၢ အမ့ၢ်တၢ်ဘါလီၢ်ဒ်အမၤတ့ၢ်ဝဲလၢဝ့ၢ်အၣ်တံၤအီာ်အသိးန့ၣ်လီၤ. အဝဲသ့ၣ်ကတိၤတၢ်တုၤလီၤတီၤလီၤတုၤဒၣ်လဲာ်, ပှၤယူဒၤဖိဒီးပှၤကြံးခ်ဖိအါဒံအါဂၤစူၢ်က့ၤနာ်က့ၤတၢ်န့ၣ်လီၤ.

မၤတၢ် 14:18

ပှၤတၢ်မၢဖိတဖၣ်စံးကတိၤတၢ်ထဲအံၤဒၣ်လဲာ်န့ၣ်, တြီပှၤဂီၢ်မုၢ်ဒ်သိးအသုတလုၢ်ထီၣ်ပာ်ထီၣ်တၢ်ဆူအဝဲသ့ၣ် အအိၣ်တန့ၢ်ညီညီဘၣ်.

မၤတၢ် 14:2

ဘၣ်ဆၣ်ဒီးပှၤယူဒၤဖိလၢအတစူၢ်တနာ်တၢ်တဖၣ်ထိၣ်ဂဲၤထီၣ် ပှၤကလုာ်ဂၤတဖၣ်အသးထီဒါစီၤပီလူးဒီးစီၤဘၢ်နါဘၤန့ၣ်လီၤ.

မၤတၢ် 14:21

စီၤပီလူးဒီးစီၤဘၢ်နါဘၤစံၣ်တဲၤတဲလီၤတၢ်သးခုအကစီၣ် ဖဲဝ့ၢ်ဒ့ၢ်ဘ့ၤဒီးဒုးကဲထီၣ်ပှၤအါဒံအါဂၤလၢအပျဲၢ်အဘီၣ်န့ၣ်လီၤ. အန့ၣ်ဝံၤအလီၢ်ခံအဝဲသ့ၣ်က့ၤကဒါက့ၤဆူဝ့ၢ်လူစတြၤ, ဒီးဆူဝ့ၢ်အံၤကနံၤဒီးဆူဝ့ၢ်အၣ်တံၤအီာ်ဘၣ်ဃးဒီးကီၢ်ပံၤစံၤဒံန့ၣ်လီၤ.

မၤတၢ် 14:26

ဒီးဖဲန့ၣ်အဝဲသ့ၣ်ဒိးထီၣ်ကဘီဒီးက့ၤကဒါက့ၤဆူဝ့ၢ်အၣ်တံၤအီာ်ဘၣ် ဃးဒီးကီၢ်စူၤရံ, လၢအမ့ၢ်တၢ်လီၢ်ဖဲအဝဲသ့ၣ်ဘၣ်တၢ်အးလီၤအီၤဆူကစၢ်ယွၤ အဘျုးအဖှိၣ်အတၢ်အံးတၢ်ကွၢ်အပူၤဒ်သိးဒီး အကမၤတၢ်မၤလၢအခဲအံၤအဝဲသ့ၣ်မၤဝံၤလံဝဲတမံၤအဂီၢ်န့ၣ်လီၤ.

မၤတၢ် 14:4

ပှၤဂီၢ်မုၢ်လၢဝ့ၢ်ပူၤတဖၣ်လီၤဖးခံဖု, တဖုအိၣ်ပှိၤပှၤယူဒၤဖိတဖၣ်, ဒီးအဂၤတဖုအိၣ်ပှိၤပှၤတၢ်မၢဖိတဖၣ်န့ၣ်လီၤ.

မၤတၢ် 14:5

တုၤနုၤတစုပှၤကလုာ်ဂၤတနီၤဒီးပှၤယူဒၤဖိတဖၣ်, ဃုာ်ဒီးအပှၤခိၣ်ပှၤနၢ်တဖၣ်စံၣ်ညီၣ်အၢၣ်လီၤသကိးဝဲလၢ အကမၤအၢမၤသီပှၤတၢ်မၢဖိတဖၣ်ဒီးကကွံာ်အီၤလၢလၢၢ်န့ၣ်လီၤ.

မၤတၢ် 15:26

လၢအဟ့ၣ်လီၤအသးလၢာ်လၢာ်ဆ့ဆ့လၢတၢ်မၤပကစၢ် ယ့ၣ်ၡူးခရံာ်အတၢ်မၤအပူၤန့ၣ်လီၤ.

မၤတၢ် 17:13

ဘၣ်ဆၣ်ဒီးဖဲပှၤယူဒၤဖိလၢဝ့ၢ်သ့းစၤလနံတဖၣ်နၢ်ဟူ ဘၣ်ဝဲလၢစီၤပီလူးစံၣ်တဲၤတဲလီၤတ့ၢ်စ့ၢ်ကီးကစၢ်ယွၤ အကလုၢ်အကထါဖဲဝ့ၢ်ဘ့းရံၤန့ၣ်, အဝဲသ့ၣ်ဟဲဖဲန့ၣ်ဒီးထိၣ်ဂဲၤထီၣ်ဒီးမၤတၢထီၣ်တၢလီၤပှၤ ဂီၢ်မုၢ်တဖၣ်လီၤ.

မၤတၢ် 22:20

ဒီးဖဲပှၤအုၣ်အသးလၢနဂ့ၢ် စီၤစတ့းဖၣ်ဘၣ်တၢ်မၤသံ အီၤန့ၣ်, ယနီၢ်ကစၢ်ဒၣ်ယဲယအိၣ်ဖဲန့ၣ်, ယအၢၣ်လီၤထွဲပှၤ အတၢ်မၤသံအီၤ, ဒီးကွၢ်ထွဲပှၤမၤသံအီၤတဖၣ်အဆ့ကၤ ဖီခိၣ်န့ၣ်လီၤ.’

မၤတၢ် 7:58

ဟီထီၣ်ကွံာ်အီၤဆူဝ့ၢ်အချၢ, ဒီးကွံာ်အီၤလၢလၢၢ်လီၤ. ပှၤအုၣ်အသးတဖၣ်ပာ်လီၤအဆ့ကၤဖီခိၣ်ဖဲပိာ်ခွါသးစၢ်လၢ အမံၤမ့ၢ်စီၤစီလူးတဂၤအခီၣ်ထံးလၢအကကွၢ်ထွဲပာ်ဝဲအဂီၢ် လီၤ.

မၤတၢ် 9:16

ယကစၢ်ဒၣ်ယဲယကဒုးနဲၣ်အီၤကယဲၢ်တၢ်နးတၢ်ဖှီၣ်လၢ အဝဲဒၣ်ကဘၣ်တူၢ်ဝဲလၢယဃိန့ၣ်လီၤ.”

1 ကရံၣ်သူး 15:31

ယဒီပုၢ်ဝဲၢ်သ့ၣ်ဧၢ, ယဘၣ်ကွၢ်ဆၢၣ်မဲာ်ဒီးတၢ်သံကိးနံၤဒဲးလီၤ. ယတၢ်ပာ်ကဖၢလၢယသးလၢသုပူၤ, လၢပတၢ်အိၣ်မူပာ်ဖှိၣ်ဃုာ် ပသးဒီးယ့ၣ်ၡူးခရံာ်န့ၣ်, ထိၣ်ဂဲၤယၤဒ်သိးယကပာ်ဖျါထီၣ် တၢ်တမံၤအံၤန့ၣ်လီၤ.

၂ ကရံၣ်သူး 11:23

အဝဲသ့ၣ်မ့ၢ်ခရံာ်အခ့အပှၤတဖၣ်ဧါ. ယကတိၤတၢ်လီၤဂာ်လၢပှၤ အပျုၢ်, ဘၣ်ဆၣ်ဒီးယမ့ၢ်တၢ်ခ့တၢ်ပှၤလၢအဂ့ၤဒိၣ်န့ၢ် အဝဲသ့ၣ်လီၤ. ယမၤတ့ၢ်လံတၢ်ဆူၣ်ဒိၣ်တက့ၢ်, ယအိၣ်တ့ၢ်လံလၢဃိာ်ပူၤအဘျီအါဒိၣ်တက့ၢ်, ယဘၣ်တၢ်ဒိတ့ၢ်တီၢ်တ့ၢ်လံယၤအါဒိၣ်တက့ၢ်, ဒီးယအိၣ်ဘူးတ့ၢ်လၢတၢ်သံအဘျီအါဒိၣ်တက့ၢ်လီၤ.

၂ ကရံၣ်သူး 11:25

ယဘၣ်တၢ်ဖျ့ယၤလၢပှၤရိမ့ၤဖိတဖၣ်သၢဘျီ, ဒီးတဘျီန့ၣ်ယဘၣ်တၢ်ကွံာ်ယၤလၢလၢၢ်လီၤ. ယလဲၤတၢ်ဒီးကဘီဟးဂီၤလၢကျဲန့ၣ်အိၣ်လံသၢဘျီ, ဒီးတဘျီန့ၣ်ယအိၣ်လၢထံကျါ, လၢခံဆံလွံၢ်နၣ်ရံၣ် အတီၢ်ပူၤလီၤ.

၂ ကရံၣ်သူး 11:26

လၢယတၢ်လဲၤတၢ်က့ၤအါစုအါဘျီအပူၤန့ၣ်, ယအိၣ်တ့ၢ်လၢတၢ်ဘၣ်ယိၣ်တၢ်လီၤပျံၤအလီၢ်ဘၣ်ဃးဒီးထံ လုၣ်ဘၢတၢ်ဒီးတမျိးတမျာ်, တၢ်ဘၣ်ယိၣ်အလီၢ်ဘၣ်ဃးပှၤယူဒၤဖိသကိးပှၤယူဒၤဖိ အတၢ်ထီဒါဒီးပှၤကလုာ်ဂၤတဖၣ်အတၢ်ထီဒါန့ၣ်လီၤ. တၢ်ဘၣ်ယိၣ်အလီၢ်အိၣ်တ့ၢ်ဝဲလၢယဂီၢ်ဖဲပှၤခူပူၤ ဝ့ၢ်ပူၤ, လၢပှၢ်လၢ်ကျါ, လၢပီၣ်လဲၣ်ပူၤ, ဒီးတၢ်လီၤပျံၤ အလီၢ်အိၣ်လၢယဂီၢ်ခီဖျိတံၤသကိးအတမ့ၢ်တတီတဖၣ်လီၤ.

၁ သ့းစၤလနံ 2:14

ပဒီပုၢ်ဝဲၢ်သ့ၣ်ဧၢ, တၢ်လၢအမၤအသးဒီးသုတဖၣ်န့ၣ်မ့ၢ်တၢ်တမံၤဃီလၢအမၤတ့ၢ် အသးဒီးကစၢ်ယွၤအတၢ်အိၣ်ဖှိၣ်လၢကီၢ်ယူဒၤအပူၤ, ပှၤတဖၣ်လၢအဘၣ်ဃးဒီးယ့ၣ်ၡူးခရံာ်န့ၣ်လီၤ. သုတူၢ်ဘၣ်တၢ်တမံၤဃီလၢသုပှၤကလုာ်တဖၣ်အစုပူၤ, ဒ်အဝဲသ့ၣ်တူၢ်ဘၣ်တၢ်လၢပှၤယူဒၤဖိအစုပူၤအသိး န့ၣ်လီၤ.

၂ တံၤမသ့း 3:11

ယတၢ်ဒိးတၢ်မၤအၢမၤနးယၤတဖၣ်ဒီးယတၢ်နးတၢ်ဖှီၣ် တဖၣ်န့ၣ်လီၤ. နသ့ၣ်ညါတၢ်လၢအမၤအသးဒီးယၤလၢဝ့ၢ် အၣ်တံၤအီာ်, ဝ့ၢ်အံၤကနံဒီးဝ့ၢ်လူစတြၤ, တၢ်မၤအၢမၤသီနးနးကျံၤကျံၤလၢယတူၢ်တ့ၢ်အီၤန့ၣ်လီၤ. ဘၣ်ဆၣ်ဒီးကစၢ်မၤပူၤဖျဲးယၤလၢတၢ်န့ၣ်တဖၣ်ခဲလၢာ်လီၤ.