မၤတၢ် 14:15 - Sgaw Karen Common Bible

¹⁵ “ဘၣ်မနုၤအဃိသုမၤတၢ်အံၤလဲၣ်. ပမ့ၢ်ဒၣ်ပှၤကညီဒ်သုဝဲအသိးလီၤ. ပဟဲပဝဲဖဲအံၤဒ်သိးပကဘိးဘၣ်သ့ၣ်ညါသုလၢတၢ်သးခုအကစီၣ်, ဒ်သိးသုကဃၣ်ကွံာ်သုသးလၢတၢ်တဂိာ်တသီၣ်တဖၣ်အံၤ, ဒီးဃၣ်ဃီၤသုသးဆူကစၢ်လၢအမူဝဲတဂၤန့ၣ်အအိၣ်, ကစၢ်လၢ အတ့လီၤမူခိၣ်, ဟီၣ်ခိၣ်, ပီၣ်လဲၣ်ပီၣ်တြီၤ, ဒီးတၢ်အိၣ်လၢအပူၤခဲလၢာ်ခဲဆ့န့ၣ်လီၤ.

မၤတၢ် 14:15 Iomraidhean Croise

လံာ်တၢ်ကဲထီၣ်အခီၣ်ထံး 1:1

လၢထံးလၢသီဖဲကစၢ်ယွၤတ့လီၤပာ်လီၤတ့ၢ်မူခိၣ်ဒီးဟီၣ်ခိၣ်န့ၣ်,

လံာ်တၢ်ကဲထီၣ်အခီၣ်ထံး 41:16

စီၤယိၤသးစံးဆၢဝဲ, “ကစၢ်စီၤပၤဧၢ, ယဖးတၢ်မံမီၢ်အခီ ပညီတသ့ဘၣ်. ဘၣ်ဆၣ်ဒီးကစၢ်ယွၤကဟ့ၣ်နၤတၢ်အခီပညီလၢအဂ့ၤတမံၤလီၤ.”

လံာ်စီၤပၤအခီၣ်ထံးတဘ့ၣ် 16:13

လၢအဝဲသ့ၣ်အတၢ်ဘါထီၣ်တၢ်ဂီၤတၢ်ဖီၣ်ဒီးလၢအဝဲသ့ၣ်ဆှၢဃီၤ ကီၢ်အံၣ်စရ့လးဆူတၢ်ဒဲးဘးအပူၤအဃိ, စီၤဘါၡၤဒီးအဖိခွါစီၤအ့လၤထိၣ်ဂဲၤထီၣ်ဘၣ်ယွၤ, ကီၢ်အံၣ်စရ့လးအကစၢ်ယွၤအတၢ်သးဒိၣ်ထီၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 16:26

ဒ်စီၤယၤရၤဘၣ်လၢအဝဲအမဲာ်ညါအသိးန့ၣ်, အဝဲထိၣ်ဂဲၤထီၣ်ဘၣ်ယွၤ, ကီၢ်အံၣ်စရ့လးအကစၢ်ယွၤအတၢ်သးဒိၣ် ခီဖျိအဝဲအတၢ်ဒဲးဘးတဖၣ်ဒီးဆှၢဃီၤပှၤဂီၢ်မုၢ်ဆူတၢ်ဒဲး ဘးဒီးတၢ်ဘါထီၣ်တၢ်ဂီၤတၢ်ဖီၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:16

ခဲကနံၣ်အံၤယွၤဧၢ, ကွၢ်တၢ်လၢအမၤအသးဒီးပှၤအံၤတက့ၢ်. ဒိကနၣ်ကယဲၢ်တၢ်ခဲလၢာ်လၢစီၤစၤနဃ့ရံာ်ကတိၤဒုၣ်ဒွဲၣ်နၤ, ကစၢ်ယွၤလၢအမူဝဲန့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 19:4

ကီၢ်အၤၡူၢ်အစီၤပၤဖးဒိၣ်ဆှၢလီၤအပှၤသုးခိၣ်ဖးဒိၣ်အဒိၣ် ကတၢၢ်ဒ်သိးကဒုၣ်ဒွဲၣ်ကစၢ်ယွၤလၢအမူဝဲတဂၤန့ၣ်လီၤ. မ်ယွၤ, နကစၢ်ယွၤနၢ်ဟူတၢ်ဒုၣ်ဒွဲၣ်တဖၣ်ဒီးစံၣ်ညီၣ်ပှၤတဖၣ်လၢ အစံးတ့ၢ်တၢ်န့ၣ်တက့ၢ်. မၤသးဒ်န့ၣ်ဒီး, ဃ့ဘါထုကဖၣ်ဆူယွၤလၢပပှၤဂီၢ်မုၢ်လၢအအိၣ်လီၤတဲာ်ဒံးတဖၣ် အဂီၢ်န့ၣ်တက့ၢ်.

စံးထီၣ်ပတြၢၤ 115:15

မ်သုဘၣ်ဆိၣ်ဂ့ၤလၢယွၤ, လၢအတ့လီၤမူခိၣ်ဒီးဟီၣ်ခိၣ်န့ၣ်တက့ၢ်.

စံးထီၣ်ပတြၢၤ 124:8

တၢ်မၤစၢၤပှၤအိၣ်ဝဲလၢယွၤလၢအတ့လီၤမူခိၣ်ဒီး ဟီၣ်ခိၣ်တဂၤန့ၣ်အမံၤအပူၤလီၤ.

စံးထီၣ်ပတြၢၤ 31:6

နသးဟ့ပှၤလၢအဘူၣ်ထီၣ်ဘါထီၣ် တၢ်လီတၢ်ဝ့ၤအကစၢ်တဖၣ်, ဘၣ်ဆၣ်ယသန့ၤယသးလၢနၤလီၤ.

စံးထီၣ်ပတြၢၤ 33:6

ယွၤတ့လီၤမူခိၣ်ခီဖျိအကလုၢ်, မုၢ်, လါ, ဒီးဆၣ်တဖၣ်လၢအတၢ်ကတိၤန့ၣ်လီၤ.

လံာ်တၢ်ဟးထီၣ်ကွံာ် 20:11

လၢဃုနံၤဃုသီအတီၢ်ပူၤန့ၣ်, ယၤ, ယွၤတ့လီၤဟီၣ်ခိၣ်, မူကပိၤလိၤ, ပီၣ်လဲၣ်ဒီးကယဲၢ်တၢ်အိၣ်လၢအဝဲသ့ၣ်တဖၣ်အပူၤခဲလၢာ်န့ၣ်လီၤ. ဘၣ်ဆၣ်ဒီးနွံသီတသီန့ၣ်ယအိၣ်ဘှံးယဲလီၤ. မၤသးဒ်န့ၣ်ဒီးယၤ, ယွၤ, ဆိၣ်ဂ့ၤမုၢ်အိၣ်ဘှံးအနံၤဒီးမၤစီဆှံအီၤလီၤ.

လံာ်ယၡါယၤ 45:18

ယွၤတ့လီၤပာ်လီၤမူခိၣ်မူကပိာ်လိၤ ဒီးအဝဲမ့ၢ်ပှၤတဂၤလၢအမ့ၢ်ကစၢ်ယွၤန့ၣ်လီၤ. အဝဲဒၣ်မၤအိၣ်ထီၣ်ဟီၣ်ခိၣ်အက့ၢ်အဂီၤ ဒီးတ့လီၤပာ်လီၤဝဲဒီးမၤအီၤခၢၣ်သနၢၣ် လီၤထူလီၤယိာ်လီၤ. တတ့လီၤဝဲလၢဟီၣ်ခိၣ်ကအိၣ်သယုၢ် အိၣ်ကလီအဂီၢ်ဘၣ်. မ့မ့ၢ်ဒ်သိးကကဲထီၣ်တၢ်လီၢ်လၢပှၤကအိၣ်လၢအပူၤအဂီၢ်လီၤ. အဝဲမ့ၢ်ပှၤလၢအစံးဝဲ, “ယဲဒၣ်အံၤယမ့ၢ်ယွၤဒီးကစၢ်အ ဂၤတအိၣ်ဘၣ်,” န့ၣ်လီၤ.

လံာ်ယၡါယၤ 45:20

ယွၤစံးဝဲ, “ပှၤကလုာ်တဖၣ်အပှၤဂီၢ်မုၢ်သ့ၣ်ဧၢ, ဟဲပာ်ဖှိၣ်ထီၣ်သုသး, ပှၤလၢအအိၣ်မူတ့ၢ်လၢဘီမုၢ် အတၢ်လီၤပှီၢ်အပူၤသ့ၣ်ဧၢ, ဟဲပာ်ဖျါထီၣ်သုသးလၢတၢ်သမံသမိးအဂီၢ်တက့ၢ်. ပှၤဂီၢ်မုၢ်လၢအလဲၤထီၣ်က့ၤလီၤဃုာ်ဒီး အတၢ်ဂီၤတၢ်ဖီၣ်တဖၣ် ဒီးဃ့ထုကဖၣ်ဆူကစၢ်တဖၣ်လၢအအုၣ်က့ၤခီၣ်က့ၤအဝဲ သ့ၣ်တသ့ဘၣ်တဖၣ်, ပှၤတဖၣ်အံၤတသ့ၣ်ညါတၢ်နီတမံၤဘၣ်.

လံာ်ယၡါယၤ 46:7

အဝဲသ့ၣ်ယိးထီၣ်ဝဲလၢအဖံဘၣ်ခိၣ်ဒီးစိာ်အီၤလီၤ. အဝဲသ့ၣ်ပာ်လီၤအီၤလၢအလီၢ်ဒၣ်ဝဲ, ဒီးအိၣ်ဆၢထၢၣ်ဖဲန့ၣ် ဒီးသုးအသးလၢအအိၣ်ဆၢထၢၣ်အလီၢ်န့ၣ် တသ့ဘၣ်ဝဲဘၣ်. ပှၤတဂၤဂၤမ့ၢ်ဃ့ထုကဖၣ်ဆူအအိၣ်ဒီး, စံးဆၢတၢ်တသ့, ဒီးအုၣ်က့ၤခီၣ်က့ၤအီၤလၢ တၢ်တတၢးတနါတသ့ဘၣ်.

လံာ်ယံးရမံယၤ 10:8

အဝဲသ့ၣ်ခဲလၢာ်မ့ၢ်ပှၤအမၢးဒီးပှၤဟးဂီၤဖိတဖၣ်လီၤ. လၢတၢ်ဂီၤတၢ်ဖီၣ်တဖၣ်လၢတၢ်မၤအီၤလၢသ့ၣ်အအိၣ်န့ၣ်, အဝဲသ့ၣ်မၤလိန့ၢ်တၢ်မနုၤကသ့လဲၣ်.

လံာ်ယံးရမံယၤ 14:22

ပှၤကလုာ်တဖၣ်အတၢ်ဂီၤတၢ်ဖီၣ်တဖၣ်လၢအဒုးစူၤလီၤတၢ်သ့န့ၣ်, တအိၣ်ဘၣ်. မူကပိာ်လိၤအကစၢ်ဒၣ်ဝဲဒုးလီၤသဖှံၣ်မူခိၣ်ထံ တသ့စ့ၢ်ကီးဘၣ်. အိ, ယွၤပကစၢ်ယွၤဧၢ, ပပာ်ပတၢ်မုၢ်လၢ်လၢနပူၤလီၤ. အဂ့ၢ်ဒ်အံၤ, နမ့ၢ်ပှၤတဂၤလၢအမၤတၢ်သ့ၣ်တဖၣ်အံၤန့ၣ်လီၤ.

လံာ်ယံးရမံယၤ 32:17

“ယွၤပၢဘၣ်တၢ်ခဲလၢာ်တဂၤဧၢ, နတ့လီၤပာ်လီၤဟီၣ်ခိၣ်ဒီး မူခိၣ်လၢ နစိကမီၤဒီး နဂံၢ်ဆူၣ်ဘါဆူၣ်အပူၤလီၤ. တၢ်ကီကဲၣ်ဆိးလၢနဂီၢ်တအိၣ်နီတမံၤဘၣ်.

လံာ်ယံးရမံယၤ 51:15

ယွၤတ့လီၤ ဟီၣ်ခိၣ်လၢအစိကမီၤဒၣ်ဝဲလီၤ. လၢအတၢ်ကူၣ်သ့ဒၣ်ဝဲန့ၣ်, အဝဲတ့လီၤပာ်လီၤဟီၣ်ခိၣ်ဒီး သလၣ်ထီၣ်မူခိၣ်အလီၢ်တဖၣ်လီၤ.

လံာ်ယံးရမံယၤ 8:19

ဒိကနၣ်တက့ၢ်. ယနၢ်ဟူယပှၤဂီၢ်မုၢ်ကိးပသူထီၣ်လၢထံကီၢ် ဒီဘ့ၣ်ညါလီၤ. “မ့ၢ်ယွၤတအိၣ်လၢၤလၢဝ့ၢ်စံယိၣ်ဘၣ်ဧါ မ့ၢ်ဝ့ၢ်စံယိၣ်အစီၤပၤတအိၣ်လၢၤဖဲန့ၣ်ဘၣ်ဧါ.” ယွၤ, အဝဲသ့ၣ်အစီၤပၤ, စံးဆၢတၢ်ဒီးစံးဝဲ, “ဘၣ်မနုၤအဃိသုမၤသးဒိၣ်ထီၣ်ယၤခီ ဖျိသုဘူၣ်ထီၣ်ဘါထီၣ်သုတၢ်ဂီၤတၢ်ဖီၣ် ဒီးသကူးလီၤသုသးလၢသုပှၤတခီဘီမုၢ်ဖိအကစၢ်တဖၣ်လၢအဘျုး တအိၣ်ဘၣ်အမဲာ်ညါန့ၣ်လဲၣ်.”

လံာ်ဒၤနံးယ့လး 6:26

ယဟ့ၣ်လီၤယကလုၢ်ဆူယဘီယမုၢ်ဒီဘ့ၣ်ညါအပူၤလၢပှၤကိး ဂၤဒဲးကဘၣ်ပျံၤဒီးယူးယီၣ်ပာ်ကဲစီၤဒၤနံးယ့လး အကစၢ်ယွၤန့ၣ်လီၤ. အဝဲမ့ၢ်ကစၢ်ယွၤလၢအမူဝဲ, အိၣ်ဝဲဆိးဝဲအစိၤစိၤအဃၣ်ဃၣ်လီၤ. အဝဲအဘီအမုၢ်န့ၣ်တဟးဂီၤနီတစုဘၣ်, ဒီးအစိအကမီၤန့ၣ် အကတၢၢ်တအိၣ်ဘၣ်.

လံာ်ဧၤမိၣ် 2:4

ဒီးယွၤစံးဝဲဒၣ်, “ပှၤကီၢ်ယူဒၤဖိတဖၣ်မၤတ့ၢ်လံတၢ်ဒဲးဘးတဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်တပာ်ကဲဘၣ်ယတၢ်သိၣ်လိဒီးတတိၢ်န့ၢ်ဘၣ် ယတၢ်မၤလိာ်တဖၣ်ဘၣ်. အဝဲသ့ၣ်ဘၣ်တၢ်ဆှၢကမၣ်တ့ၢ်လံအီၤလၢတၢ်ဂီၤတၢ်ဖီၣ်တမံၤဃီလၢ အမိၢ်ပၢ်လၢပျၢၤတဖၣ်မၤတ့ၢ်အတၢ်န့ၣ်လီၤ.

လံာ်ယိၤနါ 2:8

ပှၤလၢအဘူၣ်ထီၣ်ဘါထီၣ်တၢ်ဂီၤ တၢ်ဖီၣ်တဂိာ်တသီၣ်ဘၣ်တဖၣ်န့ၣ်ညိကွံာ်အတၢ်သးတီဒီးနၤလီၤ.

လံာ်စကၤရယၤ 12:1

အအံၤမ့ၢ်တၢ်ကစီၣ်တမံၤဘၣ်ဃးဒီးကီၢ်အံၣ်စရ့လး, လၢအဟဲလၢယွၤအအိၣ်, ယွၤလၢအသလၣ်ထီၣ်မူကပိာ်လိၤ, တ့လီၤပာ်လီၤဟီၣ်ခိၣ်, ဒီးဟ့ၣ်တၢ်မူဆူပှၤကညီန့ၣ်လီၤ. အဝဲစံးဝဲဒၣ်,

လံာ်မးသဲ 16:16

စီၤၡံမိၣ်ပ့းတရူးစံးဆၢဝဲ, “နမ့ၢ်ခရံာ်, ကစၢ်ယွၤလၢအမူဝဲတဂၤအဖိခွါလီၤ.”

လံာ်ယိၤဟၣ် 5:26

ဒ်ပၢ်အကစၢ်ဒၣ်ဝဲမ့ၢ်တၢ်မူအဂံၢ်ခီၣ်ထံးအသိးန့ၣ်, ဒုးကဲထီၣ်စ့ၢ်ကီးအဖိခွါလၢကမ့ၢ်တၢ်မူအဂံၢ်ခီၣ် ထံးဒ်န့ၣ်အသိးလီၤ.

လံာ်ယိၤဟၣ် 7:18

ပှၤတဂၤလၢအကတိၤတၢ်လၢအစိကမီၤဒၣ်ဝဲန့ၣ်, မ့ၢ်အဃုမၤန့ၢ်အလၤအကပီၤဒၣ်ဝဲလီၤ. မ့မ့ၢ်ပှၤလၢအဃုပှၤလၢအမၢလီၤအီၤတဂၤအလၤ ကပီၤန့ၣ်, မ့ၢ်ပှၤအတီတဂၤဒီးတၢ်လီတၢ်ဝ့ၤတအိၣ်လၢ အပူၤနီတမံၤဘၣ်.

မၤတၢ် 10:26

ဘၣ်ဆၣ်ဒီးစီၤပ့းတရူးဒုးဂဲၤဆၢထၢၣ်အီၤဒီးစံးဝဲ, “ဂဲၤဆၢထၢၣ်တက့ၢ်. ယမ့ၢ်ဒၣ်ပှၤကညီတဂၤလီၤ.”

မၤတၢ် 13:32

ခဲကနံၣ်အံၤ, ပဟဲလၢပကဟဲစိာ်န့ၢ်သုတၢ်သးခုအကစီၣ်

မၤတၢ် 14:21

စီၤပီလူးဒီးစီၤဘၢ်နါဘၤစံၣ်တဲၤတဲလီၤတၢ်သးခုအကစီၣ် ဖဲဝ့ၢ်ဒ့ၢ်ဘ့ၤဒီးဒုးကဲထီၣ်ပှၤအါဒံအါဂၤလၢအပျဲၢ်အဘီၣ်န့ၣ်လီၤ. အန့ၣ်ဝံၤအလီၢ်ခံအဝဲသ့ၣ်က့ၤကဒါက့ၤဆူဝ့ၢ်လူစတြၤ, ဒီးဆူဝ့ၢ်အံၤကနံၤဒီးဆူဝ့ၢ်အၣ်တံၤအီာ်ဘၣ်ဃးဒီးကီၢ်ပံၤစံၤဒံန့ၣ်လီၤ.

မၤတၢ် 14:7

ဒီးဖဲတၢ်လီၢ်တဖၣ်န့ၣ်, အဝဲသ့ၣ်စံၣ်တဲၤတဲလီၤတၢ်သးခုအကစီၣ်န့ၣ်လီၤ.

မၤတၢ် 16:30

အန့ၣ်ဝံၤ အဝဲဒၣ်ဆှၢထီၣ်အဝဲသ့ၣ်ဆူခိဒီးသံကွၢ်အီၤ, “တၢ်ဒိၣ်သ့ၣ်ဧၢ, ဒ်သိးယကဘၣ်တၢ်အုၣ်က့ၤခီၣ်က့ၤယၤ အဂီၢ်န့ၣ်, ယကဘၣ်မၤမနုၤလဲၣ်.”

မၤတၢ် 27:10

“တံၤသကိးသ့ၣ်ဧၢ, ယထံၣ်လၢပတၢ်လဲၤစးထီၣ်ဖဲအံၤဒီးဆူညါ ကမ့ၢ်တၢ်လၢအလီၤပျံၤလီၤဖုးလီၤ. တၢ်ဟးဂူာ်ဟးဂီၤဒီးတၢ်လီၤမူၤလီၤမၢ်အဒိၣ်အမုၢ်ကအိၣ်ဝဲဒၣ်, တမ့ၢ်ထဲတၢ်ဖိတၢ်လံၤလၢတၢ်ပဒၢးအီၤဒီးကဘီန့ၣ်ဘၣ်. သးသမူတဖၣ်ကလီၤမၢ်ကွံာ်စ့ၢ်ကီးလီၤ.”

မၤတၢ် 27:21

ဖဲပှၤတအီၣ်တၢ်အီတၢ်ယံာ်ထီၣ်ဝဲန့ၣ်, စီၤပီလူးဂဲၤဆၢထၢၣ်လၢအဝဲသ့ၣ်အမဲာ်ညါဒီးစံးဝဲ, “တံၤသကိးသ့ၣ်ဧၢ, သုကြၢးဒိကနၣ်တ့ၢ်ယကလုၢ် ဒီးသုတကြၢးဟးထီၣ်လၢကီးကြ့တ့ၤဘၣ်. သုမ့ၢ်ကနၣ်တ့ၢ် ယကလုၢ်န့ၣ်, ပကပူၤဖျဲးဒီးတၢ်ဟးဂူာ်ဟးဂီၤ, ဒီးတၢ်လီၤမူၤလီၤမၢ်တဖၣ်အံၤခဲလၢာ်လီၤ.

မၤတၢ် 27:25

လၢတၢ်န့ၣ်အဃိ, တံၤသကိးသ့ၣ်ဧၢ, ပာ်ဆူၣ်သုသးတက့ၢ်. အဂ့ၢ်ဒ်အံၤယနာ်ကစၢ်ယွၤလၢတၢ်ကမၤအသးဒ်ယဘၣ် တၢ်စံးဘၣ်တဲဘၣ်ယၤအသိးန့ၣ်လီၤ.

မၤတၢ် 4:24

တုၤပှၤစူၢ်က့ၤနာ်က့ၤတၢ်တဖၣ်နၢ်ဟူဝဲဒီး, အဝဲသ့ၣ်ဃ့ထုကဖၣ်ယွၤလၢသးတဖျၢၣ်ဃီဒီးစံးဝဲ, “ကစၢ်လၢအပၢဘၣ်တၢ်ခဲလၢာ်, ယွၤလၢအတ့လီၤပာ်လီၤမူကပိာ်လိၤ, ဟီၣ်ခိၣ်, ပီၣ်လဲၣ်, ဒီးကယဲၢ်တၢ်လၢအအိၣ်လၢအပူၤခဲလၢာ်, တဂၤဧၢ,

မၤတၢ် 7:26

လၢခံတနံၤအဝဲဒၣ်ထံၣ်ဘၣ်ပှၤအံၣ်စရ့လးဖိခံဂၤအ့ၣ်လိာ် အသး, ဒီးဂုာ်မၤဃူမၤဖိးက့ၤအဝဲသ့ၣ်န့ၣ်လီၤ. အဝဲဒၣ်စံးဝဲ, ‘တံၤသကိးသ့ၣ်ဧၢ, ကနၣ်တက့ၢ်. သုမ့ၢ်ဒီပုၢ်ဝဲၢ်တဖၣ်လီၤ. ဘၣ်မနုၤသုဘၣ်မၤဆူးမၤဆါလိာ်သုသးန့ၣ်လဲၣ်.’

1 ကရံၣ်သူး 8:4

လၢတၢ်န့ၣ်အဃိ, ဘၣ်ဃးဒီးတၢ်အီၣ်လၢအဘၣ်တၢ်လုၢ်ထီၣ် ပာ်ထီၣ်အီၤဆူတၢ်ဂီၤတၢ်ဖီၣ်အအိၣ်န့ၣ်, ပသ့ၣ်ညါလၢတၢ်ဂီၤတဒုပာ်ဖျါထီၣ်တၢ်တမံၤလၢအတအိၣ်နီၢ်နီၢ်ဘၣ် န့ၣ်လီၤ. ပသ့ၣ်ညါပဝဲလၢကစၢ်ယွၤအိၣ်ဝဲထဲတဂၤဧိၤလီၤ.

အ့းဖ့းစူး 4:17

မ့ၢ်လၢတၢ်အံၤအဃိ, လၢကစၢ်အမံၤအပူၤန့ၣ်, ယမၢန့ၢ်ဆီၣ်ခံသုလၢသုသုတအိၣ်မူလၢၤဒ်ပှၤတစူၢ်တနာ်ယွၤလၢ အတၢ်ဆိကမိၣ်ဆိကမးအဘျုးတအိၣ်ဘၣ်တဖၣ်အသိးန့ၣ်တဂ့ၤ.

လံာ်သိၣ်လီၤသီလီၤတၢ် 32:21

အဝဲသ့ၣ်မၤသးဒိၣ်ထီၣ်ယၤဒီးအတၢ်ဂီၤတၢ်ဖီၣ်တဖၣ်လၢအဘှီဝဲ, မၤသးက့ၣ်ယၤလၢကစၢ်ဒ်န့ၣ်အသိးတဖၣ်, ကစၢ်တဖၣ်လၢတမ့ၢ်ဘၣ်ကစၢ်အမ့ၢ်အတီတဖၣ်ဘၣ်န့ၣ်လီၤ. လၢတၢ်န့ၣ်အဃိ, ယကသူပှၤဒ်န့ၣ်အသိးတကလုာ်လၢကမၤသးဒိၣ်ထီၣ် အဝဲသ့ၣ်, ယကဒုးသးက့ၣ်အဝဲသ့ၣ်လၢပှၤကလုာ်လၢအမ့ၢ်ပှၤဟးဂီၤဖိတဖၣ်န့ၣ်လီၤ.

လံာ်သိၣ်လီၤသီလီၤတၢ် 5:26

မ့ၢ်ပှၤတဂၤဂၤအိၣ်မူဒံးဝဲ, ဖဲအနၢ်ဟူဘၣ်ကစၢ်ယွၤလၢအမူဝဲ ကတိၤတၢ်လၢမ့ၣ်အူအကျါဝံၤအလီၢ်ခံန့ၣ်ဧါ.

၁ သ့းစၤလနံ 1:9

ပှၤခဲလၢာ်န့ၣ်စံးကတိၤတၢ်ဘၣ်ဃးသုတၢ်တူၢ်လိာ်မုာ်ပှၤဖဲ ပလဲၤအိၣ်သကိးသုအဆၢကတီၢ်, ဒီးဘၣ်ဃးသုတၢ်ဃၣ်ကွံာ်သုသးလၢတၢ်ဂီၤတၢ်ဖီၣ်ဒီးသုတၢ်ဃၣ် ကဒါက့ၤသုသးဆူကစၢ်ယွၤအအိၣ်, ဒ်သိးသုကမၤကစၢ်ယွၤလၢအတီဒီးမူဝဲတဂၤအတၢ်,

၁ တံၤမသ့း 3:15

ဘၣ်ဆၣ်ဒီးယမ့ၢ်ဘၣ်တံာ်တာ်ဘၣ်ဖုးန့ၣ်, လံာ်ပရၢအဝဲအံၤကဒုးသ့ၣ်ညါနၤလၢပဂ့ၤအိၣ်မူဒ်လဲၣ်ဒ် လဲၣ်လၢကစၢ်ယွၤအဒူၣ်ပူၤထၢပူၤ, လၢအမ့ၢ်ကစၢ်ယွၤလၢအမူဝဲတဂၤအတၢ်အိၣ်ဖှိၣ်, ဟံၣ်ထူၣ်ဒီးတၢ်ပၢၢ်ဃာ်လၢအစိာ်ဂၢၢ်စိာ်ကျၢၤတၢ်မ့ၢ် တၢ်တီန့ၣ်လီၤ.

ဧ့ၤဘြံၤ 3:12

ယဒီပုၢ်ဝဲၢ်သ့ၣ်ဧၢ, ပလီၢ်သုသးဒ်သိးပှၤလၢသုကျါအသုတအိၣ်ဒီးသးလၢ အအၢဝဲဒီးအတစူၢ်တနာ်ဘၣ်တၢ်တုၤအကဃၣ်ကွံာ်အသး လၢကစၢ်ယွၤလၢအမူဝဲဒီးဟ့ၣ်တၢ်မူတဂၤအအိၣ်နီတဂၤ တဂ့ၤအဂီၢ်န့ၣ်တက့ၢ်.

ယၤကိာ် 5:17

ဝံအ့ၤလံယၤမ့ၢ်ပှၤဒ်နၤယၤအသိးန့ၣ်လီၤ. အဝဲဘါထုကဖၣ်တၢ်သပှၢ်ပှၢ်ဒ်သိးတၢ်သုတဟဲစူၤတဂ့ၤဒီးလၢသၢ နံၣ်ဃုလါအတီၢ်ပူၤန့ၣ်, တၢ်တဟဲစူၤလီၤလၢဟီၣ်ခိၣ်အလိၤဘၣ်.

လံာ်စီၤယိၤၡူ 3:10

ဖဲသုလဲၤထီၣ်ဆူညါဒီး, အဝဲကနီၣ်ထီၣ်ကွံာ်ပှၤကနၤဧၣ်ဖိ, ပှၤဃ့ၤသးဖိ, ပှၤဃံၤဝံဖိ, ပှၤပရးစၤဖိ, ပှၤကံၢ်ကၣ်ဖိ, ပှၤအမိၢ်ဖိ, ဒီးပှၤယဘူၣ်ဖိတဖၣ်သပှၢ်ကတၢၢ်န့ၣ်လီၤ. ဒီးသုကသ့ၣ်ညါလၢကစၢ်ယွၤလၢအမူဝဲတဂၤအိၣ်လၢသုကျါ,

လံာ်လီၣ်ဖျါ 14:7

အဝဲကတိၤတၢ်လၢအကလုၢ်ဖးဒိၣ်, “ပျံၤကစၢ်ယွၤ ဒီးမၤလၤကပီၤအီၤဒီးစံးထီၣ်ပတြၢၤအတၢ်ဒိၣ်တၢ်မုၢ် တက့ၢ်. အဂ့ၢ်ဒ်အံၤ, တၢ်ဆၢကတီၢ်ဟဲတုၤလံဝဲလၢ အဝဲဒၣ်ကဘၣ်စံၣ်ညီၣ်ပှၤဟီၣ်ခိၣ်ဖိလံ. ဘူၣ်ထီၣ်ဘါထီၣ်အဝဲလၢအတ့လီၤမူခိၣ်, ဟီၣ်ခိၣ်, ပီၣ်လဲၣ်, ဒီးထံမူထီၣ်ပၢၢ်တဖၣ်န့ၣ်တက့ၢ်.”

လံာ်လီၣ်ဖျါ 19:10

ယထိၣ်လီၤပှီၤယသးလၢအဝဲဒၣ်အမဲာ်ညါဒ်သိးယကဘူၣ် ထီၣ်ဘါထီၣ်အီၤ, ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ, ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤ ဒီးနၤ, ဒီးနဒီပုၢ်ဝဲၢ်တဖၣ်, ကယဲၢ်ပှၤသ့ၣ်တဖၣ်လၢအဟံးဃာ်တၢ်မ့ၢ်တၢ်တီလၢ ယ့ၣ်ၡူးလီၣ်ဖျါဝဲန့ၣ်လီၤ. ဘူၣ်ထီၣ်ဘါထီၣ်ကစၢ်ယွၤတက့ၢ်.” အဂ့ၢ်ဒ်အံၤတၢ်မ့ၢ်တၢ်တီလၢယ့ၣ်ၡူးလီၣ်ဖျါထီၣ်ဝဲန့ၣ် မ့ၢ်တၢ်လၢအထိၣ်ဟူးထိၣ်ဂဲၤဝံတဖၣ်န့ၣ်လီၤ.

လံာ်လီၣ်ဖျါ 19:19

တုၤနုၤတစုယထံၣ်တၢ်ဒူတၢ်ဃိၤတဒုန့ၣ်ဒီးဟီၣ်ခိၣ် အစီၤပၤတဖၣ်, ဒီးအဝဲသ့ၣ်အသုးမုၢ်သံၣ်ဘိတဖၣ်ပာ်ဖှိၣ်ထီၣ်အသးဒ်သိး အကဒုးတၢ်ထီဒါပှၤတဂၤလၢအဒိးကသ့ၣ်န့ၣ်, ဒီးထီဒါ အဝဲဒၣ်အသုးမုၢ်န့ၣ်လီၤ.

လံာ်လီၣ်ဖျါ 22:9

ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ. ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤဒ်နၤဒီးနဒီပုၢ်ဝဲၢ်, ဝံတဖၣ်, ဒီးကယဲၢ်ပှၤသ့ၣ်တဖၣ်လၢအစူၢ်တၢ်စံးတၢ်ကတိၤ တဖၣ်လၢလံာ်တဘ့ၣ်အံၤအပူၤန့ၣ်လီၤ. ဘူၣ်ထီၣ်ဘါထီၣ် ကစၢ်ယွၤတက့ၢ်.”

လံာ်လီၣ်ဖျါ 4:11

“ပကစၢ်ဒီးကစၢ်ယွၤဧၢ, နကြၢးဝဲဘၣ်ဝဲ လၢနကဒိးန့ၢ်ဘၣ်တၢ်လၤကပီၤ, တၢ်ယူးယီၣ်, ဒီးတၢ်စိတၢ်ကမီၤလီၤ. အဂ့ၢ်ဒ်အံၤ, နတ့လီၤပာ်လီၤတၢ်ခဲလၢာ်, ဒီးလၢနတၢ်ဘၣ်နသးအဃိ အဝဲသ့ၣ်ဘၣ်တၢ်ဟ့ၣ်အီၤ တၢ်အိၣ်မူဒီးတၢ်မူန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 12:21

ပိာ်ထွဲကစၢ်အကဘျံးကဘျၣ်တဖၣ်အခံတဂ့ၤ. အဝဲသ့ၣ်မၤစၢၤသုမ့ၢ်ဂ့ၤ, အုၣ်က့ၤခီၣ်က့ၤသုမ့ၢ်ဂ့ၤတသ့ဘၣ်. အဂ့ၢ်ဒ်အံၤ, အဝဲသ့ၣ်တမ့ၢ်တၢ်နီၢ်နီၢ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 17:26

စီၤဒၤဝံးသံကွၢ်ပှၤတဖၣ်လၢအအိၣ်ဘူးဒီးအီၤ, “ပှၤတဂၤလၢအမၤသံပှၤဖလ့ၡသးဖိတဂၤန့ၣ်ဒီးမၤသဘျ့ထီၣ် ပှၤအံၣ်စရ့လးဖိလၢတၢ်ဒုၣ်ဒွဲၣ်အံၤန့ၣ်ကမၤန့ၢ်တၢ်မနုၤ လဲၣ်. ဝံၤဒီးပှၤဖလ့ၡသးဖိလၢအတစူၢ်တနာ်ယွၤဒီးထီဒါကစၢ်ယွၤလၢ အမူဝဲတဂၤအသုးမုၢ်န့ၣ်မ့ၢ်မတၤတဂၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:36

ယမၤသံတ့ၢ်ခ့ယုၢ်တဖၣ်, တၤသူတဖၣ်ဒီးယကမၤတၢ်တမံၤဃီလၢပှၤ တစူၢ်တနာ်တၢ်ပှၤဖလ့ၡသးဖိတဂၤအံၤလၢအခီၣ်ဆၢ ကစၢ်ယွၤလၢအမူဝဲတဂၤအသုးမုၢ်န့ၣ်လီၤ.”