မၤတၢ် 14:18 - Sgaw Karen Common Bible

¹⁸ ပှၤတၢ်မၢဖိတဖၣ်စံးကတိၤတၢ်ထဲအံၤဒၣ်လဲာ်န့ၣ်, တြီပှၤဂီၢ်မုၢ်ဒ်သိးအသုတလုၢ်ထီၣ်ပာ်ထီၣ်တၢ်ဆူအဝဲသ့ၣ် အအိၣ်တန့ၢ်ညီညီဘၣ်.

မၤတၢ် 14:18 Iomraidhean Croise

လံာ်တၢ်ကဲထီၣ်အခီၣ်ထံး 11:6

ဒီးစံးဝဲဒၣ်, “ခဲကနံၣ်အံၤပှၤသ့ၣ်တဖၣ်အံၤမ့ၢ်ပှၤတဖုဃီ ဒီးစံးကတိၤကျိာ်တကျိာ်ဃီန့ၣ်လီၤ. တၢ်အံၤမ့ၢ်ဒံးထဲတၢ်အခီၣ်ထံးဖိလၢတၢ်လၢအဝဲသ့ၣ်သါကမၤဝဲ တယံာ်ဘၣ်ဒီးတၢ်တမံၤဂ့ၤတမံၤဂ့ၤလၢအသးအိၣ်မၤဝဲန့ၣ်အဝဲ သ့ၣ်မၤဝဲကသ့ကန့ၢ်လီၤ.

လံာ်တၢ်ကဲထီၣ်အခီၣ်ထံး 19:9

ဘၣ်ဆၣ်အဝဲသ့ၣ်စံးဝဲ, “ပှၤတခီထံတခီကီၢ်ဖိဧၢ, ဟးထီၣ်ကွံာ်လၢပမဲာ်ညါတက့ၢ်. နမ့ၢ်မတၤတဂၤလၢကဘၣ်တဲပှၤမၤ တၢ်ဒ်အံၤဒ်နုၤန့ၣ်လဲၣ်. ဟးထီၣ်ကွံာ်လၢပမဲာ်ညါတက့ၢ်. မ့တမ့ၢ်ဘၣ်ဒီးပကမၤနၤနးန့ၢ်အဝဲသ့ၣ်လီၤ.” အဝဲသ့ၣ်ဆီၣ်ကွံာ်ဝဲစီၤလိာ်ဆူလီၢ်ခံဒီးသုးဘူးထီၣ်အသးလၢ ကမၤဟးဂီၤကွံာ်တြဲၤအဂီၢ်လီၤ.

လံာ်မးသဲ 13:15

အဂ့ၢ်ဒ်အံၤ, ပှၤတဖၣ်အံၤအသူၣ်ဃၢအသးဃၢဝဲ, အနၢ်တဖၣ်ဃၢဝဲလၢကနၢ်ဟူတၢ်အဂီၢ်, ဒီးဘံၣ်ဃာ်အမဲာ်ချံဒ်သိးအသုတထံၣ်တၢ် လၢအမဲာ်ချံတဂ့ၤအဂီၢ်လီၤ. မ့တမ့ၢ်ဘၣ်ဒီးကနၢ်ဟူတၢ်လၢအနၢ် ဒီးကနၢ်ပၢၢ်တၢ်လၢအသးဒီး ကဃၣ်ကဒါက့ၤအသးဆူယအိၣ်, ကစၢ်ယွၤစံးဝဲဒၣ်, ဒီးယကမၤဘျါက့ၤအဝဲသ့ၣ်လီၤ’ (ၡါ. ၆:၉-၁၀).

လံာ်ယိၤဟၣ် 6:15

ယ့ၣ်ၡူးသ့ၣ်ညါလၢအဝဲသ့ၣ်ကဟဲဟံးန့ၢ်ဆူၣ်အီၤဒ် သိးအကဒုးကဲအီၤလၢစီၤပၤအဃိ, အဝဲဟးထီၣ်ကဒီးဆူကစၢၢ်ကလိအကျါထဲတဂၤ ဧိၤန့ၣ်လီၤ.

မၤတၢ် 14:17

ဘၣ်ဆၣ်ဒီးအဝဲဟ့ၣ်တ့ၢ်လံတၢ်အုၣ်အသးထီဘိဘၣ်ဃးအနီၢ် ကစၢ်ဒၣ်ဝဲအဂ့ၢ်ခီဖျိတၢ်မၤအဂ့ၤအဝါလၢအမၤဝဲတဖၣ်န့ၣ်လီၤ. အဝဲဒၣ်ဒုးစူၤလီၤတၢ်လၢမူခိၣ်လၢသုဂီၢ်, ဒီးဒုးသၣ်ထီၣ်ဘုဟုတၤသူတၤသၣ်ဘၣ်ဆၢဘၣ်ကတီၢ်, အဝဲဒၣ်ဟ့ၣ်သုတၢ်အီၣ်တၢ်အီ, ဒီးမၤပှဲၤသုသးလၢတၢ်သူၣ် ဖှံသးညီန့ၣ်လီၤ.”

မၤတၢ် 14:19

ပှၤယူဒၤဖိတနီၤဟဲလၢဝ့ၢ်အၣ်တံၤအီာ်ဘၣ်ဃးဒီးကီၢ်ပံၤစံၤဒံဒီး လၢဝ့ၢ်အံၤကနံၤလီၤ. အဝဲသ့ၣ်ထုးန့ၢ်ပှၤဂီၢ်မုၢ်အသးဒ်သိးအကစူၢ်ကနာ်တၢ်လၢ အဝဲသ့ၣ်စံးဝဲ, ဒီးကွံာ်စီၤပီလူးလၢလၢၢ်ဝံၤ, ဖဲအဆိကမိၣ်လၢအဝဲဒၣ်သံလံန့ၣ်, တွံၢ်ထုးထီၣ်ကွံာ်အီၤဆူဝ့ၢ်အချၢန့ၣ်လီၤ.