မၤတၢ် 14:17 - Sgaw Karen Common Bible

¹⁷ ဘၣ်ဆၣ်ဒီးအဝဲဟ့ၣ်တ့ၢ်လံတၢ်အုၣ်အသးထီဘိဘၣ်ဃးအနီၢ် ကစၢ်ဒၣ်ဝဲအဂ့ၢ်ခီဖျိတၢ်မၤအဂ့ၤအဝါလၢအမၤဝဲတဖၣ်န့ၣ်လီၤ. အဝဲဒၣ်ဒုးစူၤလီၤတၢ်လၢမူခိၣ်လၢသုဂီၢ်, ဒီးဒုးသၣ်ထီၣ်ဘုဟုတၤသူတၤသၣ်ဘၣ်ဆၢဘၣ်ကတီၢ်, အဝဲဒၣ်ဟ့ၣ်သုတၢ်အီၣ်တၢ်အီ, ဒီးမၤပှဲၤသုသးလၢတၢ်သူၣ် ဖှံသးညီန့ၣ်လီၤ.”

မၤတၢ် 14:17 Iomraidhean Croise

လံာ်စီၤပၤအခီၣ်ထံးတဘ့ၣ် 18:1

တယံာ်ဘၣ်ဝံၤအလီၢ်ခံ, လၢတၢ်ယီၤဃ့သၢနံၣ်တနံၣ်အပူၤန့ၣ်ယွၤ စံးဘၣ်စီၤအ့ၤလံယၤ, “လဲၤဒီးဒုးနဲၣ်နသးလၢစီၤပၤအၤဃာ်, ဒီးယကဒုးဟဲစူၤလီၤတၢ်လီၤ.”

လံာ်စီၤနဃ့မယၤ 9:25

နပှၤဂီၢ်မုၢ်မၤနၢၤကွံာ်ဝ့ၢ်အိၣ်ဒီးတိာ်ဧိၤတာ်ဧိၤတဖၣ်, ကီၢ်လၢဟီၣ်ခိၣ်ညၣ်ထ့ၣ်ဂ့ၤဝဲ, ဟံၣ်တဖၣ်လၢအပှဲၤဒီးတၢ်ထူးတၢ် တီၤ, ထံကမါအိၣ်ခူၣ်လီၤပာ်စၢၤအသးတဖၣ်, သ့ၣ်စၤယံးတဖၣ်သ့ၣ်အိၣ်ဒီးအသၣ်တဖၣ်ဒီးစပံးမုၢ်အလီၢ်တဖၣ်န့ၣ်လီၤ. အဝဲသ့ၣ်အီၣ်တၢ်လၢအအဲၣ်ဒိးအီၣ်ဝဲဒီးဘီၣ်ထီၣ်ညီထီၣ်မုာ်လၤ သးခုဒီးကယဲၢ်တၢ်ဂ့ၤတဖၣ်လၢနဟ့ၣ်အဝဲသ့ၣ်န့ၣ်လီၤ.

လံာ်စီၤယိၤဘး 36:31

လၢတၢ်အံၤမ့ၢ်ကစၢ်ယွၤစံၣ်ညီၣ်ပှၤဂီၢ်မုၢ်တဖၣ်ဒီးဟ့ၣ်လီၤ တၢ်အီၣ်တၢ်အီအါအါကလဲာ်ဒ်လဲၣ်န့ၣ်လီၤ.

လံာ်စီၤယိၤဘး 37:6

ကစၢ်ယွၤမၤလိာ်မူခိၣ်ဖီလၢကလီၤဝဲဆူဟီၣ်ခိၣ်လိၤ, ဒီးဒုးဟဲစူၤလီၤတၢ်ဆူၣ်ဆူၣ်ကလဲာ်လီၤ.

လံာ်စီၤယိၤဘး 5:10

ကစၢ်ယွၤဒုးဟဲစူၤလီၤတၢ်လၢဟီၣ်ခိၣ်ချၢဒီးဒုးဘၣ်စီၣ်ပျီ တဖၣ်န့ၣ်လီၤ.

စံးထီၣ်ပတြၢၤ 145:9

ယွၤန့ၣ်ဂ့ၤဝဲလၢပှၤခဲလၢာ်အဂီၢ်, ဒီးအတၢ်သးကညီၤန့ၣ်အိၣ်ဝဲလၢကယဲၢ်တၢ်လၢ အတ့လီၤဝဲခဲလၢာ်အဂီၢ်န့ၣ်လီၤ.

စံးထီၣ်ပတြၢၤ 4:7

တၢ်သးခုလၢနဟ့ၣ်ယၤန့ၣ်, ဒိၣ်န့ၢ်အဝဲသ့ၣ် အတၢ်သးခုလၢအအိၣ်ဒီးအီၤ ဖဲအဘုဧိၤဟုဧိၤဒီးအစပံးထံအိၣ်ဝဲ အါအါဂီၢ်ဂီၢ်အခါန့ၣ်လီၤ.

စံးထီၣ်ပတြၢၤ 52:1

ပှၤအဆူၣ်တဂၤဧၢ, ဘၣ်မနုၤလၢ နပာ်ကဖိနသးလၢနမၤကမၣ်တၢ်အဃိန့ၣ်လဲၣ် ကစၢ်ယွၤအတၢ်အဲၣ်န့ၣ်. အိၣ်ဝဲလီၤထူလီၤယိာ်လီၤ.

လံာ်ယၡါယၤ 22:13

အခိၣ်တလိၣ်, သုနံၤသုအ့ဒီးမၤတ့ၢ်မူးသးခုလီၤ. သုမၤသံသိဒီးဂီၤဖံးလၢသုကအီၣ်တၢ်အဂီၢ်ဒီးသုအီစပံးထံန့ၣ်လီၤ. သုစံး, “ဂ့ၤပအီၣ်သကိးအီသကိးတခီလီၤ. ခဲဂီၤကိာ်န့ၣ်, ပကသံပဝဲလီၤ.”

လံာ်ယၡါယၤ 40:21

မ့ၢ်နတသ့ၣ်ညါဘၣ်ဧါ. မ့ၢ်တၢ်တစံးဘၣ်တဲဘၣ်တ့ၢ်နၤလၢအခီၣ်ထံးလံၤလံၤန့ၣ်ဘၣ်ဧါ. မ့ၢ်နတနၢ်ဟူတ့ၢ်ဟီၣ်ခိၣ်အိၣ်ထီၣ်ဝဲဒ်လဲၣ်န့ၣ်ဘၣ်ဧါ.

လံာ်ယၡါယၤ 5:6

ယကပျဲနီၣ်ဧိၤမံၤဧိၤခဲဘၢအီၤလီၤ. ယတပဲာ်ဟိကဆှီစပံးမုၢ် တဖၣ်ဒီးဖျးကဖီထီၣ်ဟီၣ်ခိၣ်ဘၣ်. အခိၣ်တလိာ်ယကပျဲတၤဆှုၣ်တၤမဲကးဘၢအီၤလီၤ. ယကတြီဒၣ်လဲာ်တၢ်အၢၣ်တဖၣ် ဒ်သိးအသုတပျဲတၢ်စူၤလီၤလၢအဖီခိၣ်တဂ့ၤအဂီၢ်လီၤ.”

လံာ်ယံးရမံယၤ 14:22

ပှၤကလုာ်တဖၣ်အတၢ်ဂီၤတၢ်ဖီၣ်တဖၣ်လၢအဒုးစူၤလီၤတၢ်သ့န့ၣ်, တအိၣ်ဘၣ်. မူကပိာ်လိၤအကစၢ်ဒၣ်ဝဲဒုးလီၤသဖှံၣ်မူခိၣ်ထံ တသ့စ့ၢ်ကီးဘၣ်. အိ, ယွၤပကစၢ်ယွၤဧၢ, ပပာ်ပတၢ်မုၢ်လၢ်လၢနပူၤလီၤ. အဂ့ၢ်ဒ်အံၤ, နမ့ၢ်ပှၤတဂၤလၢအမၤတၢ်သ့ၣ်တဖၣ်အံၤန့ၣ်လီၤ.

လံာ်ယံးရမံယၤ 5:24

ယဆှၢလီၤန့ၢ်သုတၢ်စူၤထံလၢတၢ်သူၣ် လီၤတၢ်ဒီးတၢ်မဲထီၣ်သၣ်ထီၣ်အကတီၢ်အဂီၢ်, ဒီးဟ့ၣ်သုတၢ်ကူး က့ၤတၢ်အကတီၢ်တနံၣ်ဘၣ်တနံၣ်ဒၣ်လဲာ်န့ၣ်, သုတဆိကမိၣ်လၢသုကယူးယီၣ်ယၤန့ၣ်ဘၣ်.

လံာ်ယဃ့းစက့လး 34:26

ယကဆိၣ်ဂ့ၤအဝဲသ့ၣ်ဒီးဒုးအိၣ်ဆိးအဝဲသ့ၣ်ဝးတရံးယတၢ်လူၢ်စီဆှံ န့ၣ်လီၤ. ဖဲန့ၣ်ယကဆိၣ်ဂ့ၤအဝဲသ့ၣ်ဒီးမူခိၣ်အတၢ်စူၤထံဖဲအဝဲသ့ၣ် လိၣ်ဘၣ်ဝဲအခါန့ၣ်လီၤ.

လံာ်ယိၤအ့လး 2:23

စံယိၣ်အပှၤဂီၢ်မုၢ်ဧၢ, သူၣ်ခုသးခုတက့ၢ်. သူၣ်ဖှံသးညီလၢယွၤ, သုကစၢ်ယွၤမၤတ့ၢ်တၢ်လၢသုဂီၢ်အဃိန့ၣ်တက့ၢ်. အဂ့ၢ်ဒ်အံၤ, အဝဲဒၣ်ဟ့ၣ်လီၤသုလၢတၢ်စူၤအထံလၢအကြၢးဝဲဘၣ်ဝဲ ဒီးဒုးစူၤလီၤန့ၢ်သုတၢ်စူၤထံအါအါကလဲာ်, တၢ်စူၤထံလၢအဆိဒီးလၢခံ, ဒ်လၢညါအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:4

ယကဟ့ၣ်လီၤသုလၢတၢ်စူၤလၢအကတီၢ်ဒၣ်ဝဲဒ်သိးဟီၣ်ခိၣ်ကဟ့ၣ်ထီၣ် အတၢ်အါထီၣ်ဒီးသ့ၣ်ကသၣ်ထီၣ်အဂီၢ်လီၤ.

လံာ်မးသဲ 5:45

မၤတၢ်အံၤဒ်သိးဒီးသုကကဲထီၣ်သုပၢ်အိၣ်လၢမူခိၣ်အဖိတဖၣ် န့ၣ်တက့ၢ်. အဂ့ၢ်ဒ်အံၤ, အဝဲဒုးကပီၤထီၣ်အမုၢ်လၢပှၤအအၢဒီးပှၤအဂ့ၤတဖၣ်အဂီၢ်ဒီး ဒုးစူၤလီၤတၢ်လၢပှၤလၢအအိၣ်မူတီတီလိၤလိၤဒီးပှၤလၢ အအိၣ်မူတတီတလိၤဘၣ်တဖၣ်အဂီၢ်ဒ်သိးသိးလီၤ.

လံာ်လူၤကၣ် 6:35

တဘၣ်မ့ၢ်ဒ်န့ၣ်ဘၣ်. အဲၣ်သုဒုၣ်သုဒါတဖၣ်ဒီးမၤဂ့ၤအဝဲသ့ၣ်တက့ၢ်. ဟ့ၣ်လိၢ်တၢ်, ဒီးမုၢ်လၢ်က့ၤတၢ်နီတမံၤတဂ့ၤ. သုကဒိးန့ၢ်ဘၣ်ခိၣ်ဖးလၢအဒိၣ်, ဒီးသုကမ့ၢ်တၢ်ထီကတၢၢ်ကစၢ်ယွၤတဂၤအဖိခွါတဖၣ်လီၤ. အဂ့ၢ်ဒ်အံၤ, အဝဲဒၣ်ဂ့ၤလၢပှၤတသ့ၣ်ညါတၢ်ဘျုးတၢ်ဖှိၣ်, ဒီးပှၤအၢပှၤသီတဖၣ် အဖီခိၣ်လီၤ.

မၤတၢ် 14:18

ပှၤတၢ်မၢဖိတဖၣ်စံးကတိၤတၢ်ထဲအံၤဒၣ်လဲာ်န့ၣ်, တြီပှၤဂီၢ်မုၢ်ဒ်သိးအသုတလုၢ်ထီၣ်ပာ်ထီၣ်တၢ်ဆူအဝဲသ့ၣ် အအိၣ်တန့ၢ်ညီညီဘၣ်.

မၤတၢ် 17:26

ယွၤတ့လီၤဆိပှၤကညီတဂၤဒီးဒုးအိၣ်ထီၣ်ပှၤဟီၣ်ခိၣ်ဖိကိး ကလုာ်ဒဲးဒီးဒုးအိၣ်ဝဲဆိးဝဲလၢဟီၣ်ခိၣ်ဒီဘ့ၣ်အပူၤန့ၣ်လီၤ. အဝဲအနီၢ်ကစၢ်ဒၣ်ဝဲသုးကျဲၤဆိပာ်စၢၤတၢ်အဆၢအကတီၢ် လီၤတံၢ်လီၤဆဲးဒီးတၢ်အလီၢ်အကျဲဖဲအဝဲသ့ၣ်ကအိၣ်ကဆိးဝဲ အဂီၢ်န့ၣ်လီၤ.

လံာ်သိၣ်လီၤသီလီၤတၢ် 11:14

သုမ့ၢ်မၤဒီး, အဝဲကဆှၢလီၤတၢ်စူၤထံလၢကီၢ်အဖီခိၣ်ဖဲအလိၣ် ဘၣ်ဝဲအခါ, လၢတၢ်ယီၤထီၣ်သီအကတီၢ်ဒီးလၢတၢ်မဲထီၣ်သီ အကတီၢ်, ဒ်သိးဘုဧိၤဟုဧိၤ, စပံးထံဒီးသ့ၣ်စၤယံးအသိ ကအိၣ်ဝဲလၢသုဂီၢ်,

လံာ်သိၣ်လီၤသီလီၤတၢ် 28:12

အဝဲကဒုးစူၤလီၤတၢ်လၢအဆၢကတီၢ်ဒၣ်ဝဲအပူၤ, လၢအတၢ်ပာ်ဖှိၣ်အဟံၣ်အထူးအတီၤလၢအအိၣ်ဝဲလၢမူကပိာ်လိၤန့ၣ်, ဒီးဆိၣ်ဂ့ၤသုတၢ်မၤခဲလၢာ်တုၤဒၣ်လဲာ်, သုကဒုးလိၢ်ဘၣ်တၢ်ဆူပှၤအါကလုာ်, ဘၣ်ဆၣ်သုလိၢ်န့ၢ်တၢ်လၢအဝဲ သ့ၣ်တကလုာ်ဂ့ၤတကလုာ်ဂ့ၤအအိၣ်, အလီၢ်တအိၣ်ဘၣ်န့ၣ်လီၤ.

၁ တံၤမသ့း 6:17

မၤလိာ်ပှၤအထူးအတီၤတဖၣ်လၢဟီၣ်ခိၣ်ချၢအံၤလၢအသုတပာ် ကဖၢလၢအသးတဂ့ၤ. မ့မ့ၢ်ကပာ်အတၢ်မုၢ်လၢ်, တမ့ၢ်လၢတၢ်ထူးတၢ်တီၤလၢအတဂၢၢ်တကျၢၤတဖၣ်အပူၤ ဘၣ်. မ့မ့ၢ်, ကမ့ၢ်ဒၣ်ဝဲလၢကစၢ်ယွၤလၢအဟ့ၣ်ပှၤတၢ်ခဲလၢာ် ထူးထူးတီၤတီၤလၢပတၢ်မုာ်လၤသးခုအဂီၢ်, တဂၤအပူၤန့ၣ် တက့ၢ်.